நீங்கள் தேடியது "எழும்பூர் மாஜிஸ்திரேட்"

வழக்கறிஞர் சுனந்தா என்பவர் கடந்த அக்டோபர் மாதம் இருசக்கர வாகனத்தில் செல்லும்போது கார் மோதி உயிரிழந்தார். இந்த விபத்து வழக்கில் இருவர் கைது செய்யப்பட்டு ஜெயிலில் அடைக்கப்பட்டனர். இருவரும் ஜாமீன் கோரி எழும்பூர் நீதிமன்றத்தில் மனுதாக்கல் செய்தனர்.

அப்போது இருவருக்கும் கோர்ட் ஜாமீன் வழங்கியது. இதை எதிர்த்து சுனந்தா கணவர் உயர்நீதிமன்றத்தில் வழக்கு தொடர்ந்தார். இதை அவசர வழக்காக ஏற்றுக்கொண்ட உயர்நீதிமன்றம் ஜாமீனுக்கு இடைக்கால தடைவிதித்தது. இதற்கிடையே இருவரும் ஜாமீனில் வெளிவந்தனர்.

இதனால் சுனந்தா கணவர் உயர்நீதிமன்றத்தின் உத்தரவு பின்பற்றப்படவில்லை என அவமதிப்பு வழக்கு தொடர்ந்தார். இந்த வழக்கை விசாரித்த சென்னை உயர்நீதிமன்றம், ‘‘எழும்பூர் மாஜிஸ்திரேட் மற்றும் சைதாப்பேட்டை கிளைச்சிறை கண்காணிப்பாளர் ஆகியோர் நாளை 2.15 மணிக்கு கோர்ட்டில் ஆஜராக வேண்டும்’’ என்று சம்மன் அனுப்பியுள்ளது.