நீங்கள் தேடியது "ஒடிசா சட்டசபை தேர்தல்"

புவனேசுவரம்:

பாராளுமன்ற தேர்தலுடன் ஒடிசா சட்டசபைக்கும் தேர்தல் நடக்கிறது. இங்கு 4-ம் கட்ட தேர்தல் 29-ந் தேதி நடக்கிறது.

இங்கு பர்சானா, நிமாபாரா ஆகிய 2 தொகுதிகளில் காங்கிரஸ் வேட்பாளர்களாக சீதாகந்த் மோகபத்ரா, சத்யபிராத் பத்ரா ஆகியோர் அறிவிக்கப்பட்டிருந்தனர். வேட்பு மனு தாக்கலுக்கு நேற்று கடைசி நாள்.

இந்த நிலையில், இவர்கள் இருவரும் போட்டியிட முடியாது என நேற்று முன்தினம் இரவு திடீரென மறுத்து விட்டனர்.

அதைத் தொடர்ந்து அவ்விரு தொகுதிகளில் புதிய வேட்பாளர்களாக அஜய் சமால், திலீப் நாயக் ஆகியோர் அறிவிக்கப்பட்டு, நேற்று கடைசி நேரத்தில் வேட்பு மனு தாக்கல் செய்தனர். ஏற்கனவே ஒடிசா சட்டசபை தேர்தலில் காங்கிரஸ் வேட்பாளர்களாக அறிவிக்கப்பட்டிருந்த 4 பேர் போட்டியிட மறுத்து விட்டது நினைவுகூரத்தக்கது. #Congress #CongressCandidate #Odisha 

புவனேஸ்வர்:

ஒடிசா மாநில சட்டசபைக்கான தேர்தலில் 147 தொகுதிகளுக்கு ஏப்ரல் 11-ம் தேதி தொடங்கி நான்கு கட்டங்களாக வாக்குப்பதிவு நடைபெறுகிறது.

இந்த தேர்தலில் ஆட்சியை மீண்டும் பிடிக்க முதல் மந்திரி நவீன் பட்நாயக் தலைமையிலான பிஜு ஜனதா தளம் தீவிரம் காட்டி வருகிறது.

இந்நிலையில், பிஜு ஜனதா தளம் கட்சி தலைவரும் அம்மாநில முதல் மந்திரியுமான நவீன் பட்நாயக் ஹின்ஜிலி, பிஜெப்பூர் ஆகிய இரு தொகுதிகளில் போட்டியிடுவார் என இன்று அறிவிக்கப்பட்டுள்ளது. #NaveenPatnaik #Odishaassemblypolls

புவனேஷ்வர்:

ஒடிசா மாநிலத்தில் நவீன் பட்நாயக் தலைமையில் பிஜூ ஜனதாதளம் ஆட்சி நடைபெற்று வருகிறது.

147 தொகுதிகளை கொண்ட அந்த மாநிலத்துக்கு அடுத்த ஆண்டு சட்டசபை தேர்தல் நடக்கிறது. பாராளுமன்றத் தேர்தலோடு அங்கு சட்ட சபை தேர்தலும் நடத்தப்படலாம் என்று எதிர்பார்க்கப்படுகிறது.

ஒடிசா மாநிலத்தில் ஆட்சியை பிடிக்கும் ஆர்வத்துடன் பா.ஜனதா இருக்கிறது. இதற்காக பா.ஜனதா மேலிடம் அங்கு அடிமட்டத்தில் இருந்து கட்சியை பலப்படுத்தி வருகிறது.

இந்த நிலையில் பா.ஜனதா தலைவர் அமித்ஷா ஒருநாள் பயணமாக ஒடிசா சென்றார். அங்கு அவருக்கு சிறப்பான வரவேற்பு அளிக்கப்பட்டது.

2,400-க்கும் மேற்பட்ட பஞ்சாயத்து அளவிலான உறுப்பினர்களை அவர் சந்தித்து ஆலோசனை செய்தார். கட்சி வளர்ச்சி பணிகள் குறித்து மூத்த நிர்வாகிகளிடம் அமித்ஷா விரிவாக விவரித்தார்.

ஒடிசா மாநிலத்தில் பா.ஜனதா அமோக வெற்றி பெற்று ஆட்சி அமைக்கும் என்று அமித்ஷா நம்பிக்கை தெரிவித்துள்ளார். இது தொடர்பாக அவர் கூறிய தாவது:-

நவீன் பட்நாயக் அரசு அனைத்து துறைகளிலும் தோல்வி அடைந்துவிட்டது. இந்துக்களை பாதுகாக்க இந்த அரசு தவறிவிட்டது.

2019 ஆண்டு நடைபெறும் பாராளுமன்ற தேர்தலிலும், ஒடிசா சட்டசபை தேர்தலிலும் பா.ஜனதா வெற்றி பெறும். மொத்தம் உள்ள 147 தொகுதிகளில் 120 இடங்களில் வெற்றி பெறுவோம்.

இவ்வாறு அமித்ஷா கூறியுள்ளார். #BJP #AmitShah