நீங்கள் தேடியது "கனடா இந்தியவாழ் தம்பதி"

டொராண்டோ:

கனடாவில் ஆன்டாரியோவில் உள்ள ஹாமில்டனில் வால்மார்ட் மையத்துக்கு இந்திய தம்பதி வந்திருந்தனர். அங்கு அவர்கள் தங்களது வாகனத்தை நிறுத்தியிருந்தனர்.

பொருட்கள் வாங்கிய பின் வீடு திரும்ப வாகனத்தை எடுக்க வந்தனர். அப்போது அங்கு இருந்த வெள்ளைக்காரர் டேல் ராபர்ட்சன் (47) என்பவருக்கும் இவர்களுக்கும் இடையே தகராறு ஏற்பட்டது.

அப்போது டேல்ராபர்ட்சன் இந்திய தம்பதிக்கு இனவெறி மிரட்டல் விடுத்தார். நான் கனடாவை சேர்ந்தவன். எனக்கு தான் இங்கு இருக்க உரிமை உள்ளது. உங்களை எனக்கு பிடிக்கவில்லை. இங்கிருந்து வெளியேறி உங்கள் நாட்டுக்கு செல்லுங்கள். இல்லாவிட்டால் உங்களது குழந்தைகளை கொல்வோம் என மிரட்டல் விடுத்தார்.

இந்த வீடியோ யூடியூப், பேஸ்புக் என சமூக வலைதளங்களில் வைரலாக பரவி பரபரப்பை ஏற்படுத்தியுள்ளது. இந்திய தம்பதி கனடாவில் குடியேறி 8 ஆண்டுகள் ஆகிறது. இவர்களுக்கு கனடா குடியுரிமை வழங்கப்பட்டுள்ளது.