நீங்கள் தேடியது "சேகர் ரெட்டி"

புதுடெல்லி:

சி.பி.ஐ. இயக்குனர் அலோக்வர்மா, சிறப்பு இயக்குனர் ராகேஷ் அஸ்தானா ஆகியோர் லஞ்சப் புகார் காரணமாக நீக்கப்பட்டு கட்டாய விடுப்பில் செல்ல உத்தரவிடப்பட்டது.

புதிய சி.பி.ஐ. இயக்குனராக தற்காலிகமாக இணை இயக்குனராக இருந்த நாகேஷ்வரராவ் நியமிக்கப்பட்டுள்ளார். அதிகாலையில் பதவி ஏற்ற அவர் அடுத்தடுத்து பல நடவடிக்கைகளை எடுத்தார். அலோக் வர்மா மற்றும் அஸ்தானா மீதான ஊழல் புகார்கள் பற்றி விசாரிக்க புதிய குழுவை நியமித்தார்.

மேலும் 14 அதிகாரிகளை அதிரடியாக இடம் மாற்றம் செய்தும் உத்தரவிட்டார். சி.பி.ஐ.யில் ஏற்பட்ட அதிரடி மாற்றங்கள் நாடு முழுவதும் பரபரப்பை ஏற்படுத்தியது.

அதிரடி நடவடிக்கையின் கதாநாயகனான நாகேஷ்வர ராவ் தெலுங்கானா மாநிலத்தைச் சேர்ந்தவர். வாரங்கல் மாவட்டம் மங்க பேட்டா மண்டலம் போரு நர்சாபுரம் என்ற குக்கிராமத்தில் பிறந்தார். விவசாய குடும்பத்தை சேர்ந்தவர்.

மங்கபேட்டா அரசு பள்ளியில் 10-ம் வகுப்பு வரை படித்தார். ஐதராபாத் உஸ்மானியா பல்கலைக்கழகத்தில் பட்ட மேற்படிப்பு படித்துக் கொண்டு இருந்த போது சிவில் சர்வீஸ் தேர்வு எழுதி ஐ.பி.எஸ். பணிக்கு தேர்வு செய்யப்பட்டார்.

ஒடிசாவில் பணி நியமனம் செய்யப்பட்ட பின்னர் சத்தீஸ்கர் மாநிலத்தில் பெரும்பாலும் பணியாற்றினார். ஒடிசா மாநில டி.ஐ.ஜி.யாகவும் பதவி வகித்தார். கடந்த 2015-ம் ஆண்டு சென்னையில் உள்ள தென் மண்டல சி.பி.ஐ. இணை இயக்குனராக நியமிக்கப்பட்டார்.


காண்டிராக்டர் சேகர் ரெட்டி வீட்டில் நடந்த சோதனையிலும் பணம், நகைகள் கைப்பற்றப்பட்டது. முன்னதாக தமிழக சட்டசபை தேர்தலின்போது நடந்த சோதனையும் தமிழகத்தையே உலுக்கி எடுத்தது. இதன் காரணமாக அரவக்குறிச்சி, தஞ்சாவூர் தொகுதி தேர்தல்கள் தள்ளி வைக்கப்பட்டன.

இவை அனைத்தும் அ.தி.மு.க. ஆதரவைப் பெறுவதற்காக பா.ஜனதா நடத்தியது என்று அரசியல் ரீதியாக குற்றம் சாட்டப்பட்டது. இதில் நாகேஷ்வரராவ் முக்கிய பங்கு வகித்தார் என்றும் தற்போது தகவல் வெளியாகி உள்ளது. #CBIDirector #NageswaraRao

சென்னை :

தமிழக அரசின் பிரபலமான ஒப்பந்ததாரராக இருந்தவர் சேகர் ரெட்டி. அவருக்கு முதல்வர் எடப்பாடி பழனிச்சாமி துணை முதல்வர் பன்னீர் செல்வம் உள்ளிட்ட மூத்த அமைச்சர்கள் பலருடன் நெருக்கமான தொடர்பு இருந்தது.

கடந்த ஆண்டு பணமதிப்பிழப்பு நடவடிக்கைகள் மேற்கொள்ளப்பட்ட போது இந்தியா முழுவதும் பல்வேறு பிரபலங்கள் மற்றும் தொழிலதிபர்களின் வீடுகளில் சி.பி.ஐ அதிகாரிகள் சோதனை செய்தனர்.

சென்னையில் இருக்கும் சேகர் ரெட்டியின் வீடு மற்றும் அலுவலகங்களில் கடந்த 2016-ம் ஆண்டு நடந்த சோதனையில் ரூ.9.5 கோடி மதிப்பிலான புதிய 2 ஆயிரம் ரூபாய் நோட்டுகள் மற்றும் பெருமளவு தங்க கட்டிகள் கைப்பற்றப்பட்டன. இது தொடர்பாக சேகர் ரெட்டி மீது சி.பி.ஐ வழக்கு பதிவு செய்தது.

அவரது வீடு மற்றும் அலுவலகங்களில் புதிய 2 ஆயிரம் ரூபாய் நோட்டுக்கள் கைப்பற்றப்பட்டது தொடர்பாக சேகர் ரெட்டி, பிரேம் குமார், ஸ்ரீனிவாசலு, ராமச்சந்திரன், ரத்தினம் என 5 பேர் மீது பதியப்பட்ட 3 எப்ஐஆர் பதிவுகளில் 2 எப்ஐஆர் பதிவுகளை ரத்து செய்ய வேண்டும் என சேகர் ரெட்டி தரப்பு சென்னை உயர்நீதிமன்றத்தில் மனு தாக்கல் செய்திருந்தது.

இந்நிலையில், இன்று விசாரணைக்கு வந்த இந்த வழக்கில் ஒரே குற்றத்திற்காக பதியப்பட்ட 3 எப்.ஐ.ஆர்.களில் 2வது மற்றும் 3வது எப்.ஐ.ஆர் பதிவுகளை ரத்து செய்து நீதிமன்றம் இன்று உத்தரவிட்டுள்ளது.

இந்த வழக்கில் முதல் எப்.ஐ.ஆர் பதிவின் அடிப்படையில் சேகர் ரெட்டியிடம் தொடர்ந்து விசாரணை நடைபெறும் என நீதிபதி தெரிவித்துள்ளார்.