நீங்கள் தேடியது "ஜீப் இந்தியா"

2019 ஜீப் ராங்லர் விரைவில் இந்தியாவில் அறிமுகம் செய்யப்பட இருக்கும் நிலையில், இந்த மாடல் சோதனை செய்யப்படும் புகைப்படங்கள் பலமுறை இணையத்தில் லீக் ஆகி இருக்கிறது. முன்னதாக அன்லிமிட்டெட் மற்றும் சஹாரா ட்ரிம்கள் லீக் ஆகியிருந்த நிலையில், தற்சமயம் ரூபிகான் வேரியன்ட் லீக் ஆகியுள்ளது.

நான்காம் தலைமுறை ஜீப் ராங்லர் ரூபிகான் மாடலில் மூன்று கதவுகள் காணப்படுகின்றன. ஜீப் வாகனம் ஆஃப்-ரோடிங் வசதிகளுக்கு பிரபலமானவையாக இருக்கின்றன. அந்த வரிசையில் ராங்கலர் மாடல் முதன்மையான ஒன்றாக இருக்கிறது. மூன்று கதவுகள் கொண்ட ரூபிகான் மாடல் ARAI ஸ்டிக்கர்களுடன் காணப்பட்டிருப்பதே இது சோதனை செய்யப்படுவதை உறுதி செய்திருக்கிறது.

புதிய ஜீப் மாடலின் உள்புறம் எல்.சி.டி. இன்ஸ்ட்ரூமென்ட் கிளஸ்டர், டூயல்-சோன் கிளைமேட் கண்ட்ரோல், தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார் பிளே மற்றும் ஆண்ட்ராய்டு ஆட்டோ போன்ற வசதிகளை கொண்டிருக்கும் என கூறப்படுகிறது.

ஜீப் ராங்லர் ரூபிகான் மாடலில் 3.0 லிட்டர் வி6 டீசல் என்ஜின் வழங்கப்படலாம். இந்த என்ஜின் 259 பி.ஹெச்.பி. பவர், 600 என்.எம். டார்க் செயல்திறன் வழங்குகிறது. இத்துடன் 3.6 லிட்டர் வி6 பெட்ரோல் என்ஜின் 285 பி.ஹெச்.பி. பவர், 325 என்.எம். டார்க் செயல்திறன் வழங்குகிறது. இரு என்ஜின்களும் 8-ஸ்பீடு ஆட்டோமேடிக் டிரான்ஸ்மிஷன் உடன் வரும் என தெரிகிறது.

புதிய ஜீப் ராங்லர் விலை தற்சமயம் இந்தியாவில் விற்பனையாகும் மாடல்களை விட அதிகமாக நிர்ணயம் செய்யப்படலாம். தற்போதைய மாடல்கள் ரூ.58.74 லட்சம் முதல் ரூ.67.60 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

புகைப்படம் நன்றி: ZigWheels

ஜீப் இந்தியா நிறுவனம் காம்பஸ் எஸ்.யு.வி. மாடலின் புதிய வேரியன்ட்டை இந்தியாவில் அறிமுகம் செய்துள்ளது. ஜீப் காம்பஸ் லிமிட்டெட் பிளஸ் என அழைக்கப்படும் புதிய கார் ஏற்கனவே இந்தியாவில் விற்பனையாகும் ஜீப் காம்பஸ் எஸ்.யு.வி. டாப் என்ட் வேரியன்ட்டை தழுவி உருவாக்கப்பட்டுள்ளது.

புதிய லிமிட்டெட் பிளஸ் வேரியன்ட் பெட்ரோல் மற்றும் டீசல் இன்ஜின் ஆப்ஷன்களில் கிடைக்கும். பெட்ரோல் வெர்ஷன் 2-வீல் டிரைவ் ஆடிடோமேடிக் வடிவிலும், டீசல் வெர்ஷன் 2-வீல் மற்றும் 4-வீல் டிரைவ் சிஸ்டம் மற்றும் மேனுவல் டிரான்ஸ்மிஷன் ஆப்ஷன்களில் கிடைக்கிறது.

லிமிட்டெட் வேரியன்ட்டில் வழங்கப்பட்டு இருக்கும் மற்ற அம்சங்களை விட புதிய லிமிட்டெட் பிளஸ் வேரியன்ட் பல்வேறு கூடுதல் உபகரணங்களுடன் வழங்கப்பட்டுள்ளது. அறிமுகம் செய்யப்பட்டிருப்பதோடு, புதிய லிமிட்டெட் பிளஸ் வேரியன்ட் முன்பதிவும் துவங்கப்பட்டுள்ளது. முன்பதிவு கட்டணமாக ரூ.50,000 நிர்ணயம் செய்யப்பட்டுள்ள நிலையில், விநியோகம் அக்டோபர் மாத முதல் வாரத்தில் துவங்குகிறது.

புதிய ஜீப் காம்பஸ் லிமிட்டெட் பிளஸ் வேரியன்ட்டில் பானரோமா சன்ரூஃப், 18-இன்ச் அலாய் வீல்கள் கருப்பு நிறத்திலும், அலுமினியம் ஷேட் பாலிஷ் செய்யப்பட்டுள்ளது. இத்துடன் யுகனெக்ட் 8.4 இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம் வழங்கப்பட்டுள்ளது.

புதிய லிமிட்டெட் பிளஸ் மாடலில் ஆட்டோமேடிக் ஹெட்லேம்ப்கள், ரெயின் சென்சிங் வைப்பர்கள், ஆட்டோ-டிம்மிங் ரியர்வியூ மிரர் வழங்கப்பட்டுள்ளது. பாதுகாப்பு அம்சங்களை பொருத்த வரை ஆறு ஏர்பேக் வழங்கப்பட்டுள்ளது. புதிய உபகரணங்கள் மற்றும் அம்சங்கள் தவிர புதிய மாடலின் மெக்கானிக்கல் அம்சங்களில் எவ்வித மாற்றங்களும் மேற்கொள்ளப்படவில்லை. 

அதன்படி ஜீப் காம்பஸ் லிமிட்டெட் பிளஸ் மாடலில் 2.0-லிட்டர் மல்டிஜெட் டீசல் இன்ஜின் மற்றும் 1.3 லிட்டர் மல்டிஏர் பெட்ரோல் இன்ஜின் வழங்கப்பட்டுள்ளது. இதன் டீசல் இன்ஜின் 170 பி.ஹெச்.பி. பவர், 350 என்.எம். டார்கியூ செயல்திறனும், பெட்ரோல் மோட்டார் 160 பி.ஹெச்.பி. பவர், 250 என்.எம். டார்கியூ செயல்திறன் மற்றும் இரண்டு இன்ஜின்களும் 7-ஸ்பீடு ஆட்டோமேடிக் மற்றும் 6-ஸ்பீடு மேனுவல் கியர்பாக்ஸ் வழங்கப்பட்டுள்ளது.

இந்தியாவில் ஜீப் காம்பஸ் லிமிட்டெட் பிளஸ் வேரியன்ட் விலை ரூ.21.07 லட்சம் (எக்ஸ்-ஷோரூம்) முதல் துவங்குகிறது. இதன் டாப்-என்ட் வேரியன்ட் விலை ரூ.22.85 லட்சம்  (எக்ஸ்-ஷோரூம்) என நிர்ணயம் செய்யப்பட்டுள்ளது. #jeepcompass #limitededition

இந்தியாவில் ஜீப் காம்பஸ் பிளாக் பேக் ஸ்பெஷல் எடிஷன் மாடல் அறிமுகமான சில தினங்களில் ஜீப் காம்பஸ் லிமிட்டெட் பிளஸ் வேரியன்ட் ஆன்லைனில் லீக் ஆகியுள்ளது.

வரும் வாரங்களில் விற்பனைக்கு வரலாம் என எதிர்பார்க்கப்படும் நிலையில், ஜீப் காம்பஸ் லிமிட்டெட் பிளஸ் வேரியன்ட் பெயருக்கு ஏற்றார் போல் ஏற்கனவே விற்பனையாகும் ஓ வேரியன்ட்டை தழுவி உருவாக்கப்படுகிறது. இதன் விலை ரூ.20 லட்சத்திற்கும் அதிகமாக நிர்ணயம் செய்யப்படலாம் என எதிர்பார்க்கப்படுகிறது.

புதிய ஜீப் காம்பஸ் மாடல் டூயல்-டோன் நிறங்களில் புதிய ஸ்போர்ட் தோற்றத்துடன் உருவாகியுள்ளது. இதன் சக்கரங்களிலும் டூயல் டோன் ஃபினிஷ் செய்யப்பட்டுள்ளது. சமீபத்திய ஸ்பை படங்களின் படி இந்த எஸ்.யு.வி. மாடலில் ஸ்போர்ட் தோற்றம் கொண்ட பானரோமிக் சன்ரூஃப், பெரிய இன்ஃபோடெயின்மென்ட் கிளஸ்டர் உள்ளிட்டவை வழங்கப்பட்டுள்ளது.

புகைப்படம் நன்றி: TeamBHP

இத்துடன் ஓட்டுனர் மற்றும் முன்பக்க இருக்கைகளை பவர் அட்ஜஸ்ட் செய்யக்கூடிய வசதி வழங்கப்படுகிறது. மற்ற அம்சங்கள் ஜீப் காம்பஸ் ஓ வேரியன்ட்டில் உள்ளதை போன்றே வழங்கப்படலாம் என எதிர்பார்க்கப்படுகிறது.

மெக்கானிக்கல் அம்சங்களை பொருத்த வரை காம்பஸ் லிமிட்டெட் பிளஸ் மாடலிலும் பெட்ரோல் ஆட்டோ அல்லது டீசல் மேனுவல் (2wd அல்லது 4wd) ஆப்ஷனுடன் வழங்கப்படலாம் என கூறப்படுகிறது. இதில் 2.0 லிட்டர் 4-சிலிண்டர் டீசல் இன்ஜின் வழங்கப்படுகிறது. இந்த இன்ஜின் 171 பி.ஹெச்.பி. பவர், 350 என்.எம். டார்கியூ செயல்திறன் கொண்டிருக்கிறது.

பெட்ரோல் வேரியன்ட்டில் 1.4 லிட்டர் டர்போசார்ஜ்டு இன்ஜின் வழங்கப்படுகிறது. இந்த இன்ஜின் 160 பி.ஹெச்.பி. பவர், 250 என்.எம். டார்கியூ செயல்திறன் வழங்குகிறது. இரண்டும் டாப்-என்ட் வேரின்ட் என்பதால் டீசல் வேரியன்ட்டில் 6-ஸ்பீடு மேனுவல் கியர்பாக்ஸ், பெட்ரோல் வேரியன்ட்டில் ஆட்டோமேடிக் டிரான்ஸ்மிஷன் கொண்டிருக்கும் என கூறப்படுகிறது.

ஜீப் இந்தியா நிறுவனம் புதிய காம்பஸ் பிளாக் பேக் எடிஷன் காரை இந்தியாவில் அறிமுகம் செய்துள்ளது. பண்டிகை காலத்தை முன்னிட்டு அறிமுகம் செய்யப்பட்டு இருக்கும் புதிய பிளாக் பேக் எடிஷன் டாப் என்ட் வேரியன்ட்டில் மட்டுமே கிடைக்கிறது. 

பிளாக் பேக் எடிஷனில் வெளிப்புறம் மற்றும் உள்புறத்தில் ஸ்போர்ட் தோற்றம் கொண்டிருக்கிறது. ஜீப் இந்தியா நிறுவனத்திற்கு காம்பஸ் மாடல் இந்தியாவில் அதிகம் விற்பனையாகும் மாடல்களில் ஒன்றாக இருக்கிறது. அந்த வகையில் விற்பனையை மேலும் அதிகப்படுத்த இந்த மாடல் அறிமுகம் செய்யப்பட்டிருக்கலாம் என கூறப்படுகிறது.

வெளிப்புறத்தில் ஜீப் காம்பஸ் பிளாக் பேக் எடிஷனில் பிளாக் நிற ORVMகள், அலாய் வீல்களை கொண்டிருக்கிறது. இந்த எஸ்.யு.வி. மாடலில் டாப்-என்ட் வேரியன்ட்டில் வழங்கப்பட்டு இருக்கும் 17 இன்ச் அலாய் வீல்கள் வழங்கப்பட்டுள்ளது. இதன் மேற்கூரையும் கருப்பு நிறம் கொண்டிருக்கிறது.

வோக்கல் மைன், மினிமல் கிரே மற்றும் மக்னீசியோ கிரே என மூன்று வித நிறங்களில் கிடைக்கிறது. இதன் உள்புறம் முற்றிலும் புதிய கருப்பு நிற தீம் கொண்டுள்ளது. இது ஜீப் காம்பஸ் ஸ்டான்டர்டு வேரியன்ட்டில் வழங்கப்பட்டு இருக்கும் டூயல் டோன் தீமிற்கு மாற்றாக அமைந்துள்ளது. இதன் கேபினை பொருத்த வரை ஸ்டீரிங் வீல், இன்ஸ்ட்ரூமென்ட் கிளஸ்டர், சென்ட்டர் கன்சோல் மற்றும் கதவுகளில் க்ரோம் அக்சென்ட்கள் வழங்கப்பட்டுள்ளது.

பிளாக் பேக் எடிஷனில் 2-லிட்டர், 4-சிலிண்டர் டீசல் இன்ஜின் வழங்கப்பட்டுள்ளது. இந்த இன்ஜின் 173 பி.ஹெச்.பி. பவர், 350 என்.எம். டார்கியூ செயல்திறன் மற்றும் 6-ஸ்பீடு மேனுவல் கியர்பாக்ஸ் கொண்டுள்ளது. இதன் வடிவமைப்பு ஸ்டான்டர்டு மாடலை போன்றே வழங்கப்பட்டுள்ளது.

இந்தியாவில் ஜீப் காம்பஸ் பிளாக் பேக் எடிஷன் விலை ரூ.20.59 லட்சம் (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது.

 

ஃபியாட் க்ரிஸ்லர் ஆட்டோமொபைல் நிறுவனம் புதிய ஜீப் காம்பஸ் பெட்ராக் லிமிடெட் எடிஷன் கார் இந்தியாவில் வெளியிட்டிருக்கிறது. இந்தியாவில் அறிமுகமான ஒரே வருடத்தில் 25,000 ஜீப் காம்பஸ் யூனிட் விற்பனையானதை தொடர்ந்து புதிய லிமிடெட் எடிஷன் அறிமுகம் செய்யப்பட்டுள்ளது.

இந்தியாவில் அறிமுகமானது முதல் ஜீப் காம்பஸ் தரம் மற்றும் டிரைவபிலிட்டி உள்ளிட்ட காரணங்களுக்காக வாடிக்கையாளர்கள் மத்தியில் நல்ல வரவேற்பை பெற்றிருக்கிறது. 

புதிய பெட்ராக் எடிஷன் மாடலில் காஸ்மெடிக் மாற்றங்கள் செய்யப்பட்டுள்ளது. இதன்படி புதிய மாடலில் 16-இன்ச், கிளாஸ் பிளாக் அலாய் வீல், பிளாக் ரூஃப் ரெயில்கள் மற்றும் மிரர் கவர்கள் வழங்கப்பட்டுள்ளது. 

இத்துடன் புதிய சைடு ஸ்டெப் இன்க்ரெஸ் மற்றும் எக்ரஸ், காரில் நீலவாக்கில் டீக்கல்ள் மற்றும் முன்புற ஃபென்டர்களில் பெட்ராக் பேட்ஜிங் செய்யப்பட்டுள்ளது. 

இதன் சீட் கவர்களில் பெட்ராக் பிரான்டிங் மற்றும் பிரத்யேக மேட்கள் மற்றும் ரிவர்ஸ் கேமரா உள்ளிட்டை வழங்கப்பட்டுள்ளது. இத்துடன் 2-லிட்டர், 173 பிஎஸ் டீசல் இன்ஜின் 6-ஸ்பீடு மேனுவல் டிரான்ஸ்மிஷன் வழங்கப்பட்டிருக்கிறது. எனினும் 4x2 டிரைவ் மட்டுமே கிடைக்கிறது.

இந்தியாவில் ஜீப் காம்பஸ் பெட்ராக் லிமிடெட் எடிஷன் விலை ரூ.17.53 லட்சம் (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது.

வாஷிங்டன்:

ஜீப் நிறுவனத்தின் 2019 ரெனகேடு ஃபேஸ்லிஃப்ட் மாடலின் புகைப்படங்களை அந்நிறுவனம் அதிகாரப்பூர்வமாக வெளியிட்டுள்ளது.

மேம்படுத்தப்பட்ட ஜீப் ரெனகேடு இந்தியாவில் மிக விரைவில் அறிமுகம் செய்யப்படலாம் என எதிர்பார்க்கப்படுகிறது. புதிய ஃபேஸ்லிஃப்ட் ரெனகேடு மாடலில் பல்வேறு காஸ்மெடிக் மாற்றங்கள் செய்யப்பட்டுள்ளது. 

முன்னதாக இந்த மாடலின் டீசர் வெளியிடப்பட்ட நிலையில், தற்சமயம் அறிமுகம் செய்யப்பட்டிருக்கும் அதிகாரப்பூர்வ புகைப்படத்தில் எஸ்யுவி பார்க்க முந்தைய மாடல்களை விட மிக அழகாக காட்சியளிக்கிறது.

2019 ஜீப் ரெனகேடு மாடலில் தலைசிறந்த வடிவமைப்பு கொண்ட முன்பக்க கிரில், எல்இடி ஹெட்லைட், டிஆர்எல்-கள், முன்பக்க பம்ப்பர்கள் சிசல்டு லோவர் செக்ஷன் கொண்டுள்ளது. பின்புறம் புதிய டெயில்லைட்கள், மேம்படுத்தப்பட்ட பின்புற பம்ப்பர்கள் வழங்கப்பட்டுள்ளது.

ரெனகேடு மாடல்களின் சில்ஹௌட் மாற்றப்படவில்லை என்றாலும், 2019 மாடல் முந்தைய மாடல்களை விட அதிக ஸ்போர்ட் தோற்றம் கொண்டுள்ளது. உள்புறத்தில் 2019 ஜீப் ரெனகேடு மாடலில் பல்வேறு மாற்றங்கள் செய்யப்பட்டுள்ள நிலையில், இதுகுறித்த விவரங்கள் வெளியிடப்படவில்லை.

புதிய ரெனகேடு ஃபேஸ்லிஃப்ட் மாடலின் உள்புறம் 2019 செரோக்கி மாடலை தழுவி உருவாக்கப்பட்டிருக்கலாம் என எதிர்பார்க்கப்படுகிறது. 2019 ரெனகேடு மாடலில் 2-லிட்டர் டர்போசார்ஜ் செய்யப்பட்ட பெட்ரோல் இன்ஜின் வழங்கப்பட இருக்கிறது. எனினும் இதன் செயல்திறன் குறித்து எவ்வித தகவலும் இல்லை.

புதுடெல்லி:

இந்தியாவில் நான்கு மீட்டர் அளவு கொண்ட புதிய எஸ்யுவி மாடலை வெளியிட திட்டமிட்டுள்ளதாக ஜீப் இந்தியா தெரிவித்துள்ளது. புதிய எல்யுவி அந்நிறுவனத்தின் என்ட்ரி-லெவல் மாடலாக இருக்கும்.

புதிய என்ட்ரி-லெவல் ஜீப் எஸ்யுவி அடுத்த தலைமுறை ஃபியாட் பான்டா மற்றும் 500 பிளாட்ஃபார்ம் கொண்டிருக்கும். ஃபியாட் க்ரிஸ்லர் ஆட்டோமொபைல்ஸ் பிளாட்ஃபார்மின் படி, பான்டா 4X4 மாடலை தழுவி பாடி மற்றும் உள்புறத்தை ஜீப் தயாரிக்கும் என தெரிவிக்கப்பட்டுள்ளது. 

புதிய எஸ்யுவி ஜீப் வழக்கமான வடிவமைப்புகளுடன் ஆஃப்-ரோடிங் திறன்களை கொண்டிருக்கும். சர்வதேச சந்தையில் 2022-ம் ஆண்டிற்குள் ஜீப் நிறுவனம் நான்கு எலெக்ட்ரிக் மற்றும் பத்து பிளக்-இன் ஹைப்ரிட் மாடல்களை வெளியிட திட்டமிட்டுள்ளது. இத்துடன் 2022-ம் ஆண்டு ராங்களர் பிக்-அப் மற்றும் கிரான்ட் வேகனீர் அறிமுகம் செய்ய திட்டமிட்டுள்ளது.

இந்தியாவில் விற்பனையாகும் பெரும்பாலான எஸ்யுவி மாடல்கள் அளவில் நான்கு மீட்டருக்கும் குறைவாகவே இருக்கிறது. அந்த வகையில் விற்பனையை அதிகரிக்க புதிய என்ட்ரி-லெவல் எஸ்யுவி மாடலை பயன்படுத்திக் கொள்ள ஜீப் திட்டமிட்டுள்ளது. காம்பேக்ட் எஸ்யுவி மட்டுமின்றி மூன்று அடுக்குகள் கொண்ட மிட்-சைஸ் யூடிலிட்டி வாகனத்தை அறிமுகம் செய்யவும் ஜீப் திட்டமிட்டிருக்கிறது.

ஃபியாட் க்ரிஸ்லர் ஆட்டோமொபைல் நிறுவனமும் இந்தியாவை உறுதியான ஏற்றுமதி களமாக பயன்படுத்த திட்டமிட்டுள்ளது. ஜீப் நிறுவன தலைமை செயல் அதிகாரி மைக் மேன்லி கூறும் போது, மகாராஷ்ட்ராவில் உள்ள ஃபியாட் க்ரிஸ்லர் ஆட்டோமொபைல் நிறுவன தயாரிப்பு ஆலையின் தயாரிப்பு திறனை அதிகரிக்கப்படுவதாக தெரிவித்துள்ளார்.

தற்சமயம் இந்த ஆலையில் 1,60,000 யூனிட்கள் தயாரிக்கப்பட்டு வரும் நிலையில், விரைவில் 2,40,000 யூனிட்களை தயாரிக்க ஜீப் திட்டமிடுகிறது. இத்துடன் நாட்டில் தற்சமயம் உள்ள ஜீப் விற்பனையகங்களின் எண்ணிக்கையை இருமடங்கு அதிகரிக்க ஜீப் மிடிவு செய்துள்ளது. இதேபோன்று சர்வீஸ் மையங்களும் அதிகரிக்கப்படுகிறது.