நீங்கள் தேடியது "திருப்பூர் போலீஸ் கமிஷனர்"

சென்னை:

திருப்பூர் போலீஸ் கமிஷனர் உள்பட 4 உயர் போலீஸ் அதிகாரிகளை மாற்றி, தமிழக அரசு நேற்று உத்தரவிட்டது.

அதன் விவரம் வருமாறு:-

* திருப்பூர் போலீஸ் கமிஷனர் எஸ்.மனோகரன் அங்கிருந்து மாற்றப்பட்டு, சென்னை பொருளாதார குற்றப்பிரிவு ஐ.ஜி.யாக நியமிக்கப்பட்டுள்ளார்.

* சென்னை பொருளாதார குற்றப்பிரிவு ஐ.ஜி சஞ்சய்குமார், திருப்பூர் போலீஸ் கமிஷனராக பொறுப்பு ஏற்பார்.

* மதுரை நகர குற்றப்பிரிவு துணை கமிஷனர் ஆர்.ஜெயந்தி, ராஜபாளையம் தமிழ்நாடு சிறப்பு காவல்படை 11-வது பட்டாலியன், கமாண்டராக மாற்றப்பட்டார்.

* ராஜபாளையம் தமிழ்நாடு சிறப்பு காவல்படை 11-வது பட்டாலியன் கமாண்டராக பணியாற்றும் டாக்டர் டி.செந்தில்குமார், மதுரை நகர குற்றப்பிரிவு துணை கமிஷனராக நியமிக்கப்பட்டுள்ளார்.