நீங்கள் தேடியது "தெலுங்கானா மாநிலம்"

திருப்பதி:

தெலுங்கானா மாநிலம் ஐதராபாத்தில் புதிய வகை கலாச்சாரம் பரவி வருகிறது. வயது முதிர்ந்த தாத்தா பாட்டிகள் மீண்டும் திருமணம் செய்து வருகின்றனர்.

தங்கள் பிள்ளைகள் இருந்தாலும், கை நிறைய சம்பாதித்தாலும் மனதிற்கு ஆறுதல் தரும் துணையில்லாத பற்றாக்குறை அவர்களை வாட்டி வதைக்கிறது.

தங்கள் இதயத்துடன் பின்னிப்பிணைந்த உறவை அவர்கள் தேடி வருகிறார்கள். இதனால் தடைகளை தாண்டி வாழ்க்கையில் பயணிக்க தயாராகி வருகின்றனர். திருமணத்துடன் புதிய துணையை தேர்ந்தெடுக்கின்றனர். இதன் மூலம் முதியவர்கள் தனிமையில் படும் வேதனையை அடையாளம் காண முடிகிறது.

கொரோனா காலத்தில் பலர் கணவன், மனைவியை இழந்துள்ளனர். சாலை விபத்து நோய்வாய் படுதலால் தங்கள் துணையை இழந்தவர்களும் உள்ளனர்.

மேலும் சிலர் பிள்ளைகளின் வாழ்க்கையை வடிவமைக்கும் பொறுப்பினால் வேறு திருமணத்தை நினைக்காமல் இருந்துள்ளனர். அவர்கள் தற்போது திருமண உறவை நாடுகின்றனர்.

இதேபோல இளமையில் திருமணம் செய்து கொள்ளாமல் தனிமையில் இருப்பவர்களும் முதுமை காலத்தில் தங்களுக்கு ஒரு துணை வேண்டும் என எண்ணுகின்றனர்.

விவாகரத்து போன்றவற்றால் கணவன் மனைவியை பிரிந்தவர்களும் தற்போது திருமண ஏற்பாடுகளுக்கு தயாராகி வருகின்றனர்.

இப்படி வயது முதிர்ந்த தாத்தா, பாட்டிகளுக்கு திருமணம் செய்து வைப்பதற்காக தனியார் நிறுவனம் ஒன்று சுயம்வரம் நிகழ்ச்சிகளை நடத்தி வருகிறது.

வயதான காலத்தில் திருமணம் செய்ய சில தாத்தா, பாட்டிகள் ஆர்வமாக கலந்து கொள்கிறார்கள் .சில குடும்பங்களில் பிள்ளைகளே தானாக முன்வந்து தங்களுடைய பெற்றோருக்கு திருமணம் செய்து வைக்கின்றனர்.

இந்த சுயம்வரத்தில் கலந்து கொள்ளும் முதியோர்கள் தனியாக சந்தித்து பேசவும் ஏற்பாடு செய்யப்படுகிறது. இரு வீட்டாரும் விரும்பினால் திருமணம் நடத்த ஏற்பாடு செய்கின்றனர்.

இதுபோன்ற வயது முதிர்ந்த திருமணத்தில் சாதி பாகுபாட்டை பலர் பார்ப்பது இல்லை. தனியார் நிறுவனத்தின் இந்த சுயம்வர நிகழ்ச்சியில் ஏராளமானோர் பதிவு செய்து வருகின்றனர்.

இது குறித்து அந்த நிறுவனத்தினர் கூறுகையில்:-

வயதான காலத்தில் எத்தனை வசதிகள் இருந்தாலும் அவள் இல்லையே என்ற குறை பல முதியோர்களுக்கு ஏற்படுகிறது.

தனிமையில் இருப்பவர்கள் மனநலப் பிரச்சனைகளை எதிர்கொள்கின்றனர். ஒவ்வொரு ஆண்டும் ஒரு லட்சம் பேர் வரை மன அழுத்தத்தால் மாரடைப்பால் இறப்பதாக ஆய்வுகள் தெரிவிக்கின்றன.

இதுபோன்ற பிரச்சனைகளை உணர்ந்து. தனிமையில் இருக்கும் முதியோர்களுக்கு உதவுவதற்காக ஒவ்வொரு மாதமும் 3-வது ஞாயிற்றுக்கிழமை ஐதராபாத்தில் உள்ள தோமலகுடாவில் உள்ள ஏவி கல்லூரியில் முதியவர்களுக்கான சுயம்வரம் நடத்துகிறோம்.

கடந்த 6 ஆண்டுகளில் கிட்டத்தட்ட 3,000 முதியவர்கள் எங்கள் தளத்தைப் பயன்படுத்தியுள்ளனர். திருமணங்களை இலவசமாக நடத்துகிறோம்.

முன்னதாக சட்ட ஒப்பந்தம் செய்து கொள்கிறோம். அதில் இருவரின் அசையா சொத்து, சொத்துக்கள், கடன்கள், யாருக்கு என்ன என்ற அனைத்து விவரங்களையும் பதிவு செய்து வருகிறோம்.

இவ்வாறு அவர்கள் கூறினர்.

தெலுங்கானா:

தெலுங்கானா மாநிலம் மஞ்சேரியல் பகுதியைச் சேர்ந்தவர் விஜயகுமார். இவருடைய மனைவி பத்மா. இவர்களுக்கு அசோக், சேகர் என இரு மகன்கள் உள்ளனர்.

விஜயகுமார், பத்மா இருவருக்கும் மது பழக்கம் இருந்தது. அப்போது போதையில் இருவருக்கும் தகராறு ஏற்பட்டதாகக் கூறப்படுகிறது. இதனால் கோபமடைந்த மூத்த மகன் அசோக் அவர்களை தட்டிக்கேட்டுள்ளார்.

இதனால் ஆத்திரமடைந்த விஜயகுமார், பத்மா இருவரும் மூத்த மகன் அசோக்கை கொலை செய்ய முடிவு செய்துள்ளனர். அப்போது, வீட்டில் 2-வது மகன் சேகர் போர்வையை மூடியபடி தூங்கிக் கொண்டிருந்தார். மூத்த மகன் என நினைத்து 2-வது மகன் சேகரை விஜயகுமார், பத்மா இருவரும் சேர்ந்து தாக்கியுள்ளனர்.

பத்மா அவரது கால்களை பிடித்து கொண்டார். ஜெயக்குமார் அரிவாளால் சேகரை வெட்டினார். அவர் கத்தி கூச்சலிட்டார். அப்போதுதான் அவர்களுக்கு வெட்டு பட்டது சேகர் என்பது தெரியவந்தது.

சத்தம் கேட்டு அக்கம் பக்கத்தினர் ஓடி வந்துள்ளனர். அவர்கள் சேகரை மீட்டு அருகில் உள்ள தனியார் ஆஸ்பத்திரியில் சேர்த்தனர். அங்கு சிகிச்சை பலனின்றி சேகர் பரிதாபமாக உயிரிழந்தார். இது தொடர்பாக போலீசார் வழக்கு பதிவு செய்து, விஜயகுமார் அவரது மனைவி பத்மா இருவரையும் கைது செய்து, ஜெயிலில் அடைத்தனர். இந்நிலையில் இச்சம்பவம் அப்பகுதியில் பரபரப்பை ஏற்படுத்தியுள்ளது.

சென்னை:

தமிழ்நாட்டில் கள்ளச்சாராய உயிரிழப்புகளை தடுக்கும் நோக்கத்துடன் டாஸ்மாக் கடைகளில் 90 மி.லி. மது டெட்ரா பேக்கில் தீபாவளிக்கு அறிமுகப்படுத்தப்பட உள்ளதாக தகவல் வெளியாகி வருகிறது.

டாஸ்மாக் கடைகளில் குவார்ட்டர் பாட்டில் ரூ.140-க்கு விற்கப்படுவதால் கூலி வேலை செய்பவர்களால் அதை வாங்கி குடிக்க முடியாமல் கள்ளச்சாராயம் வாங்கி குடிப்பதாக பலரும் கருத்து தெரிவித்து வருகின்றனர்.

இதனால் டாஸ்மாக் கடைகளில் குவாட்டரில் பாதி அளவான 90 மில்லியில் மதுபானங்கள் 80 ரூபாய்க்கு விற்பனை செய்ய அரசு திட்டமிட்டு வருகிறது.

இது சம்பந்தமாக ஆந்திரா, தெலுங்கானா, கர்நாடகா, கேரளா மாநிலங்களில் 90 மில்லி மது டெட்ரா பாக்கெட்டுகள் விற்பனை குறித்து அதிகாரிகள் கேட்டறிந்துள்ளனர்.

தெலுங்கானா மாநிலத்தில் 90 மில்லி மது டெட்ரா பேக்கில் தான் மக்களிடையே புழக்கத்தில் இருப்பதும் தெரிய வந்துள்ளது.

டெட்ரா பாக்கெட்டுகளில் விற்கப்படும் சிறிய அளவிலான மது வகைகள் எந்த அளவுக்கு அங்கு புழக்கத்தில் உள்ளது என்பது பற்றியும் விவரம் சேகரித்துள்ளனர்.

அதன் அடிப்படையில் தமிழ்நாட்டில் உள்ள டாஸ்மாக் கடைகளில் 90 மி.லி. மதுபானங்களை தீபாவளி முதல் விற்பனைக்கு கொண்டு வர ஏற்பாடுகள் நடைபெற்று வருவதாக தகவல்கள் வெளியாகி வருகிறது.

தெலுங்கானா மாநிலம், பஷீராபாத் அருகே உள்ள நவந்க்தகியை சேர்ந்தவர் எல்லப்பா (வயது 45). இவர் கடந்த 2 நாட்களுக்கு முன்பு வேலை விஷயமாக வீட்டில் இருந்து வெளியே சென்றவர் மீண்டும் வீடு திரும்பவில்லை.

இந்த நிலையில் விகாரபாத் ரெயில்வே போலீசார் எல்லப்பாவின் வீட்டிற்கு போன் செய்து எல்லப்பா ரெயிலில் சிக்கி இறந்து விட்டார்.

பிணத்தின் அருகே எல்லப்பாவின் செல்போன் இருந்ததாகவும் தெரிவித்தனர்.

இதனைக் கேட்டு அதிர்ச்சி அடைந்த அவரது குடும்பத்தினர் கதறி அழுதனர். பின்னர் ஆஸ்பத்திரியில் உள்ள பிணவறைக்கு சென்று பார்த்தனர்.

அப்போது இறந்த கிடந்தவரின் முகம் முழுவதும் சிதைந்து காணப்பட்டதால் இறந்தது எல்லப்பா தான் என முடிவு செய்தனர். இதையடுத்து பிணத்தை வீட்டிற்கு கொண்டு வந்து இறுதி சடங்குகள் நடந்து வந்தன.

இந்த நிலையில் எல்லப்பாவின் உறவினர் ஒருவர் எல்லப்பாவை தண்டூரில் சந்தித்தார். அப்போது நீ இறந்து விட்டதாக உன்னுடைய குடும்பத்தார் இறுதி சடங்கு செய்வதாக கூறினார்.

இதை கேட்டு அதிர்ச்சி அடைந்த எல்லப்பா வீட்டிற்கு போன் செய்து தான் உயிருடன் இருப்பதாக கூறினார். எல்லாப்பா உயிருடன் இருப்பதை அறிந்த உறவினர்கள் இறுதி சடங்கு செய்வதை நிறுத்தினர். பின்னர் எல்லப்பா ரெயில்வே போலீஸ் நிலையத்திற்கு சென்று தன்னுடைய செல்போனை யாரோ திருடி சென்று விட்டதாகவும், விபத்தில் இறந்தவர் யார் என்று தெரியவில்லை என கூறினார்.

இதையடுத்து போலீசார் எல்லப்பாவின் வீட்டில் இறுதி சடங்கு செய்ய வைத்திருந்த பிணத்தை எடுத்துச் சென்றனர். ரெயிலில் சிக்கி இறந்தவர் யார் என விசாரணை நடத்தி வருகின்றனர்.

தெலுங்கானா மாநிலம் ஐதராபாத் அப்துல்லாபூர் மேடு பகுதியை சேர்ந்தவர் கனக பிரசாத் (வயது 37). தொழிலதிபரான இவர் நேற்று பால் வாங்குவதற்காக வெளியே புறப்பட்டார்.

அப்போது அவருடைய 2 வயது மகன் தானும் தந்தையுடன் செல்ல வேண்டுமென அடம்பிடித்தான்.

மகனை ஆசையோடு தூக்கிக்கொண்டு பைக்கில் கனக பிரசாத் பால் வாங்க சென்றார். அங்குள்ள சாலையில் சென்று கொண்டிருந்த போது எதிரே வந்த வேன் எதிர்பாராத விதமாக அவரது பைக் மீது மோதியது.

இதில் தூக்கி வீசப்பட்ட கனக பிரசாத் தலையில் பலத்த காயம் ஏற்பட்டு சம்பவ இடத்திலேயே துடிதுடித்து இறந்தார். அவருடைய 2 வயது மகன் லேசான காயங்களுடன் உயிர் தப்பினார்.

தந்தையின் பிணத்தின் அருகே சென்ற சிறுவன் உடலை கைகளால் அசைத்த படி கதறி அழுதான். நெஞ்சை உலுக்கிய இந்த காட்சியை கண்ட பொதுமக்கள் அதிர்ச்சி அடைந்தனர்.

சிறுவனை தூக்கி ஆறுதல் கூறினர். ஆனாலும் சிறுவன் தந்தையின் உடலை நோக்கி கைகளை நீட்டியபடி அழுது கொண்டே இருந்தான். போலீசார் சம்பவ இடத்திற்கு விரைந்து வந்தனர். வெளியே சென்ற கணவர் மற்றும் மகன் வீடு திரும்பாததால் கனக பிரசாத்தின் மனைவி பால் வாங்கும் கடைக்கு தேடி வந்தார்.

நடுரோட்டில் கணவர் இறந்து கிடந்ததை கண்டு கதறி அழுதார். அவரிடம் அழுது கொண்டிருந்த சிறுவனை ஒப்படைத்தனர். பின்னர் போலீசார் கனக பிரசாத் உடலைமீட்டு பிரேத பரிசோதனைக்கு அனுப்பி வைத்தனர்.

தந்தை உடல் அருகே சிறுவன் கதறி அழுத காட்சிகள் சமூக வலை தளங்களில் பரவி பெரும் பரபரப்பை ஏற்படுத்தியது.

திருவனந்தபுரம்:

கேரள மாநிலம் கோழிக் கோட்டில் இந்திய யூனியன் முஸ்லீம் லீக் சார்பில் நடத்தப்பட்ட நிகழ்ச்சியில் தெலுங்கானா மாநில முதல்-மந்திரி ரேவந்த் ரெட்டி கலந்துகொண்டார். அந்த நிகழ்ச்சியில் அவர் பேசியதாவது:-

கேரளாவுக்கு வருவதை நான் பெருமையாக உணர்கிறேன். அதே சமயத்தில் பொறாமையாகவும் உணர்கிறேன். ஏனென்றால் இங்குள்ள மக்கள் எந்த வகுப்புவாத சக்திகளையும் கேரளாவுக்குள் அனுதிக்க மாட்டார்கள். இந்த இக்கட்டான நேரத்திலும் இந்தியாவுக்கே முன்மாதிரியாக கேரளா உள்ளது.

சமூகத்தை பாதுகாக்க கேரளாவில் உள்ள அமைப்பை பார்த்து இந்தியா கற்றுக்கொள்ள வேண்டும். கேரளாவுக்கு ஒவ்வொருமுறை வருகைக்கு பிறகும், வகுப்புவாத சக்திகளை எதிர்த்து போராடுவதற்கான உத்வேகத்தை நான் மீண்டும் பெறுகிறேன்.

தெலுங்கானா மாநிலத்தில் போட்டியிட ராகுல் காந்தியை சமாதானப்படுத்த முயன்றேன். ஆனால் அது பலனளிக்க வில்லை. எனது தலைவர் கேரளாவில் போட்டியிடுவதில் எனக்கு பொறாமையாக இருக்கிறது. கேரளாவை தன் குடும்பம் போன்று உணர்வதால் இங்கு போட்டியிடுவதாக என்னிடம் ராகுல்காந்தி கூறினார்.

பிரதமர் மோடி ஒரு ராஜா போன்று செயல்படுகிறார். மக்கள் அவருக்கு இரண்டு வாய்ப்புகள் கொடுத்தனர். அதனை அவர் தவறிவிட்டுவிட்டார். அவர் மக்களுக்காக எதையும் செய்யவில்லை. எனவே இந்த முறை மக்களவை தேர்தலில் மக்கள் அவரை தோற்கடிப்பார்கள்.

பிரதமர் மோடி நாட்டை பிளவுபடுத்த பல்வேறு வழிகளில் முயற்சிக்கிறார். அது சரியல்ல. குறிப்பிட்ட சமூகத்தை பற்றி தவறாக பேசுவது பதவிக்கு ஏற்புடையதல்ல. அது நாட்டுக்கும் நல்லதல்ல. பதவிக்கு வருவதற்கு முன்பு அவர் வேறு விதமாக பேசினார். ஆனால் இன்று பதவிக்கு வந்தவுடன் இதுபோன்ற விஷயங்களை சொல்வது சரியல்ல.

இவ்வாறு அவர் பேசினார்.

தெலுங்கானா முழுவதும் பொது சுகாதாரத்தைப் பாதுகாப்பதற்கான ஒரு குறிப்பிட்ட நடவடிக்கையாக, புகையிலை மற்றும் குட்கா மற்றும் பான் மசாலா உற்பத்தி, சேமிப்பு, விநியோகம், போக்குவரத்து மற்றும் விற்பனைக்கு தடை விதித்து உணவுப் பாதுகாப்பு ஆணையர் அறிவிப்பை வெளியிட்டுள்ளார்.

உணவுப் பாதுகாப்பு மற்றும் தரச் சட்டம், 2006 மற்றும் அதன் விதிமுறைகளின்படி, இந்தத் தடை மே 24 முதல் ஓராண்டுக்கு அமலில் இருக்கும். இந்த முடிவு புகையிலை மற்றும் நிகோடின் நிறைந்த பொருட்களின் நுகர்வு ஆகியவற்றைக் கட்டுப்படுத்துவதை நோக்கமாகக் கொண்டுள்ளது.

உணவுப் பாதுகாப்பு ஆணையர் அறிவிப்பால் போலீசார் வாகன சோதனை நடைபெறும் என்று எதிர்பார்க்கப்படுகிறது.

போலீசாரின் வாகன சோதனையில் தெலுங்கானா மாநிலம் முழுவதும் உள்ள புகையிலை மற்றும் குட்கா மற்றும் பான் மசாலா உற்பத்தியாளர்களிடையே பெரும் அச்சதை ஏற்படுத்தியுள்ளது. இந்த அறிவிப்பால் தெலுங்கானா பெண்கள் மிகவும் மகிழ்ச்சியடைந்துள்ளனர்.

ஆந்திரப் பிரதேசத்தில் இருந்து தெலுங்கானா உருவாகி வருகிற 2-ந்தேதியுடன்10 ஆண்டுகள் நிறைவடைகிறது.

தெலுங்கானாவில் உள்ள காங்கிரஸ் அரசு, இந்திய தேர்தல் ஆணையத்தின் ஒப்புதலுடன் தெலுங்கானா 10-ம் ஆண்டு விழாவை பெரிய அளவில் கொண்டாட்டங்களுடன் நடத்த திட்டமிட்டுள்ளது.

அதன்படி, தெலுங்கானா உருவாக்கத்தில் முக்கியப் பங்காற்றிய காங்கிரஸ் மூத்த தலைவர் சோனியா காந்திக்கு பாராட்டு விழா பொதுக்கூட்டம் நடத்த முடிவு செய்துள்ளனர்.

மேலும் தனி மாநிலம் அமைக்க பாடுபட்ட அனைவருக்கும் பாராட்டு விழா நடத்தப்படுகிறது.

மாநில அமைச்சரவைக் கூட்டத்தின் போது துணை முதல்வர் மல்லு பாட்டி விக்ரமார்கா இதற்கான தீர்மானத்தை முன்மொழிந்தார். அது ஒருமனதாக அங்கீகரிக்கப்பட்டது.

மேலும் இசையமைப்பாளர் கீரவாணி இசையில் தெலுங்கானா மாநில பாடலும் புதுப்பித்து வெளியிடப்பட உள்ளது.

தெலுங்கானா மாநிலத்தில் உள்ள 6 போலி எலக்ட்ரானிக் பைக் தயாரிப்பு நிறுவனங்களுக்கு ரூ.46 கோடி ஜி.எஸ்.டி. வரியை திரும்ப ஒப்படைத்ததாக ஜி.எஸ்.டி. அதிகாரிகள் மீது மத்திய குற்றப்பிரிவு போலீசார் 5 வழக்குகள் பதிவு செய்து விசாரணை நடத்தி வந்தனர்.

போலி எலக்ட்ரிக் பைக் தயாரிப்பு பிரிவுகளை தொடங்கிய குற்றவாளிகளுடன் அதிகாரிகள் சதி செய்ததாக போலீசார் தெரிவித்தனர். குற்றம் சாட்டப்பட்டவர்கள் ஐதராபாத்தில் உள்ள வளாகத்தின் உரிமையாளர்களிடம் இருந்து மின்சாரக் கட்டணம் வசூலித்து போலி நிறுவனங்களைத் தொடங்கினர் . பின்னர் அவர்கள் போலி மற்றும் ஜோடிக்கப்பட்ட வாடகை ஒப்பந்தங்களை சமர்ப்பித்து ஜி.எஸ்.டி. போர்ட்டலில் நிறுவனங்களை பதிவு செய்தனர்.

குற்றம் சாட்டப்பட்டவர்கள் தங்கள் வரி ஆலோசகர் சிராக் ஷர்மாவுடன் கிரிமினல் சதி செய்து, போலி மற்றும் ஜோடிக்கப்பட்ட விலைப்பட்டியல்கள், இ-வே பில்கள் மற்றும் போலி நிறுவனங்களை உருவாக்கி, இல்லாத நிறுவனங்களை ஏற்கனவே இருப்பதாகக் காட்டி, லஞ்சம் கொடுத்து ஜிஎஸ்டி பணத்தைத் திரும்பப் பெற்றனர்.

குற்றம் சாட்டப்பட்டவர்கள் இ-பைக்குகளை தயாரிக்காமல், அரசாங்க கருவூலத்திற்கு தவறான இழப்பை ஏற்படுத்தியதாக போலீசார் தெரிவித்தனர். ஜிஎஸ்டி அதிகாரிகள் மற்ற குற்றம் சாட்டப்பட்ட நபர்களுடன் கிரிமினல் சதி செய்து, லஞ்சம் வாங்கி, தங்கள் அதிகாரபூர்வ அதிகாரத்தைப் பயன்படுத்தி, தங்கள் துறையின் விதிகள் மற்றும் நடைமுறைகளை வேண்டுமென்றே மீறி, பொது நிதியை தவறாகப் பயன்படுத்தியதாக கூறப்படுகிறது.

இந்த நிலையில் நல்கொண்டா பிரிவு ஜிஎஸ்டி துணை ஆணையர் ஸ்வர்ண குமார், அபிட்ஸ் வட்டத்தின் உதவி ஆணையர் (மாநில வரிகள்) கெலம் வேணு கோபால், மாதப்பூர்-1 வட்டம், வெங்கட ரமணா, துணை ஆணையர் விஸ்வ கிரண் ஆகியோரை போலீசார் கைது செய்தனர்.

திருப்பதி:

தெலுங்கானா மாநிலம் உருவாகி 10 ஆண்டுகள் ஆவதையொட்டி மாநிலம் முழுவதும் கோலாகலமாக கொண்டாடி வருகின்றனர்.

ஐதராபாத் அருகே உள்ள கரீம் நகரில் உள்ள ஆசிஃப் நகரில் தெலுங்கானா மாநில ஆண்டுவிழா கொண்டாட்டத்திற்கு ஏற்பாடு செய்திருந்தனர்.

இந்த பகுதிக்கு அங்குள்ள ஆற்றில் படகில் தான் செல்ல வேண்டும். இதில் கலந்து கொள்வதற்காக அந்த மாநில பிற்படுத்தப்பட்டோர் நலத்துறை மற்றும் நுகர்பொருள் வழங்கல் துறை அமைச்சர் காங்குலா கமலாகர் படகில் சென்று கொண்டிருந்தார்.

அப்போது, படகு திடீரென கவிழ்ந்தது. நிலைதடுமாறிய அமைச்சர் தண்ணீரில் விழுந்தார். கரையில் இருந்த போலீசார் மற்றும் அரசியல் கட்சியினர் இதனை கண்டு அதிர்ச்சி அடைந்தனர்.

உடனடியாக போலீசார் தண்ணீரில் இறங்கி அமைச்சர் மற்றும் அவருடன் இருந்த நிர்வாகிகளை லாவகமாக காப்பாற்றினர்.

படகு கவிழ்ந்த விபத்தில் அமைச்சர் தண்ணீரில் நிலை தடுமாறி நூலிலையில் தப்பிய சம்பவம் பெரும் பரபரப்பை ஏற்படுத்தியது.

படகு கவிழ்ந்து அமைச்சர் தண்ணீரில் விழும் வீடியோ காட்சிகள் சமூக வலைதளங்களில் வைரலாக பரவி வருகிறது.