நீங்கள் தேடியது "தேசிய சீனியர் கைப்பந்து"

சென்னை:

67-வது தேசிய சீனியர் கைப்பந்து சாம்பியன்ஷிப் போட்டி சென்னையில் உள்ள நேரு உள்விளையாட்டு அரங்கில் நடந்தது. இதில் பெண்கள் பிரிவில் நேற்று நடந்த பரபரப்பான இறுதி ஆட்டத்தில் கேரள அணி 20-25, 25-17, 17-25, 25-19, 15-8 என்ற செட் கணக்கில் நடப்பு சாம்பியனான ரெயில்வே அணியை வீழ்த்தி 11-வது முறையாக பட்டத்தை கைப்பற்றியது. அத்துடன் தொடர்ச்சியாக 9 முறை ரெயில்வேயிடம் இறுதிப்போட்டியில் கண்ட தோல்விக்கும் பதிலடி கொடுத்தது. முன்னதாக நடந்த 3-வது இடத்துக்கான ஆட்டத்தில் மராட்டிய அணி 25-20, 25-14, 25-18 என்ற நேர்செட்டில் மேற்கு வங்காளத்தை தோற்கடித்தது.

ஆண்கள் பிரிவில் நடந்த இறுதிப்போட்டியில் தமிழ்நாடு-கர்நாடக அணிகள் சந்தித்தன. விறுவிறுப்பான இந்த மோதலில் முதல் செட்டை தமிழக அணி தனதாக்கியது. 2-வது செட்டை தமிழக அணி மயிரிழையில் இழந்தது. அதன் பிறகு தமிழக அணியால் சரிவில் இருந்து மீள முடியவில்லை. முடிவில் கர்நாடக அணி 21-25, 36-34, 25-18, 25-14 என்ற செட் கணக்கில் தமிழகத்தை சாய்த்து முதல்முறையாக சாம்பியன் பட்டத்தை உச்சி முகர்ந்தது. முன்னதாக நடந்த 3-வது இடத்துக்கான ஆட்டத்தில் கேரள அணி 25-23, 25-16, 25-19 என்ற நேர்செட்டில் பஞ்சாப் அணியை பதம் பார்த்தது.

பின்னர் நடந்த பரிசளிப்பு விழாவுக்கு இந்திய கைப்பந்து சம்மேளன பொதுச்செயலாளர் ராம்அவ்தார்சிங் ஜாக்கர் தலைமை தாங்கினார். சென்னை ஸ்பார்டன்ஸ் நிறுவன சேர்மன் ராஜசேகரன் சிறப்பு விருந்தினராக கலந்து கொண்டு வெற்றி பெற்ற அணிகளுக்கு பரிசு கோப்பையை வழங்கினார். விழாவில் ஜோன்ஸ் பவுண்டேசன் நிர்வாக இயக்குனர் ஜோன்ஸ், வேலம்மாள் கல்வி குழும தலைமை செயல் அதிகாரி வேல்முருகன், எஸ்.ஆர்.எம். பல்கலைக்கழக இயக்குனர் (விளையாட்டு) வைத்யநாதன் உள்பட பலர் கலந்து கொண்டனர்.  #SeniorNationalVolleyball #Championship #Karnataka 

67-வது தேசிய சீனியர் கைப்பந்து போட்டி சென்னை நேரு ஸ்டேடியத்தில் நடைபெற்று வருகிறது. நேற்று நடந்த அரையிறுதி ஆட்டத்தில் தமிழக அணி நடப்பு சாம்பியன் கேரளாவை எதிர்கொண்டது. இதில் தமிழ்நாடு 25-27, 25-14, 25-18, 25-16 என்ற கணக்கில் கேரளாவை வீழ்த்தி இறுதிப்போட்டிக்கு தகுதி பெற்றது.

கடந்த முறை தமிழக அணி கேரளாவிடம் அரையிறுதியில் தோற்றதற்கு தற்போது பதிலடி கொடுத்துள்ளது. மேலும் இந்த தொடரின் ‘லீக்‘ ஆடத்தின் தோற்றதற்கும் பழி தீர்த்துக் கொண்டது. மற்றொரு அரை இறுதியில் கர்நாடகா 25-13, 25-22, 25-20 என்ற நேர்செட் கணக்கில் பஞ்சாபை வீழ்த்தியது.

இன்று மாலை 6 மணிக்கு நடைபெறும் இறுதிப் போட்டியில் தமிழ்நாடு- கர்நாடகா அணிகள் மோதுகின்றன. இதில் தமிழக அணி வென்று சாம்பியன் பட்டம் பெறுமா? என்று ஆவலுடன் எதிர்பார்க்கப்படுகிறது. கேரளாவுக்கு எதிரான அரையிறுதியில் தமிழக வீரர்கள் ஒருங்கிணைந்து சிறப்பான ஆட்டத்தை வெளிப்படுத்தினார்கள்.

இன்றைய இறுதிப் போட்டியிலும் அதே மாதிரியான ஆட்டத்திறமையை வெளிப்படுத்த வேண்டிய நிலையில் தமிழக அணி உள்ளது. அதே நேரத்தில் ‘லீக்‘ ஆட்டத்தில் கர்நாடகாவிடம் தோற்று இருந்ததால் கவனமுடன் விளையாட வேண்டும்.

கர்நாடகா எல்லா வகையிலும் சவால் அளிக்ககூடிய அணி. ஏற்கனவே தமிழகத்தை வீழ்த்தி இருந்ததால் நம்பிக்கையுடன் இருக்கிறது.

பெண்கள் பிரிவு இறுதிப் போட்டி இன்று மாலை 4 மணிக்கு நடக்கிறது. இதில் ரெயில்வே - கேரளா அணிகள் மோதுகின்றன. ரெயில்வே அணி அரையிறுதியில் 25-19, 25-18, 25-19 என்ற நேர்செட் கணக்கில் மராட்டியத்தையும், கேரளா 25-18, 25-9, 25-9 என்ற கணக்கில் மேற்கு வங்காளத்தையும் வீழ்த்தி இருந்தன.

சென்னை:

67-வது தேசிய சீனியர் கைப்பந்து சாம்பியன்ஷிப் போட்டி சென்னையில் நேரு உள்விளையாட்டு அரங்கில் நடந்து வருகிறது. இதில் பெண்கள் பிரிவில் நேற்று நடந்த அரையிறுதி ஆட்டங்களில் கேரள அணி 25-18, 25-9, 25-9 என்ற நேர்செட்டில் மேற்கு வங்காளத்தையும், ரெயில்வே அணி 25-19, 25-18, 25-19 என்ற செட் கணக்கில் மராட்டியத்தையும் சாய்த்து இறுதிப்போட்டிக்கு முன்னேறியது.

ஆண்கள் பிரிவில் நடந்த அரையிறுதி ஆட்டம் ஒன்றில் கர்நாடக அணி 25-13, 25-22, 25-20 என்ற நேர்செட்டில் பஞ்சாப் அணியை விரட்டியது. மற்றொரு அரையிறுதியில் தமிழக அணி 25-27, 25-14, 25-18, 25-16 என்ற செட் கணக்கில் நடப்பு சாம்பியனான கேரளாவை வீழ்த்தி இறுதிப்போட்டிக்குள் நுழைந்தது. தமிழக அணியில் நவீன்ராஜா ஜேக்கப், உக்கரபாண்டி, வைஷ்ணவ், ஷெல்டன் மோசஸ் ஆகியோரின் ஆட்டம் அருமையாக இருந்தது.

இன்று மாலை 4 மணிக்கு நடக்கும் பெண்கள் இறுதிசுற்றில் ரெயில்வே-கேரளா அணிகள் மோதுகின்றன. இதைத்தொடர்ந்து நடைபெறும் ஆண்கள் பிரிவு இறுதி ஆட்டத்தில் தமிழ்நாடு-கர்நாடக அணிகள் பலப்பரீட்சை நடத்துகின்றன. #NationalVolleyball

67-வது தேசிய சீனியர் கைப்பந்து தொடர் சென்னை நேரு உள்விளையாட்டு அரங்கில் நடைபெற்று வருகிறது. நேற்று நடந்த கால்இறுதி ஆட்டம் ஒன்றில் கர்நாடகா 23-25, 25-18, 25-21, 25-20 என்ற கணக்கில் அரியானாவை வீழ்த்தி அரை இறுதிக்கு தகுதி பெற்றது. அந்த அணி 18 ஆண்டுகளுக்கு பிறகு அரை இறுதிக்கு தகுதி பெற்றுள்ளது.

மற்றொரு ஆட்டத்தில் பஞ்சாப் 25-27, 25-18, 25-23, 17-25, 15-12 என்ற கணக்கில் ரெயில்வேயை போராடி வீழ்த்தியது. ‘ஏ’ பிரிவில் உள்ள தமிழ்நாடு, கேரளா, பஞ்சாப், கர்நாடகா ஆகிய 4 அணிகள்தான் அரை இறுதிக்கு முன்னேறி உள்ளன. ‘பி’ பிரிவில் உள்ள ரெயில்வே, சர்வீசஸ், அரியானா, ஆந்திரா ஆகிய அணிகள் கால்இறுதியில் தோற்று வெளியேறின.

இன்று இரவு 7 மணிக்கு நடைபெறும் அரை இறுதியில் தமிழ்நாடு- கேரளா அணிகள் மோதுகின்றன. தமிழக அணி ஏற்கனவே ‘லீக்’ ஆட்டத்தில் கேரளாவிடம் தோற்று இருந்தது. இதனால் அதற்கு பதிலடி கொடுத்து தமிழக அணி இறுதிப்போட்டிக்கு நுழையுமா? என்று எதிர்பார்க்கப்படுகிறது.

மேலும் கடந்த முறையும் அரைஇறுதியில் கேரளாவிடம் தோற்று இருந்தது. அதற்கு பழிதீர்க்கும் வேட்கையுடன் தமிழக அணி உள்ளது. அதே நேரத்தில் கேரள அணி நம்பிக்கையுடன் தமிழகத்தை எதிர்கொள்ளும். மற்றொரு அரை இறுதியில் கர்நாடகா- பஞ்சாப் அணிகள் மோதுகின்றன.

பெண்கள் பிரிவு கால்இறுதியில் தமிழ்நாடு 25-21, 15-25, 25-27, 20-25 என்ற கணக்கில் மராட்டியத்திடம் தோற்றது. இன்று மாலை நடைபெறும் அரைஇறுதியில் ரெயில்வே- மராட்டியம், கேரளா- மேற்கு வங்காளம் அணிகள் மோதுகின்றன.

சென்னை:

67-வது தேசிய சீனியர் கைப்பந்து சாம்பியன்ஷிப் போட்டி சென்னையில் நடந்து வருகிறது. இதில் நேரு உள்விளையாட்டு அரங்கில் நேற்று நடந்த ஆண்கள் பிரிவு காலிறுதி ஆட்டம் ஒன்றில் நடப்பு சாம்பியன் கேரளா அணி 25-14, 25-17, 25-23 என்ற நேர்செட்டில் ஆந்திரா அணியை வீழ்த்தி அரையிறுதிக்கு முன்னேறியது. இன்னொரு காலிறுதியில் தமிழக அணி 25-20, 23-25, 25-20, 25-20 என்ற செட் கணக்கில் சர்வீசஸ் அணியை வீழ்த்தி அரையிறுதிக்கு தகுதி பெற்றது.

பெண்கள் பிரிவில் நடந்த காலிறுதி ஆட்டம் ஒன்றில் ரெயில்வே அணி 25-13, 25-15, 25-11 என்ற நேர்செட்டில் டெல்லி அணியை வீழ்த்தி அரையிறுதிக்குள் அடியெடுத்து வைத்தது. மற்றொரு காலிறுதியில் நடப்பு சாம்பியன் கேரளா அணி 25-12, 25-16, 25-12 என்ற நேர்செட்டில் அரியானாவை சாய்த்து அரையிறுதிக்குள் நுழைந்தது. #NationalSeniorvolleyball

சென்னை:

67-வது தேசிய சீனியர் கைப்பந்து சாம்பியன்ஷிப் போட்டி சென்னையில் நேற்று தொடங்கியது. போட்டியை சர்வதேச கைப்பந்து சம்மேளன செயல் துணைத்தலைவர் ஈசா ஹம்சா தொடங்கி வைத்தார். தொடக்க விழாவில் இந்திய ஒலிம்பிக் சங்க பொதுச் செயலாளர் ராஜீவ் மேத்தா, இந்திய கைப்பந்து சம்மேளன தலைவர் எஸ்.வாசுதேவன், பொதுச் செயலாளர் ராம் அவதார்சிங் ஜாக்கர், வேலம்மாள் கல்வி குழும தலைமை செயல் அதிகாரி வேல்முருகன், எஸ்.ஆர்.எம். கல்வி குழும இயக்குனர் (விளையாட்டு) வைத்தியநாதன் உள்பட பலர் கலந்து கொண்டனர். வருகிற 10-ந் தேதி வரை நடைபெறும் இந்த போட்டியில் ஆண்கள் பிரிவில் 29 அணிகளும், பெண்கள் பிரிவில் 25 அணிகளும் பங்கேற்றுள்ளன. இதன் ஆண்கள் மற்றும் பெண்களுக்கான ‘ஏ’, ‘பி’ பிரிவு ஆட்டம் சென்னை நேரு உள்விளையாட்டு அரங்கிலும், பெண்களுக்கான ‘சி’, ‘டி’, ‘இ’, ‘எப்’ பிரிவு ஆட்டங்கள் மேடவாக்கத்தில் உள்ள வேலம்மாள் பள்ளி மைதானத்திலும், ஆண்களுக்கான ‘சி’, ‘டி’, ‘இ’, ‘எப்’ பிரிவு ஆட்டங்கள் காட்டாங்கொளத்தூரில் உள்ள எஸ்.ஆர்.எம். பல்கலைக்கழக் வளாகத்திலும் நடைபெறுகிறது.

நேரு உள்விளையாட்டு அரங்கில் நேற்று நடந்த ஆண்கள் பிரிவு தொடக்க ஆட்டத்தில் தமிழக அணி, பஞ்சாப்பை சந்தித்தது. விறுவிறுப்பான இந்த மோதலில் தமிழக அணி 27-25, 25-21, 26-24 என்ற செட் கணக்கில் வெற்றி பெற்றது.

பெண்கள் பிரிவில் நடந்த ஒரு ஆட்டத்தில் ரெயில்வே அணி 25-13, 25-13, 25-7 என்ற நேர் செட் கணக்கில் அரியானாவை சாய்த்தது. #TamilNadu #Punjab #SeniorNationalVolleyball