நீங்கள் தேடியது "நவோமி ஒசாகா"

ரோம்:

இத்தாலி ஓபன் டென்னிஸ் போட்டி ரோம் நகரில் நடந்து வருகிறது. இதன் ஆண்கள் ஒற்றையர் பிரிவில் 3-வது சுற்று ஆட்டத்தில் உலக தரவரிசையில் 3-வது இடத்தில் இருப்பவரும், 20 கிராண்ட்ஸ்லாம் பட்டம் வென்றவருமான சுவிட்சர்லாந்து வீரர் ரோஜர் பெடரர் 2-6, 6-4, 7-6 (9-7) என்ற செட் கணக்கில் குரோஷியாவில் போர்னா கோரிக்கை வீழ்த்தி காலிறுதிக்கு முன்னேறினார்.

காலிறுதி ஆட்டத்தில் ரோஜர் பெடரர், கிரீஸ் வீரர் சிட்சிபாஸ்சை சந்திக்க இருந்தார். இந்த நிலையில் வலது காலில் ஏற்பட்ட காயம் காரணமாக பெடரர் போட்டியில் இருந்து விலகினார். இது குறித்து 37 வயதான ரோஜர் பெடரர் கருத்து தெரிவிக்கையில், ‘காலிறுதி ஆட்டத்தில் விளையாட முடியாமல் போனது ஏமாற்றம் அளிக்கிறது. நான் 100 சதவீத உடல் தகுதியுடன் இல்லாததால் எனது அணியினருடன் கலந்து ஆலோசித்து விலகல் முடிவை மேற்கொண்டேன். அடுத்த ஆண்டு இந்த போட்டிக்கு திரும்புவேன் என்று நம்புகிறேன்’ என்றார்.

மற்றொரு காலிறுதி ஆட்டத்தில் நடப்பு சாம்பியன் ரபெல் நடால் (ஸ்பெயின்) 6-4, 6-0 என்ற நேர்செட்டில் சக நாட்டு வீரர் பெர்னாண்டோ வெர்டாஸ்கோவை வீழ்த்தி அரையிறுதிக்கு முன்னேறினார். அரையிறுதியில் ரபெல் நடால்-சிட்சிபாஸ் மோதுகிறார்கள்.

இன்னொரு காலிறுதி ஆட்டத்தில் உலக தரவரிசையில் 7-வது இடத்தில் இருக்கும் ஜப்பான் வீரர் நிஷிகோரி 4-6, 2-6 என்ற நேர்செட்டில் 24-ம் நிலை வீரரான டிகோ ஸ்வார்ட்ஸ்மனிடம் (அர்ஜென்டினா) அதிர்ச்சி தோல்வி கண்டு வெளியேறினார்.

பெண்கள் ஒற்றையர் பிரிவில் காலிறுதி ஆட்டத்தில் உலகின் நம்பர் ஒன் வீராங்கனையான நவோமி ஒசாகா (ஜப்பான்), 4-ம் நிலை வீராங்கனையான நெதர்லாந்தின் கிகி பெர்டென்சை சந்திக்க இருந்தார். ஆனால் வலது கையில் ஏற்பட்ட காயம் காரணமாக நவோமி ஒசாகா கடைசி நேரத்தில் போட்டியில் இருந்து விலகினார். இதனால் கிகி பெர்டென்ஸ் போட்டியின்றி அரையிறுதிக்குள் நுழைந்தார்.

மற்றொரு காலிறுதி ஆட்டத்தில் செக்குடியரசு வீராங்கனை கரோலினா பிளிஸ்கோவா 6-7 (5-7), 6-2, 6-2 என்ற செட் கணக்கில் பெலாரஸ் வீராங்கனை விக்டோரியா அஸரென்காவை வீழ்த்தி அரையிறுதிக்குள் நுழைந்ததுடன் 500-வது வெற்றியையும் ருசித்தார்.

மாட்ரிட் ஓபன் டென்னிஸ் ஸ்பெயின் நாட்டில் நடைபெற்று வருகிறது. இன்று பெண்களுக்கான ஒற்றையர் பிரிவில் காலிறுதிக்கு முந்தைய சுற்று ஆட்டங்கள் நடைபெற்றன.

ஒரு ஆட்டத்தில் 7-ம் நிலை வீராங்கனையான கிகி பெர்ட்டன்ஸ் 12-ம் நிலை வீராங்கனையான செவஸ்டோவாவை எதிர்கொண்டார். இதில் கிகி பெர்ட்டர்ன்ஸ் 6-1, 6-2 என நேர்செட் கணக்கில் வெற்றி பெற்று காலிறுதிக்கு முன்னேறினார்.

மற்றொரு காலிறுதியில் 3-ம் நிலை வீராங்கனையான சிமோனா ஹாலெப் விக்டோரியா குஸ்மோவாவை எதிர்கொண்டார். இதில் ஹாலெப் 6-0, 6-0 என நேர்செட் கணக்கில் வெற்றி பெற்று காலிறுதிக்கு முன்னேறினார்.



முதல் நிலை வீராங்கனையான நவோமி ஒசாகா 6-2, 6-3 என நேர்செட் கணக்கில் சான்ஸ்னோவிச்சை வீழ்த்தி காலிறுதிக்கு முன்னேறினார்.

மாட்ரிட்:

மாட்ரிட் ஓபன் டென்னிஸ் போட்டி ஸ்பெயின் நாட்டில் நடந்து வருகிறது. இதில் நேற்று நடந்த பெண்கள் ஒற்றையர் பிரிவு 2-வது சுற்று ஆட்டம் ஒன்றில் உலக தரவரிசையில் முதலிடத்தில் உள்ள ஜப்பான் வீராங்கனை நவோமி ஒசாகா 7-6 (7-5), 3-6, 6-0 என்ற செட் கணக்கில் ஸ்பெயினை சேர்ந்த வைல்டு கார்டு வாய்ப்பு பெற்ற வீராங்கனை சோரிப்ஸ் டோர்மோவை தோற்கடித்து 3-வது சுற்றுக்கு முன்னேறினார். மற்றொரு ஆட்டத்தில் ருமேனியா வீராங்கனை சிமோனா ஹாலெப் 7-5, 6-1 என்ற நேர்செட்டில் இங்கிலாந்தின் ஜோஹன்னா கோன்டாவை வீழ்த்தி 3-வது சுற்றுக்குள் நுழைந்தார்.

ஆண்கள் ஒற்றையர் பிரிவில் 2-வது சுற்று ஆட்டத்தில் நம்பர் ஒன் வீரரான ஜோகோவிச் (செர்பியா) 6-4, 6-2 என்ற நேர்செட்டில் அமெரிக்காவின் டெய்லர் பிரிட்சை தோற்கடித்து 3-வது சுற்றுக்குள் அடியெடுத்து வைத்தார்.#NaomiOsaka #MadridOpen 

மியாமி ஓபன் டென்னிஸ் தொடர் புளோரிடாவில் நடைபெற்று வருகிறது. பெண்களுக்கான ஒற்றையர் பிரிவு 3-வது சுற்றில் முதல்தர வீராங்கனையான ஜப்பானின் நவோமி ஒசாகா, தைவானின் சு-வெய்-ஐ எதிர்கொண்டார்.

முதல் செட்டை ஒசாகா 6-4 என எளிதில் கைப்பற்றினார். ஆனால் 27-ம் நிலை வீராங்கனையான சு-வெய் 2-வது சுற்றில் ஆக்ரோஷமான ஆட்டத்தை வெளிப்படுத்தினார். இதனால் 2-வது செட் ‘டை-பிரேக்கர்’ வரை சென்றது. இறுதியில் சு-வெய் 7(7)-6(4) என 2-வது செட்டை கைப்பற்றினார்.

3-வது செட்டில் ஒசாகா கடுமையாக போராடுவார் என்று எதிர்பார்க்கப்பட்டது. ஆனால் 3-6 என எளிதில் தோல்வியடைந்தார். இதனால் சு-வெய் ஒசாகாவை வீழ்த்தி 4-வது சுற்றுக்கு முன்னேறினார்.

மற்றொரு ஆட்டத்தில் 8-ம் நிலை வீராங்கனையான ஏஞ்சலிக் கெர்பர் தரநிலை பெறாத கனடாவின் அண்ட்ரீஸ்குவை எதிர்கொண்டார். முதல் செட்டை அண்ட்ரீஸ்கு 6-4 எனக் கைப்பற்றினார். அதற்கு பதிலடி கொடுக்கும் வகையில் கெர்பர் 2-வது செட்டை 6-4 எனக்கைப்பற்றினார். ஆனால், 3-வது செட்டில் 1-6 என சரணடைந்ததால், ஏஞ்சலிக் கெர்பர் தோல்வியடைந்து வெளியேறினார்.

பெர்ட்டன்ஸ், கோன்டாவெயிட், வோஸ்னியாக்கி ஆகியோர் வெற்றி பெற்று 4-வது சுற்றுக்கு முன்னேறினர்.

ஆஸ்திரேலியாவின் மெல்போர்ன் நகரில் இந்த ஆண்டின் முதல் கிராண்ட் ஸ்லாம் டென்னிஸ் தொடரான ஆஸ்திரேலிய ஓபன் நடைபெற்றது. பெண்களுக்கான ஒற்றையர் பிரிவு இறுதிப் போட்டியில் ஜப்பானைச் சேர்ந்த நவோமி ஒசாகா - செக் குடியரசின் பெட்ரா கிவிட்டோவா பலப்பரீட்டை நடத்தினர்.



இதில் நவோமி ஒசாகா சாம்பியன் பட்டம் வென்றார். இதன்மூலம் 3 இடங்கள் முன்னேறி முதல் இடத்தை பிடித்துள்ளார். ஜப்பான் வீராங்கனை ஒருவர் டென்னிஸ் தரவரிசையில் இடம் பிடிப்பது இதுவே முதல்முறையாகும்.

பெட்ரா கிவிட்டோவா 4 இடங்கள் முன்னேறி 2-வது இடத்தை பிடித்துள்ளார். முதல் இடத்தில் இருந்த சிமோனா ஹாலெப் இரண்டு இடங்கள் சரிந்து 3-வது இடத்திற்கு பின்தங்கியுள்ளார்.

ஆஸ்திரேலிய ஓபன் டென்னிஸ் மெல்போர்ன் நகரில் நடைபெற்று வருகிறது. இன்று பெண்களுக்கான ஒற்றையர் பிரிவு அரையிறுதி ஆட்டங்கள் நடைபெற்றன. முதலில் நடைபெற்ற ஆட்டத்தில் பெட்ரா கிவிட்டோவா வெற்றி பெற்று இறுதிப் போட்டிக்கு முன்னேறினார்.

2-வது அரையிறுதி ஆட்டத்தில் 4-ம் நிலை வீராங்கனையான நவோமி ஒசாகா (ஜப்பான்)- 7-ம் நிலை வீராங்கனையான கரோலினா பிளிஸ்கோவா (செக்குடியரசு) மோதினார்கள்.



முதல் செட்டை ஒசாகா 6-2 என எளிதில் கைப்பற்றினார். அதற்கு பதிலடி கொடுக்கும் வகையில் 2-வது செட்டை பிளிஸ்கோவா 6-4 என  அதிரடியாக கைப்பற்றினார்.

வெற்றியை தீர்மானிக்கும் 3-வது செட்டில் ஒசாகா கை ஓங்கியது. அவர் 3-வது செட்டை 6-4 எனக் கைப்பற்றி பிளிஸ்கோவாவை 2-1 என வீழ்த்தி இறுதிப் போட்டிக்கு முன்னேறினார்.

இந்திய நேரப்படி நாளை மதியம் 2 மணிக்கு நடைபெறும் இறுதிப் போட்டியில் நவோமி ஒசாகா - பெட்ரா கிவிட்டோவா பலப்பரீட்சை நடத்துகிறார்கள்.

ஜப்பானில் உள்ள டோக்கியோ நகரில் பான் பசிபிக் ஓபன் டென்னிஸ் தொடர் கடந்த 15-ந்தேதி முதல் நடைபெற்று வந்தது. இன்று நடைபெற்ற பெண்களுக்கான ஒற்றையர் பிரிவில் 4-ம் வீராங்கனையான செக் குடியரசின் கரோலினா பிளிஸ்கோவா - 3-ம் நிலை வீராங்கனையான ஜப்பானின் நவோமி ஒசாகா ஆகியோர் பலப்பரீட்சை நடத்தினார்கள்.



செரீனாவை வீழ்த்தி அமெரிக்கா ஓபனை கைப்பற்றிய முதல் ஜப்பான் வீராங்கனை என்று பெயரெடுத்த  ஒசாகா சிறப்பாக விளையாடுவார் என்ற எதிர்பார்க்கப்பட்டது.



ஆனால் கரோலியான பிளிஸ்கோவா சிறப்பாக விளையாடி 6-4, 6-4 என நேர்செட் கணக்கில் ஒசாகாவை வீழ்த்தி சாம்பியன் பட்டம் வென்றார்.

அமெரிக்கா கிராண்ட் ஸ்லாம் டென்னிஸ் தொடர் கடந்த இரண்டு வாரங்களாக நடைபெற்றது. நேற்று முன்தினம் நடைபெற்ற ஆண்களுக்கான ஒற்றையர் பிரிவில் செர்பியாவின் நோவக் ஜோகோவிச் சாம்பியன் பட்டம் வென்றார்.

இது அவரின் 14-வது கிராண்ட் ஸ்லாம் பட்டமாகும். இந்த சாம்பியன் பட்டம் மூலம் உலக டென்னிஸ் தரவரிசையில் 7-வது இடத்தில் இருந்து 3-வது இடத்திற்கு முன்னேறியுள்ளார். இதன்மூலம் இரண்டரை ஆண்டுகளுக்குப் பிறகு மீண்டும் முதல் மூன்று இடத்திற்குள் வந்துள்ளார். நடால் முதல் இடத்திலும், ரோஜர் பெடரர் 2-வது இடத்திலும் உள்ளனர்.



பெண்களுக்கான ஒற்றையர் பிரிவில் ஜப்பானின் நவோமி ஒசாகா செரீனா வில்லியம்சை வீழ்த்தி முதல்முறையாக கிராண்ட் ஸ்லாம் பட்டத்தை வென்றார். இதன்மூலம் 12 இடங்கள் முன்னேறி 7-வது இடத்தை பிடித்துள்ளார். செரீனா வில்லியம்ஸ் 26-வது இடத்தில் இருந்து 16-வது இடத்திற்கு முன்னேறியுள்ளார்.

அமெரிக்கா கிராண்ட் ஸ்லாம் டென்னிஸ் தொடரில் காலிறுதி ஆட்டங்கள் நடைபெற்று வந்தன. இன்று நடைபெற்ற பெண்களுக்கான காலிறுதி ஆட்டம் ஒன்றில் 14-ம் நிலையில் இருக்கும் அமெரிக்காவின் மேடிசன் கெய்ஸ் - 30-வது இடத்தில் இருக்கும் ஸ்பெயின் நாட்டின் கர்லா சுவாரஸ் நவர்ரோ பலப்பரீட்சை நடத்தினார்.

சொந்த மண்ணில் விளையாடிய மேடிசன் கெய்ஸ் சிறப்பான ஆட்டத்தை வெளிப்படுத்தினார். சொந்த ரசிகர்கள் முன்னிலையில் அசத்திய கெய்ஸ்க்கு முன் நவர்ரோவால் ஆதிக்கம் செலுத்த முடியவில்லை. இதனால் கெய்ஸ் 6-4, 6-3 என வெற்றி பெற்று அரையிறுதிக்கு முன்னேறினார்.


நவர்ரோ

நவர்ரோ காலிறுக்கு முந்தைய சுற்றில் மரியா ஷரபோவாவையும், அதற்கு முன் 6-ம் நிலை வீராங்கனையான கரோலின் கார்சியாவையும் வீழ்த்தியிருந்தார் என்பது குறிப்பிடத்தக்கது.