நீங்கள் தேடியது "நாதன் லயன்"

ஒவ்வொரு வருடமும் சிறப்பான ஆட்டத்தை வெளிப்படுத்தும் கிரிக்கெட் வீரர்கள் மற்றும் வீராங்கனைகளுக்கு ஆஸ்திரேலியா கிரிக்கெட் விருதுகள் வழங்கி வருகிறது. இதேபோல் கடந்த வருடம் சிறப்பாக விளையாடிய வீரர்களுக்கு விருது வழங்கப்பட்டது.

சுழற்பந்து வீச்சாளரான நான் லயன் சிறந்த டெஸ்ட் வீரருக்கான விருதையும், வேகப்பந்து வீச்சு ஆல்ரவுண்டர் மார்கஸ் ஸ்டாய்னிஸ் சிறந்த ஒருநாள் போட்டி வீரருக்கான விருதையும் வென்றனர்.

பெண்களுக்கான சிறந்த ஒருநாள் வீராங்கனை விருதை அலிசா ஹீல் வென்றார்.

ஆஸ்திரேலிய அணியின் முன்னணி வேகப்பந்து வீச்சாளர் மிட்செல் ஸ்டார்க். இந்தியாவிற்கு எதிரான நான்கு போட்டிகள் கொண்ட டெஸ்ட் தொடரில் பெரிய அளவில் சாதிக்கவில்லை. இலங்கைக்கு எதிரான முதல் டெஸ்டிலும் சோபிக்கவில்லை. ஐந்து போட்டிகளிலும் 15 விக்கெட்டுக்கள் மட்டுமே வீழ்த்தியுள்ளார்.

பேட் கம்மின்ஸ் அபாரமாக விளையாடி வரும் நிலையில், மிட்செல் ஸ்டார்க் திணறி வருகிறார். இதனால் அவர் மீது கடும் விமர்சனம் வைக்கப்படுகிறது.

இந்நிலையில் 200 விக்கெட்டுக்கள் வீழ்த்தியுள்ள மிட்செல் ஸ்டார்க்கை விமர்சனம் செய்வது நியாயமானதல்ல என்று சுழற்பந்து வீச்சாளர் நாதன் லயன் தெரிவித்துள்ளார்.

இதுகுறித்து நாதன் லயன் கூறுகையில் ‘‘உண்மையிலேயே மிட்செல் ஸ்டார்க் குறித்த விமர்சனங்களை என்னால் புரிந்து கொள்ள முடியவில்லை. மிட்செல் ஸ்டார்க் 200 விக்கெட்டுக்கள் வீழ்த்தியுள்ளார். யாராவது ஒருவரால் 200 விக்கெட் வீழ்த்த முடியும் என்றால், என்ன செய்து கொண்டிருக்கிறோம் என்பது அவருக்குத் தெரியும். மிட்செல் ஸ்டார்க்கிற்கு நான் ஆதரவாக உள்ளேன். வீரர்கள் டிரஸ்ஸிங் அறையில் ஒவ்வொருவரும் ஆதரவாக உள்ளனர். ஆகவே இது முற்றிலும் நியாயமானதல்ல’’ என்றார்.

ஆஸ்திரேலியா - இந்தியா இடையில் மூன்று போட்டிகள் கொண்ட ஒருநாள் கிரிக்கெட் தொடர் நடைபெற்று வருகிறது. சிட்னியில் நடைபெற்ற முதல் போட்டியில் ஆஸ்திரேலியாவும், அடிலெய்டில் நடைபெற்ற 2-வது போட்டியில் இந்தியாவும் வெற்றி பெற்றன.

இந்நிலையில் தொடரை தீர்மானிக்கும் 3-வது மற்றும் கடைசி ஒருநாள் போட்டி மெல்போர்னில் நாளை நடக்கிறது. இதில் வெற்றி பெற்று கோப்பையை கைப்பற்ற வேண்டும் என இரு அணிகளும் தீவிர முயற்சியில் ஈடுபடும்.

ஆஸ்திரேலிய அணியில் சுழற்பந்து வீச்சாளரான நாதன் லயன் இடம்பிடித்திருந்தார். அவர் இரண்டு போட்டிகளிலும் 109 ரன்கள் விட்டுக்கொடுத்தார். ஆனால் விக்கெட் ஏதும் வீழ்த்தவில்லை. இதனால் நாளைய போட்டிக்கான ஆஸ்திரேலிய ஆடும் லெவன் அணியில் இருந்து அதிரடியாக நீக்கப்பட்டுள்ளார். அவருக்குப் பதிலாக ஆடம் ஜம்பா அணியில் சேர்க்கப்பட்டுள்ளார்.

அதேபோல் இடதுகை வேகப்பந்து வீச்சாளர் ஜேசன் பெரேன்டர்ப் காயம் அடைந்துள்ளதால், பில்லி ஸ்டேன்லேக் அணியில் சேர்க்கப்பட்டுள்ளார்.

ஆஸ்திரேலிய அணியில் இடம்பிடித்துள்ள வீரர்கள் விவரம்:-

1. ஆரோன் பிஞ்ச் (கேப்டன்), 2. அலெக்ஸ் கேரி (துணைக்கேப்டன்), 3. பீட்டர் ஹேண்ட்ஸ்காம்ப், 4. கவாஜா, 5. ஷான் மார்ஷ், 6. மேக்ஸ்வெல், 7. ரிச்சர்ட்சன், 8. பீட்டர் சிடில், 9. பில்லி ஸ்டேன்லேக், 10. மார்கஸ் ஸ்டாய்னிஸ், 11. ஆடம் ஜம்பா.

இந்தியா - ஆஸ்திரேலியா அணிகளுக்கு இடையிலான கடைசி டெஸ்ட் போட்டி சிட்னியில் நடைபெற்று வருகிறது. இந்த போட்டியுடன் நான்கு போட்டிகள் கொண்ட டெஸ்ட் தொடர் முடிவடைகிறது. அதன்பின் 3 போட்டிகள் கொண்ட ஒரு நாள் கிரிக்கெட் தொடர் தொடங்குகிறது. முதல் போட்டி வருகிற 12-ந்தேதி சிட்னியிலும், 2-வது போட்டி 15-ந்தேதி அடிலெய்டிலும், 3-வது போட்டி 18-ந்தேதி மெல்போர்னிலும் நடக்கிறது.

இந்தியாவுக்கு எதிரான ஒருநாள் போட்டி தொடருக்கான 14 பேர் கொண்ட ஆஸ்திரேலிய அணி அறிவிக்கப்பட்டு உள்ளது. உஸ்மான் கவாஜா, பீட்டர் சிடில் அணிக்கு திரும்பி உள்ளனர். வேகப்பந்து வீச்சாளர்கள் கம்மின்ஸ், மிட்செல் ஸ்டார்க், ஹசில்வுட் ஆகியோருக்கு ஓய்வு அளிக்கப்பட்டு உள்ளது.

தென் ஆப்பிரிக்காவுக்கு எதிரான ஒருநாள் தொடரில் விளையாடிய கிறிஸ் லின், ஆர்கி டி'ஷார்ட், டிராவிஸ் ஹெட், அஷ்டோன் அகர் ஆகியோர் நீக்கப்பட்டு உள்ளனர்.

ஆரோன் பிஞ்ச் (கேப்டன்), மிட்செல் மார்ஷ் (துணை கேப்டன்), உஸ்மான் கவாஜா, ஷான் மார்ஷ், பீட்டர் ஹேண்ட்ஸ்காம்ப், கிளென் மேக்ஸ்வெல், மார்கஸ் ஸ்டாய்னிஸ், அலெக்ஸ் கேரி, ரிச்சர்ட்சன், பில்லி ஸ்டேன்லேக், பெரென்டோர்ப், பீட்டர் சிடில், நாதன் லயன், ஆடம் சம்பா.

கொல்கத்தா:

இந்திய கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது.

4 போட்டிக் கொண்ட டெஸ்ட் தொடரில் அடிலெய்டில் நடந்த முதல் டெஸ்டில் இந்தியாவும், பெர்த்தில் நடந்த 2-வது டெஸ்டில் ஆஸ்திரேலியாவும் வெற்றி பெற்றன. இதனால் 1-1 என்ற கணக்கில் சமநிலையில் உள்ளது.

3-வது டெஸ்ட் போட்டி வருகிற 26-ந்தேதி மெல்போர்னில் தொடங்குகிறது. இந்த டெஸ்ட் தொடரில் ஆஸ்திரேலிய சுழற்பந்து வீச்சாளர் நாதன் லயனின் பந்துவீச்சை சமாளிக்க முடியாமல் இந்திய வீரர்கள் திணறி வருகிறார்கள். 2 டெஸ்டிலும் சேர்த்து நாதன் லயன் 16 விக்கெட் கைப்பற்றி உள்ளார்.

இந்த நிலையில் நாதன் லயன் பந்து வீச்சை இந்திய வீரர்கள் சமாளிக்க முன்னாள் கேப்டன் கங்குலி அறிவுரை வழங்கியுள்ளார். இது தொடர்பாக அவர் கூறியதாவது:-


லயன் சிறந்த சுழற்பந்து வீச்சாளர் என்பதில் எந்த சந்தேகமும் இல்லை. ஆனால் ஷேன் வார்னே, முரளீதரன், சுவான் ஆகியோர் போல் இல்லை.

இவ்வாறு அவர் கூறினார். #AUSvIND #SouravGanguly #NathanLyon

ஆஸ்திரேலியா - இந்தியா இடையிலான 2-வது டெஸ்ட் பெர்த்தில் நடைபெற்றது. இதில் ஆஸ்திரேலியா அபார வெற்றி பெற்றது. இந்திய பேட்ஸ்மேன்கள் நாதன் லயன் சுழற்பந்து வீச்சில் வீழ்ந்தனர். முதல் இன்னிங்சில் 5 விக்கெட்டுக்கள் வீழ்த்திய அவர், 2-வது இன்னிங்சில் 3 விக்கெட் வீழ்த்தினார்.

8 விக்கெட் வீழ்த்திய நாதன் லயன் ஆட்ட நாயகன் விருதைப் பெற்றார். முதல் டெஸ்டில் ஏற்கனவே 8 விக்கெட்டுக்கள் வீழ்த்தியிருந்தார். இரண்டு போட்டியில் 16 விக்கெட்டுக்கள் கைப்பற்றி, ஐசிசியின் டெஸ்ட் போட்டிக்கான பந்து வீச்சாளர்கள் தரவரிசையில் முதல் 10 இடத்திற்குள் முன்னேறி 7-வது இடத்தை பிடித்துள்ளார்.

தென்ஆப்பிரிக்கா வீரர் ரபாடா 882 புள்ளிகளுடன் முதல் இடத்தில் உள்ளார். ஜேம்ஸ் ஆண்டர்சன் 874 புள்ளிகளுடன்  2-வது இடத்தில் உள்ளார்.

ஜடேஜா 796 புள்ளிகளுடன் 5-வது இடத்திலும், அஸ்வின் 778 புள்ளிகளுடன் 6-வது இடத்திலும், நாதன் லயன் 766 புள்ளிகளுடன் 7-வது இடத்திலும், பேட் கம்மின்ஸ் 761 புள்ளிகளுடன் 8-வது இடத்திலும், ஹசில்வுட் 758 புள்ளிகளுடன் 9-வது இடத்திலும் உள்ளனர்.

பெர்த் டெஸ்டில் சதம் அடித்த விராட் கோலி பேட்ஸ்மேன் தரவரிசையில் முதல் இடத்தில் நீடிக்கிறார். நியூசிலாந்து கேப்டன் கேன் வில்லியம்சன் 915 புள்ளிகளுடன் 2-வது இடத்தில் உள்ளார். ஸ்டீவ் ஸ்மித் 892 புள்ளிகளுடன் 3-வது இடத்திலும், புஜாரா 4-வது இடத்திலும், ஜோ ரூட் ஐந்தாவது இடத்திலும் உள்ளனர்.

ஆஸ்திரேலியாவுக்கு எதிரான 2-வது டெஸ்ட் போட்டியில் ஏற்பட்ட தோல்வி குறித்து இந்திய அணி கேப்டன் விராட் கோலி கூறியதாவது:-

இந்த டெஸ்டில் நாங்கள் அணியாக சிறப்பாக செயல்பட்டதாகவே கருதுகிறேன். ஆஸ்திரேலிய அணி எங்களைவிட பேட்டிங்கில் சிறப்பாக செயல்பட்டது. அந்த அணி முதல் இன்னிங்சில் 330 ரன் குவித்தது. இந்த ஆடுகளத்தில் இது அதிகமான ரன்னே. ஆஸ்திரேலியா வெற்றிக்கு தகுதியான அணியே.

நாங்கள் நம்பிக்கையுடன் விளையாடியபோது ஆஸ்திரேலிய பவுலர்கள் எங்களுக்கு இடைவிடாது நெருக்கடியை ஏற்படுத்தி விட்டனர். அவர்கள் அதில் மிகுந்த திறமையுடன் செயல்பட்டனர்.

ஆடுகளத்தை (பிட்ச்) பார்த்தபோது நாங்கள் ஜடேஜாவை பற்றி சிந்திக்கவில்லை. ஆனால் ஆஸ்திரேலிய சுழற்பந்து வீரர் நாதன் லயன் சிறப்பாக பந்து வீசினார். சுழற்பந்து வீரர் அணியில் இடம்பெற வேண்டும் என்பதை நாங்கள் ஒருபோதும் யோசிக்கவில்லை. 4 வேகப்பந்து வீரர்கள் போதுமானது என்று கருதுதினோம்.

நாங்கள் விரும்பிய முடிவை பெறாததால் ஆட்டத்திறன் குறித்து சொல்வது பொருத்தமற்றது. அடுத்த டெஸ்டில் கவனம் செலுத்துவதுதான் இனி நோக்கமாக இருக்கும்.



எனக்கு கொடுக்கப்பட்ட முடிவு (சர்ச்சைக்குரிய கேட்ச்) குறித்து ஆடுகளத்தில் எடுக்கப்பட்டது. அது அங்கேயே முடிந்துவிட்டது. இதற்கு மேல் ஒன்றுமில்லை.

இவ்வாறு அவர் கூறியுள்ளார்.

வெற்றி குறித்து ஆஸ்திரேலிய கேப்டன் டிம்பெய்ன் கூறும்போது, “இந்த வெற்றியால் நிம்மதி அடைகிறோம். எங்களது வீரர்களை நினைத்து பெருமைப்படுகிறேன்” என்றார்.

ஆஸ்திரேலியா - இந்தியா அணிகளுக்கு இடையில் நான்கு போட்டிகள் கொண்ட டெஸ்ட் தொடர் நடைபெற்று வருகிறது. இந்த தொடர் தொடங்குவதற்கு முன் விராட் கோலியை சதம் அடிக்க விடமாட்டோம் என்று ஹசில்வுட் கூறியிருந்தார். மேலும் ஸ்டார்க், ஹசில்வுட், கம்மின்ஸ் ஆகிய மும்மூர்த்திகளை எதிர்த்து விளையாட விராட் கோலி திணறுவார் என்று கூறப்பட்டது.

ஆனால், தற்போது வரை விராட் கோலி நான்கு இன்னிங்சில் பேட்டிங் செய்துள்ளார். இதில் இரண்டு முறை நாதன் லயன் பந்தில் வீழ்ந்துள்ளார். இரண்டு முறை பேட் கம்மின்ஸ் பந்தில் ஆட்டமிழந்துள்ளார்.



தற்போது நடைபெற்று வரும் பெர்த் போட்டியின் 2-வது இன்னிங்சில் விராட் கோலியை சிறப்பாக ஆட்டமிழக்க வைத்தார். இதன் மூலம் விராட் கோலியை அதிக முறை அவுட்டாக்கிய பந்து வீச்சாளர் என்ற பெருமையை பெற்றுள்ளார்.

விராட் கோலி நாதன் லயனுக்கு எதிராக ஏழு முறை ஆட்டமிழந்துள்ளார். அடுத்த இரண்டு போட்டிகள் மெல்போர்ன், சிட்னியில் நடக்கிறது. இந்த இரண்டு மைதான ஆடுகளங்களும் சுழற்பந்து வீச்சுக்கு சாதகமாக இருக்கும். இதனால் விராட் கோலி கவனமாக விளையாட வேண்டியது அவசியமானது.

ஆஸ்திரேலியா - இந்தியா இடையிலான 2-வது டெஸ்ட் பெர்த்தில் நடைபெற்று வருகிறது. டாஸ் வென்று முதலில் பேட்டிங் செய்த ஆஸ்திரேலியா முதல் இன்னிங்சில் 326 ரன்கள் குவித்தது. பின்னர் முதல் இன்னிங்சை தொடங்கிய இந்தியா விராட் கோலி சதம் அடித்தாலும் 283 ரன்னில் சுருண்டது.

43 ரன்கள் முன்னிலையுடன் 2-வது இன்னிங்சை தொடங்கிய ஆஸதிரேலியா 243 ரன்கள் சேர்த்து ஆல்அவுட் ஆனது. இதனால் இந்தியாவிற்கு 287 ரன்கள் வெற்றி இலக்காக நிர்ணயித்தது ஆஸ்திரேலியா.

287 ரன்கள் எடுத்தால் வெற்றி என்ற கடினமான இலக்குடன் இந்தியா களம் இறங்கியது. லோகேஷ் ராகுல் முதல் பந்தை சந்திக்க ஸ்டார்க் பந்து வீச்சை தொடங்கினார். ஆட்டத்தின் 4-வது பந்திலேயே லோகேஷ் ராகுல் ஸ்டம்பை பறிகொடுத்தார். அடுத்து வந்த புஜாரா 4 ரன்னில் கம்மின்ஸ் பந்தில் ஆட்டமிழந்தார்.

3-வது விக்கெட்டுக்கு முரளி விஜய் உடன் விராட் கோலி ஜோடி சேர்ந்தார். இந்த ஜோடி ஓரளவிற்கு தாக்குப்பிடித்தது. ஆனால் நாதன் லயன் பந்தில் விராட் கோலி (17), முரளி விஜய் (20) அடுத்தடுத்து வெளியேறினார்கள். இதனால் இந்தியா 55 ரன்னிற்குள் நான்கு விக்கெட்டுக்களை இழந்து தத்தளித்தது.


ரகானே விக்கெட்டை சாய்த்த சந்தோசத்தில் ஹசில்வுட்

5-வது விக்கெட்டுக்கு ரகானே உடன் விஹாரி ஜோடி சேர்ந்தார். இந்த ஜோடி 43 ரன்கள் சேர்த்தது. அணியின் ஸ்கோர் 98 ரன்னாக இருக்கும்போது ரகானே 30 ரன்கள் எடுத்த நிலையில் ஆட்டமிழந்தார். ரகானே அவுட்டானதும் இந்தியாவின் இன்னிங்ஸ் ஓரளவு முடிவிற்கு வந்ததாக கருதப்படுகிறது.

6-வது விக்கெட்டுக்கு விஹாரி உடன் ரிஷப் பந்த் ஜோடி சேர்ந்தார். இந்த ஜோடி இன்றைய 4-வது நாள் ஆட்டம் முடியும் வரை மேலும் விக்கெட் இழக்காமல் பார்த்துக் கொண்டது. தற்போது வரை இந்தியா 41 ஓவரில் 5 விக்கெட் இழப்பிற்கு 112 ரன்கள் எடுத்துள்ளது. விஹாரி 24 ரன்னுடனும், ரிஷப் பந்த் 9 ரன்னுடனும் களத்தில் உள்ளனர்.


டிம் பெய்னின் மகிழ்ச்சியும், விராட் கோலியின் சோகமும்

இந்தியாவின் வெற்றிக்கு 175 ரன்கள் தேவை. கைவசம் ஐந்து விக்கெட்டுக்கள் உள்ளன. கடைசி நாளில் 175 ரன்கள் என்பது மிகக்கடினம். மேலும், தற்போது களத்தில் இருக்கும் ஜோடி பிரிந்தால், இந்தியாவின் இன்னிங்சை உடனடியாக முடிவிற்கு வர வாய்ப்புள்ளது.

ஆஸ்திரேலியா - இந்தியா இடையிலான 2-வது டெஸ்ட் பெர்த்தில் நடைபெற்று வருகிறது. ஆஸ்திரேலியா முதல் இன்னிங்சில் 326 ரன்கள் சேர்த்தது. பின்னர் இந்தியா முதல் இன்னிங்சை தொடங்கியது. நேற்றைய 2-வது நாள் ஆட்ட முடிவில் இந்தியா 3 விக்கெட் இழப்பிற்கு 172 ரன்கள் எடுத்திருந்தது. விராட் கோலி 82 ரன்னுடனும், ரகானே 51 ரன்னுடனும் களத்தில் இருந்தனர்.

இன்று 3-வது நாள் ஆட்டம் தொடங்கியது. ரகானே இன்றைய முதல் ஓவரிலேயே ஆட்டமிழந்தார். அடுத்து விராட் கோலியுடன் ஹனுமா விஹாரி ஜோடி சேர்ந்தார். ஹனுமா விஹாரி நம்பிக்கையுடன் விளையாடினார்.

எதிர்முனையில் விளையாடிய விராட் கோலி ஸ்டார்க் பந்தை பவுண்டரிக்கு விரட்டி 214 பந்தில் 11 பவுண்டரியுடன் சதத்தை பதிவு செய்தார். டெஸ்ட் போட்டியில் விராட் கோலியின் 25-வது சதம் இதுவாகும்.

அணியின் ஸ்கோர் 233 ரன்னாக இருக்கும்போது ஹனுமா விஹாரி ஆட்டமிழந்தார். அடுத்து ரிஷப் பந்த் விராட் கோலியுடன் இணைந்தார். மதிய உணவு இடைவேளைக்கு முன் விராட் கோலி 123 ரன்கள் எடுத்த நிலையில் கம்மின்ஸ் பந்தில் ஆட்டமிழந்தார். அப்போது இந்தியா 251 ரன்கள் எடுத்திருந்தது.



அதன்பின் வந்த ஷமி முதல் பந்திலேயே ஆட்டமிழந்தார். ரிஷப் பந்த் அதிரடியாக விளையாடி 36 ரன்கள் சேர்க்க இந்தியா 283 ரன்கள் எடுத்து ஆல்அவுட் ஆனது. கடைசி நான்கு விக்கெட்டுக்களையும் நாதன் லயன் கைப்பற்றினார். நாதன் லயன் 34.5 ஓவர்கள் வீசி 67 ரன்கள் மட்டுமே விட்டுக்கொடுத்து ஐந்து விக்கெட்டுக்கள் வீழ்த்தினார்.

ஆஸ்திரேலியா 43 ரன்கள் முன்னிலையுடன் 2-வது இன்னிங்சை தொடங்கியுள்ளது.

ஆஸ்திரேலியா - இந்தியா இடையிலான 2-வது டெஸ்ட் பெர்த் நகரில் நடைபெற்று வருகிறது. டாஸ் வென்ற ஆஸ்திரேலியா பேட்டிங் தேர்வு செய்தது. இந்தியா நான்கு வேகப்பந்து வீச்சாளர்களுடன் களம் இறங்கியது. தொடக்கத்தில் ஆடுகளம் பெரிய அளவில் பந்து வீச்சுக்கு உதவவில்லை. இதை சரியாக பயன்படுத்தி தொடக்க வீரர்களான ஆரோன் பிஞ்ச், ஹாரிஸ் அரைசதம் அடித்தனர்.

அதன்பின் ஆடுகளத்தில் அதிக அளவில் பந்து பவுன்ஸ் ஆனது. இதனால் ஆஸ்திரேலியா தடுமாற ஆரம்பித்தது. டிராவிஸ் ஹெட் அரைசதம் அடிக்க ஆஸ்திரேலியா 6 விக்கெட் இழப்பிற்கு 277 ரன்கள் சேர்த்துள்ளது. ‘பவுன்ஸ் பிட்ச்’ ஆன பெர்த்தில் இது சிறப்பான ஸ்கோர் என்று எதிர்பார்க்கப்படுகிறது. நாளை எப்படியும் இந்தியா பேட்டிங் செய்யும். அப்போது பவுன்ஸ்க்கு உதவும் ஆடுகளத்தில் நாதன் லயன் மகிழ்ச்சியாக பந்து வீசுவார் என்று ஆரோன் பிஞ்ச் தெரிவித்துள்ளார்.



இதுகுறித்து ஆரோன் பிஞ்ச் கூறுகையில் ‘‘பெர்த் டெஸ்ட் தற்போது இரு அணிகளுக்கு சமமான நிலையில் சென்று கொண்டிருக்கிறது. முதல் நாள் ஆட்டத்தில் தொடக்கத்தில் நாங்கள் முன்னணியில் இருந்தோம். இதில் எந்த சந்தேகமும் இல்லை. குறிப்பாக டாஸ் வென்று பேட்டிங் தேர்வு செய்தது முக்கியமானது.

ஆடுகளம் அதிக அளவில் பவுன்ஸ்க்கு ஒத்துழைப்பதால் நாதன் லயன் மகிழ்ச்சியாக பந்து வீசுவார். இந்த ஆடுகளத்தில் அவர் உற்சாகமாக பந்து வீச்சாளர் என்பதில் சந்தேகம் இல்லை’’  என்றார்.

ஆஸ்திரேலியா - இந்தியா இடையிலான முதல் டெஸ்ட் அடிலெய்டில் நடைபெற்றது. இன்றுடன் முடிவடைந்த இந்த டெஸ்டில் இந்தியா 31 ரன்கள் வித்தியாசத்தில் வெற்றி பெற்றது.

ஆஸ்திரேலியாவின் வெற்றிக்கு இந்தியா 323 ரன்கள் வெற்றி இலக்காக நிர்ணயித்தது. நேற்றைய 4-வது நாள் ஆட்டத்தில் ஆஸ்திரேலியா 49 ஓவரில் 4 விக்கெட் இழப்பிற்கு 104 ரன்கள் எடுத்திருந்தது. மார்ஷ் 31 ரன்னுடனும், டிராவிஸ் ஹெட் 11 ரன்னுடனும் களத்தில் இருந்தனர்.

இன்று கடைசி நாள் ஆட்டம் தொடங்கியது. மார்ஷ் 60 ரன்னிலும், டிராவிஸ் ஹெட் 14 ரன்னிலும் ஆட்டமிழந்தனர். அப்போது ஆஸ்திரேலியா 6 விக்கெட் இழப்பிற்கு 156 ரன்கள் எடுத்திருந்தது. வெற்றிக்கு கைவசம் நான்கு விக்கெட்டுக்கள் இருந்த நிலையில் 167 ரன்கள் தேவைப்பட்டது. அப்போது கேப்டன் டிம் பெய்ன் உடன் டெய்ல் எண்டர்ஸ் என அழைக்கப்படும் கடைநிலை பேட்ஸ்மேன்களான பந்து வீச்சாளர்கள் களம் இறங்கிய தொடங்கினார்கள்.

முதலாவதாக பேட் கம்மின்ஸ் களம் இறங்கினார். இவர் மிகவும் பொறுமையான ஆட்டத்தை வெளிப்படுத்தினார். மறுமுனையில் பெய்ன் 41 ரன்கள் எடுத்த நிலையில் ஆட்டமிழந்தார். பெய்ன் ஆட்டமிழக்கும்போது ஆஸ்திரேலியா 7 விக்கெட் இழப்பிற்கு 187 ரன்கள் எடுத்திருந்தது. வெற்றிக்கு 136 ரன்கள் தேவைப்பட்டது.


கம்மின்ஸ் பந்தை பவுண்டரிக்கு விளாசிய காட்சி

இந்தியாவின் வெற்றிக்கு 3 விக்கெட்டுக்கள் மட்டுமே தேவை என்பதால் எளிதாக வெற்றி பெற்றுவிடும் என்று ரசிகர்கள் நினைத்தனர். 8-வது விக்கெட்டுக்கு கம்மின்ஸ் உடன் இணைந்த ஸ்டார்க் அதிரடி ஆட்டத்தை வெளிப்படுத்தினார். இந்த ஜோடி 8-வது விக்கெட்டுக்கு 41 ரன்கள் சேர்த்தது. இறுதியில் ஸ்டார்க் ஷமி பந்தில் ஆட்டமிழந்தார். அவர் 44 பந்துகளை சந்தித்து 28 ரன்கள் சேர்த்தார். ஸ்டார்க் ஆட்டமிழக்கும்போது 95 ரன்கள் தேவைப்பட்டது.

அந்த நேரத்தில் 9-வது விக்கெட்டுக்கு கம்மின்ஸ் உடன் நாதன் லயன் ஜோடி சேர்ந்தார். இருவரும் மிகவும் சிறப்பாக விளையாடினார்கள். ஏற்கனவே இந்திய பந்து வீச்சாளர்களுக்கு டெய்ல் எண்டர்ஸ் கடும் சவாலாக விளங்கி வரும் நிலையில், கடும் நெருக்கடி கொடுத்தனர்.

இந்த ஜோடி 9-வது விக்கெட்டுக்கு 31 ரன்கள் சேர்த்தது. இக்கட்டான நிலையில் கம்மின்ஸை வெளியேற்றினார் பும்ரா. அப்போதுதான் இந்தியா சற்று நிம்மதி அடைந்தது. இருந்தாலும் இந்தியாவின் நெருக்கடி குறையவில்லை.

கடைசி விக்கெட்டுக்கு 64 ரன்கள் தேவைப்பட்டது. நாதன் லாயன் உடன் ஹசில்வுட் ஜோடி சேர்ந்தார். ஹசில்வுட் திறமையான வகையில் சமாளிக்க, நாதன் லயன் இலக்கை நோக்கி ரன்களை விரட்ட தொடங்கினார்.


ஹசில்வுட் ஆட்டமிழந்து சோகமாக திரும்பு காட்சி

ஒரு கட்டத்தில் இஷாந்த சர்மா பந்தில் நாதன் லயன் எல்பிடபிள்யூ ஆக, நடுவர் நோ-பால் என்றதால், இந்திய வீரர்கள் விரக்தியடைந்தனர். ஸ்கோர் 54-ல் இருந்து 44, 34 என குறைந்து கொண்டே வந்தது. இதனால் ரசிகர்களிடம் பரபரப்பு தொற்றிக் கொண்டது.

இறுதியில் அஸ்வின் பந்தில் ஹசில்வுட் 43 பந்துகளை சந்தித்து 13 ரன்கள் எடுத்த நிலையில் ஆட்டமிழந்தார். இதனால் ஆஸ்திரேலியா 291 ரன்னில் ஆல்அவுட் ஆகி, 31 ரன்னில் தோல்வியை சந்தித்தது.

2-வது இன்னிங்சில் அஸ்வின் (5), இஷாந்த் சர்மா (0), முகமது ஷமி (0), பும்ரா (0) ஆகியோர் 44 பந்துகள் சந்தித்து 5 ரன்கள் மட்டுமே எடுத்த நிலையில், ஆஸ்திரேலியாவின் டெய்ல் எண்டர்ஸ் 255 பந்துகளை சந்தித்து 107 ரன்கள் குவித்து இந்தியாவிற்கு குடைச்சல் கொடுத்ததோடு, நெருக்கடியும் அளித்துவிட்டனர்.