நீங்கள் தேடியது "பிரிட்டன் இளவரசர் ஹாரி"

லண்டன்:


இந்த தம்பதியர் சூசெக்ஸ் அரண்மனையின் அரசகுமாரராகவும், அரசகுமாரியாகவும் அறியப்படுகின்றனர்.

இந்நிலையில், தற்போது மேகன் மார்கல் கருவுற்றிருப்பதை சூசெக்ஸ் அரண்மனை இன்று அதிகாரப்பூர்வமாக அறிவித்துள்ளது.

அடுத்த (2019) ஆண்டின் வசந்தகாலத்தில் (மார்ச் முதல் மே மாதம் வரை) தங்கள் அரண்மனையின் குட்டி அரசகுமாரனை எதிர்ப்பார்ப்பதாக சூசெக்ஸ் அரண்மனை வெளியிட்ட செய்திகுறிப்பில் தெரிவிக்கப்பட்டுள்ளது.

ஹாரி - மேகன் மார்கல் தம்பதியர் தற்போது ஆஸ்திரேலியா நாட்டில் சுற்றுப்பயணம் மேற்கொண்டுள்ளனர். இந்த பயணத்துக்கு பின்னர் அவர்கள் பிஜி தீவுக்கும் செல்கின்றனர். #MeghanandHarry  #Meghanpregnant 

லண்டன்:

இங்கிலாந்து இளவரசர் சார்லஸ் டயானா தம்பதியின் இளையமகன் ஹாரி (33). இவருக்கும் மேகன் மார்கலுக்கும் (36) இன்று விண்ட்சோர் நகரில் உள்ள புனித ஜார்ஜ் தேவாலயத்தில் இன்று திருமணம் நடைபெற்றது.

திருமணத்தை ஒட்டி கோலாகலமான ஏற்பாடுகள் செய்யப்பட்டுள்ளன. அரச குடும்ப திருமணத்தை ஒட்டி லண்டனில் உள்ள ஏஞ்சலிகன் தேவாலயத்தில் சிறப்பு பிரார்த்தனை நடத்தப்பட்டது. திருமணத்தில் இணையும் இளவரசர் ஹாரி-மேகன் தம்பதியை கடவுள் ஆசீர்வதிப்பாராக. அவர்கள் இருவரும் கடவுளின் அன்பால் நீடூடி வாழ வேண்டும் என பிரார்த்தனை நடந்தது.

திருமணத்தில் மணமகள் மேகன் மார்கலின் தந்தை தாமஸ் பங்கேற்கவில்லை. சமீபத்தில் தான் அவருக்கு இருதய ஆபரேசன் நடந்தது. அதனால் ஹாரியின் தந்தையும், இளவரசருமான சார்லஸ் மணமகள் மேகனுக்கும் தந்தை ஸ்தானத்தில் இருந்து திருமணத்தை நடத்தி வைத்தார்.

இளவரசர் ஹாரியின் பாட்டி ராணி எலிசபெத், அண்ணன் வில்லியம் அவரது மனைவி கேத்மிடில்டன், அத்தம்பதியின் குழந்தைகள் உள்ளிட்ட அரச குடும்பத்தினர் பங்கேற்றனர்.



இவர்கள் தவிர திருமணவிழாவில் பங்கேற்க 600 விருந்தினர்களுக்கு அழைப்பு அனுப்பப்பட்டது. மேலும் 2,640 பொதுமக்களும் அழைக்கப்பட்டனர். அவர்கள் இங்குள்ள ஒரு திடலில் நின்று திருமணத்தை பார்க்க வசதி செய்யப்பட்டிருந்தது

இதுதவிர, எங்கிருந்து மணவிழாவை வசதியாக பார்க்க முடியுமோ, அந்த பகுதியில் உள்ள சாலைகளில் நேற்று முதல் லட்சக்கணக்கான மக்கள் நடைபாதைகளில் இடம்பிடித்து காத்திருந்தனர். பிரபல தொலைக்காட்சி நிகழ்ச்சி தொகுப்பாளினி ஓப்ரா வின்பிரே மற்றும் இட்ரிஸ் எல்பா ஆகியோர் முதன்முதலாக அந்த இடத்திற்கு வந்த பிரபலங்களில் முக்கியமானவர்கள்.



உள்ளூர் நேரப்படி இன்று காலை 11.25 ( இந்திய நேரப்படி பிற்பகல் சுமார் 4 மணி ) மணியளவில் அரசகுடும்பத்தார் விண்ட்சோர் நகரில் உள்ள தேவாலயத்திற்கு வர தொடங்கினார்கள். 11.40 மணியளவில் இளவரசர் வில்லியம் மற்றும் இளவரசரும், மணமகனுமான ஹாரி ஆகியோர் தேவாலயம் வந்தடைந்தனர். 11.52 மணியளவில் பிரிட்டன் அரசு இரண்டாம் எலிசபெத் இங்கு வந்து சேர்ந்தார். சரியாக நண்பகல் 12 மணியளவில் மணமகள் மேகன் மார்க்லே காரில் வந்து இறங்கினார்.


சற்று நேரத்தில் இளவரசர் சார்லஸ் மணமகளின் கையை பற்றியபடி தேவாலயத்திற்குள் அழைத்து சென்றார்.


பின்னர் இசைக்குழுவினரின் பிரார்த்தனை பாடல்களுடன் திருமண மடல் வாசிக்கப்பட்டது. இந்திய நேரப்படி மாலை 5.10 மணியளவில் மணமக்கள் மோதிரம் மாற்றிக்கொண்டனர். ஒருவரையொருவர் முத்தமிட்டு அன்பை பரிமாறி கொண்டனர்.


திருமணம் முடிந்ததும் விண்ட்சோர் நகர் வீதியில் மணமக்கள் ஊர்வலமாக செல்ல அலங்கார குதிரைகள் பூட்டிய சாரட் வண்டி தயார் நிலையில் வைக்கப்பட்டிருந்தது. 19-ம் நூற்றாண்டை சேர்ந்த இந்த சாரட் வண்டியை விண்ட்சோர் நகரின் பழமைவாய்ந்த தெருக்களின் வழியாக 4 குதிரைகள் இழுத்து சென்றன.

சாலைகளின் ஓரம் பிரிட்டன் நாட்டு கொடிகளை கைகளில் ஏந்தியபடி பல்லாயிரக்கணக்கான மக்கள் மணமக்களுக்கு திருமண வாழ்த்துக்களையும், நல்வாழ்த்துக்களையும் வழங்கினர். பிரிட்டன் அரச குடும்பத்தின் இந்த திருமணத்தை உலகில் உள்ள 80 கோடி மக்கள் தொலைக்காட்சி மூலம் கண்டு ரசித்தனர்.

திருமணம் நடைபெற்ற இடம் மற்றும் நகரின் மற்ற பகுதிகளில் ஏராளமான போலீசாரும், உளவுத்துறை அதிகாரிகளும் பாதுகாப்பு பணியில் ஈடுபட்டுள்ளனர். #Royalwedding #PrinceHarry #MeghanMarkle

லண்டன்:

இங்கிலாந்து இளவரசர் சார்லஸ், டயானா தம்பதியரின் இளைய மகன் இளவரசர் ஹாரி (வயது 33). இவர் அமெரிக்க நடிகை மேகன் மார்கிலை (வயது 36) காதலித்து வந்தார்.

இவர்கள் திருமணம் செய்துகொள்ள விரும்பினர். இவர்களது காதல் திருமணத்துக்கு இளவரசர் ஹாரியின் பாட்டியும், இளவரசர் சார்லசின் தாயாருமான ராணி இரண்டாம் எலிசபெத் ஒப்புதல் அளித்தார். இதையடுத்து அவர்களது திருமணம் நிச்சயமானது.

இங்கிலாந்து தலைநகர் லண்டனுக்கு மேற்கே பெர்க்‌ஷயரில் அமைந்து உள்ள வின்ட்சார் கோட்டையில், 15-ம் நூற்றாண்டில் கட்டப்பட்ட புனித ஜார்ஜ் தேவாலயத்தில் இன்று மதியம் இளவரசர் ஹாரி-மேகன் கோலாகல மண விழா நடக்கிறது. இதற்கான ஏற்பாடுகள் தடபுடலாக நடந்து வருகிறது.

இந்த மண விழாவை கேன்டர்பரி பேராயர் ஜஸ்டின் வெல்பி நடத்தி வைக்கிறார்.

இந்த மணவிழாவில் பங்கேற்று மணமக்களை வாழ்த்துவதற்காக 11.20 மணிக்கு ராணி குடும்பத்தினர் தேவாலயத்திற்குள் வருவார்கள். அதைத்தொடர்ந்து திருமண ஆராதனை நடைபெறும்.

இந்த தேவாலயத்தினுள் 800 பேர் அமரும் வசதி உள்ளது. சுமார் 600 பேருக்கு அழைப்பிதழ் தரப்பட்டு உள்ளதாக தகவல்கள் கூறுகின்றன.

மும்பையை சேர்ந்த மைனா மகிளா என்ற தொண்டு நிறுவனத்துக்கும் திருமண அழைப்பிதழ் தரப்பட்டு உள்ளதாக தெரியவந்து உள்ளது.

இந்த திருமண விழாவையொட்டி வின்ட்சார் கோட்டையின் மீது இன்று விமானங்கள் பறக்க தடை விதிக்கப்பட்டு உள்ளது.

திருமணம் முடிந்ததும், மணமக்கள் கேசில் ஹில், ஹை வீதி, ஷீட் வீதி, கிங்ஸ் சாலை, ஆல்பர்ட் சாலை, லாங்க் வாக் வழியாக ஊர்வலம் சென்று, பின்னர் வின்ட்சார் கோட்டைக்கு திரும்புவார்கள்.


மாலையில் இளவரசர் ஹாரி, மேகன் தம்பதியருக்கு ஹாரியின் தந்தை இளவரசர் சார்லஸ் தனிப்பட்ட முறையில் வரவேற்பு அளிக்கிறார். இதில் மணமக்களும், குடும்பத்தினரும் நெருங்கிய நண்பர்களும் பங்கேற்பார்கள்.

இளவரசர் ஹாரி, மேகன் மண விழாவில் மேகனின் தந்தை தாமஸ் மார்கில் கலந்துகொள்ளமாட்டார் என அதிகாரப்பூர்வமாக அறிவிக்கப்பட்டு உள்ளது. அவர் இதய அறுவை சிகிச்சை செய்துகொண்டதுதான் காரணம்.

எனவே அவருக்கு பதிலாக அவரது மனைவி டோரியா ராக்லண்ட்தான் மணமகள் மேகனை தேவாலயத்துக்குள் கைபிடித்து அழைத்து செல்வார் என கூறப்படுகிறது.

மண விழாவில் பங்கேற்க வருகிறவர்கள் ஆண்களாக இருந்தால் கோட், சூட்டும், பெண்களாக இருந்தால் தொப்பியும், நீண்ட கவுனும் அணிந்து வர வேண்டும் என்று அழைப்பிதழில் குறிப்பிடப்பட்டு உள்ளதாக தகவல்கள் கூறுகின்றன.

இங்கிலாந்தில் பிறந்து அமெரிக்காவில் வாழும் அலெக்சி லுபொமிர்ஸ்கி என்ற புகைப்பட கலைஞர்தான் மணவிழா படங்களை எடுக்கிறார்.

இந்த மண விழா டெலிவிஷனில் நேரடி ஒளிபரப்பு செய்யப்படுகிறது. #PrinceHarry #MeghanMarkle

லண்டன்:

பிரிட்டன் அரியணை வரிசையில் ஐந்தாவதாக அமரவுள்ளவர் இளவரசர் ஹாரி. கடந்த 2016-ம் ஆண்டில் இருந்து இளவரசர் ஹாரியும், அமெரிக்க நடிகையான மேகன் மார்க்லேவும் காதலித்து வந்தனர்.

இந்த ஜோடியினர் கடந்த டிசம்பர் மாதத்தில் நிச்சயம் செய்துகொண்டனர். அதன்படி, இளவரசர் ஹாரி - மேகன் மார்க்லேயின் திருமணம் நாளை நடைபெற உள்ளது. திருமணம் முடிவு செய்ததில் இருந்து மார்க்லே குடும்பத்திலிருந்து பிரச்சனைகள் வந்த வண்ணம் உள்ளன. மார்க்லேவின் சகோதரர் இந்த திருமணத்தை நிறுத்துங்கள் என இளவரசர் ஹாரிக்கு கடிதம் எழுதினார். குடும்பத்தைச் சேர்ந்த பலரும் திருமணத்திற்கு எதிர்ப்பு தெரிவித்தனர்.



இதற்கிடையில், மேகனின் தந்தை தாமஸ் மார்க்லே உடல்நலக்குறைவு காரணமாக மருத்துவமனையில் அனுமதிக்கப்பட்டார். அவருக்கு இதய அறுவை சிகிச்சை செய்யப்பட்டது. இதனால் அவரால் திருமணத்திற்கு வரமுடியாது என தகவல்கள் வெளியாகின.

இந்நிலையில், ஹாரி-மார்க்லே திருமணத்தில் தனது தந்தைக்கு பதிலாக ஹாரியின் தந்தையும், வேல்ஸ் இளவரசருமான சார்லஸ் மணமகளை மணமகனிடம் ஒப்படைக்க வேண்டும் என கேட்டுக்கொண்டார். அதனை ஏற்றுக்கொண்டு இளவரசர் சார்லஸ் திருமணத்தில் மேகன் மார்க்லேவின் தந்தைக்கு பதிலாக இளவரசர் சார்லஸ் மணமகளை மணமகனிடம் ஒப்படைப்பார் என கெங்கிஸ்டன் அரண்மனை அதிகாரப்பூர்வமாக அறிவித்துள்ளது. #PrinceHarry #MeghanMarkle

லண்டன்:

பிரிட்டன் அரியணை வரிசையில் ஐந்தாவதாக அமரவுள்ளவர் இளவரசர் ஹாரி. கடந்த 2016-ம் ஆண்டில் இருந்து இளவரசர் ஹாரியும், அமெரிக்க நடிகையான மேகன் மார்க்லேவும் காதலித்து வந்தனர்.

இந்த ஜோடியினர் கடந்த டிசம்பர் மாதத்தில் நிச்சயம் செய்துகொண்டனர். அதன்படி, இளவரசர் ஹாரி - மேகன் மார்க்லேயின் திருமணம் இந்த மாதம் 19-ம் தேதி நடைபெற உள்ளது. திருமணம் முடிவு செய்ததில் இருந்து மார்க்லே குடும்பத்திலிருந்து பிரச்சனைகள் வந்த வண்ணம் உள்ளன. மார்க்லேவின் சகோதரர் இந்த திருமணத்தை நிறுத்துங்கள் என இளவரசர் ஹாரிக்கு கடிதம் எழுதினார். குடும்பத்தைச் சேர்ந்த பலரும் திருமணத்திற்கு எதிர்ப்பு தெரிவித்தனர்.



இதற்கிடையில், மேகனின் தந்தை தாமஸ் மார்க்லே உடல்நலக்குறைவு காரணமாக மருத்துவமனையில் அனுமதிக்கப்பட்டார். அவருக்கு இதய அறுவை சிகிச்சை செய்யப்பட்டது. இதனால் அவரால் திருமணத்திற்கு வரமுடியாது என தகவல்கள் வெளியாகின.

இந்நிலையில், தாமஸ் மார்க்லே தன் மகள் திருமணத்தில் பங்கேற்க மாட்டார் என்பதை மேகன் மார்க்லே இன்று உறுதி செய்தார். இது குறித்து டுவிட் செய்த மேகன், 'என் தந்தையால் திருமணத்தில் பங்கேற்க முடியாமல் போனது வருத்தமளிக்கிறது. அவருக்கு ஓய்வு தேவைப்படுகிறது. அவருடைய ஆரோக்கியம் தான் எனக்கு முக்கியம். எனக்கு ஆதரவாக இருந்த அனைவருக்கும் நன்றி. நானும், ஹாரியும் எங்கள் திருமண நாளை எதிர்ப்பார்த்து காத்துக்கொண்டிருக்கிறோம்' எனக் குறிப்பிட்டிருந்தார். #PrinceHarry #MeghanMarkle