என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » முதல் ஒருநாள் போட்டி
நீங்கள் தேடியது "முதல் ஒருநாள் போட்டி"
நேப்பியரில் நடைபெற்று வரும் முதலாவது ஒருநாள் போட்டியில், இந்தியாவின் சிறப்பான பந்துவீச்சினால் நியூசிலாந்து அணி 157 ரன்களில் அனைத்து விக்கெட்டுகளையும் இழந்தது. #NZvsIND
நேப்பியர்:
ஆஸ்திரேயாவில் டெஸ்ட் மற்றும் ஒரு நாள் தொடரை கைப்பற்றி புதிய சரித்திரம் படைத்த இந்திய கிரிக்கெட் அணி அங்கிருந்து நியூசிலாந்துக்கு சென்றுள்ளது. இந்தியா-நியூசிலாந்து இடையிலான 5 போட்டிகள் கொண்ட ஒரு நாள் கிரிக்கெட் தொடரில், முதலாவது ஆட்டம் நேப்பியரில் இன்று நடைபெற்று வருகிறது.
உலக கோப்பைக்கு முன்பாக இந்திய அணி வெளிநாட்டில் விளையாடும் கடைசி ஒரு நாள் தொடர் இது என்பதால் இந்த போட்டி மிகுந்த எதிர்பார்ப்பை உருவாக்கியுள்ளது. இந்தப் போட்டியில் டாஸ் வென்ற நியூசிலாந்து அணியின் கேப்டன் வில்லியம்சன் தனது அணி முதலில் பேட்டிங் செய்யும் என்று தெரிவித்தார். இதன்படி இந்திய அணி முதலில் பந்து வீசியது.
போட்டியின் துவக்கம் முதலே இந்திய பந்துவீச்சை சமாளிக்க முடியாமல் நியூசிலாந்து வீரர்கள் திணறினர். துவக்க வீரர்கள் குப்தில் 5 ரன்னிலும், முன்ரோ 8 ரன்னிலும் ஆட்டமிழந்தனர். இந்த விக்கெட்டுகளை முகமது சமி கைப்பற்றினார். அதன்பின்னர் டெய்லர் (24), லாதம் (11) ஆகியோரை சாகல் வெளியேற்றினார்.
மற்ற வீரர்கள் சொற்ப ரன்களில் ஆட்டமிழக்க, நியூசிலாந்து அணி, 38 ஓவர் மட்டுமே தாக்கு பிடித்து 157 ரன்களில் ஆல் அவுட் ஆனது. இந்தியா தரப்பில் குல்தீப் யாதவ் 4 விக்கெட்டுகளும், முகமது சமி 3 விக்கெட்டுகளும் வீழ்த்தினர். சாகல் 2 விக்கெட் வீழ்த்தினார். இதையடுத்து 158 ரன்கள் எடுத்தால் வெற்றி என்ற எளிய இலக்குடன் இந்திய அணி களமிறங்கி விளையாடி வருகிறது. #NZvsIND
ஆஸ்திரேயாவில் டெஸ்ட் மற்றும் ஒரு நாள் தொடரை கைப்பற்றி புதிய சரித்திரம் படைத்த இந்திய கிரிக்கெட் அணி அங்கிருந்து நியூசிலாந்துக்கு சென்றுள்ளது. இந்தியா-நியூசிலாந்து இடையிலான 5 போட்டிகள் கொண்ட ஒரு நாள் கிரிக்கெட் தொடரில், முதலாவது ஆட்டம் நேப்பியரில் இன்று நடைபெற்று வருகிறது.
உலக கோப்பைக்கு முன்பாக இந்திய அணி வெளிநாட்டில் விளையாடும் கடைசி ஒரு நாள் தொடர் இது என்பதால் இந்த போட்டி மிகுந்த எதிர்பார்ப்பை உருவாக்கியுள்ளது. இந்தப் போட்டியில் டாஸ் வென்ற நியூசிலாந்து அணியின் கேப்டன் வில்லியம்சன் தனது அணி முதலில் பேட்டிங் செய்யும் என்று தெரிவித்தார். இதன்படி இந்திய அணி முதலில் பந்து வீசியது.
போட்டியின் துவக்கம் முதலே இந்திய பந்துவீச்சை சமாளிக்க முடியாமல் நியூசிலாந்து வீரர்கள் திணறினர். துவக்க வீரர்கள் குப்தில் 5 ரன்னிலும், முன்ரோ 8 ரன்னிலும் ஆட்டமிழந்தனர். இந்த விக்கெட்டுகளை முகமது சமி கைப்பற்றினார். அதன்பின்னர் டெய்லர் (24), லாதம் (11) ஆகியோரை சாகல் வெளியேற்றினார்.
ஒருபுறம் விக்கெட்டுகள் சரிந்தபோதும், கேப்டன் வில்லியம்சன் நிதானமாக விளையாடி அரை சதம் கடந்தார். தொடர்ந்து ஸ்கோரை உயர்த்தவும் போராடினார். எனினும் மறுமுனையில் சீரான இடைவெளியில் விக்கெட்டுகள் சரிந்ததால், ரன்ரேட் உயரவில்லை. வில்லியம்சன் 64 ரன்கள் எடுத்த நிலையில், குல்தீப் யாதவிடம் விக்கெட்டை இழந்தார்.
மற்ற வீரர்கள் சொற்ப ரன்களில் ஆட்டமிழக்க, நியூசிலாந்து அணி, 38 ஓவர் மட்டுமே தாக்கு பிடித்து 157 ரன்களில் ஆல் அவுட் ஆனது. இந்தியா தரப்பில் குல்தீப் யாதவ் 4 விக்கெட்டுகளும், முகமது சமி 3 விக்கெட்டுகளும் வீழ்த்தினர். சாகல் 2 விக்கெட் வீழ்த்தினார். இதையடுத்து 158 ரன்கள் எடுத்தால் வெற்றி என்ற எளிய இலக்குடன் இந்திய அணி களமிறங்கி விளையாடி வருகிறது. #NZvsIND
டாக்காவில் நடைபெற்ற முதல் ஒருநாள் போட்டியில் வெஸ்ட் இண்டீசை 5 விக்கெட் வித்தியாசத்தில் வீழ்த்தி வங்காளதேசம் அபார வெற்றி பெற்றது. #BANvWI
டாக்கா:
வெஸ்ட் இண்டீஸ் அணி வங்காள தேசத்தில் சுற்றுப்பயணம் செய்து 2 டெஸ்ட், 3 ஒருநாள் போட்டி, 3 டி 20 போட்டிகள் கொண்ட தொடரில் விளையாடி வருகிறது. முதலில் நடைபெற்ற டெஸ்ட் தொடரில் 2-0 என்ற கணக்கில் வங்காள தேசம் டெஸ்ட் தொடரை கைப்பற்றியது.
இந்நிலையில், இரு அணிகளுக்கு இடையிலான முதல் ஒருநாள் போட்டி டாக்காவில் இன்று நடைபெற்றது. டாஸ் வென்ற வெஸ்ட் இண்டீஸ் அணி முதலில் பேட்டிங்கை தேர்வு செய்தது.
அந்த அணியின் கிரன் பாவெல், ஷாய் ஹோப் ஆகியோர் தொடக்க ஆட்டக்காரர்களாக இறங்கினர். வங்காள தேசத்தினர் பந்து வீச்சில் மிரட்டினர். இதனால் வெஸ்ட் இண்டீஸ் அணி சீரான இடைவெளியில் விக்கெட்டுகளை இழந்தது.
ஷாய் ஹோப் 43 ரன்களும், கீமோ பவுல் 36 ரன்களும், ரூஸ்டன் சேஸ் 32 ரன்களும் எடுத்தனர். மற்றவர்கள் விரைவில் வெளியேறினர். இறுதியில், வெஸ்ட் இண்டீஸ் அணி 50 ஓவர் முடிவில் 9 விக்கெட்டுக்கு 195 ரன்கள் எடுத்தது.
வங்காள தேசம் சார்பில் முஷ்டாபிசுர் ரகுமான், மஷ்ரப் மோர்டசா தலா 3 விக்கெட்டுகள் வீழ்த்தினர்.
இதையடுத்து, 196 ரன்கள் எடுத்தால் வெற்றி என்ற இலக்குடன் வங்காள தேசம் களமிறங்கியது. தொடக்க ஆட்டக்காரர்களாக தமிம் இக்பால், லித்தன் தாஸ் களமிறங்கினர். தமிம் இக்பால் 12 ரன்னிலும், லித்தன் தாஸ் 41 ரன்னிலும், இம்ருல் காயேஸ் ஒரு ரன்னிலும் அவுட்டாகினர்.
அடுத்து இறங்கிய விக்கெட் கீப்பர் முஷ்பிகுர் ரஹிம் பொறுப்புடன் ஆடி அரை சதமடித்தார். அவருக்கு ஷாகிப் அல் ஹசன் ஓரளவு ஒத்துழைப்பு கொடுத்தார். ஷாகிப் அல் ஹசன் 30 ரன்னிலும், சவுமியா சர்க்கார் 19 ரன்னிலும் அவுட்டாகினர்.
இறுதியில் வங்காள தேசம் 35.1 ஓவரில் 5 விக்கெட்டுக்கு 196 ரன்கள் எடுத்து வெற்றி பெற்றது. அத்துடன் 1 - 0 என தொடரில் முன்னிலை வகிக்கிறது. ஆட்ட நாயகன் விருதை மஷ்ரப் மோர்டசா வென்றார். #BANvWI
ஜிம்பாப்வேவுக்கு எதிரான முதல் ஒருநாள் போட்டியில் தென் ஆப்பிரிக்கா அணி 5 விக்கெட் வித்தியாசத்தில் வெற்றி பெற்றது. #ZIMvRSA
ஜிம்பாப்வே அணி தென் ஆப்பிரிக்காவில் சுற்றுப்பயணம் செய்து 3 ஒருநாள் போட்டிகள் மற்றும் 3 டி-20 போட்டிகள் கொண்ட தொடரில் பங்கேற்று விளையாடி வருகிறது.
இந்நிலையில், கிம்பர்லியில் இன்று நடைபெற்ற முதல் ஒருநாள் போட்டியில் ஜிம்பாப்வே அணியும், தென் ஆப்பிரிக்கா அணியும் மோதின.
டாஸ் வென்ற தென் ஆப்பிரிக்கா அணி பந்துவீச்சை தேர்வு செய்தது. அதன்படி ஜிம்பாப்வே அணி முதலில் களமிறங்கியது.
ஆனால், தென் ஆப்பிரிக்காவின் துல்லிய பந்து வீச்சை சமாளிக்க முடியாமல் ஜிம்பாப்வே அணி சிக்கி திணறியது. இதனால் ஜிம்பாப்வே அணி 34.1 ஓவரில் 117 ரன்களுக்குள் ஆல் அவுட்டானது. அந்த அணியில் எல்டன் சிகும்பரா 27 ரன்களும், கேப்டன் மசகட்சா 25 ரன்களும் எடுத்தனர்.
தென் ஆப்பிரிக்கா அணி சார்பில் லுங்கி நிகிடி 3 விக்கெட்டும், ரபடா, இம்ரான் தாஹிர் மற்றும் அந்திலே பெலுகுவாயா ஆகியோர் தலா 2 விக்கெட் எடுத்தனர்.
இதையடுத்து, 118 ரன்கள் எடுத்தால் வெற்றி என்ற இலக்குடன் தென் ஆப்பிரிக்கா அணி களமிறங்கியது. தென் ஆப்பிரிக்காவின் முன்னணி வீரர்களை சதாரா வெளியேற்றி அதிர்ச்சி அளித்தார்.
ஆனாலும் சுதாரித்துக் கொண்ட தென் ஆப்பிரிக்கா அணி வீரர்கள் 26.1 ஓவர்களில் 5 விக்கெட் இழப்புக்கு 119 ரன்கள் எடுத்து வெற்றி பெற்றது. அந்த அணியின் ஹென்ரிச் கிளாசன் அதிகபட்சமாக 44 ரன்கள் எடுத்தார். ஆட்ட நாயகனாக லுங்கி நெகிடி தேர்வு செய்யப்பட்டார்.
இந்நிலையில், கிம்பர்லியில் இன்று நடைபெற்ற முதல் ஒருநாள் போட்டியில் ஜிம்பாப்வே அணியும், தென் ஆப்பிரிக்கா அணியும் மோதின.
டாஸ் வென்ற தென் ஆப்பிரிக்கா அணி பந்துவீச்சை தேர்வு செய்தது. அதன்படி ஜிம்பாப்வே அணி முதலில் களமிறங்கியது.
ஆனால், தென் ஆப்பிரிக்காவின் துல்லிய பந்து வீச்சை சமாளிக்க முடியாமல் ஜிம்பாப்வே அணி சிக்கி திணறியது. இதனால் ஜிம்பாப்வே அணி 34.1 ஓவரில் 117 ரன்களுக்குள் ஆல் அவுட்டானது. அந்த அணியில் எல்டன் சிகும்பரா 27 ரன்களும், கேப்டன் மசகட்சா 25 ரன்களும் எடுத்தனர்.
தென் ஆப்பிரிக்கா அணி சார்பில் லுங்கி நிகிடி 3 விக்கெட்டும், ரபடா, இம்ரான் தாஹிர் மற்றும் அந்திலே பெலுகுவாயா ஆகியோர் தலா 2 விக்கெட் எடுத்தனர்.
இதையடுத்து, 118 ரன்கள் எடுத்தால் வெற்றி என்ற இலக்குடன் தென் ஆப்பிரிக்கா அணி களமிறங்கியது. தென் ஆப்பிரிக்காவின் முன்னணி வீரர்களை சதாரா வெளியேற்றி அதிர்ச்சி அளித்தார்.
ஆனாலும் சுதாரித்துக் கொண்ட தென் ஆப்பிரிக்கா அணி வீரர்கள் 26.1 ஓவர்களில் 5 விக்கெட் இழப்புக்கு 119 ரன்கள் எடுத்து வெற்றி பெற்றது. அந்த அணியின் ஹென்ரிச் கிளாசன் அதிகபட்சமாக 44 ரன்கள் எடுத்தார். ஆட்ட நாயகனாக லுங்கி நெகிடி தேர்வு செய்யப்பட்டார்.
இங்கிலாந்துக்கு எதிரான முதல் ஒருநாள் போட்டியில் ரோகித் சர்மா மற்றும் விராட் கோலியின் அதிரடி ஆட்டத்தால் இந்தியா அபார வெற்றி பெற்றது. #ENGvIND #IndiavEngland
நாட்டிங்காம்:
இங்கிலாந்து - இந்தியா இடையிலான டி20 கிரிக்கெட் தொடர் முடிவடைந்த நிலையில், மூன்று போட்டிகள் கொண்ட ஒருநாள் கிரிக்கெட் தொடரின் முதல் ஆட்டம் நாட்டிங்காமில் தொடங்கியது.
டாஸ் வென்ற இந்திய அணி கேப்டன் விராட் கோலி பந்துவீச்சு தேர்வு செய்தார்.
இங்கிலாந்து அணியின் ஜேசன் ராய், பேர்ஸ்டோவ் ஆகியோர் தொடக்க வீரர்களாக களம் இறங்கினார்கள். ஜேசன் ராய் 38 ரன்கள் எடுத்து ஆட்டமிழந்தார். குல்தீப் யாதவ் தொடர்ந்து ஜோ ரூட்டையும், பேர்ஸ்டோவையும் வீழ்த்தினார்.
5-வது விக்கெட்டுக்கு பென் ஸ்டோக்சும் ஜோஸ் பட்லரும் ஜோடி சேர்ந்தனர். ஜோஸ் பட்லர் 53 ரன்கள் எடுத்து அவுட்டானார். பென் ஸ்டோக்ஸ் 102 பந்தில் அரைசதம் அடித்த கையோடு குல்தீப் யாதவ் பந்தில் வெளியேறினார்.
அதன்பின் வந்த மொயீன் அலி 23 பந்தில் 24 ரன்களும், அடில் ரஷித் 16 பந்தில் 22 ரன்களும் அடிக்க இங்கிலாந்து 49.5 ஓவரில் 268 ரன்கள் எடுத்து ஆல்அவுட் ஆனது.
இந்தியா சார்பில் குல்தீப் யாதவ் 10 ஓவரில் 25 ரன்கள் மட்டுமே விட்டுக்கொடுத்து 6 விக்கெட்டுக்கள் சாய்த்தார். உமேஷ் யாதவ் 2 விக்கெட்டுக்களும், சாஹல் ஒரு விக்கெட்டும் வீழ்த்தினர்.
இதையடுத்து, 269 ரன்கள் எடுத்தால் வெற்றி என்ற இலக்கை நோக்கி இந்தியா களமிறங்கியது.
தொடக்க ஆட்டக்காரர்களாக ரோகித் சர்மாவும், ஷிகர் தவானும் ஆடினர். இருவரும் ஆரம்பம் முதலே அதிரடி ஆட்டத்தை தொடங்கினர்.
அணியின் எண்ணிக்கை 59 ஆக இருந்தபோது ஷிகர் தவான் 40 ரன்களில் அவுட்டானார். அடுத்து இறங்கிய விராட் கோலி ரோகித்துடன் இணைந்து அணியின் எண்ணிக்கையை உயர்த்தினார்.
ஒருபுறம் ரோகித் சர்மா சதமடிக்க, மறுபுறம் விராட் கோலி அரை சதமடித்து அசத்தினார். இருவரும் இணைந்து 167 ரன்கள் ஜோடி சேர்ந்தனர். விராட் கோலி 75 ரன்னில் வெளியேறினார். அவரை தொடர்ந்து கே.எல்.ராகுல் களமிறங்கினர். இருவரும் சேர்ந்து அணியை வெற்றிக்கு அழைத்துச் சென்றனர்.
இறுதியில், இந்தியா 40.1 ஓவரில் 2 விக்கெட்டுக்கு 269 ரன்கள் எடுத்து வெற்றி பெற்றது. ரோகித் சர்மா 137 ரன்னுடனும், ராகுல் 9 ரன்னுடனும் அவுட்டாகாமல் இருந்தனர். இதையடுத்து, இந்தியா 1-0 என முன்னிலை வகிக்கிறது. #ENGvIND #IndiavEngland
அயர்லாந்து அணிக்கு எதிரான முதல் ஒருநாள் போட்டியில் 346 ரன்கள் வித்தியாசத்தில் நியூசிலாந்து பெண்கள் அணி அபார வெற்றி பெற்றுள்ளது. #NZWvIREW #FirstOneday
டப்ளின்:
அயர்லாந்து - நியூசிலாந்து பெண்கள் அணிகளுக்கு இடையிலான முதல் ஒருநாள் கிரிக்கெட் போட்டி டப்ளின் நகரில் நடைபெற்றது.
டாஸ் வென்ற நியூசிலாந்து அணி முதலில் பேட்டிங் தேர்வு செய்தது. அந்த அணியின் கேப்டன் பேட்ஸ், வாட்கின் ஆகியோர் தொடக்க வீராங்கனைகளாக களமிறங்கினர். வாட்கின் 59 பந்தில் 62 ரன்கள் எடுத்து ஆட்டமிழந்தார்.
அடுத்து பேட்ஸ் உடன் எம்எல் க்ரீன் ஜோடி சேர்ந்தார். இருவரும் அயர்லாந்து வீராங்கனைகளின் பந்துவீச்சை துவம்சம் செய்தனர். பேட்ஸ் 94 பந்தில் 24 பவுண்டரி, 2 சிக்சருடன் 151 ரன்கள் எடுத்து ஆட்டமிழந்தார். க்ரீன் 77 பந்தில் 15 பவுண்டரி, 1 சிக்சருடன் 121 ரன்கள் குவித்தார்.
அதன்பின் வந்த ஏசி கெர் 45 பந்தில் 9 பவுண்டரி, 3 சிக்சருடன் 81 ரன்கள் சேர்த்து கடைசி வரை ஆட்டமிழக்காமல் இருக்க நியூசிலாந்து 50 ஓவரில் 4 விக்கெட் இழப்பிற்கு 490 ரன்கள் குவித்து உலக சாதனை படைத்துள்ளது.
அயர்லாந்து சார்பில் காரா முர்ரே 2 விக்கெட்டும், லாரா மாரிட்ஸ், கேபி லெவிஸ் ஆகியோர் தலா ஒரு விக்கெட்டும் கைப்பற்றினர்.
இதையடுத்து, 491 என்ற இமாலய இலக்கை நோக்கி அயர்லாந்து அணி களமிறங்கியது. பேட்டிங்கில் அசத்திய நியூசிலாந்து மகளிர் அணி பந்துவீச்சிலும் அசத்தியது.
இதனால் அயர்லாந்து அணியை 36.3 ஓவரில் 144 ரன்களுக்கு ஆல் அவுட்டாக்கியது. அயர்லாந்து அணி சார்பில் கேப்டன் லாரா டெலானி 37 ரன்னும், ஜெனிபர் கிரே 35 ரன்னும் எடுத்தனர். மற்றவர்கள் நிலைத்து நின்று ஆடவில்லை.
நியூசிலாந்து அணி சார்பில் லே காஸ்பிரேக் 4 விக்கெட்டும், ஹன்னா ரோவி 2 விக்கெட்டும் கைப்பற்றினர். இதையடுத்து,
அயர்லாந்து அணியை 346 ரன்கள் வித்தியாசத்தில் வீழ்த்தி நியூசிலாந்து அணி அபார வெற்றி பெற்றது. #NZWvIREW #FirstOneday
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
