நீங்கள் தேடியது "ராமர் கோயில்"

மும்பை :

சிவசேனா தலைவர் உத்தவ் தாக்கரே மும்பை தாதரில் உள்ள சேனா பவனில் நிருபர்களுக்கு பேட்டி அளித்தார். அப்போது அவர் நிருபர்களிடம் கூறியதாவது:-

அயோத்தியில் ராமர் கோவில் கட்டும் பிரச்சினை ஒவ்வொரு தேர்தலின் போதும் எழுகிறது. தேர்தல் முடிந்ததும் அது மறந்து போகிறது. மத்தியில் மோடி அரசு தனிப்பெரும்பான்மையுடன் ஆட்சி செய்து வருகிறது. 4½ ஆண்டுகளாக ராமர் கோவில் கட்ட எந்த நடவடிக்கையும் எடுக்கவில்லை.

இதன் மூலம் மோடி அரசு கும்பகர்ண தூக்கத்தில் இருப்பதை உணர முடிகிறது. இந்த கும்பகர்ண தூக்கத்தில் இருந்து அரசை எழுப்ப எங்களது கட்சி சார்பில் போராடி வருகிறோம்.

இதன் அடுத்த கட்டமாக வருகிற 24-ந் தேதி பேரணி நடத்த உள்ளோம். இந்த பேரணி கோவில் நகரமான சோலாப்பூர் மாவட்டம் பண்டர்பூரில் நடக்கிறது.

பல்வேறு பிரச்சினைகளை அவசர சட்டம் கொண்டு வந்து மத்திய அரசு தீர்த்து வைத்துள்ளது. ஆனால் ராமர் கோவில் கட்டும் பிரச்சினையில் அதேபோல நடந்து கொள்ளாதது ஏன்?.

இவ்வாறு உத்தவ் தாக்கரே கூறினார். #Ayodhya #RamTemple #UdhavThakre

புதுடெல்லி:

அயோத்தியில் சர்ச்சைக்குரிய ராமஜென்ம பூமி - பாபர் மசூதி நிலம் தொடர்பான வழக்கின் விசாரணையை அடுத்த ஆண்டு ஜனவரி மாதத்துக்கு சுப்ரீம் கோர்ட் ஒத்திவைத்துள்ளது.

இந்நிலையில்,  ராமர் கோவிலை கட்ட மத்திய அரசு சட்டம் இயற்ற வேண்டும் என இந்து அமைப்புகள் வலியுறுத்தியுள்ளன.

இதுதொடர்பாக டெல்லியில் இன்று செய்தியாளர்களுக்கு பேட்டியளித்த விஸ்வ இந்து பரிஷத் அமைப்பின் மூத்த தலைவர் அருண் குமார், சுப்ரீம் கோர்ட் வேண்டும் என்றே இந்த மேல் முறையீட்டு வழக்கு விசாரணையை தாமதப்படுத்தி வருவதாக குற்றம்சாட்டியுள்ளார்.

‘சுப்ரீம் கோர்ட் முன்னாள் நீதிபதி திபக் மிஸ்ரா பதவி காலத்தின்போது, உடுப்பியில் கூடிய சாதுக்கள் மாநாட்டில் அயோத்தி தீர்ப்பு வரும்வரை காத்திருப்போம் என்று தீர்மானிக்கப்பட்டது. ஆனால், திபக் மிஸ்ரா ஓய்வுபெற்ற பின்னர் பதவி ஏற்றுள்ள தலைமை நீதிபதி ரஞ்சன் கோகாயும் இவ்வழக்கின் விசாரணையை தற்போது ஒத்திவைத்துள்ளார்.

மற்ற வழக்குகளில் பணி நேரம் முடிந்த பின்னரும், இரவு வேளைகளிலும் விசாரணை நடத்த சுப்ரீம் கோர்ட்டுக்கு நேரம் இருக்கிறது. ஆனால், மிகப்பெரிய முக்கியத்துவம் வாய்ந்த அயோத்தி நிலம் தொடர்பான வழக்கின் விசாரணை தவிர்க்கப்படுகிறது.

இதே கருத்தை விஸ்வ இந்து பரிஷத் அமைப்பின் செயல் தலைவரான அலோக் குமாரும் வலியுறுத்தியுள்ளார்.

இதேபோல், சுப்ரீம் கோர்ட்டின் தாமதத்துக்கு மத்திய இணை மந்திரி கிரிராஜ் சிங் அதிருப்தி தெரிவித்துள்ளார்.

அயோத்தி விவகாரத்தை இந்து -முஸ்லிம்கள் இடையிலான பிரச்சனையாக்க காங்கிரஸ் கட்சி தீர்மானித்துள்ளதாக குற்றம்சாட்டிய கிரிராஜ் சிங், ஸ்ரீராமர் இந்துக்கள் மத நம்பிக்கையின் அடையாளம். சுப்ரீம் கோர்ட்டின் தாமதத்தால் இந்துக்கள் பொறுமையை இழந்து வருகின்றனர். அவர்கள் பொறுமை எல்லைமீறி போகும்போது என்ன ஆகுமோ? என்ற அச்சஉணர்வு எனக்கு ஏற்பட்டுள்ளது எனவும் குறிப்பிட்டுள்ளார்.  #Ayodhyahearing  #Ayodhyahearingdelay #newLegislativeroute

லக்னோ:

விஸ்வ இந்து பரிஷத் அமைப்பின் முன்னாள் சர்வதேச செயல் தலைவர் பிரவின் தொகாடியா. இந்துத்துவா கொள்கையில் தீவிர பற்று கொண்டவரான இவர் விஸ்வ இந்து பரிஷத் அமைப்பில் இருந்து வெளியேற்றப்பட்ட பின்னர் அந்தர்ராஷ்டிரிய ஹிந்து பரிஷத் என்னும் புதிய அமைப்பை தொடங்கி அந்த அமைப்பின் தலைவராக பொறுப்பேற்று வருகிறார்.

அயோத்தியில் ராமர் கோயில் கட்ட வேண்டும் என்று வலியுறுத்தி உத்தரப்பிரதேசம் மாநில தலைநகரான லக்னோ நகரில் இருந்து அக்டோபர் மாதம் 21-ம் தேதி முதல் அயோத்தி நோக்கி நடைபயணம் செல்வோம் என பிரவின் தொகாடியா சமீபத்தில் அறிவித்திருந்தார்.


காஷ்மீரில் 370-வது சட்டப்பிரிவை நீக்குவது, அயோத்தியில் ராமர் கோயில் கட்டுவது ஆகியவற்றுக்காக இந்த நாட்டு மக்கள் மோடியை பிரதமர் பதவியில் அமர வைத்தனர். ஆனால், அவர் கோயிலுக்கு செல்வதற்கு பதிலாக மசூதிகளுக்குப் போக ஆரம்பித்து விட்டார்.

காஷ்மீரில் ராணுவ வீரர்கள் மீது கல் வீசி கைதானவர்களை விடுதலை செய்ய வேண்டும் என்று வாதாடும் மோடி, நாட்டின் பாதுகாப்புக்காக கடமையாற்றும் நமது ராணுவ வீரர்களையும், ராமர் கோயிலையும் மறந்து விட்டார்.

ராமர் கோயில் வக்கீலாக அனுப்பப்பட்ட அவர் (முத்தலாக் ஒழிப்பு அவசர சட்டம் இயற்றியதன் மூலம்) முஸ்லிம்களின் மனைவியருக்கு வக்கீலாக மாறி விட்டார். இந்த நாட்டில் விவசாயிகளும், இளைஞர்களும் மிகுந்த பாதிப்புக்கு உள்ளாகி வருகின்றனர். ராணுவ வீரர்களுக்கும் பாதுகாப்பற்ற சூழ்நிலை இப்போது ஏற்பட்டுள்ளது என்றும் பிரவின் தொகாடியா குறிப்பிட்டார்.  #Ramtemple #PravinTogadia

லக்னோ:

2014-ம் ஆண்டு நடைபெற்ற பாராளுமன்ற தேர்தலின்போது, மத்தியில் நாங்கள் ஆட்சிக்கு வந்தால் அயோத்தியில் ராமருக்கு மிக பிரமாண்டமான கோயில் அமைக்கப்படும் என பா.ஜ.க. வாக்குறுதி அளித்திருந்தது.

தேர்தலில் வெற்றிபெற்று ஆட்சி அமைத்த பின்னர் இதுதொடர்பாக பிரதமர் மோடியோ, மத்திய மந்திரிகளோ பரபரப்பான அறிக்கை ஏதும் வெளியிடவில்லை. சர்ச்சைக்குரிய அயோத்தி நிலம் தொடர்பான வழக்கின் மேல்முறையீடு சுப்ரீம் கோர்ட்டில் நிலுவையில் உள்ளதால் வெளிப்படையான கருத்துகள் வெளியிடுவதை இவர்கள் தவிர்த்து வருகின்றனர்.

ஆனால், பா.ஜ.க.வை சேர்ந்த பாராளுமன்ற உறுப்பினர்களும், முன்னாள் எம்.பி.க்களும் அவ்வப்போது ராமர் கோயில் கட்டுவது தொடர்பாக தங்களது எண்ணத்தை பதிவு செய்து வருகின்றனர்.

அவ்வகையில், பா.ஜ.க.வை சேர்ந்த முன்னாள் எம்.பி.யும், ராம ஜென்மபூமி நியாஸ் அமைப்பின் தலவருமான ராம் விலாஸ் வேதாந்தி இன்று செய்தியாளர்களுக்கு பேட்டியளித்தார்.

பா.ஜ.க.வின் தீர்மானத்தின்படி அயோத்தியில் வரும் 2019-ம் ஆண்டு பாராளுமன்ற தேர்தலுக்கு முன்னதாக ராமர் கோயில் கட்டும் பணி தொடங்கும் என அவர் குறிப்பிட்டுள்ளார். #RamMandir #RamVilasVedanti