நீங்கள் தேடியது "ஹாரி கேன்"

ஐரோப்பிய நாடுகளில் உள்ள கால்பந்து கிளப் அணிகளில் விளையாடும் வீரர்களில் சிறந்த ஆட்டத்தை வெளிப்படுத்தி அதிக கோல்கள் அடிக்கும் வீரர்களை தேர்வு செய்து ஆண்டுதோறும் தங்க ஷூ வழங்கப்படும். 2017-18 சீசனில் பார்சிலோனாவின் மெஸ்சி, லிவர்பூல் அணியின் முகமது சாலா, டோட்டன்ஹாம் அணியின் ஹாரி கேன் ஆகியோருக்கிடையே தங்க ஷூவை பெற கடும் போட்டி நிலவியது.

இறுதியில் 68 போட்டிகளில் 34 கோல்கள் அடித்த மெஸ்சி தங்க ஷூவை தட்டிச் சென்றார். மெஸ்சி இந்த விருதை ஐந்தாவது முறையாக வென்றுள்ளார். கிறிஸ்டியானோ ரொனால்டோ நான்கு முறை வென்றுள்ளார். கிறிஸ்டியானோ ரொனால்டோ 52 போட்டிகளில் 26 கோல்கள் அடித்திருந்தார்.

தங்க ஷூவை வென்ற மெஸ்சி இதுபற்றி கூறுகையில் ‘‘உண்மையிலேயே நான் கால்பந்து போட்டியை தொடங்கும்போது இது நடக்கும் என்று நினைக்கவே இல்லை. நான் இந்த போட்டியை மிகவும் விரும்புகிறேன். இந்த விருதை மீண்டும் பெறுவேன் என்று நினைத்தது கிடையாது’’ என்றார்.

உலகக்கோப்பை கால்பந்து தொடர் ரஷியாவில் நடைபெற்று வருகிறது. நேற்று நடைபெற்ற ஒரு அரையிறுதி ஆட்டத்தில் பிரான்ஸ் - பெல்ஜியம் அணிகள் மோதின. இதில் 1-0 என பிரான்ஸ் வெற்றி பெற்று இறுதிப் போட்டிக்கு முன்னேறியது. இன்று நடைபெறும் மற்றொரு ஆட்டத்தில் இங்கிலாந்து - குரோசியா அணிகள் பலப்பரீட்சை நடத்துகின்றன.

இங்கிலாந்து அணி 1990-ம் ஆண்டிற்குப் பிறகு தற்போதுதான் அரையிறுதிக்கு முன்னேறியுள்ளது. சிறப்பான ஆட்டத்தை வெளிப்படுத்தி வரும் இங்கிலாந்து அணி கோப்பையை வெல்லும் என்று இங்கிலாந்து மக்கள் நம்புகிறார்கள். இறுதிப் போட்டி ஞாயிற்றுக்கிழமை நள்ளிரவு நடைபெறுகிறது. ஒருவேளை இங்கிலாந்து வெற்றி பெற்றால் ரசிகர்கள் இந்த வெற்றியை கொண்டாட பொது வங்கி விடுமுறை அளிக்க வேண்டும் என்று கோரிக்கை விடுத்துள்ளனர்.



இதுகுறித்து இங்கிலாந்து அரசு இணையத்தளத்தில் ஒரு லட்சத்து 80 ஆயிரம் பேர் கையெழுத்திட்டுள்ளனர். இதனால் இங்கிலாந்து நாடாளுமன்றம் இதுகுறித்து விவாதம் நடத்தும் என்று எதிர்பார்க்கப்படுகிறது. #HarryKane  #RussiaWorldCup2018 #WorldCup2018

உலகக்கோப்பை காலிறுதி ஆட்டத்தில் சுவீடனை 2-0 என வீழ்த்தி இங்கிலாந்து அரையிறுதிக்கு முன்னேறியுள்ளது. அரையிறுதியில் குரோசியாவை எதிர்கொள்கிறது. குரோசியாவை வீழ்த்தினால் இறுதிப் போட்டியில் பெல்ஜியம் அல்லது பிரான்ஸ் அணியை எதிர் கொள்ள வேண்டியிருக்கும். அரையிறுதிக்கு முன்னேறிய பிறகு நாங்கள் வெற்றியின் விளிம்பில் உள்ளோம் என்று இங்கிலாந்து கேப்டன் ஹாரி கேன் தெரிவித்துள்ளார்.



இதுகுறித்து ஹாரி கேன் கூறுகையில் ‘‘அரையிறுதிக்கு முன்னேறிய பிறகு, நாங்கள் மிகுந்த உற்சாகத்தில் இருக்கிறோம். இது அனேகமாக மூழ்காது. இன்னும் பெரிய போட்டி காத்திருக்கிறது என்பது எங்களுக்குத் தெரியும். ஆனால், நாங்கள் உறுதியுடன் இருக்கிறோம்’’ என்றார்.

உலகக்கோப்பை கால்பந்து திருவிழா ரஷியாவில் நடைபெற்று வருகிறது. நேற்றுமுன்தினத்துடன் நாக்அவுட் போட்டிகள் முடிவடைந்தது. நாளை காலிறுதி ஆட்டங்கள் நடைபெறுகின்றன. நாக்அவுட் சுற்றில் இங்கிலாந்து கொலம்பியாவை எதிர்கொண்டது. இந்த ஆட்டம் 1-1 என சமநிலையில் முடிந்தது. இதனால் பெனால்டி ஷூட்அவுட் முறை கடைபிடிக்கப்பட்டது. இதில் இங்கிலாந்து 4-3 என வெற்றி பெற்றது.

இந்த போட்டியின்போது கொலம்பியா வீரர்கள் மிகவும் ஆக்ரோஷமான ஆட்டத்தை வெளிப்படுத்தினார்கள். இங்கிலாந்து வீரர்களும் அதிக அளவில் மோதல் போக்கில் ஈடுபட்டனர். இங்கிலாந்து அணி 2 மஞ்சள் அட்டை பெற்றது. ஆனால் கொலம்பியா 6 மஞ்சள் அட்டை பெற்றது.



இந்த போட்டியின்போது இங்கிலாந்து அணி கேப்டன் ஹாரி கேன், யங், வார்டி ஆகியோருக்கு காயம் ஏற்பட்டது. இதனால் நாளைமறுநாள் நடைபெறும் சுவீடனுக்கு எதிரான காலிறுதியில் பங்கேற்பார்களா? என்ற கேள்வி எழுந்தது.



இந்நிலையில் ஹாரி கேன் உடற்தகுதி பெற்று விட்டார் என்று இங்கிலாந்து தெரிவித்துள்ளது. அவருடன் மார்கஸ் ரஷ்போர்டு, வால்கர் ஆகியோரும் உடற்தகுதி பெற்றுள்ளனர். ஆனால், யங் மற்றும் வார்டி உடற்தகுதி பெறாததால் சுவீடனுக்கு எதிராக விளையாடுவது சந்தேகம் எனக்கூறப்படுகிறது.

இந்தியா - இங்கிலாந்து இடையிலான முதல் டி20 போட்டி மான்செஸ்டரில் நேற்று நடைபெற்றது. இதில் இந்தியா 8 விக்கெட் வித்தியாசத்தில் வெற்றி பெற்றது. இந்த போட்டி முடியவும், இங்கிலாந்து - கொலம்பியா மோதிய உலகக்கோப்பை கால்பந்து தொடரின் நாக்அவுட் சுற்று ஆட்டம் இறுதிக் கட்டத்தை எட்டியது.

நிர்ணயிக்கப்பட்ட 90 நிமிடத்தில் இரு அணிகளும் தலா ஒரு கோல் அடித்ததால், கூடுதல் நேரம் கொடுக்கப்பட்டது. இந்த நேரத்தில் இரு அணிகளும் கோல் அடிக்கவில்லை. இதனால் பெனால்டி ஷூட் கடைபிடிக்கப்பட்டது. பரபரப்பான சூழ்நிலையில் இங்கிலாந்து 4-3 என வெற்றி பெற்று காலிறுதிக்கு முன்னேறியது.



இந்தியாவிற்கு எதிரான தோல்வியை பொறுட்படுத்தாமல் கால்பந்து போட்டியின் பெனால்டி ஷூட்டை சந்தோசமாக கண்டுகளித்தனர் இங்கிலாந்து வீரர்கள்.

உலகக்கோப்பை கால்பந்து தொடரில் லீக் ஆட்டங்கள் இன்றுடன் முடிவடைகிறது. இன்று ‘ஜி’ மற்றும் ‘எச்’ பிரிவில் இடம்பிடித்துள்ள 8 அணிகள் தங்கள் கடைசி லீக் ஆட்டத்தில் மோதுகின்றன.

‘ஜி’ பிரிவில் நடைபெறும் ஒரு ஆட்டத்தில் இங்கிலாந்து - பெல்ஜியம் அணிகள் பலப்பரீட்சை நடத்துகின்றன. இரு அணிகளும் தலா இரண்டு வெற்றிகள் மூலம் 6 புள்ளிகள் பெற்றுள்ளது. இங்கிலாந்து 8 கோல்கள் அடித்துள்ளது. 2 கோல்கள் வாங்கியுள்ளது. பெல்ஜியமும் அதேபோன்றுதான். இரு அணிகளுக்கு இடையிலான மஞ்சள் அட்டை வாங்கிய வித்தியாசம் அடிப்படையில் இங்கிலாந்து முதல் இடம் பிடித்துள்ளன.



இன்றைய போட்டி டிராவில் முடிந்தால் இங்கிலாந்து முதல் இடத்தில் நீடிக்க வாய்ப்புள்ளது. பெல்ஜியம் 2-வது இடம்பிடிக்கும். ஆனால் ‘ஜி’ பிரிவில் முதல் இடம் பிடித்தால் அடுத்த சுற்றுகள் கடினமாக இருக்கும். அதேவேளையில் 2-வது இடம் பிடித்தால் எளிதாக இருக்கும் வகையில் அட்டவணை உள்ளது.

இங்கிலாந்து, பெல்ஜியத்தில் 2-வது இடம் பிடிக்கும் அணி நாக்அவுட் சுற்றில் கொலம்பியா, ஜப்பான் அல்லது செனகல் அணியை எதிர்கொள்ள வேண்டும். காலிறுதியில் சுவிட்சர்லாந்து அல்லது ஸ்வீடனை எதிர்கொள்ள வேண்டியிருக்கும். அரையிறுதியில் ஸ்பெயின், ரஷியா, குரோசியா அல்லது டென்மார்க் ஆகியவற்றில் ஒரு அணியை எதிர்கொள்ள வேண்டியிருக்கும்.



விளையாட்டில் விட்டுக்கொடுக்க முடியாத சூழ்நிலை உருவாகும். அதுவேளையில் எளிதாக இறுதிப் போட்டிக்கு முன்னேற வேண்டும் என்ற விருப்பமும் இருக்கும். இதனால் இரண்டு அணிகளுக்கும் இக்கட்டான நிலை ஏற்பட்டுள்ளது.

இங்கிலாந்து கால்பந்து அணி கேப்டன் ஹாரி கேன். 24 வயதான ஹாரி கேன் டோட்டன்ஹாம் ஹாட்ஸ்பர் அணிக்காக விளையாடி வருகிறார். இந்த சீசனில் ஒட்டுமொத்தமாக 41 கோல்கள் அடித்தார். சிறப்பான ஆட்டத்தை வெளிப்படுத்தியதால் முன்னணி அணிகள் இவரை வாங்குவதற்கு விருப்பம் தெரிவித்தது.



ஸ்பெயின் நாட்டின் முன்னணி கிளப்பான ரியல் மாட்ரிட் அணிக்கு ஹாரி கேன் செல்ல இருப்பதாக செய்திகள் உலா வந்தன. இந்நிலையில் ஹாரி கேன் டோட்டன்ஹாம் உடனான ஒப்பந்தத்தை மேலும் 6 ஆண்டுகள், அதாவது 2024 வரை நீட்டித்துள்ளார். இதனால் தன்னைச் சுற்றிய வதந்திகளுக்கு முற்றுப் புள்ளி வைத்துள்ளார்.