நீங்கள் தேடியது "கேலக்ஸி ஏ70எஸ்"

சாம்சங் நிறுவனம் மார்ச் மாதத்தில் 32 எம்.பி. பிரைமரி மற்றும் செல்ஃபி கேமரா கொண்ட கேலக்ஸி ஏ70 ஸ்மார்ட்போனினை அறிமுகம் செய்தது. தற்சமயம் கொரியாவில் இருந்து வெளியாகி இருக்கும் தகவல்களில் சாம்சங் நிறுவனம் கேலக்ஸி ஏ70எஸ் என்ற பெயரில் புதிய ஸ்மார்ட்போனை உருவாக்கி வருவதாக தகவல் வெளியாகியுள்ளது.

புதிய கேலக்ஸி ஏ70எஸ் ஸ்மார்ட்போன் கேலக்ஸி ஏ70 மாடலின் மேம்படுத்தப்பட்ட வெர்ஷன் என்றும் இதில் 64 எம்.பி. கேமரா சென்சார் வழங்கப்படலாம் என கூறப்படுகிறது. கேலக்ஸி ஏ70எஸ் மாடலில் ISOCELL பிரைட் GW1 சென்சார் வழங்கப்படலாம் என கூறப்படுகிறது.

இது சாம்சங்கின் 48 எம்.பி. ISOCELL பிரைட் GW1 போன்றே பிக்சல்-மெர்ஜிங் டெட்ராசெல் தொழில்நுட்பம் கொண்டிருக்கிறது. இதை கொண்டு இந்த கேமரா குறைந்த வெளிச்சமுள்ள பகுதிகளிலும் 16 எம்.பி. தரத்தில் புகைப்படங்களை தெளிவாக வழங்க முடியும். இதில் நான்கு பிக்சல்களை ஒன்றிணைத்து புகைப்படங்கள் அதிக தெளிவாக மாற்றப்படுகின்றன.

இத்துடன் இந்த சென்சாரில் டூயல் கன்வெர்ஷன் கெயின் எனும் அம்சம் இருக்கிறது. இது சென்சார் பெறும் வெளிச்சத்தை எலெக்ட்ரிக் சிக்னல்களாக மாற்றி ஆட்டோ-ஃபோகஸ் தொழில்நுட்பத்தை சிறப்பாக செயல்படவைக்கிறது. புதிய ஸ்மார்ட்போனின் மற்ற சிறப்பம்சங்கள் பற்றி இதுவரை எவ்வித தகவலும் இல்லை.

சாம்சங் நிறுவனம் கேலக்ஸி ஏ70 ஸ்மார்ட்போன் இந்தியாவில் அறிமுகம் செய்யப்பட்டுள்ளது. புதிய கேலக்ஸி ஏ70 ஸ்மார்ட்போனில் 6.7 இன்ச் ஃபுல் ஹெச்.டி. பிளஸ் இன்ஃபினிட்டி யு சூப்பர் AMOLED டிஸ்ப்ளே, ஆக்டா-கோர் ஸ்னாப்டிராகன் 670 பிராசஸர், 6 ஜி.பி. ரேம், ஆண்ட்ராய்டு பை மற்றும் சாம்சங் ஒன் யு.ஐ. வழங்கப்பட்டுள்ளது.

புகைப்படங்களை எடுக்க 32 எம்.பி. பிரைமரி கேமரா, f/1.7, 5 எம்.பி. இரண்டாவது பிரைமரி கேமரா, 8 எம்.பி. 123° அல்ட்ரா-வைடு லென்ஸ் வழங்கப்பட்டுள்ளது. முன்புறம் செல்ஃபி எடுக்க 32 எம்.பி. கேமரா வழங்கப்பட்டுள்ளது. 3D கிளாஸ்டிக் மற்றும் கிரேடியன்ட் ஃபினிஷ் செய்யப்பட்டிருக்கும் கேலக்ஸி ஏ70 ஸ்மார்ட்போன் 4500 எம்.ஏ.ஹெச். பேட்டரி மூலம் சக்தியூட்டப்படுகிறது.

- 6.7 இன்ச் 2400x1080 பிக்சல் ஃபுல் ஹெச்.டி. பிளஸ் 20: 9 இன்ஃபினிட்டி யு சூப்பர் AMOLED டிஸ்ப்ளே

- 2 ஜிகாஹெர்ட்ஸ் ஆக்டா-கோர் ஸ்னாப்டிராகன் 675 பிராசஸர்

- அட்ரினோ 612 GPU

- 6 ஜி.பி. ரேம்

- 128 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 9.0 பை மற்றும் சாம்சங் ஒன் யு.ஐ.

- டூயல் சிம் ஸ்லாட்

- 32 எம்.பி. பிரைமரி கேமரா, எல்.இ.டி. ஃபிளாஷ், f/1.7

- 5 எம்.பி. டெப்த் சென்சார், f/2.2

- 8 எம்.பி. 123° அல்ட்ரா-வைடு லென்ஸ், f/2.2

- 32 எம்.பி. செல்ஃபி கேமரா, f/2.0

- இன்-டிஸ்ப்ளே கைரேகை சென்சார்

- 3.5 எம்.எம். ஆடியோ ஜாக், எஃப்.எம். ரேடியோ

- டூயல் 4ஜி வோல்ட்இ, வைபை, ப்ளூடூத்

- யு.எஸ்.பி. டைப்-சி

- 4500 எம்.ஏ.ஹெச். பேட்டரி

- 25 வாட் சூப்பர் ஃபாஸ்ட் சார்ஜிங்

சாம்சங் கேலக்ஸி ஏ70 ஸ்மார்ட்போன் வைட், புளு மற்றும் பிளாக் என மூன்று வித நிறங்களில் கிடைக்கிறது. இதன் விலை இந்தியாவில் ரூ.28,990 என நிரணயம் செய்யப்பட்டுள்ளது. புதிய ஸ்மார்ட்போனினை முன்பதிவு செய்வோருக்கு சாம்சங் யு ஃபிளெக்ஸ் ப்ளூடூத் ஹெட்செட்டை ரூ.999 விலையில் வாங்கிட முடியும்.