நீங்கள் தேடியது "Akane Yamaguchi"

ஆசிய பேட்மிண்டன் சாம்பியன்ஷிப் தொடரின் இறுதிப் போட்டியில் ஜப்பானை சேர்ந்த அகானே யமகுச்சி சீனாவின் ஹி பிங்ஜியாவோவை எதிர்கொண்டார்.

இதில் 21-19, 21-19 என நேர்செட் கணக்கில் யமகுச்சி வெற்றி பெற்று சாம்பியன் பட்டத்தை வென்றார். இதன்மூலம் ஆசிய சாம்பியன்ஷிப் பட்டத்தை வென்ற முதல் ஜப்பான் வீராங்கனை என்ற சாதனையைப் படைத்துள்ளார்.



கடந்த இரண்டு வருடத்திற்கு முன் இதே வீராங்கனையிடம் தோல்வியடைந்து வெள்ளிப் பதக்கம் வென்ற யமகுச்சி, தற்போது அதற்கு பழீ தீர்த்து தங்கப்பதக்கம் வென்றுள்ளார்.

கோலாலம்பூரில் மலேசியா ஓபன் டென்னிஸ் தொடர் நடைபெற்று வருகிறது. இதில் இந்தியாவின் முன்னணி வீராங்கனையான சாய்னா நேவால் 2-வது சுற்றில் ஜப்பானின் அகானே யமகுச்சியை எதிர்த்து விளையாடினார்.

உலகின் நம்பர்-2 வீராங்கனையான யமகுச்சியின் ஆட்டத்திற்கு சாய்னாவால் ஈடுகொடுக்க முடியவில்லை. இதனால் 15-21, 13-21 என சாய்னா தோல்வியடைந்து தொடரில் இருந்து வெளியேறினார்.



36 நிமிடத்தில் தோல்வியைத் தழுவிய சாய்னாவிற்கு, யமகுச்சிக்கு எதிரான 6-வது தோல்வி இதுவாகும். 2014-ம் ஆண்டு யமகுச்சியை வீழ்த்தியிருந்தார். அதன்பின் தொடர்ந்து தோல்வியை சந்தித்துள்ளார்.

முதல் சுற்றில் யமகுச்சி 9-2 என முன்னிலைப் பெற்றிருந்தார். அதன்பின் சாய்னா சிறப்பாக விளையாடி 10-11 என முன்னேறி வந்தார். அதன்பின் யமகுச்சி 18-11 என முன்னேறி, இறுதியில் 21-15 என வெற்றி பெற்றார். 2-வது சுற்றில் யமகுச்சி 8-2 என முன்னிலைப் பெற்று, அதன்பின் 21-13 என வெற்றி பெற்றார்.