இந்திய அணியின் முன்னணி சுழற்பந்து வீச்சாளராக திகழ்ந்தவர் அனில் கும்ப்ளே. இவர் ஐசிசியின் டெக்னிக்கல் குழுவில் முன்னணி அதிகாரியாக விளங்குகிறார். இவர் ஒரு பேட்ஸ்மேனின் குறித்து முழுமையாக ஆராய்வதற்கான ஒரு தொழில்நுட்பத்தை கண்டுபிடித்துள்ளார்.
ஸ்பெக்டாகாம் (Spektacom) என்று அழைக்கப்படும் இந்த தொழில்நுட்பம் ஸமார்ட் ஸ்டிக்கர் மூலம் ஆபரேட் செய்யப்படும். இதை பேட்ஸ்மேன்களில் பேட்டில் ஒட்டினால், பேட் ஸ்மார்ட் பேட்டாக மாறிவிடும். பேட்டிங் செய்யும்போது பேட் எத்தனை கிலோ மீட்டர் வேகத்தில் சுழற்றப்படுகிறது. பேட்ஸ்மேன் எவ்வளவு பவர் கொடுக்கிறார், பேட்டின் ஸ்வீட் பகுதியில் பந்து படுகிறதா? என்பதை துள்ளியமாக ஆராயும்.
இந்த தொழில்நுட்பம் முதன்முறையாக தமிழ்நாட்டில் நடைபெற இருக்கும் தமிழ்நாடு பிரீமியர் லீக் 3 சீசனில் அறிமுகப்படுத்தப்பட இருக்கிறது. இதுகுறித்து கும்ப்ளே கூறுகையில் ‘‘தொடரில் அறிமுகப்படுத்தும் வாய்ப்பு கொடுத்த தமிழ்நாடு பிரீமியர் லீக்கிற்கு எனது நன்றி. சென்சார் அடிப்படையில் உருவாக்கப்பட்ட இந்த டெக்கானாலாஜி ஸ்மார்ட் ஸ்டிக்கருடன் செயல்படும். இந்த ஸ்டிக்கரை பேட்டில் ஒருமுறை ஒட்டிவிட்டால், பின்னர் பேட் ஸ்மார்ட் பேட்டாக மாறிவிடும்’’ என்றார்.
தமிழ்நாடு பிரீமியர் லீக் ஜூலை 11-ந்தேதி முதல் ஆகஸ்ட் 12-ந்தேதி வரை நடக்கிறது.
