சென்னை:
தமிழக காங்கிரஸ் தலைவர் திருநாவுக்கரசர் இன்று தனது பிறந்தநாளை கொண்டாடினார். அவருக்கு அகில இந்திய காங்கிரஸ் தலைவர் ராகுல்காந்தி போனில் தொடர்பு கொண்டு பிறந்தநாள் வாழ்த்து தெரிவித்தார்.
மேலும் த.மா.கா தலைவர் ஜி.கே.வாசன், விடுதலை சிறுத்தைகள் கட்சித் தலைவர் தங்கபாலு, டாக்டர் திருமாவளவன், காங்கிரஸ் முன்னாள் தலைவர் செல்லக்குமார் ஆகியோரும் போனில் வாழ்த்து தெரிவித்தனர்.
தமிழக காங்கிரஸ் தலைமை அலுவலகமான சத்திய மூர்த்தி பவனில் திருநாவுக்கரசரின் பிறந்த நாளையொட்டி நிர்வாகிகள் மற்றும் தொண்டர்கள் முன்னிலையில் குமரி அனந்தன் கேக் வெட்டினார். இதேபோல் மகளிர் காங்கிரஸ் தலைவி ஜான்சிராணி தலைமையில் மகளிர் காங்கிரஸ் நிர்வாகிகளும் பிறந்தநாள் கேக் வெட்டினார்கள்.
அகில இந்திய காங்கிரஸ் கமிட்டி உறுப்பினர் ஆலிஸ் மனோகரி 100 பெண்களுக்கு இலவச சேலைகள் வழங்கினார்.
நிகழ்ச்சியில் முன்னாள் எம்.பி.க்கள் ஆரூண், விஸ்வநாதன் மற்றும் சிரஞ்சீவி, பவன்குமார், மாவட்ட தலைவர்கள் எம்.எஸ்.திரவியம், சிவராஜசேகர், வீரபாண்டியன், நிர்வாகிகள் துறைமுகம் ரவிராஜ், பிராங்ளின் பிரகாஷ், டி.வி.துரைராஜ், சுகுமார் உள்பட பலர் கலந்து கொண்டனர்.
வட சென்னை மாவட்டத்தில் மாவட்ட தலைவர் எம்.எஸ். திரவியம் ஏற்பாட்டில் பார்வையற்றோர் இல்லத்தில் உள்ளவர்களுக்கு ஊர்வசி அமிர்தராஜ் காலை உணவு வழங்கினார். தண்டையார் பேட்டை நெடுஞ்சாலையில் உள்ள கிருஷ்ணன் கோவிலில் சிறப்பு பூஜை நடத்தப்பட்டது. #Congress #Thirunavukkarasar
