தேவையான பொருட்கள் : முட்டைகோஸ் - 200 கிராம்,
தேங்காய்த் துருவல் - கால் கப்,
மிளகுத்தூள் - 2 டீஸ்பூன்,
தேங்காய் எண்ணெய் - ஒரு டீஸ்பூன்,
உப்பு - தேவையான அளவு.
செய்முறை: முட்டைகோஸிலுள்ள தண்டுகளை நீக்கிவிட்டு இதழ் இதழாகப் பிரித்துக்கொள்ளவும். பின்னர் நீளமாக மெல்லியதாக நறுக்கிக்கொள்ளவும்.
நறுக்கிய முட்டைகோஸை இட்லித் தட்டில் வைத்து, அடுப்பைக் குறைந்த தீயில் வைத்து, 5 நிமிடங்கள் ஆவியில் வேகவைத்துக்கொள்ளவும்.
வேக வைத்த முட்டைகோஸை ஓரு அகலமான பாத்திரத்துக்கு மாற்றிக்கொள்ளவும்.
வாணலியில் தேங்காய் எண்ணெய்விட்டுச் சூடானதும் வேகவைத்த முட்டைகோஸைச் சேர்த்து ஒரு நொடி வதக்கவும்.
இதனுடன் உப்பு மற்றும் மிளகுத்தூள் சேர்த்து நன்கு கலந்து அடுப்பை அணைத்துவிடவும்.
கடைசியில் தேங்காய்த் துருவல் சேர்த்து நன்கு கலந்து பரிமாறவும்.
குறிப்பு: இதை முட்டைகோஸ் சாலட் என்றும் கூறலாம். இதை தோசையின் மேல்வைத்து சுவையான முட்டைகோஸ் ஊத்தப்பம் செய்யலாம்.
சப்பாத்தி, கலந்த சாதம் வகைகளுக்கு சூப்பரான சைடிஷ்.
இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
