நீங்கள் தேடியது "Chattishgar"

கொண்டகன்:

சத்தீஸ்கர் மாநிலத்தில் உள்ள கொண்டகன் பகுதியின் தேசிய நெடுஞ்சாலையில் அதிவேகமாக வந்த லாரி ஒன்று, எதிரே வந்துக் கொண்டிருந்த காரின் மீது திடீரென மோதியது. இந்த விபத்தில் காரில் பயணம் செய்த 4 பேர் சம்பவ இடத்திலேயே உயிரிழந்தனர்.

மேலும் சிலர் படுகாயமுற்றனர். இச்சம்பவம் தொடர்பாக போலீசாருக்கு உடனடியாக தகவல் கொடுக்கப்பட்டது. இதையடுத்து சம்பவ இடத்திற்கு விரைந்த போலீசார், படுகாயமடைந்தவர்களை மீட்டு மருத்துவமனைக்கு அனுப்பி வைத்தனர். அவர்களுக்கு சிகிச்சை அளிக்கப்பட்டு வருகிறது. மேலும் விபத்து தொடர்பாக அப்பகுதியில் போலீசார் விசாரணை மேற்கொண்டு வருகின்றனர்.  

இந்நிலையில் விபத்தில் உயிரிழந்தவர்களின் குடும்பங்களுக்கு தலா ரூ.25000 வழங்குவதாகவும், மேலும் படுகாயமடைந்தவர்களுக்கு மருத்துவமனையில் இலவச சிகிச்சை அளிக்கப்படும் எனவும் கொண்டகன் பகுதியின் மாவட்ட ஆட்சியர் தெகாம் தெரிவித்துள்ளது குறிப்பிடத்தக்கது. #ChattishgarAccident