நியூயார்க்:
ஐதராபாத் நகரின் விகாராபாத் பகுதியில் உள்ள ஸ்ரீ சாய் பல் மருத்துவ கல்லூரியில் பயின்ற அர்ஷத் முஹம்மத் என்பவர் மேற்படிப்புக்காக அமெரிக்கா சென்றார். சிகாகோ நகரில் உள்ள இல்லினாய்ஸ் பல்கலைக்கழகத்தில் பல் மருத்துவம் தொடர்பான உயர்நிலை பட்டம் பெற்ற அர்ஷத், அங்கேயே பட்டமேல் படிப்பு சான்றிதழ் பெறுவதற்கான பயிற்சிகளை மேற்கொண்டு வந்தார்.
இந்நிலையில், சிகாகோ நகரில் கடந்த வியாழக்கிழமை நடைபெற்ற சாலை விபத்தில் சிக்கிய அர்ஷத் முஹம்மத் பரிதாபமாக உயிரிழந்தார்.
சிகாகோ நகரில் உள்ள போர் வீரர்கள் நினைவுச்சினம் சாலையில் தவறான பாதையில் எதிரே வந்த ஒரு வேன் அர்ஷத் ஓட்டிவந்த காரின் மீது மோதிய விபத்தில் அர்ஷத் முஹம்மத்(32) மற்றும் வேனின் டிரைவர் ராபர்ட் வெலாஸ்க்கோ(36) இருவரும் உயிரிழந்தனர்.
அர்ஷத் மறைவுக்கு அஞ்சலி செலுத்தும் வகையில் அவர் பயின்றுவந்த மருத்துவக் கல்லூரிக்கு கடந்த வெள்ளிக்கிழமை பொது விடுமுறை அளிக்கப்பட்டிருந்தது. #Indiandentist #USroadaccident #ArshadMohammed #dentistArshadMohammed
