கொச்சி:
6-வது புரோ கபடி லீக் தொடர் இறுதிக்கட்டத்தை எட்டியுள்ளது. 12 அணிகள் பங்கேற்ற இத்தொடரில் ‘ஏ’ பிரிவில் குஜராத் பார்ச்சுன் ஜெயன்ட்ஸ், யு மும்பா, தபாங் டெல்லி, ‘பி’ பிரிவில் பெங்களூர் புல்ஸ், பெங்கால் வாரியர்ஸ், உ.பி.யோத்தா ஆகிய அணிகள் அடுத்த சுற்றுக்கு (பிளே ஆப்ஸ் சுற்று) முன்னேறின.
நேற்று நடைபெற்ற எலிமினேட்டர் சுற்றில் உ.பி. யோதா 34 - 29 என்ற புள்ளிக்கணக்கில யு மும்பாவை தோற்கடித்தது. மற்றொரு சுற்றில் தபாங் டெல்லி 39 - 28 என்ற புள்ளிக்கணக்கில் பெங்காலை விரட்டியது. அதன்மூலம் யு மும்பா, பெங்கால் அணிகள் வெளியேற்றப்பட்டன.
இந்நிலையில், எலிமினேட்டர் மூன்றாவது சுற்றுக்கான போட்டியில் தபாங் டெல்லி மற்றும் உபி யோதா அணிகள் மோதின.
இதில், ஆட்டத்தின் முதலில் இருந்தே உபி யோதா அணி வீரர்கள் சிறப்பாக ஆடினர். இதனால் முதல் பாதியில் 27 - 13 என்ற புள்ளிக்கணக்கில் உபி யோதா அணி முன்னிலை பெற்றது.
தொடர்ந்து, இரண்டாவது பாதியிலும் உபி யோதா அணி அபாரமாக ஆடியது. இதனால் ஆட்டத்தின் முடிவில் 45 - 33 என்ற புள்ளிக்கணக்கில் டெல்லியை வீழ்த்தியது.
இந்த வெற்றி மூலம் உபி யோதா அணி இரண்டாவது தகுதிச்சுற்றுக்கு முன்னேறியது. இதில் உபி யோதா அணி குஜராத் அணியை எதிர்கொள்கிறது. #ProKabaddiLeague #UpYodha #DabangDelhi
