இங்கிலீஷ் பிரீமியர் லீக்கின் 2018-19 சீசன் நேற்று தொடங்கியது. முதல் ஆட்டத்தில் மான்செஸ்டர் யுனைடெட் - லெய்செஸ்டர் சிட்டி அணிகள் மோதின. ஆட்டத்தின் 3-வது நிமிடத்தில் மான்செஸ்டர் யுனைடெட் அணிக்கு பெனால்டி வாய்ப்பு கிடைத்தது. இதை பயன்படுத்தி பால் போக்பா முதல் கோலை பதிவு செய்தார். அதன்பின் 83-வது நிமிடத்தில் மான்செஸ்டர் யுனைடெட் அணியின் லூக் ஷா மற்றொரு கோல் அடித்தார். இதனால் மான்செஸ்டர் யுனைடெட் 2-0 என முன்னிலை பெற்றது.
அதன்பின் 90 நிமிடம் வரை லெய்செஸ்டர் சிட்டி அடிக்கவில்லை. இன்ஜூரி நேரத்தில் ஆட்டத்தின் 92-வது நிமிடத்தில் வார்டி ஒரு கோல் அடிக்க மான்செஸ்டர் யுனைடெட் 2-1 என வெற்றி பெற்றது.
மற்றொரு ஆட்டத்தில் செல்சி - ஹட்டர்ஸ்பீல்டு டவுன் அணிகள் மோதின. இதில் செல்சி 3-0 என வெற்றி பெற்றது. கான்டே 34-வது நிமிடத்திலும், ஜார்ஜினோ (பெனால்டி) 45-வது நிமிடத்திலும், பெட்ரோ 80-வது நிமிடத்திலும் கோல் அடித்தனர்.
முன்னணி அணிகளான மான்செஸ்டர், செல்சி, லிவர்பூல் அணிகள் வெற்றியோடு தொடரை தொடங்கியுள்ளது.
