நீங்கள் தேடியது "hasanamba devi temple"

ஹாசனில் பிரசித்தி பெற்ற ஹாசனாம்பா தேவி கோவில் உள்ளது. இந்த கோவிலின் நடை ஆண்டுதோறும் தீபாவளி பண்டிகையையொட்டி 10 நாட்கள் மட்டுமே திறந்திருக்கும். இத்தகைய புகழ்பெற்ற இந்த கோவிலின் நடை தீபாவளியை முன்னிட்டு கடந்த 1-ந்தேதி திறக்கப்பட்டது. அன்று முதல் கோவிலில் தினமும் ஹாசனாம்பாவுக்கு சிறப்பு அபிஷேகம், சிறப்பு பூஜைகள் நடத்தப்பட்டு வருகிறது.

கோவில் நடை திறந்து நேற்றுடன் 7-வது நாள் ஆகிறது. நேற்றும் கோவிலில் சிறப்பு பூஜை நடந்தது. இதில் ஆயிரக்கணக்கான பக்தர்கள் கலந்துகொண்டு சாமி தரிசனம் செய்தனர்.

இன்று (வியாழக்கிழமை) மட்டும் தான் கோவிலில் சாமி தரிசனம் செய்ய பக்தர்களுக்கு அனுமதி வழங்கப்பட்டுள்ளது. அடுத்த நாள் (9-ந்தேதி) கோவிலில் தூய்மை பணி மேற்கொள்ளப்பட உள்ளது. இதனால் அன்று பக்தர்கள் தரிசனம் செய்ய அனுமதி கிடையாது. வருகிற 10-ந்தேதி சிறப்பு பூஜை செய்யப்பட்டு கோவில் நடை அடைக்கப்பட உள்ளது என்பது குறிப்பிடத்தக்கது.