இந்திய அணி மூன்று வகை கிரிக்கெட் தொடரிலும் விளையாடுவதற்காக இங்கிலாந்து சென்றுள்ளது. மூன்று டி20, ஒருநாள் போட்டிகள் கொண்ட தொடர் முடிந்துள்ள நிலையில் ஐந்து போட்டிகள் கொண்ட டெஸ்ட் தொடர் வருகிற ஆகஸ்ட் மாதம் 1-ந்தேதி தொடங்குகிறது.
இதற்கு முன் இந்தியா நான்கு நாட்கள் கொண்ட பயிற்சி ஆட்டத்தில் எசக்ஸ் அணியை எதிர்கொள்கிறது. இந்த ஆட்டம் இன்று தொடங்குகிறது. இந்திய அணி இங்கிலாந்து சென்றபோது இந்த பயிற்சி ஆட்டம் 25-ந்தேதி (இன்று) முதல் 28-ந்தேதி வரை நடைபெறுவதாக இருந்தது.
கோப்புப்படம் இங்கிலாந்தில் ஜூன், ஜூலை மற்றும் ஆகஸ்ட் ஆகிய மூன்று மாதம் கோடைக்காலமாகும். இந்த வருடம் வழக்கத்திற்கு மாறாக இங்கிலாந்தில் அதிக வெப்பநிலை காணப்படுகிறது. இங்கிலாந்துக்கு எதிராக ஐந்து போட்டிகள் கொண்ட நீண்ட தொடரில் விளையாட இருக்கிறார்கள்.
இந்நிலையில் பயிற்சி ஆட்டத்தில் நான்கு நாட்கள் விளையாடினால் வீரர்கள் மிகவும் சோர்வடைவார்கள். இது டெஸ்ட் போட்டியில் பாதிப்பை ஏற்படுத்தும். இதனால் நான்கு நாட்கள் கொண்ட பயிற்சி ஆட்டத்தை 3 நாட்களாக இந்தியா சுருக்கியுள்ளது. இதனால் இன்று தொடங்கும் ஆட்டம் 27-ந்தேதியுடன் முடிவடைகிறது.
