நீங்கள் தேடியது "joins bjp"

புதுடெல்லி:

பாராளுமன்ற தேர்தல் நாட்டின் அனைத்து மாநிலங்களிலும் வரும் ஏப்ரல் மாதம் துவங்கி பல்வேறு கட்டமாக நடக்கவிருப்பதையடுத்து, அனைத்து அரசியல் கட்சியினரும் கூட்டணி, தொகுதி ஒதுக்கீடு, மற்றும் பிரச்சாரம் உள்ளிட்ட பணிகளில் தீவிரமாக ஈடுபட்டுள்ளனர்.

இதுதொடர்பான பணிகளில் தேர்தல் கமிஷனும் ஈடுபட்டு வருகிறது. பல்வேறு கட்சிகளில் உள்ளோர் வெவ்வேறு கட்சிகளுக்கு மாறியும் வருகின்றனர். 

 

இந்நிலையில், ஒடிசா மாநிலத்தின் முன்னாள் மந்திரியும், மூத்த அரசியல்வாதியுமான தாமோதர் ராவத் டெல்லியில் இன்று மாலை பாஜகவில் இணைந்தார். 

மத்திய மந்திரி தர்மேந்திர பிரதான் மற்றும் பாஜக துணை தலைவர் பைஜயந்த் பாண்டா ஆகியோர் முன்னிலையில் பாஜகவில் இணைந்துள்ளார். #OdishaFormerMinister #DamodarRautjoinsBJP

புதுடெல்லி:

மேற்கு வங்காள மாநிலத்தின் முதல் மந்திரி மம்தா பானர்ஜியின் நம்பிக்கைக்கு உரியவரும், முன்னாள் ஐ.பி.எஸ். அதிகாரியுமாக இருந்தவர் பாரதி கோஷ்.

மாவோயிஸ்ட்களுக்கு எதிராக சிறப்பாக செயல்பட்டதால் இவர் முதல் மந்திரி மம்தாவுக்கு நெருக்கமானார். ஆனால், ஆள்கடத்தல் வழக்கு தொடர்பாக சிஐடி விசாரணைக்கு ஆளாகி பதவிநீக்கம் செய்யப்பட்டார்.

இந்நிலையில், தலைநகர் டெல்லியில் பாஜக தலைவர்கள் முகுல் ராய், கைலாஷ் விஜய்வர்கியா மற்றும் சட்டத்துறை மந்திரி ரவிசங்கர் பிரசாத்  முன்னிலையில் பாரதி கோஷ் பாஜகவில் இணைந்தார். வரும் பாராளுமன்ற தேர்தலில் பாஜக சார்பில் போட்டியிட  அவருக்கு வாய்ப்பளிக்கப்படும் என தெரிகிறது. #MamataBanerjee #BharatiGhosh