கே.டி.எம். நிறுவனம் இந்தியாவில் புதிய 125 டியூக் நேக்கட் மோட்டார்சைக்கிளை அறிமுகம் செய்ய இருப்பதாக தகவல்கள் வெளியாகின. அந்த வகையில் தற்சமயம் கிடைத்திருக்கும் விவரங்களின் படி கே.டி.எம். 125 டியூக் நேக்கட் மோட்டார்சைக்கிளுக்கான முன்பதிவுகள் மும்பையில் துவங்கப்பட்டுள்ளதாக தெரிகிறது.
புதிய 125 டியூக் மாடலுக்கான முன்பதிவு கட்டணமாக ரூ.1,000 வசூலிக்கப்படுவதாக கூறப்படுகிறது. மேலும் இந்த மோட்டார்சைக்கிள் நவம்பர் மாதத்தில் இந்தியாவில் அறிமுகமாகும் என்றும் தகவல் வெளியாகியுள்ளது. விலையை பொருத்த வரை டியூக் 125 விலை அதிகபட்சம் ரூ.1.60 லட்சம் வரை நிர்ணயம் செய்யப்படலாம் என தெரிகிறது.
கே.டி.எம். 125 டியூக் மாடல் இந்தியாவில் நவம்பர் மாதத்தில் அறிமுகம் செய்யப்படலாம் என தகவல் வெளியாகியுள்ளது. 125 டியூக் மாடல் இந்தியாவில் உள்ள பஜாஜ் நிறுவனத்தின் சக்கன் உற்பத்தி ஆலையில் தயாரிக்கப்படுகிறது. அந்த வகையில் கே.டி.எம். 125 டியூக் மாடலின் விலை போட்டியை ஏற்படுத்தும் வகையில் நிர்ணயம் செய்யப்படலாம் என எதிர்பார்க்கப்படுகிறது.
புதிய கே.டி.எம். 125 டியூக் ஒட்டுமொத்த வடிவமைப்பு 1290 சூப்பர்டியூக் மாடலை தழுவி உருவாக்கப்படலாம் என்றும் இந்த மோட்டார்சைக்கிள் பார்க்க புதிய 390 டியூக் போன்றே காட்சியளிக்கிறது. சர்வதேச சந்தையில் கே.டி.எம். 125 டியூக் மாடலில் எல்.இ.டி. ஹெட்லைட், டி.எஃப்.டி. டிஜிட்டல் இன்ஸ்ட்ரூமென்ட் கிளஸ்டர் போன்றவை வழங்கப்பட்டுள்ளது.
கே.டி.எம். 125 டியூக் மாடலில் 124.7 சிசி லிக்விட்-கூல்டு, சிங்கிள்-சிலின்டர், ஃபியூயல் இன்ஜெக்டெட் இன்ஜின் வழங்கப்பட்டுள்ளது. இந்த இன்ஜின் 14.7 பி.ஹெச்.பி. பவர், 11.80 என்.எம். டார்கியூ செயல்திறன், 6-ஸ்பீடு கியர்பாக்ஸ் கொண்டுள்ளது. கே.டி.எம். 125 டியூக் இந்தியாவில் கிடைக்கும் சக்திவாய்ந்த 125 சிசி மோட்டார்சைக்கிளாக இருக்கும்.
ஏற்றுமதி செய்யப்படும் கே.டி.எம். 125 டியூக் மாடலின் முன்பக்கம் 43 எம்.எம். WP அப்சைடு டவுன் ஃபோர்க், பின்புறம் WP மோனோஷாக் சஸ்பென்ஷன் வழங்கப்பட்டுள்ளது. பிரேக்கிங் அம்சங்களை பொருத்த வரை முன்பக்கம் 300 எம்.எம். டிஸ்க், பின்புறம் 230 எம்.எம். டிஸ்க் வழங்கப்பட்டுள்ளது. இத்துடன் இந்த மாடலில் போஷ் டூயல்-சேனல் ஏ.பி.எஸ். வழங்கப்படுகிறது. #KTM #Duke
