என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Minister KamalaKannan"
காரைக்கால் மாவட்டத்தில் கஜா புயலால் ஏராளமான மரங்கள் சாய்ந்து சாலைகளில் விழுந்தன. இதையடுத்து மரங்களை வெட்டி அப்புறப்படுத்தும் பணி தொடர்ந்து நடந்து வருகிறது. பல இடங்களில் மரங்கள் வெட்டப்பட்டு சாலையோரம் குவித்து வைக்கப்பட்டுள்ளன.
திருநள்ளாறு உள்ளிட்ட ஒரு சில இடங்களில் சாலையோரம் வெட்டப்பட்டு குவித்து வைக்கப்பட்டிருந்த மரங்களால் கழிவு நீர் செல்லும் பாதையில் அடைப்பு ஏற்பட்டுள்ளது. இதனால் கழிவு நீர் செல்ல முடியாமல் சாலைகளில் ஆங்காங்கே தேங்கி நிற்கிறது.
இந்த நிலையில் காரைக்கால், திருநள்ளாறு உள்ளிட்ட மாவட்டத்தின் பல்வேறு பகுதிகளில் நேற்று மாலை கனமழை பெய்தது. இன்று காலையிலும் தொடர்ந்து மழை பெய்து வருகிறது. சாலைகளில் தண்ணீர் பெருக்கெடுத்து ஓடியது. அப்போது சாய்ந்த மரங்களால் திருநள்ளாறில் கழிவு நீர் செல்லும் இடங்களில் அடைப்பு ஏற்பட்டது. இந்த அடைப்பால் சாலையில் அதிகளவில் தண்ணீர் தேங்கி நின்றது.
அந்த நேரத்தில் புதுவை கல்வி அமைச்சர் கமலகண்ணன் அந்த வழியாக கட்சியினருடன் காரில் வந்து கொண்டிருந்தார். சாலைகளில் தண்ணீர் தேங்கி நிற்பதை பார்த்தார். உடனே காரில் இருந்து இறங்கிய அவர் தன்னுடன் காரில் வந்த காங்கிரஸ் கட்சியினருடன் கழிவு நீர் செல்லும் பாதையை அடைத்திருந்த மரங்களை அப்புறப்படுத்தும் பணியில் ஈடுபட்டார்.
அப்போது அந்த வழியாக வந்த கொம்யூன் பஞ்சாயத்து ஆணையர் செல்வம், கொம்யூன் பஞ்சாயத்து ஆணையர் ராஜேந்திரன் மற்றும் பஞ்சாயத்து ஊழியர்கள் அமைச்சர் கமலகண்ணனுடன் சேர்ந்து மரங்களை அகற்றும் பணியில் ஈடுபட்டனர். இதனால் சிறிது நேரத்தில் சாலைகளில் தேங்கியிருந்த தண்ணீர் வடிந்தது.
தம்முடன் பணியில் ஈடுபட்ட அனைவருக்கும் அமைச்சர் கமலகண்ணன் நன்றி தெரிவித்தார். ஏற்கனவே கழிவு நீர் வாய்க்காலில் இறங்கி சுத்தம் செய்தல் உள்ளிட்ட பல்வேறு சமூக சேவையில் அமைச்சர் கமலகண்ணன் ஈடுபட்டு வருகிறார். அவரின் இந்த செயல்களை பொதுமக்கள் பாராட்டினர். #MinisterKamalaKannan
புதுச்சேரி:
புதுவை வேளாண் தொழில்நுட்ப மேலாண்மை முகமை (ஆத்மா) சார்பில் விவசாயிகள் மற்றும் விதை நெல் உற்பத்தியாளர்கள் கலந்தாய்வு கூட்டம் வேளாண்துறை இயக்குநர் அலுவலக வளாகத்தில் நடந்தது.
வேளாண்துறை அமைச்சர் கமலக்கண்ணன் தலைமை தாங்கினார். இயக்குநர் ராமகிருஷ்ணன் வரவேற்றார். பஜன்கோ முதல்வர் கந்தசாமி, வேளாண் அறிவியல் நிலைய முதல்வர் வசந்தகுமார், காரைக்கால் வேளாண் அறிவியல் நிலைய முதல்வர் ரத்தினசபாபதி, கூடுதல் வேளாண் இயக்குனர் கார்த்திகேயன் மற்றும் விவசாயிகள், விதை உற்பத்தியாளர்கள் பலர் கலந்து கொண்டனர்.
கூட்டத்தில் விதை உற்பத்தியாளர் சங்க பொதுச்செயலாளர் ராமமூர்த்தி பேசும்போது, விதை நெல் உற்பத்திக்கு பீடர் மற்றும் ஆதார விதையினை காலத்தோடு வழங்க வேண்டும். பாகூர் மற்றும் கரியமாணியத்தில் உள்ள சான்று விதை சுத்திகரிப்பு நிலையங்களை சரி செய்து கொடுக்க வேண்டும். 5 ஆண்டுகளாக மானிய விலையில் வழங்கப்படாமல் உள்ள சில்ப்பாலின், ஷேர்நெட், நர்சரி ட்ரே மற்றும் கோனாவீடர் உடனடியாக வழங்க வேண்டும்.
காரைக்கால் விவசாயி கிருஷ்ணமூர்த்தி பேசும்போது, விவசாயிகள் உற்பத்தி செய்து கொடுக்கும் நெல்லுக்கு காலதாமதமாக பணம் பட்டுவாடா செய்யப்படுகிறது. ஒரு சாக்கு மூட்டை பாசிக் மூலம் ரூ.60க்கு விற்பனை செய்யப்படுகிறது. அதே சாக்கு மூட்டை தனியாரில் ரூ.35க்கு தரமாகவே கிடைக்கிறது. ஏன் அதிக விலையில் விற்கிறீர்கள்? விவசாயிகளின் கஷ்டங்களை அரசு உணர்ந்து குறைகளை நிவர்த்தி செய்ய வேண்டும் என்றார்.
அமைச்சர் கமலக்கண்ணன் விவசாயிகளுக்கு பதில் அளித்து பேசியதாவது:-
புதுவையில் ஆரம் பிக்கப்பட்ட பாசிக், பாப்ஸ்கோ நிறுவனங்கள் முதலில் விவசாயிகளுக்கு இடுபொருள் கொடுப்பது, உற்பத்தி பொருட்களை சந்தைப்படுத்த உதவ தொடங்கப்பட்டது.
ஆனால், இதனை யாரும் செய்யவில்லை. இதற்கு முன் இருந்தவர்களும் அக்கறை செலுத்தவில்லை. இப்போது உள்ளவர்களும் அக்கறை செலுத்த போவதில்லை. வருங்காலத்திலும் அக்கறை காட்ட போவதில்லை. நிம்மதியாக இருந்த விவசாயிகளிடம் அதிகாரிகள்தான் தொழில்நுட்பத்தை கொடுத்தனர்.
அதன் அடிப்படையில் விவசாயிகள் உற்பத்தி செய்த பிறகு திரும்பி கூட பார்ப்பதில்லை. நான் அமைச்சராக பொறுப்பேற்ற பிறகு வேளாண்துறை சம்பந்தமான உரம், பூச்சி மருந்து, நெல் எடுத்தல் ஆகியவற்றுக்கு உடனே பணம் பட்டுவாடா செய்ய வேண்டும்.
இல்லையென்றால் அதிகாரிகளுக்கு சம்பளம் போடும் கோப்புக்கு ஒப்புதல் அளிக்க மாட்டேன் என கூறியுள்ளேன். விவசாயிகள் கூறும் பல விஷயங்களில் எனக்கும் ஆதங்கம் உள்ளது. இயக்குனர், அதிகாரிகளிடம் என்னுடைய பாணியில் தெரிவித்தேன். அவர்கள் என்னை விட்டுவிடுங்கள் வேறு துறைக்கு போய்விடுகிறோம் என்கிறார்கள்.
அவர்களாக விரும்பி கடிதம் கொடுக்கும்வரை விடமுடியாது. வேளாண்துறைக்கு வந்து பணியாற்றும் அதிகாரிகள் எதற்காக சம்பளம் வாங்குகிறோம் என்பதை மனதில் வைத்து விவசாயிகளுக்கு பணியாற்ற வேண்டும்.
விவசாயிகளின் வரி பணத்தில் இருந்துதான் அவர்களுக்கு மானியம் கொடுக்கப்படுகிறது. இதை அதிகாரிகள் புரிந்து கொள்ள வேண்டும்.
இந்தாண்டு விதை நெல் தொடர்பான விஷயங்கள் சரியாக நடைபெறவில்லை என்றால், விவசாயிகள் கூறும் குறைகளை கோப்பில் எழுதி அனுப்ப முடிவு செய்துள்ளேன்.
இவ்வாறு அவர் பேசினார்.
புதுவை அரசின் வேளாண்துறை சார்பில் வாழை சாகுபடியில் நவீன தொழில்நுட்பம், மதிப்புக்கூட்டல் மற்றும் சந்தைப்படுத்துதல் பயிற்சி 2 நாட்கள் வேளாண் வளாகத்தில் நடக்கிறது. இதன் தொடக்கவிழா இன்று நடந்தது.
புதுவை வேளாண்துறை இயக்குனர் பாலகாந்தி வரவேற்றார். அமைச்சர் கமலகண்ணன் பயனாளிகளுக்கு டிராக்டர், பவர் டில்லர், நடவு எந்திரம் ஆகியவற்றை வழங்கி பேசினார். அவர் பேசியதாவது:-
புதுவை விவசாயிகள் புதிய தொழில்நுட்பத்தை அறிந்துகொண்டு விவசாயம் செய்ய வேண்டும். ஒரே பயிரை சாகுபடி செய்வதால் பெரியளவில் பலன் கிடைக்காது. சுழற்சி முறையில் பயிர்களை சாகுபடி செய்ய வேண்டும்.
தென்னங்கன்றுகளை நடவு செய்தால் முதல் 3 ஆண்டுக்கு பலன் கிடைக்காது. இதனால் ஊடுபயிர் செய்ய வேண்டும். வழக்கமாக நெல்லுக்குத்தான் பயிர்காப்பீடு திட்டம் உள்ளது. வாழை காற்றடித்தால் சரிந்து விடுகிறது. பூச்சி தாக்குதலிலும் வாழை நாசமாகிறது. இதை கருத்தில் கொண்டு வாழைக்கும் பயிர் காப்பீடு திட்டத்தை அறிமுகம் செய்துள்ளோம்.
புதுவை விவசாயிகள் தரமான விளை பொருட்களை உற்பத்தி செய்து ஏற்றுமதி செய்ய வேண்டும்.
இவ்வாறு அவர் பேசினார்.
திருச்சி தேசிய வாழை ஆராய்ச்சி மையம், பெங்களூரு உணவு உற்பத்தி மற்றும் ஏற்றுமதி ஆணையம் ஆகியவற்றின் வல்லுநர்கள் விவசாயிகளுக்கு பயிற்சி அளிக்கின்றனர். இந்த பயிற்சியில் புதுவை பகுதியை சேர்ந்த 50 வாழை சாகுபடி விவசாயிகளும், காரைக்கால் பகுதியை சேர்ந்த 10 வாழை சாகுபடி விவசாயிகளும் மற்றும் வேளாண் அதிகாரிகளுக்கு பயிற்சி தரப்படுகிறது.
இன்று வேளாண் வளாகத்தில் உள்ள வகுப்பறையிலும், நாளை கூடப்பாக்கம், சிலுக்காரிபாளையம், நெட்டப்பாக்கம், மங்களம் ஆகிய கிராமங்களில் உள்ள வாழை தோப்புகளை பார்வையிட்டு செயல் விளக்க பயிற்சியும் அளிக்கப்பட உள்ளது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
