சென்னை:
தமிழகத்தில் வடகிழக்கு பருவமழை தொடங்க உள்ள நிலையில், முதலமைச்சர் எடப்பாடி பழனிசாமி இன்று அமைச்சர்கள் மற்றும் அரசு உயர் அதிகாரிகளுடன் ஆலோசனை நடத்தினார். தலைமைச் செயலகத்தில் இந்த ஆலோசனைக் கூட்டம் நடைபெற்றது.
அப்போது மழை முன்னெச்சரிக்கை நடவடிக்கைகள், பாதுகாப்பு ஏற்பாடுகள், நிவாரண முகாம்கள் தயார் நிலையில் உள்ளதா? என்பது குறித்து அதிகாரிகளிடம் முதல்வர் கேட்டார். மேலும், மழை பாதிப்பு பகுதிகளில் மேற்கொள்ளவேண்டிய நிவாரணப் பணிகள் குறித்தும் ஆலோசனை வழங்கினார்.
இதற்கிடையே, இன்று மாலை 7 மணியளவில் ஆளுநர் பன்வாரிலால் புரோகித்தை முதலமைச்சர் எடப்பாடி பழனிசாமி சந்திக்க உள்ளார். கிண்டியில் உள்ள ஆளுநர் மாளிகையில் நடைபெற உள்ள இந்த சந்திப்பின்போது, தமிழகத்தில் பருவமழை மற்றும் கனமழை தொடர்பான ரெட் அலர்ட் எச்சரிக்கை, அரசு மேற்கொண்டுள்ள நடவடிக்கைகள் குறித்து ஆளுநரிடம் விளக்கம் அளிப்பார் என தெரிகிறது. #TNRain #RedAlert #TNGovernor #EdappadiPalaniswami #MonsoonPreparedness
