நீங்கள் தேடியது "Municipal employee arrest"

சேதராப்பட்டு:

கோட்டக்குப்பம் கலால் சிறப்பு சப்-இன்ஸ்பெக்டர் சங்கர் மற்றும் போலீசார் இன்று அதிகாலை பெரிய முதலியார்சாவடி மது விலக்கு சோதனை சாவடியில் வாகன சோதனையில் ஈடுபட்டனர்.

அப்போது நம்பர் பிளேட் இல்லாமல் மோட் டார் சைக்கிளில் சாக்கு மூட்டையுடன் வந்த வாலிபரை தடுத்து நிறுத்தி சோதனை நடத்தினர்.

அந்த சாக்கு மூட்டையில் 110 குவார்ட்டர் பிராந்தி பாட்டில்கள் இருந்தன. இதையடுத்து அந்த வாலிபரிடம் போலீசார் விசாரணை நடத்தினர்.

விசாரணையில் அவர் சென்னை மேடவாக்கத்தை சேர்ந்த சுந்தர் மகன் சுப்பிரமணி (வயது 29). என்பதும், இவர் அங்குள்ள நகராட்சி அலுவலகத்தில் ஊழியராக பணிபுரிந்து வந்ததும் தெரிய வந்தது. மேலும் இவர் புதுவையில் இருந்து சென்னைக்கு மதுபாட்டில்களை கடத்தி சென்றதும் தெரிய வந்தது.

இதையடுத்து மதுபாட்டில்கள் மற்றும் மோட்டார் சைக்கிளை போலீசார் பறிமுதல் செய்து சுப்பிரமணியனை கைது செய்தனர். #tamilnews