ஹெச்.எம்.டி. குளோபல் நிறுவனத்தின் புதிய மொபைல் போன் அக்டோபர் 11-ம் தேதி இந்தியாவில் அறிமுகம் செய்ய இருக்கிறது. இதற்கென அந்நிறுவனம் முன்னதாக வெளியிட்ட டீசரில் பண்டிகை காலத்திற்கு முன் முக்கிய அறிவிப்பு என்ற தகவல் இடம்பெற்று இருந்தது.
இந்நிலையில் ஹெச்.எம்.டி. குளோபல் நிறுவனம் புதிய டீசரை வெளியிட்டுள்ளது. இதில் #MegaLife மற்றும் #GoBigGetBetter என்ற ஹேஷ்டேக் இடம்பெற்று இருக்கிறது. இதில் ஸ்மார்ட்போனின் பின்புறம் காணப்படுகிறது. அதன்படி புதிய நோக்கியா போன் பார்க்க நோக்கியா 7.1 போன்று காட்சியளிக்கிறது.
முன்னதாக நோக்கியா 7.1 ஸ்மார்ட்போன் இந்தியாவில் கடந்த வாரம் அறிமுகம் செய்யப்பட்டது. இதைத் தொடர்ந்து ஹெச்.எம்.டி. குளோபல் புதிய ஸ்மார்ட்போனினை அறிமுகம் செய்ய இருக்கிறது.
நோக்கியா 7.1 பிளஸ் எதிர்பார்க்கப்படும் சிறப்பம்சங்கள்:
- 6.18 இன்ச் 2246x1080 பிக்சல் FHD+ 19:9 ரக டிஸ்ப்ளே
- ஆக்டா-கோர் ஸ்னாப்டிராகன் 710 10nm பிராசஸர்
- அட்ரினோ 616 GPU
- 4 ஜி.பி. / 6 ஜி.பி. ரேம்
- 64 ஜி.பி. / 128 ஜி.பி. மெமரி
- மெமரியை கூடுதலாக நீட்டிக்கும் வசதி
- ஹைப்ரிட் டூயல் சிம்
- ஆன்ட்ராய்டு 8.1 ஓரியோ
- 12 எம்.பி. பிரைமரி கேமரா, எல்.இ.டி. ஃபிளாஷ்
- 13 எம்.பி. இரண்டாவது பிரைமரி கேமரா
- 20 எம்.பி. செல்ஃபி கேமரா
- கைரேகை சென்சார்
- டூயல் 4ஜி வோல்ட்இ, வைபை, ப்ளூடூத்
- 3400 எம்.ஏ.ஹெச். பேட்டரி
- ஃபாஸ்ட் சார்ஜிங்
புதிய நோக்கியா ஸ்மார்ட்போன் பிளிப்கார்ட் அல்லது அமேசான் வலைதளங்களின் ஒன்றில் பிரத்யேகமாக விற்பனை செய்யப்படலாம் என எதிர்பார்க்கப்படுகிறது.
