ஐதராபாத்:
தெலுங்கானா மாநிலத்தில் பா.ஜ.க. தேசிய தலைவர் அமித் ஷா இன்று சுற்றுப்பயணம் மேற்கொண்டுள்ளார்.
ஐதராபாத் நகரில் இன்று செய்தியாளர்களுக்கு பேட்டியளித்த அவர் பெட்ரோல், டீசல் விலை உயர்வு தவிர்க்க முடியாதது என குறிப்பிட்டார். ஆரம்பத்தில் ஒரேநாடு - ஒரே தேர்தல் திட்டத்துக்கு ஆதரவு தெரிவித்திருந்த தெலுங்கானா ராஷ்டரிய சமிதி தலைவர் சந்திரசேகர ராவ், தனது சுயநலத்துக்காக சட்டசபையை முன்கூட்டியே கலைத்துவிட்டு, உடனடியாக தேர்தல் வைக்க வேண்டும் என வற்புறுத்துவதாகவும் அவர் குற்றம்சாட்டினார்.
இந்நிலையில், ஐதராபாத் தொகுதி பாராளுமன்ற உறுப்பினராக பதவி வகிக்கும் அனைத்திந்திய மஜ்லிஸ்-இ-இத்தெஹாடுல்-முஸ்லிமீன் கட்சி தலைவர் அசாதுதீன் ஒவைசி, வரும் பாராளுமன்ற தேர்தலில் என்னை எதிர்த்து ஐதராபாத் தொகுதியில் போட்டியிட தயாரா? என பா.ஜ.க. தலைவர் அமித் ஷாவுக்கு இன்று கேள்வி எழுப்பியுள்ளார்.
தெலுங்கானா மாநிலத்தில் தற்போதுள்ள 5 எம்.பி.க்களையும் வரும் பாராளுமன்ற தேர்தலில் பா.ஜ.க. இழந்துவிடும் என்றும் ஒவைசி தெரிவித்துள்ளார். #Owasidares #LSelection #Amitshah
