நீங்கள் தேடியது "reservoir"

ஆலங்காயம்:

தமிழக-ஆந்திர எல்லை பகுதியில் உள்ள குப்பம், மல்லானூர், பெரும்பள்ளம், தேவராஜபுரம் உள்ளிட்ட பகுதிகளிலும் தமிழக பகுதிகளான புல்லூர், திம்மாம்பேட்டை, நாராயணபுரம், ஜவ்வாது ராமசமுத்திரம் மற்றும் சுற்றுப்புற பகுதிகளிலும் தொடர்ந்து கனமழை பெய்து வருகிறது.

கடந்த 3 நாட்களாக திருப்பத்தூர் மாவட்டம் முழுவதும் பலத்த மழை பெய்து வருவதால், பாலாற்றில் மீண்டும் நீர்வரத்து ஏற்படும் நிலை ஏற்பட்டுள்ளது.

ஆந்திர அரசு கட்டிய புல்லூர் தடுப்பணை அதன் கொள்ளளவு வரை நிரம்பி தற்போது தமிழக பாலாற்றில் தண்ணீர் வெளியேறி வருகிறது. இந்த நீர் ஆவாரங்குப்பம், திம்மாம்பேட்டை, ராம நாயக்கன்பேட்டை, அம்பலூர், கொடையாஞ்சி பாலாற்றின் வழியாக வாணியம்பாடி நோக்கி வந்தது. இதனால் விவசாயிகள் மகிழ்ச்சி அடைந்துள்ளனர்.

வாணியம்பாடி மற்றும் அதனை சுற்றுப்பகுதியில் உள்ள கிராமங்களில் மழை பெய்தது. இதனால் தாழ்வான பகுதிகளில் தண்ணீர் தேங்கி நிற்கிறது.

தூத்துக்குடி:

தூத்துக்குடி மாநகரா ட்சியில் நிலவும் தண்ணீர் தட்டுப்பாட்டை தீர்ப்பதற்கு அமைச்சர் கீதாஜீவன் அதிரடி நடவடிக்கைகளை மேற்கொண்டு வருகிறார். கடந்தாண்டு பருவமழை கை கொடுக்காததால் பாபநாசம், மணிமுத்தாறு அணைகளில் போதிய தண்ணீர் இருப்பு இல்லை. இதனால் தாமிரபரணி ஆற்றிலும் தண்ணீர் வரத்து குறைந்துள்ளது. இதன் காரணமாக சீராக குடிநீர் வழங்குவதில் சிக்கல் ஏற்பட்டு உள்ளது.

தண்ணீர் தட்டுப்பாடு

இதற்கிடையே தூத்துக்குடி மாநகராட்சிக்கு தாமிர பரணி ஆற்றில் கலியா வூர் நீரேற்று நிலை யத்தில் இருந்து கிடைக்க கூடிய தண்ணீரின் அளவு குறைந்துள்ளது. எனவே பரவலாக தண்ணீர் தட்டுப்பாடு நிலவி வருகிறது.

இந்நிலையில் கலியாவூர் நீரேற்று நிலையத்திற்கு தண்ணீர் வரும் பகுதியில் அமைச்சர் கீதாஜீவன் நேரில் பார்வையிட்டு அதிகாரி களுடன் கருத்து க்களை கேட்டறிந்தார்.

இது குறித்து அமைச்சர் கீதாஜீவன் கூறுகையில், கலியாவூர் நீரேற்று நிலையத்திற்கு மணிமுத்தாறு அணையில் இருந்து உடனடியாக கூடுதல் தண்ணீர் திறந்து விட நடவடிக்கை எடுக்க ப்பட்டு உள்ளது.

இதன் மூலம் அதிகளவில் தண்ணீர் வர வாய்ப்புள்ளது. சீரான குடிதண்ணீர் வழ ங்கப்படும் பொதுமக்கள், தண்ணீரை சிக்கனமாக பயன்படுத்துமாறு கேட்டு க்கொள்கிறேன் என்றார்.

கலந்து கொண்டவர்கள்

ஆய்வின் போது கலெக்டர் செந்தில்ராஜ், மாநகராட்சி ஆணையர் தினேஷ்குமார், துணை மேயர் ஜெனிட்டா, மாநகராட்சி மண்டல தலைவர்கள் வக்கீல் பாலகுருசாமி, அன்னலட்சுமி, நிர்மல்ராஜ், கலைச்செல்வி, குடிநீர் வடிகால் வாரிய மேற்பார்வை பொறியாளர் செந்தூர்பாண்டி, மாவட்ட அவைத்தலைவர் செல்வராஜ், பகுதி செயலாளர் ஜெயக்குமார், மாநகராட்சி உதவிபொ றியாளர் சரவணன், மாநகர தி.மு.க. செயலாளர் ஆனந்தசேகரன், மாவட்ட பிரதிநிதி செந்தில்குமார், கருணா, மணி, அல்பட் உள்பட பலர் உடனிருந்தனர்.

நீடாமங்கலம்:

தஞ்சை மாவட்டம் சாலியமங்கலம் அருகிலுள்ள விழிதியூர் என்ற கிராமத்திலிருந்து இரும்புத்தலை என்ற கிராமத்தின் வழியாக சுமார் 12 கிலோ மீட்டர் தூரத்திற்கு அவளிவநல்லூர், குமாரமங்கலம், அரித்துவாரமங்கலம், கேத்தனூர், பெருங்குடி ஆகிய கிராமங்களுக்கு நீர் ஆதாரமாகவும் பல ஏக்கர் வயல்களுக்கு விவசாயம் செய்வதற்கு பயனுள்ளதாக விளங்கக்கூடிய வாய்க்காலின் நீரை ஒழுங்குபடுத்தும் நீர்த்தேக்கமானது திருவாரூர் மாவட்டம் பெருங்குடியில் அமைந்துள்ளது.

அந்த நீர்த்தேக்கமானது பழுதடைந்த நிலையில் உள்ளது. இதுபற்றி புகார் அளித்தும் இதுவரை எவ்வித நடவடிக்கையும் எடுக்கப்படவில்லை என விவசாயிகள் குற்றம் சாட்டுகின்றனர். இதனால் வாய்க்காலில் வரக்கூடிய தண்ணீரை சரியான முறையில் பயன்படுத்த இயலாத சூழல் உருவாகியுள்ளது.

மேலும் நீர் பாய்ச்சுவதற்கும் உபரி நீரை வெளியேற்றுவதற்கும் மிகுந்த சிரமத்திற்கு ஆளாகின்றனர். இதனால் தங்களின் சொந்த செலவில் சரி செய்து உள்ளனர். ஆனால் அது தற்காலிகமானது. அதுமட்டுமல்லாது வாய்க்காலை சரிவர தூர்வார வில்லை என்றும் குற்றம் சாட்டுகின்றனர். எனேவே சம்பந்தப்பட்ட அதிகாரிகள் இதை உடனடியாக சீர் செய்யவேண்டும் என்று கோரிக்கை விடுத்துள்ளனர்.