நீங்கள் தேடியது "அஜித்குமார்"

சதுரங்க வேட்டை, தீரன் அதிகாரம் ஒன்று ஆகிய படங்களை இயக்கியவர் எச்.வினோத். இரண்டு படங்களுமே விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்றன. இவர் அஜித்தை வைத்து அடுத்த படத்தை இயக்கப் போவதாக தகவல்கள் வெளியாகின.

இந்தியில் அமிதாப்பச்சன் நடித்த பிங்க் திரைப்படத்தின் ரீமேக்காக இது இருக்கும் என்றும், இந்தப் படத்தை போனி கபூர் தயாரிக்க உள்ளதாகவும் செய்திகள் வெளியாகின. ‘பிங்க்’ படத்தின் தயாரிப்பாளர் ஷிஜித் அதிகாரப்பூர்வ தகவல் ஒன்றைத் தெரிவித்துள்ளார்.

கோவா திரைப்பட விழாவில் பேசிய அவர், “பிங்க் திரைப்படம் தமிழில் ரீமேக் செய்யப்பட உள்ள தகவல் உண்மைதான். படம் தயாரான பிறகு அதை என்னிடம் காண்பிப்பதாக படக்குழுவினர் தெரிவித்துள்ளனர்” என்று கூறியுள்ளார். இதன் மூலம் அஜித்தின் அடுத்த படம் பிங்க் ரீமேக்காக இருக்க அதிக வாய்ப்புகள் உள்ளது.

தமிழில் ரீமேக் செய்தாலும் இந்தி படத்தின் காட்சிக்கு காட்சி ரீமேக் செய்யப்படாது என்றும், தமிழுக்கு ஏற்றவகையில் காட்சிகளை வைத்தே படம் உருவாகும் என்றும் கூறப்படுகிறது. 2019-ன் இரண்டாம் பாதியில் படப்பிடிப்பு தொடங்க திட்டமிட்டிருக்கும் இப்படத்துக்கு, இசையமைக்க இசையமைப்பாளர் ஏ.ஆர்.ரகுமானிடம் பேச்சுவார்த்தை நடந்து வருகிறது. #PinkRemake #Thala59

மெட்ராஸ் இன்ஸ்டிடியூட் ஆப் டெக்னாலஜி, சிறிய ரக விமான ஆராய்ச்சிகளுக்கான ஆலோசகராக அஜித்குமாரை நியமித்திருந்தது. அவருடைய ஆலோசனையில் இயங்கும் எம்ஐடியின் ‘தக்‌ஷா’ ஆராய்ச்சிக்குழு மாணவர்கள் சமீபத்தில் ஆஸ்திரேலியாவில் நடந்த போட்டியில் வெற்றிபெற்றனர்.

இந்த குழு உருவாக்கிய விமானம் அதிக நேரம் பறந்து சாதனையும் படைத்துள்ளது. மாணவர்கள் வெற்றி பெற்று நாடு திரும்பிய சமயத்தில் அஜித் ‘விஸ்வாசம்’ படப்பிடிப்பில் இருந்தார். கடந்த வாரம் படப்பிடிப்பு முடிந்து சென்னை திரும்பினார்.

ஊர் திரும்பியதும் மாணவர்களை சந்தித்து முதல் வேலையாக வாழ்த்தியதோடு, அவர்கள் உருவாக்கிய டிரோனையும் இயக்கி பார்த்திருக்கிறார். அத்துடன் தொடர்ந்து அவர்களுக்கு ஆலோசனைகள் தருவதாக உறுதி அளித்துள்ளார். #AjithKumar #DakshaTeam

சதுரங்க வேட்டை, தீரன் அதிகாரம் ஒன்று உள்ளிட்ட வெற்றிப் படங்களை படங்களை இயக்கிய

வர் எச்.வினோத். இவர் அடுத்ததாக அஜித்தின் தல 59 படத்தை இயக்கவிருப்பதாக தகவல் வெளியாகி இருக்கிறது. 

வினோத் இயக்கும் படம் இந்திப் படத்தின் ரீமேக் என்றும், புதிய கதை என்றும் சமூக வலைதளங்களில் தகவல்கள் பரவி வரும் நிலையில், இன்னமும் படக்குழு அதனை உறுதிப்படுத்தவில்லை. 

இந்த நிலையில், எச்.வினோத் பெயரில் உள்ள ஒரு ட்விட்டர் கணக்கில் இருந்து தல 59 படம் ரீமேக் இல்லை என்று ஒரு தகவல் வெளியாகி இருக்கிறது. இந்த தகவல் சமூக வலைதளங்களில் வைரலாக பரவிய நிலையில், இதுகுறித்து விளக்கம் அளிக்கும் விதமாக எச்.வினோத் விளக்கம் அளித்துள்ளார்.

அதில் எனது அடுத்த படம் பற்றிய அறிவிப்பை படத் தயாரிப்பு நிறுவனம் வெளியிடும். மற்றபடி என் பெயர் மூலம் பரவும் வதந்திகளை நம்ப வேண்டாம். மேலும், பேஸ்புக், ட்விட்டர், இன்ஸ்டாகிராம் உள்ளிட்ட எந்த சமூக வலைதளங்களிலும் எனக்கு கணக்கு இல்லை என்பதையும் தெரிவித்துக் கொள்கிறேன். இவ்வாறு கூறியுள்ளார். #HVinoth #Thala59

தமிழ் சினிமாவில் அதிக ரசிகர்கள் கொண்ட பட்டியலில் இருப்பவர் நடிகர் அஜித். இவருடைய படங்கள் வெளியாகும் போதும், அவரது ரசிகர்கள் திருவிழா போல் கொண்டாடுவார்கள். தற்போது அஜித் நடிப்பில் விஸ்வாசம் திரைப்படத்தின் படப்பிடிப்பு முடிந்திருக்கிறது. இப்படம் விரைவில் வெளியாக இருக்கிறது.

இப்படத்தின் படப்பிடிப்பு முடிந்து வீடும் அஜித் வீடு திரும்பும்போது, அவரது ரசிகர் ஒருவர் விமான நிலையத்தில் இருந்து காரை பின் தொடர்ந்து வந்திருக்கிறார். அதையறிந்த அஜித், ரசிகருக்கு அறிவுரை கூறி நெகிழ வைத்திருக்கிறார்.

இதுகுறித்து ரசிகர் கூறும்போது, ‘என் வாழ்நாளில் இதோடு நான்கு முறை தலயை சந்தித்து உள்ளேன் இதுவரை புகைப்படம் எடுத்ததில்லை. ஆனால் நேற்று இரவு சென்னை விமான நிலையத்தில் தலயை சந்தித்தேன் கூட்ட நெரிசலில் கூட தலயுடன் புகைப்படம் எடுக்க முடியவில்லை. தல அவர்களின் காரை பின் தொடர்ந்தோம் 18Km.. 

சற்று தொலைவு தல கார் நிறுத்த சொல்ல டிரைவர் இறங்கி வந்தார்.தல அழைத்தார் தல கூறியது என்னை நெகிழ வைத்தது. என் தம்பி உன் பெயர் என்ன என்றார். கணேஷ் என்றேன் தல உடனே கணேஷ் தம்பி இதுமாதிரி பின் தொடர்ந்து வருவதால் விபத்து ஏற்பட்டால் எனக்கு தான் ரொம்ப கஷ்டமா இருக்கும். இது தவறு என்றார். உடனே Sorry அண்ணா என்றேன்.

உடனே தல, வா கணேஷ் போட்டோ எடுத்துக. ரொம்ப Tired ah இருக்கு அப்படியே எடுத்துக்கிறிங்களா என்று கேட்டார். அதுவே போதும் அண்ணா என்றேன். போட்டோ எடுத்தபின் விஸ்வாசம் கண்டிப்பா வெற்றி ஆகும் சார் என்றேன் Thanks கணேஷ் என்று என் பெயரை மூன்று முறை அழைத்தார்.

நான் சொர்க்கத்திற்கே சென்று விட்டேன். என் வாழ்நாளில் மறக்க முடியாத நாள்’ என்றார்.

நடிகர் அஜித்குமார் நடிப்பு மட்டுமல்லாமல் புகைப்படக் கலை, பைக் ரேஸ், கார் ரேஸ், ரிமோட் மூலம் இயங்கும் குட்டி விமானங்களை இயக்குதல் போன்றவற்றிலும் ஆர்வம் காட்டுபவர்.

சென்னை அண்ணா பல்கலைக்கழகத்தின் எம்.ஐ.டி வளாகத்தில் பயிலும் ஏரோநாடிகல் மாணவர்கள் ஆளில்லா விமானங்கள் குறித்து ஆய்வு செய்ய தக்‌ஷா எனும் குழுவை உருவாக்கினர். இந்த குழுவின் ஆலோசகராக அஜித் நியமிக்கப்பட்டார். ஏற்கனவே ரிமோட் மூலம் வாகனங்களை இயக்குவதில் கைதேர்ந்தவரான அஜித்திடம் பொறுப்பு கொடுக்கப்பட்டதால் தக்‌ஷா குழு மீதான எதிர்பார்ப்பு அதிகரித்தது.

இந்த ஆண்டு அண்ணா பல்கலைக்கழகத்தில் நடந்த பல்கலைக்கழக அளவிலான ஏரோ டிசைன் போட்டியில் தக்‌ஷா குழு தங்களது திறனை வெளிப்படுத்தியது. இதையடுத்து ஆஸ்திரேலியாவின் குயின்ஸ் லேண்டில் நடந்த யூஏவி மெடிக்கல் எக்ஸ்பிரஸ் சேலஞ்ச் போட்டியில் தக்‌ஷா குழு பங்கேற்றது. அஜித் ஆலோசகராக இருந்து வழிநடத்திய தக்‌ஷா அணிக்கு அந்த சர்வதேசப் போட்டியில் 2-வது இடம் கிடைத்தது.

தற்போது அஜித்தை ஆலோசகராக கொண்ட தக்‌ஷா அணியினர், காவல் துறையுடன் இணைந்து ட்ரோன் மூலம் சென்னை தி.நகரை கண்காணிக்க உள்ளனர். #ThalaAjith #DakshaTeam #Ajith

நேரம் படத்தின் மூலம் தமிழ் சினிமாவில் அறிமுகமானவர் நஸ்ரியா நாசிம். தொடர்ந்து ராஜா ராணி, நையாண்டி, வாயை மூடி பேசவும் உள்ளிட்ட படங்களில் நடித்தார். கடைசியாக ஜெய் ஜோடியாக திருமணம் எனும் நிக்காஹ் படத்தில் நடித்திருந்தார்.

பின்னர் மலையாள நடிகர் பகத் பாசிலை திருமணம் செய்து கொண்ட நஸ்ரியா, சினிமாவில் இருந்து விலகினார். சமீபத்தில் மீண்டும் படத் தயாரிப்பின் மூலம் சினிமாவுக்கு ரீ-என்ட்ரி கொடுத்த நஸ்ரியா, கடைசியாக பிரித்விராஜ் ஜோடியாக கூடே என்ற படத்தில் நடித்திருந்தார். தற்போது இரு படங்களை தயாரித்து வருகிறார்.

திருமணத்திற்கு பிறகு, அவருக்கு ஏற்ற கதை அமைந்தால் நஸ்ரியா நடிப்பார் என்று பகத் பாசில் கூறியிருப்பதால், சரியான கதைக்காக நஸ்ரியா காத்திருப்பதாக தகவல் வெளியானது.

இந்த நிலையில், கடந்த வாரம் நஸ்ரியா தனது ட்விட்டர் பக்கத்தில், தான் மீண்டும் தமிழ் சினிமாவுக்கு வரப் போவதாகவும், முக்கிய அறிவிப்பு ஒன்று, விரைவில் வரும் என்றும் கூறியிருந்தார். நடிகை நஸ்ரியா தான் அஜித்தின் தீவிர ரசிகை என்றும், அவருடன் நடிக்க கிடைக்கும் வாய்ப்புக்காக காத்திருப்பதாகவும் பலமுறை கூறியிருக்கிறார். இந்த நிலையில், உங்களின் அடுத்த படம் உங்களுக்கு பிடித்த நடிகருடனா என்று கேட்டதற்கு, இருக்கலாம் என்று ஸ்மைலியுடன் கூறியிருக்கிறார்.

அஜித் நடித்து வரும் விஸ்வாசம் படத்தின் படப்பிடிப்பு இறுதிக்கட்டத்தை நெருங்கியிருக்கும் நிலையில், அஜித் அடுத்ததாக எச்.வினோத் இயக்கத்தில் நடிக்க இருக்கிறார். இந்த படத்திற்கான முதற்கட்ட பணிகள் விறுவிறுப்பாக நடந்து வருகிறது. அஜித் படத்தில் நஸ்ரியா நடிக்கும் பட்சத்தில், அது அவருக்கு ஒரு சரியான ரீ-என்ட்ரியாக அமையும் என்பதில் சந்தேகமில்லை. #Thala59 #AjithKumar #NazriyaNazim

தமிழ், தெலுங்கு படங்களில் நடித்து வருபவர் ஆதி. மிருகம், ஈரம் முதல் சமீபத்தில் வெளியான யு டர்ன் வரை அவரது நடிப்புக்கு நல்ல பெயர் கிடைத்தாலும் இன்னும் சரியான இடம் கிடைக்கவில்லை.

ஒரு கதாநாயகனாக தன்னை நிலை நிறுத்திக்கொள்ள போராடி வருகிறார். ரசிகர் ஒருவர் ட்விட்டரில் ‘உங்களின் அனைத்து படங்களும் எனக்கு மிகவும் பிடிக்கும். அதில் யாகாவாராயினும் நா காக்க தான் சிறந்தது. நீங்கள் அஜித்துடன் சேர்ந்து நடிக்க வேண்டும்’ என்று தெரிவித்தார்.

ரசிகரின் ட்விட்டை பார்த்த ஆதி ’அஜித் எனக்கு பிடித்தவர்களில் ஒருவர் இல்லை. அவரைத் தான் எனக்கு பிடிக்கும். அவர் படத்தில் நல்ல கதாபாத்திரத்தில் நடிக்க விரும்புகிறேன் ’ என்று தனது ஆசையை வெளிப்படுத்தி உள்ளார். #ThalaAjith #Aadhi

தமிழ் சினிமாவில் உச்ச நட்சத்திரமான நடிகர் அஜித்குமார், தனக்கென தனி ரசிகர் பட்டாளத்தை வைத்துள்ளார். ரசிகர்களின் நலனை கருத்தில் கொண்டு தனது ரசிகர் மன்றத்தை கலைத்துவிட்ட அஜித், பொது நிகழ்ச்சிகளிலும் கலந்து கொள்வதில்லை.

தனது எளிமையின் மூலம் தனது ரசிகர்கள் மட்டுமின்றி, சக நடிகர், நடிகைகளிடமும் நன்மதிப்பை பெற்றிருக்கிறார். தமிழ் திரையுலகை சேர்ந்த பல்வேறு நடிகர்களும், நடிகைகளும் தான் அஜித் ரசிகர் என்றும், நிஜ வாழ்க்கையிலும் அவரை பின்தொடர்வதாக பலமுறை பொதுவெளியில் தெரிவித்து இருக்கின்றனர்.

ரசிகர்கள் மட்டுமின்றி பலதரப்பினரிடையே தனி மதிப்பு கொண்ட நடிகராக வலம் வரும் அஜித்குமார், பள்ளி ஒன்றிற்கு சென்ற போது எடுக்கப்பட்ட வீடியோ ஒன்று வெளியாகி வைரலாகி இருக்கிறது.

அந்த வீடியோவில், அஜித்துடன் புகைப்படம் எடுக்க வேண்டி அங்கு வேலை பார்க்கும் அவரது ரசிகர்கள் சிலர் கேட்கின்றனர். ரசிகர்களுக்கு கூலாக பதில் அளிக்கும் அஜித், பள்ளியில் போட்டோ எடுக்கக்கூடாதுங்க. தப்பா நினைச்சுக்காதீங்க. இன்னொரு நாள் எடுக்கலாம். நான் சொல்லி அனுப்புறேன்ங்க. தம்பி அந்த கேமரா மட்டும் ஆஃப் பண்ணுங்க. வள்ளி மேடம் ரெக்வெஸ்ட் பண்ணியிருக்காங்க. தப்பா நினைச்சுக்காதீங்க. நீங்கெல்லாம் இங்க வேலை பார்க்கிறீங்களா, என்ன பண்றீங்க" என கேட்டுவிட்டு அங்கிருந்து செல்வது போல் அந்த வீடியோ முடிகிறது. 

இந்த வீடியோவை அஜித் ரசிகர்கள் டிரெண்டாக்கி வருகின்றனர். #AjithKumar #ThalaAjith

அஜித் தற்போது சிவா இயக்கத்தில் ‘விஸ்வாசம்’ படத்தில் இரட்டை வேடங்களில் நடித்து வருகிறார். இந்தப் படத்தில் அஜித் ஜோடியாக நயன்தாரா நடிக்க விவேக், தம்பி ராமையா, ரோபோ சங்கர், யோகி பாபு, போஸ் வெங்கட், ரமேஷ் திலக் ஆகியோர் முக்கியக் கதாபாத்திரங்களில் நடிக்கின்றனர்.

இமான் இசையமைக்கும் முதல் அஜித் படம் இது. மதுரை மற்றும் தேனி பின்னணியில் உருவாகும் இந்தப் படத்தின் படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் செட் போட்டு நடைபெற்று வருகிறது.

‘விஸ்வாசம்’ படத்துக்கு பிறகு ‘சதுரங்க வேட்டை’ மற்றும் ‘தீரன் அதிகாரம் ஒன்று’ படங்களை இயக்கிய எச்.வினோத் இயக்கத்தில் அஜித் நடிக்கப் போகிறார். மறைந்த நடிகை ஸ்ரீதேவியின் கணவர் போனி கபூர் இந்தப் படத்தைத் தயாரிக்க இருக்கிறார். பாலிவுட்டில் சூப்பர் ஹிட்டான ‘பிங்க்’ படத்தைத்தான் தமிழில் ரீமேக் செய்ய இருப்பதாக ஏற்கெனவே தகவல் வெளியானது.

இந்நிலையில், இந்தப் படத்துக்கு இசையமைக்க இருப்பது யுவன் சங்கர் ராஜா என்ற தகவல் கிடைத்துள்ளது. யுவன் சங்கர் ராஜா அஜித் நடிப்பில் ‘பில்லா’, ‘மங்காத்தா’ மற்றும் ‘ஆரம்பம்’ படங்களுக்கு இசையமைத்திருக்கிறார். #Thala59 #AjithKumar #YuvanShankarRaja

`விவேகம்' படத்திற்கு பிறகு அஜித் மீண்டும் சிவா இயக்கத்தில் `விஸ்வாசம்' படத்தில் நடித்து வருகிறார். அஜித் ஜோடியாக நயன்தாரா நடிக்கிறார். படப்பிடிப்பு விறுவிறுப்பாக நடைபெற்று வருகிறது.

அடுத்த ஆண்டு பொங்கலுக்கு இந்த படம் ரிலீசாகவிருப்பதாக கூறப்படும் நிலையில், அஜித்தின் அடுத்த படத்தை `சதுரங்க வேட்டை', `தீரன் அதிகாரம் ஒன்று' படங்களை இயக்கிய எச்.வினோத் இயக்க இருப்பது உறுதியாகி இருக்கிறது. ஸ்ரீதேவியின் கணவர் போனி கபூர் இந்த படத்தை தயாரிக்க இருப்பதாக சமீபத்தில் தகவல் வெளியாகிய நிலையில், வினோத் இயக்கும் அந்த படம் இந்தியில் கடந்த 2016-ஆம் ஆண்டு வெளியாகி மாபெரும் வெற்றி மற்றும் பல்வேறு விருதுகளை குவித்த பிங்க் படத்தின் ரீமேக் என்று கூறப்படுகிறது.

முதலில் இயக்குநர் வினோத் படத்தை ரீமேக் செய்ய விரும்பவில்லை என்றும், போனி கபூரிடம், அஜித் சம்மதம் தெரிவித்ததால் வினோத் அதற்கான திரைக்கதையை உருவாக்கி வருவதாகவும் கூறப்படுகிறது.

அமித்தாப் பச்சன், டாப்சி உள்ளிட்ட பலர் நடித்திருந்த பிங்க் படத்தை பலரும் பாராட்டி இருந்தனர். தமிழில் அமிதாப்பச்சன் கதாபாத்திரத்தில் அஜித் நடிக்க உள்ளார். பிங்க் படத்தில் அமிதாப்பச்சன் மூத்த வழக்கறிஞராக நடித்திருப்பார். விபச்சாரத்தில் ஈடுபட்டதாக குற்றம்சாட்டப்பட்ட 3 பெண்களை அந்த வழக்கில் இருந்து காப்பாற்றும்படியாக படத்தின் கதை நகரும். 

இந்த படத்தின் படப்பிடிப்பு 2019 ஜனவரியில் துவங்க இருப்பதாக கூறப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. #AjithKumar #Thala59 #PinkRemake