நீங்கள் தேடியது "ஒடிசா"

புவனேஸ்வர்:

ஒடிசா மாநில முதல்மந்திரி நவீன் பட்னாயிக் காணொளி காட்சி மூலம் மக்களிடம் நேரடியாக இன்று உரையாடினார். அந்த உரையாடலின் போது, அடுத்த 2 ஆண்டுகளில் பிளாஸ்டிக் இல்லாத மாநிலமாக ஒடிசாவை உருவாக்குவதற்காக ஒடிசாவின் பல பகுதிகளில் பிளாஸ்டிக்கை தடை செய்வதாக அறிவித்துள்ளார்.

இந்த அறிவிப்பு அக்டோபர் 2 காந்தி ஜெயந்தி அன்று முதல் அமலுக்கு வருவதாகவும் அவர் தெரிவித்துள்ளார். மேலும், புவனேஸ்வர், கட்டாக், பெர்காம்பூர், சாமல்பூர், ரோர்கெலா, பூரி நகர், மற்றும் நகராட்சி பகுதிகளிலும் இந்த உத்தரவு அமல்படுத்தப்படும் என தெரிவித்துள்ளார்.

தொடர்ந்து பேசிய முதல்மந்திரி பட்னாயிக், அனைவரும் வீடுகளில் மரக்கன்று நடுமாறும், அதன்மூலம் சுற்றுச்சூழலை பாதுகாக்குமாறும் கூறியுள்ளார்.

பிளாஸ்டிக் தடை செய்யப்பட்ட பகுதிகளில் வனத்துறை மற்றும் சுற்றுச்சூழல் பாதுகாப்புத்துறை அதிகாரிகள் பிளாஸ்டிக் உபயோகம் குறித்து கண்காணிப்பில் ஈடுபடுவார்கள் எனவும் முதல்மந்திரி நவீன் பட்னாயிக் மக்களுடனான காணொளி உரையாடலில் தெரிவித்துள்ளார். #BanPlastic #Odisha

சம்பல்பூர்:

ஒடிசாவில் சாசன் மாவட்டத்தை சேர்ந்த 14 வயது சிறுமி வீட்டில் தனியாக இருந்தாள். அப்போது அங்கு வந்த 6 பேர் கும்பல் அவளை மிரட்டி கற்பழித்தது. இதனால் அவமானம் அடைந்த அவள் தற்கொலை செய்து கொண்டாள்.

சம்பல்பூர் போலீசார் வழக்கு பதிவு செய்து அப்‌ஷல் ராஜா, டினு சாஹூ, ஹாடு பஞ்சாபியர், ஆசீர்வாத் பெகரா, அபிலாஷ் பஞ்சாபிசர் மற்றும் சிறுவன் உள்பட 6 பேர் கைது செய்யப்பட்டனர்.

இவர்கள் மீது விரைவு கோர்ட்டில் வழக்கு தொடரப்பட்டது. அதையடுத்து 15 நாளில் குற்றப்பத்திரிகை தாக்கல் செய்யப்பட்டு விசாரணை தொடங்கியது.

வழக்கு விசாரணை முடிந்த நிலையில் குற்றவாளிகள் அப்‌ஷல் ராஜா, டினு சாஹூ உள்ளிட்ட 5 பேருக்கு ஆயுள் தண்டனை விதிக்கப்பட்டது. மேலும் தலா ரூ.50 ஆயிரம் அபராதம் விதிக்கப்பட்டது.

கற்பழிப்பு வழக்கில் கைதான 6-வது குற்றவாளி சிறுவன் என்பதால் சிறுவர் சீர்திருத்த பள்ளிக்கு அனுப்பப்பட்டான்.

கற்பழிப்பு சம்பவம் கடந்த மாதம் (மே) 2-ந்தேதி நடந்தது. பாதிக்கப்பட்ட சிறுமியின் குடும்பத்துக்கு நியாயம் வேண்டியும், குற்றவாளிகளுக்கு தண்டனை பெற்றுத் தரவும் சம்பல்பூர் போலீஸ் சூப்பிரண்டு சஞ்சீவ் அரோராஅதிதீவிரமான நடவடிக்கையில் ஈடுபட்டார். அதன் விளைவாக சம்பவம் நடந்த 30 நாளில் குற்றவாளிகளுக்கு தண்டனை கிடைத்துள்ளது. #Tamilnews

புவனேஸ்வர்:

பா.ஜ.க. தலைமையிலான தேசிய ஜனநாயக கூட்டணி அரசு கடந்த 26-5-2014 அன்று மத்தியில் ஆட்சிப் பொறுப்பை ஏற்றது. வரும் 26-ம் தேதியுடன் இந்த அரசின் நான்காண்டு கால ஆட்சி நிறைவடையும் நிலையில் ஒடிசா மாநிலம், கட்டாக் நகரில் வரும் 26-ம் தேதி நடைபெறும் பொதுக்கூட்டத்தில் பிரதமர் நரேந்திர மோடி பங்கேற்று உரையாற்றுகிறார்.

ஒடிசாவில் கடந்த ஆண்டு நடைபெற்ற பஞ்சாயத்து தேர்தல்களில் பெருவாரியான இடங்களில் வெற்றிபெற்ற பா.ஜ.க., சமீபத்தில் நடைபெற்ற பிஜப்பூர் இடைத்தேர்தலில் தோல்வி அடைந்தது.

இந்நிலையில், ஒடிசா மாநில சட்டசபை மற்றும் பாராளுமன்றத்துக்கு அடுத்த ஆண்டு பொது தேர்தல் நடைபெறவுள்ள நிலையில் கட்டாக் நகரில், மஹாநதி நதிக்கரையில் உள்ள பாலி ஜாத்ரா திடலில் வரும் 26-ம் தேதி பிரதமர் பேசவுள்ள பொதுக்கூட்டம் முக்கியத்துவம் வாய்ந்ததாக கருதப்படுகிறது. #BJP #Modi #Odishavisit

புவனேஸ்வர்:

மேலாதிக்கவாதிகளின் அடக்குமுறைகளால் பாதிக்கப்படும் கீழ்த்தட்டு மக்களில் சிலர் இருவர்க்கத்துக்கும் இடையிலான இடைவெளியை குறைப்பதற்கு ஆயுத வன்முறையே சிறந்த தீர்வென கருதுகின்றனர்.

பல்லாண்டு காலமாக அரசிடம் போராடி பெறமுடியாத சில சலுகைகளையும் ஆயுதப் புரட்சியின்மூலம் அடைந்துவிட முடியும் என கருதும் இவர்கள் சத்தீஸ்கர், ஒடிசா, ஆந்திரா, மணிப்பூர் உள்ளிட்ட சில மாநிலங்களில் நக்சலைட்களாகவும், மாவோயிஸ்ட்களாகவும், நாடெங்கிலும் உள்ள காடு, மலைகளில் பதுங்கி வாழ்ந்து வருகின்றனர்.

இவர்களை வேட்டையாட தனிப்படை பிரிவினர் தொடர்ந்து தேடுதல் வேட்டையில் ஈடுபட்டு வருகின்றனர். இந்த படையினருக்கு துணையாக மத்திய ரிசர்வ் போலீஸ் படையினரும் உடன் செல்வதுண்டு.

இந்நிலையில், ஒடிசா மாநிலத்தில் உள்ள போலாங்கிர் மற்றும் கந்தமால் மாவட்டங்களில் சமீபத்தில் நடைபெற்ற தேடுதல் வேட்டையில் பல மாவோயிஸ்ட்கள் சுட்டுக் கொல்லப்பட்டனர்.

ஒடிசாவில் மாவோயிஸ்ட்களின் அட்டகாசம் கட்டுப்படுத்தப்பட்டுள்ளதாக மத்திய உள்துறை மந்திரி ராஜ்நாத் சிங் பாராட்டு தெரிவித்திருந்தார்.

இந்நிலையில், மாநிலத்தில் மாவோயிஸ்ட்களின் ஆதிக்கம் தொடர்பாக முதல் மந்திரி நவீன் பட்நாயக் தலைமையில் இன்று ஆலோசனை கூட்டம் நடைபெற்றது.

இந்த கூட்டத்தின்போது, போலாங்கிர் மற்றும் கந்தமால் மாவட்டங்களில் சமீபத்தில் நடைபெற்ற தேடுதல் வேட்டையில் பல மாவோயிஸ்ட்கள் சுட்டுக் கொன்று சிறப்பாக செயலாற்றிய அம்மாவட்ட போலீசாருக்கு பாராட்டு தெரிவித்த நவீன் பட்நாயக் இரு மாவட்ட போலீசாருக்கும் தலா 10 லட்சம் ரூபாய் ரொக்கப் பரிசு அளிக்கப்படும் என அறிவித்தார். #OdishaMaoistoperation #Cashrewards