என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "நிதின்கட்கரி"
கடந்த ஜனவரி மாதம் அமராவதியில் நடந்த கூட்டத்தில் கலந்து கொண்ட மத்திய நீர்வளத்துறை மந்திரி நிதின்கட்கரி, பா.ஜ.க. தொண்டர்கள் மத்தியில் பேசினார்.
அப்போது, ‘ஆண்டுதோறும் கோதாவரி நதியில் இருந்து 1100 டி.எம்.சி. தண்ணீர் வீணாக கடலில் கலக்கிறது. தமிழகத்துக்கும், கர்நாடகத்துக்கும் இடையே தண்ணீருக்காக மோதல் நடந்து கொண்டிருக்கும் சூழ்நிலையில் இவ்வளவு தண்ணீர் வீணாக கடலுக்கு செல்கிறது. இதற்கெல்லாம் கோதாவரி- கிருஷ்ணா-பென்னார்- காவிரி நதிகளை இணைக்கும் வகையில் விரிவான திட்ட அறிக்கை தயாராக இருக்கிறது. இந்த திட்டத்தை செயல்படுத்த ரூ.60 ஆயிரம் கோடி செலவாகும். இதற்காக உலக வங்கி அல்லது ஆசிய வளர்ச்சி வங்கியில் இருந்து நிதி பெற திட்டமிட்டுள்ளோம். இந்த திட்டத்தை செயல்படுத்துவதன் மூலம் 4 தென்மாநிலங்களின் தண்ணீர் பிரச்சினைக்கு தீர்வு ஏற்படும்’ என்று கூறியிருந்தார்.
காவிரி-கோதாவரி நதிநீர் இணைப்பு திட்டத்தை விரைந்து நிறைவேற்ற வேண்டும் என்று தமிழக முதல்-அமைச்சர் எடப்பாடி பழனிசாமியும் கோரிக்கை விடுத்து தொடர்ந்து வலியுறுத்தி வந்தார்.
பாராளுமன்ற தேர்தல் முடிவடைந்து பா.ஜ.க. மீண்டும் ஆட்சி பொறுப்பை ஏற்க உள்ள நிலையில் நிதின்கட்கரி தனது டுவிட்டர் பக்கத்தில் ‘தமிழகத்துக்கு தண்ணீர் கொண்டுவர கோதாவரி- கிருஷ்ணா நதிகளை இணைப்பது தான் எனது முதல் வேலை’ என்று பதிவிட்டுள்ளார். இந்த ஆக்கப்பூர்வமான செயல்பாட்டுக்காக நிதின்கட்கரிக்கு ஏராளமானோர் பாராட்டு தெரிவித்துள்ளனர்.
மேலும், நிதின் கட்கரிக்கு நன்றி தெரிவிக்கும் வகையில் ‘நன்றி சார்’ என்றும் அதில் குறிப்பிடப்பட்டுள்ளது.
அதேபோன்று தமிழக பா.ஜ.க. தலைவர் தமிழிசை சவுந்தரராஜன் தனது டுவிட்டர் பக்கத்தில், ‘தனியார் தொலைக்காட்சியில் ஒளிபரப்பான மத்திய மந்திரி நிதின்கட்கரியின் பேட்டியை பார்த்தேன். நெறியாளர் கேட்ட ஒரு கேள்விக்கு நிதின்கட்கரி அளித்த பதில் எனது கண்களில் இருந்து கண்ணீரை பெருக்கெடுக்க செய்தது. பா.ஜ.க. மீண்டும் ஆட்சி பொறுப்பேற்க உள்ள நிலையில் உங்களது பொதுவான திட்டம் என்ன என்று நெறியாளர் கேட்ட கேள்விக்கு நிதின்கட்கரி, முதல்முறை நெடுஞ்சாலைத்துறை பொறுப்பில் இருந்த போது ஏராளமான திட்டங்களை செயல்படுத்தினேன். 2-வது முறை பொறுப்பேற்கும்போது நீர் வழி திட்டங்களில் அதிக கவனம் செலுத்துவோம். தமிழகம் தொடர்ந்து தண்ணீர் பிரச்சினையை சந்தித்து வருகிறது. தமிழகத்துக்கு தண்ணீர் கொண்டுவரும் வகையில் கோதாவரி-கிருஷ்ணா நதிகளை இணைப்பது தான் எனது கடமையும், முதல் வேலையும் ஆகும் என்று பதில் அளித்தார்.
என்ன அற்புதமான மனிதர் இவர். பா.ஜ.க.வுக்கு எதிராக ஒட்டுமொத்த தமிழகமும் வாக்களித்த போதும் தமிழ்நாட்டின் மேம்பாட்டை தான் முதல் திட்டமாக வைத்திருக்கிறார். இந்த கட்சியைத் தான் தமிழ்நாடு அங்கீகரிக்க தவறிவிட்டது’ என்று கூறி உள்ளார்.
சென்னை:
தமிழகத்தில் பா.ஜனதா பிரசார திட்டத்தை கட்சி மேலிடம் வகுத்து கொடுத்துள்ளது. அதன்படி அடுத்த மாதம் 2-ந்தேதி முதல் மார்ச்-2ந்தேதி வரை தேர்தல் அறிவிப்பு வெளியாவதற்கு முன்பு அனைத்து தொகுதிகளிலும் ஒரு கட்ட பிரசாரத்தை நிறைவு செய்யும் வகையில் திட்டங்கள் தயாரிக்கப்பட்டுள்ளது. குறிப்பாக பா.ஜனதா தலைவர்கள் பலர் படையெடுக்கிறார்கள்.
பிரதமர் மோடி வருகிற 27-ந்தேதி மதுரை வருகிறார். எய்ம்ஸ் மருத்துவமனைக்கு அடிக்கல் நாட்டுகிறார். அதைத்தொடர்ந்து தேர்தல் பிரசார பொதுக்கூட்டத்தில் கலந்துகொண்டு ஆதரவு திரட்டுகிறார்.
மீண்டும் அடுத்தமாதம் (பிப்ரவரி) 10 மற்றும் 19-ந்தேதி தமிழகத்துக்கு தேர்தல் பிரசாரம் செய்ய வருகிறார். அப்போது சென்னை, திருப்பூர், கன்னியாகுமரி ஆகிய 3 நகரங்களில் பொதுக்கூட்டங்களில் கலந்துகொண்டு பேசுகிறார். அகில இந்திய பா.ஜனதா தலைவர் அமித்ஷா அடுத்த வாரம் ஈரோடு வருகிறார்.
மத்திய மந்திரிகள் நிதின் கட்கரி சென்னையிலும், ரவி சங்கர்பிரசாத் வேலூரிலும், நிர்மலாசீதாராமன் ராமநாதபுரத்திலும், உத்தரபிரதேச முதல்-மந்திரி யோகி ஆதித்ய நாத் கன்னியாகுமரியிலும் பிரசாரத்தில் ஈடுபடுகிறார்கள்.
ஒவ்வொரு வாக்குச்சாவடிக்கும் 4 பேர் கொண்ட குழு அமைக்கப்பட்டுள்ளது. குறைந்தபட்சம் 5 பாராளுமன்ற தொகுதிக்கு உட்பட்ட அனைத்து வாக்குச்சாவடி பொறுப்பாளர்கள் கூட்டத்தில் முதலில் கலந்துரையாடுவார்கள். அதைத்தொடர்ந்து அந்த பகுதிகளில் உள்ள ஊர் பெரியவர்கள், சமுதாய தலைவர்கள், சமூக ஆர்வலர்கள், முக்கிய பிரமுகர்களை சந்தித்து பேசுவார்கள்.
மாலையில் ஒரு பொதுக் கூட்டத்தில் பேசுவார்கள். அந்த கூட்டத்துக்கு ஒரு தொகுதிக்கு 10 ஆயிரம் பேர் கலந்துகொள்ளும் வகையில் ஏற்பாடு செய்யப்பட்டு வருகிறது. தேர்தல் பணிக்காக 13 ஆயிரம் பேர் பொறுப்பாளர்களாக நியமிக்கப்பட்டுள்ளார்கள். இவர்கள் அனைவரிடமும் ஒவ்வொரு வாக்குச்சாவடி அளவில் மத்திய அரசின் திட்டத்தின் மூலம் பயன் அடைந்த பயனாளிகள் பட்டியல் வழங்கப்பட்டுள்ளது.
அடுத்த மாதம் 15 முதல் 28-ந்தேதி வரை ஒவ்வொரு பொறுப்பாளரும் அவர்களுக்கு ஒதுக்கப்பட்டுள்ள வாக்குச்சாவடி பகுதிகளை சேர்ந்த பயனாளிகளை நேரடியாக சந்திக்க வேண்டும். 5 வாக்குச் சாவடிகளுக்கு ஒரு இடத்தில் அந்த பகுதி பயனாளிகள், பொது மக்களை அழைத்து அவர்களுடன் கலந்துரையாடி மத்திய அரசின் திட்டங்கள் பற்றி தெரிவிக்கவேண்டும்.
அடுத்தமாதம் 2-ந்தேதி பிரதமர் மோடி வீடியோ கான்பரன்சிங் மூலம் மக்களுடன் நேரடியாக பேச ஏற்பாடு செய்யப்பட்டுள்ளது. 50 வாக்குச்சாவடிகளுக்கு ஒரு எல்.இ.டி. திரை அமைத்து பொதுமக்களுடன் உரையாட ஏற்பாடு செய்யப்படுகிறது.
வருகிற 27 மற்றும் அடுத்த மாதம் (பிப்ரவரி) 21 ஆகிய நாட்களில் நடைபெறும் மான் கி பாத் நிகழ்ச்சியை 5 வாக்குச்சாவடிகளுக்கு ஒரு இடத்தில் நேரடியாக ஒளிபரப்பி பொதுமக்களுடன் அமர்ந்து கட்சி நிர்வாகிகளும் பிரதமர் உரையை கேட்க வேண்டும்.
மத்திய அரசின் வீடுகட்டும் திட்டம், பயிர்க்காப்பீட்டு திட்டம், இலவச சமையல் கியாஸ், மருத்துவகாப்பீட்டு திட்டம் உள்ளிட்ட அனைத்து திட்டங்களிலும் நாட்டிலேயே தமிழகத்தில்தான் அதிக பயனாளிகள் பயன் அடைந்துள்ளனர். இதுபற்றிய விவரங்களை பிரசாரத்தின் போது மக்களிடம் எடுத்து சொல்ல திட்டமிட்டு உள்ளார்கள்.
ஒவ்வொரு சட்டமன்ற தொகுதியிலும் மத்திய அரசு திட்டங்களின் பயனாளி குடும்பங்களின் பெண்களை திரட்டி அடுத்தமாதம் 26-ந் தேதி தாமரை தீபம் நிகழ்ச்சி நடத்தப்படுகிறது. மார்ச் 2-ந்தேதி 234 சட்டமன்ற தொகுதிகளிலும் மோட்டார் சைக்கிள் பேரணி நடத்தப்படுகிறது. தேர்தல் அறிவிப்புக்கு முன்பே தலைவர்கள் வருகை மற்றும் தொடர் பிரச்சாரங்களால் இப்போதே தேர்தல் சூடுபிடிக்க தொடங்கிவிட்டது. #ParliamentElection #PMModi #NitinGadkari
பாஜக அரசு மத்தியில் ஆட்சிக்கு வந்த பிறகு அறிமுகப்படுத்தப்பட்ட திட்டங்களுள் ஒன்று ஆதார் அட்டை. தனி மனித அடையாளமாக அறிவிக்கப்பட்ட இந்த ஆதார் வங்கி கணக்கு முதல் அனைத்திலும் இணைக்க வேண்டும் என உத்தரவிடப்பட்டது.
இதன்மூலம் மக்கள் பல்வேறு சிரமத்துக்கு உள்ளான நிலையில், ஆதார் எண்ணை கொண்டு ஊழல் செய்ய பா.ஜ.க அரசு முயற்சிப்பதாகவும், தனி மனித விவரங்களை அரசு கார்ப்ரேட் நிறுவனங்களுக்கு அளித்து வருவதாகவும் எதிர்க்கட்சிகள் குற்றம்சாட்டினர்.
இந்நிலையில், ஓட்டுனர் உரிமத்துடன் ஆதார் எண்ணை இணைப்பது குறித்து மத்திய மந்திரி நிதின் கட்கரியுடன் மத்திய சட்டத்துறை மந்திரி ரவி சங்கர் பிரசாத் பேச்சு வார்த்தை நடத்தி வருவதாக தெரிவித்துள்ளார். சுமார் ஒரு ஆண்டாக இந்த பேச்சு வார்த்தை குறித்த தகவல் வெளியாகி வருகிறது.
இந்நிலையில், இன்று, செய்தியாளர்களை சந்தித்த மத்திய மந்திரி ரவி சங்கர் பிரசாத், ஓட்டுனர் உரிமத்துடன் ஆதார் எண்ணை இணைப்பது குறித்து மத்திய மந்திரி நிதின் கட்கரியுடன் பேச்சுவார்த்தை நடத்தி வருவதாகவும், விரைவில் இதுதொடர்பான அறிவிப்புகள் வெளியாகும் வாய்ப்பு உள்ளதாகவும் தெரிவித்தார்.
தொடர்ந்து பேசிய அவர், சாலைகளில் மதுபோதையிலோ அல்லது வேறு காரணங்களினால் விபத்து ஏற்படுத்திவிட்டு தப்பியோடும் ஓட்டுனர்களை இதன் மூலம் எளிதில் பிடித்து விட முடியும் என்றும், மாநிலம் விட்டு வேறு மாநிலத்துக்கு தப்பிச்சென்றாலும் ஓட்டுனரை கைது செய்ய முடியும் என்றும் தெரிவித்தார்.
மேலும், ஒருவர் தன் பெயர் உள்ளிட்ட அடையாளங்களை மட்டுமே மாற்றியமைக்க முடியும் என்றும் கைரேகையினை மாற்ற முடியாது எனவும் மத்திய மந்திரி ரவி சங்கர் பிரசாத் தெரிவித்தார். #aadhaarcard #ravishankarprasad
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
