நீங்கள் தேடியது "தமிழிசை"

சென்னை:

மத்தியில் ஆளும் பா.ஜனதா அரசு கடந்த 4 ஆண்டுகளில் தமிழகத்துக்கு எதுவும் செய்யவில்லை என்று தி.மு.க. தலைவர் மு.கஸ்டாலின் கட்சியின் சார்பில் நடை பெற்ற முப்பெரும் விழாவில் குற்றம் சாட்டினார்.

இதற்கு பதில் அளித்து தமிழக பா.ஜனதா தலைவர் டாக்டர் தமிழிசை சவுந்திர ராஜன் டுவிட்டரில் வெளியிட்டுள்ள பதில் வருமாறு:-

4 ஆண்டுகளில் பா.ஜனதா அரசு தமிழகத்துக்கு என்ன செய்தது என்று கேட்கிறீர்களே நீங்கள் மத்தியில் ஆண்ட 10 ஆண்டுகளுக்கும் மேலான காலத்தில் தமிழகத்துக்கு செய்த துரோக பட்டியல் ‘தீராத மின்வெட்டு, காவிரி பிரச்சினை, மீனவர் பிரச்சினை, இலங்கை தமிழர்கள் பிரச்சினை, எய்ம்சில் காங்கிரசின் ஊழல் பங்காளிகள்! இதுதானே!

ஆனால் கடந்த 4 ஆண்டுகளில் தமிழகத்துக்கு கொண்டு வந்த திட்டங்களை பட்டியலிட நாங்கள் தயார். 10 ஆண்டுகளில் தி.மு.க.- காங்கிரஸ் கூட்டணி ஆட்சியில் கொண்டுவந்த பெரிய திட்டங்கள் பற்றி நீங்கள் பட்டியலிட்டால் ஒன்றுமில்லை என்று அறிவீர்கள்.

எங்களிடம் கேளுங்கள் பதில் சொல்ல பட்டியலுடன் தயாராக இருக்கிறோம். நாங்கள் ரெடி. நீங்கள் ரெடியா?

இவ்வாறு அதில் குறிப்பிட்டுள்ளார்.

முன்னதாக சென்னை மற்றும் புறநகர் பெண்கள் மார்பக புற்றுநோயை கண்டறிவதற்கான இலவச மருத்துவ சோதனை வாகனத்தை டாக்டர் தமிழிசை தொடங்கி வைத்தார்.

வழக்கமாக மார்பகங்களில் உருவாகும் கட்டியை சோதித்தே புற்றுநோய் தாக்கம் உள்ளதா என்று பரிசோதிப்பார்கள். ஆனால் இந்த நவீன முறையில் சதையின் தன்மையை ஆராய்ந்து புற்றுநோய் வருவதற்கான அறிகுறி உள்ளதா என்பதை முன் கூட்டியே கண்டறிய முடியும் என்றார்.  #MKStalin #TamilisaiSoundararajan #BJP

சென்னை:

தமிழக பா.ஜ.க. தலைவர் தமிழிசை சவுந்தரராஜன் வெளியிட்டுள்ள அறிக்கையில் கூறி இருப்பதாவது:-

தமிழகம் முழுவதும் உள்ள சகோதரர்கள் அனைவரும் விநாயகர் சிலையை நிறுவி சமூக விழாவாக கொண்டாடி வருகிறார்கள்.

ஒவ்வொரு விநாயகர் சதுர்த்தியன்றும் பல்லாயிரக்கணக்கான இடங்களில் வைக்கப்படும் விநாயகர் சிலைகள் அந்தந்த பகுதி மக்களின் விழாவாக மாறி உள்ளது. அந்த விழாக்களில் அப்பகுதி மக்கள் அங்கு நடக்கும் போட்டிகளில் கலந்துக் கொள்வது, கலை நிகழ்ச்சிகளில் கலந்துக் கொள்வது, சேவை நிகழ்ச்சிகளில் கலந்துக்கொள்வது, பூஜை நிகழ்ச்சிகளில் கலந்துக்கொள்வது என மக்கள் விழாவாகவே மாறிவருகிறது.

ஆனால் தமிழக அரசு பல கட்டுப்பாடுகளை விதித்து விநாயகர் பெருமான் சிலைகளை வைக்கவே முடியாது என்ற நிலை தமிழகத்தில் ஏற்பட வேண்டும் என்ற உள்நோக்கத்தோடு செயல்படுவது வன்மையாக கண்டிக்கத்தக்கது. மதச்சார் பற்ற நாடு என்று சொல்லிக் கொண்டே இந்துமத நடவடிக்கைகளை முடக்குவதே இன்றைய ஆட்சியாளர்களின் கவனமாக இருப்பது கண்டனத்துக்குரியது.

முதல்-அமைச்சர் உடனே தலையிட்டு தேவையற்றக் கட்டுப்பாடுகளை நீக்கி தெருவெங்கும் விநாயகர் மக்கள் விநாயகராக இடம்பெற்று அருள்தர வழிவகை செய்யவேண்டும் என கேட்டுக்கொள்கிறோம்.

விநாயகர் என்றால் மேலானவர் என்று பொருள் படும், தனக்கு மேல் தலைவர் ஒருவரும் இல்லை என்பதை உணர்த்துவதே விநாயகரின் தத்துவம். ஓம் என்னும் ஓங்கார வடிவமாய் விளங்கும் ஸ்ரீ விநாயகர் பெருமான் அவதரித்த தினமே விநாயகர் சதுர்த்தியாக கொண்டாடப்படுகிறது.

ஸ்ரீ விநாயகரே முழு முதற்கடவுள். எந்த ஒரு செயலை தொடங்கினாலும் விநாயகரை துதித்து அச்செயலை ஆரம்பித்தால் சுபமாக முடியும் என்பது நிதர்சனமான உண்மை.

இவ்வாறு தமிழிசை சவுந்தரராஜன் கூறியுள்ளார்.  #BJP #TamilisaiSoundararajan #vinayagarchaturthi