நீங்கள் தேடியது "கெஜ்ரிவால்"

புதுடெல்லி:

பாராளுமன்ற தேர்தலில் பா.ஜனதாவை வீழ்த்த எதிர் கட்சிகள் ஓரணியில் திரள நடவடிக்கை மேற்கொண்டு வருகின்றன. பிரதமர் மோடிக்கு எதிராக எதிர்க்கட்சிகளை ஒன்றிணைக்கும் முயற்சியில் சந்திரபாபு நாயுடு, மம்தா பானர்ஜி தீவிரமாக இறங்கி உள்ளனர். இதற்காக சந்திரபாபு நாயுடு, டெல்லியில் எதிர்க்கட்சி தலைவர்களை ஒன்று திரட்டினார்.

இதேபோல திரிணாமுல் காங்கிரஸ் தலைவரும், மேற்கு வங்காள முதல்- மந்திரியுமான மம்தா பானர்ஜி கடந்த மாதம் கொல்கத்தாவில் பிரமாண்ட கூட்டத்தை நடத்தினார். இதில் பெரும்பாலான எதிர்க்கட்சிகள் பங்கேற்றன.

இதன் தொடர்ச்சியாக டெல்லி ஜந்தர்மந்தரில் நேற்று பிரமாண்ட பொதுக்கூட்டம் நடந்தது. ஆம் ஆத்மி தலைவரும், டெல்லி முதல்- மந்திரியுமான அரவிந்த் கெஜ்ரிவால் ஏற்பாடு செய்த இந்த கூட்டத்தில் பெரும்பாலான எதிர்க்கட்சிகள் பங்கேற்றன. எதிர்க்கட்சிகள் நடத்திய 3-வது பிரமாண்ட பேரணி இதுவாகும்.

இந்த கூட்டத்தில் பேசிய அனைவரும் “பிரதமர் மோடி பாராளுமன்றத்தில் பேசிய கடைசி நாள். இத்துடன் அவரது அரசின் ஆயுட்காலம் முடிந்து விட்டது” என்று தெரிவித்தனர்.

இந்த கூட்டம் முடிந்த பிறகு எதிர்க்கட்சியினர் முன்னாள் மத்திய மந்திரியும், தேசியவாத காங்கிரஸ் தலைவருமான சரத்பவார் வீட்டில் ஆலோசனை செய்தனர்.

இந்த கூட்டத்தில் காங்கிரஸ் கட்சி தலைவர் ராகுல்காந்தி, மம்தா பானர்ஜி, சந்திரபாபு நாயுடு, தேசிய மாநாட்டு கட்சி தலைவர் பரூக் அப்துல்லா உள்ளிட்ட 15 கட்சிகளை சேர்ந்தவர்கள் பங்கேற்றனர்.

சுமார் 1 மணி நேரம் நடந்த இந்த கூட்டத்தில் பா.ஜனதாவுக்கு எதிராக மாநில கட்சிகளை பலப்படுத்துவது, 15 நாட்களுக்கு ஒருமுறை எதிர்க்கட்சிகள் ஒன்றுகூடி வியூகம் அமைப்பது, மாநிலங்கள் தோறும் பொதுக் கூட்டங்களை நடத்துவது உள்ளிட்ட பல்வேறு அம்சங்கள் குறித்தும் ஆலோசனை நடத்தப்பட்டன.

இந்த கூட்டத்துக்கு பின்பு ராகுல் காந்தி நிருபர்களிடம் கூறும்போது, “இந்திய அமைப்புகள் மீது தாக்குதல் நடத்தும் பா.ஜனதாவுக்கு எதிராக போராடுவது என்ற பிரதான இலக்குடன் அனைவரும் இணைந்து செயல்படுவோம்” என்றார்.

குறைந்தபட்ச செயல் திட்டத்தை உருவாக்கி தேர்தலுக்கு முந்தைய கூட்டணியை அமைக்க உள்ளோம். இனிவரும் நாட்களில் நாங்கள் ஒன்று பட்டு செயல்படுவோம்.

மாநிலத்தில் பிரச்சினை இருந்தாலும் தேசிய அளவில் ஒன்றுபட்டு தேர்தலை சந்திப்போம். நாட்டின் நலனுக்காகவே தனது வாழ்க்கையை தியாகம் செய்து விட்டேன். அதற்காக எதையும் தியாகம் செய்ய தயாராக இருக்கிறேன்.

இவ்வாறு அவர் கூறினார்.

காங்கிரஸ் கட்சியுடன் திரிணாமுல் காங்கிரஸ், ஆம் ஆத்மி கட்சிகளுக்கு இடையே கருத்து வேறுபாடு உள்ளது. மாநிலத்தில் அந்த கட்சியை எதிர்த்துதான் ஆட்சி செய்கிறது. தேசிய அளவில் மோடிக்கு எதிராக ஒன்று சேர்வது தொடர்பாக அவர்கள் தற்போது ஆலோசனை நடத்தியுள்ளனர்.

தேர்தலுக்கு முந்தைய கூட்டணி அமைப்பது தொடர்பாக அவர்கள் முடிவு செய்துள்ளனர். இந்த கூட்டணியில் 15 கட்சிகள் இணைந்து செயல்பட இருக்கின்றன. #modi #rahulgandhi #mamata #parliamentelection

லக்னோ:

டெல்லி முதல்-மந்திரியும், ஆம் ஆத்மி கட்சி ஒருங்கிணைப்பாளருமான அரவிந்த் கெஜ்ரிவால் பாராளுமன்ற தேர்தலில் பிரதமர் மோடி தொகுதியான வாரணாசியில் போட்டியிடுவார் என்று தகவல் வெளியானது.

இதை ஆம் ஆத்மி கட்சி மறுத்துள்ளது. அந்த கட்சியின் செய்தி தொடர்பாளர் சஞ்சய்சிங் இது தொடர்பாக கூறியதாவது:-

கெஜ்ரிவால் பாராளுமன்ற தேர்தலில் போட்டியிட மாட்டார். உத்தரபிரதேச மாநிலத்தில் அவர் தீவிர கவனம் செலுத்துவார். வாரணாசி தொகுதியில் பலம் வாய்ந்த வேட்பாளரை நிறுத்துவோம்.

பாராளுமன்ற தேர்தலில் டெல்லி, பஞ்சாப், அரியானா, கோவாவில் போட்டியிடுவோம். உத்தரபிரதேசத்தில் சில தொகுதிகளில் நிற்போம். அடுத்த மாதம் எத்தனை தொகுதிகளில் போட்டியிடுவோம் என்பது பற்றி இறுதி முடிவு செய்யப்படும்.

இவ்வாறு அவர் கூறினார். #AamAadmi #Kejriwal

புதுடெல்லி:

டெல்லியில் அதிகாரப் பகிர்வு குறித்து தெளிவுபடுத்த கோரி டெல்லி சுப்ரீம் கோர்ட்டில் முதல்வர் கெஜ்ரிவால் வழக்கு தொடர்ந்தார். சுமார் 3 ஆண்டுகள் சட்ட போராட்டத்துக்குப் பிறகு நேற்று முன்தினம் இந்த வழக்கில் சுப்ரீம் கோர்ட்டு தீர்ப்பளித்தது.

அந்த தீர்ப்பில் டெல்லி மாநில அரசுக்கும், துணைநிலை ஆளுனருக்கும் என்னென்ன அதிகாரங்கள் உள்ளன என்று தெளிவுப் படுத்தி கூறியுள்ளது. அதில் காவல்துறை, சட்டம்-ஒழுங்கு கட்டுப்பாடு உள்ளிட்ட துறைகள் துணைநிலை ஆளுனரின் கீழும், மீதமுள்ள துறைகளின் அதிகாரங்கள் மாநில அரசின் கீழும் இருக்கும் என்று தெரிவிக்கப்பட்டுள்ளது.

இதையடுத்து முதல்- மந்திரி கெஜ்ரிவாலும், அவரது அமைச்சர்களும் நேற்று துறை ரீதியிலான நடவடிக்கைகளில் ஈடுபட தொடங்கினார்கள். துணை முதல்-மந்திரி மணீஷ் சிசோடியா, பணியாளர் சேவைத் துறைக்கு ஒரு உத்தரவு பிறப்பித்தார்.

துணைநிலை ஆளுனர் சில அதிகாரிகளை மாற்றி பிறப்பித்திருந்த உத்தரவுகளை ரத்து செய்யும்படி உத்தரவிட்டார். அதற்கான கோப்பிலும் கையெழுத்திட்டு அனுப்பி வைத்தார்.

ஆனால் அவரது உத்தரவை ஏற்க அதிகாரிகள் மறுத்து விட்டனர். இதைத் தொடர்ந்து துணை முதல்- மந்திரி மணீஷ் சிசோடியா அந்த அதிகாரிகளுடன் போனில் தொடர்பு கொண்டு பேசினார். சுப்ரீம் கோர்ட்டு உத்தரவை சுட்டிக்காட்டி பேசினார்.

ஆனால் அதன் பிறகும் அவரது உத்தரவை டெல்லி அதிகாரிகள் அமல்படுத்த முன்வரவில்லை. மத்திய உள்துறை அமைச்சகம் ஏற்கனவே பிறப்பித்த உத்தரவு தொடர்பான வழக்கு கோர்ட்டில் நிலுவையில் இருப்பதால், அமைச்சர்களின் உத்தரவுகளை ஏற்க முடியாது என்று அதிகாரிகள் திட்டவட்டமாக மறுத்து விட்டனர்.

சுப்ரீம் கோர்ட்டு உத்தர விட்ட பிறகும், மற்றொரு வழக்கை காரணம் காட்டி அதிகாரிகள் தங்களுக்கு பணிய மறுப்பது ஆம்ஆத்மி கட்சி தலைவர்களுக்கும் டெல்லி மந்திரிகளுக்கும் கடும் அதிருப்தியை கொடுத்துள்ளது. அதிகாரிகளுக்கு எச்சரிக்கை செய்து அமைச்சர்கள் அறிக்கை வெளியிட்டுள்ளனர்.

அதில், “அமைச்சர்களின் உத்தரவுகளை அதிகாரிகள் ஏற்க மறுப்பது கோர்ட்டு அவமதிப்பு குற்றமாகும். இது தொடர்பாக சட்ட நிபுணர்களுடன் ஆலோசனை நடத்தி வருகிறோம். எனவே அமைச்சர்களின் உத்தரவை ஏற்க மறுக்கும் அதிகாரிகள் மீது ஒழுங்கு நடவடிக்கை எடுக்கப்படும்” என்று எச்சரித்துள்ளார்.

இதற்கிடையே துணை நிலைஆளுனர் அனில் பய்ஜாலுக்கு முதல்-மந்திரி கெஜ்ரிவால் ஒரு கடிதம் எழுதியுள்ளார். அதில், “கோர்ட்டு உத்தரவுக்கு ஏற்ப உரிய முறையில் செயல்பட ஒத்துழைக்க வேண்டும்” என்று குறிப்பிட்டுள்ளார்.

மேலும் துணை நிலை ஆளுனரை சந்தித்து பேச நேரம் ஒதுக்க வேண்டும் என்றும் கெஜ்ரிவால் கோரிக்கை விடுத்திருந்தார். அதை கவர்னர் ஏற்றுக் கொண்டார்.

இதைத் தொடர்ந்து துணைநிலை கவர்னர் அனில் பய்ஜாலை இன்று (வெள்ளிக்கிழமை) கெஜ்ரிவால் சந்தித்து பேசினார். அப்போது சுப்ரீம்கோர்ட்டு உத்தரவுக்கு ஏற்ப தன்னை செயல்பட அனுமதிக்க வேண்டும் என்று கெஜ்ரிவால் கோரிக்கை விடுத்தார்.

இந்த நிலையில் சட்டம்- ஒழுங்கை பராமரிக்கும் அதிகாரம் துணைநிலை ஆளுனரிடமே இருப்பதால் அதற்கு ஏற்ப கவர்னர் செயல்படுவார் என்று மத்திய நிதி மந்திரி அருண்ஜெட்லி கூறியுள்ளார். இதனால் டெல்லி அரசியலில் ஏற்பட்டுள்ள மோதல் இன்னமும் முடிவுக்கு வரவில்லை. #Kejriwal