நீங்கள் தேடியது "வடபழனி"

போரூர்:

வடபழனி குமரன் காலனி 7வது தெருவில் உள்ள அடுக்குமாடி குடியிருப்பில் வசித்து வருபவர் கணேஷ். இவரது மனைவி மகேஸ்வரி (வயது 51). ஆதம்பாக்கத்தில் நீட் பயிற்சி வகுப்பு நடத்தி வருகிறார்.

மகேஸ்வரி நேற்று மாலை தனது பயிற்சி வகுப்பில் வசூலான பணம் மற்றும் நகைகளை அடமானம் வைத்து பெற்ற பணம் என மொத்தமாக சேர்த்து ரூ.2 லட்சத்தை தனது கைப்பையில் வைத்துக் கொண்டு வீடு திரும்பினார். பின்னர் கைப்பையை வீட்டின் ஹாலில் உள்ள சோபாவில் வைத்துவிட்டு சமையல் அறைக்குள் சென்றார்.

சிறிது நேரம் கழித்து வந்த மகேஸ்வரி கைப்பையை காணாமல் அதிர்ச்சி அடைந்தார். வெளியே ஓடி வந்து பார்த்தபோது கைப்பை மட்டும் கிடந்தது. அதிலிருந்த பணம் ரூ.2லட்சத்தை மர்ம நபர்கள் கொள்ளையடித்து சென்றனர்.

இதுகுறித்து வடபழனி போலீசில் மகேஸ்வரி புகார் அளித்தார். இன்ஸ்பெக்டர் பாலுசாமி வழக்குப் பதிவு செய்து அடுக்குமாடி குடியிருப்பில் உள்ள கண் காணிப்பு கேமராவை ஆய்வு செய்து மர்ம நபர்களை தேடி வருகின்றார்.

போரூர்:

மாங்காடு மேல்மாநகர் அம்மன்முருகன் நகரைச் சேர்ந்தவர் ருக்குமணி (75).

கடந்த டிசம்பர் மாதம் இவர் கோயம்பேட்டில் இருந்து வடபழனிக்கு ஷேர் ஆட்டோவில் சென்றார். அப்போது ருக்குமணி அணிந்திருந்த 5 சவரன் செயினை உடன் வந்த பெண்கள் திருடி சென்றது தெரிந்தது.

கோடம்பாக்கம் டிரஸ்ட்புரம் புலியூர் மெயின்ரோட்டைச் சேர்ந்தவர் ஜீனத் (53). அவர் கடந்த 1-ந் தேதி பூந்தமல்லியில் உள்ள தனது மகள் வீட்டிற்கு செல்வதற்காக பஸ்சில் ஏறினார். பஸ் வடபழனி கோவில் அருகே வந்தபோது தான் அணிந்திருந்த 6 சவரன் செயின் கொள்ளை போனது தெரியவந்தது.

இதுகுறித்து வழக்கு பதிவு செய்த வடபழனி போலீசார் உதவி கமி‌ஷனர் ஆரோக்ய பிரகாசம் உத்தரவின் பேரில் குற்றப்பிரிவு இன்ஸ்பெக்டர் பாலுசாமி தலைமையில் தனிப்படை அமைத்து தங்க சங்கிலியை திருடிய பெண்களை தேடி வந்தனர்.

இந்த நிலையில் கோயம்பேடு பஸ் நிலையத்தில் வைத்து முத்தம்மாள் (29), முத்துமாரி (37) ஆகிய பெண்களை தனிப்படை கைது செய்தனர். அவர்களிடம் இருந்து 11 சவரன் நகைகளையும் பறிமுதல் செய்தனர்.

இதில் தொடர்புடைய மீனாட்சி மற்றும் கூட்டாளிகளான மூன்று பெண்களை தேடி வருகின்றனர். போலீசார் விசாரணையில் மதுரை கடச்சநேந்தல் பகுதியை தலைமையிடமாக கொண்டு செயல்படும் இந்த கும்பல் தனியாக பஸ்சில் வரும் பெண்கள், முதியவர்களை குறிவைத்து அவர்களிடம் பேச்சு கொடுத்து கவனத்தை திசை திருப்பி நகை பறிப்பில் ஈடுபட்டு வந்தது தெரியவந்துள்ளது.

கைது செய்யப்பட்ட பெண்கள் மீது விருகம்பாக்கம், வடபழனி, கோயம்பேடு, வேலூர், மதுரை ஆந்திரா, கர்நாடக உள்ளிட்ட பல்வேறு பகுதிகளில் உள்ள காவல் நிலையங்களில் கொள்ளை வழக்குகள் உள்ளன. பெண் கொள்ளை கும்பலை கைது செய்த தனிப்படை போலிசாரை கமி‌ஷனர் விஸ்வநாதன் பாராட்டினார்.

சென்னை:

வடபழனி விருகம்பாக்கம் உள்ளிட்ட பகுதிகளில் தனியார் விடுதிகளில் பணம் வைத்து சூதாட்டம் நடைபெறுவதாக புகார்கள் வந்தன.

இதையடுத்து வடபழனி உதவி கமி‌ஷனர் ஆரோக்ய பிரகாசம் உத்தரவின் பேரில் தனிப்படை போலீசார் விடுதிகளை தீவிரமாக கண்காணித்து வந்தனர். இந்த நிலையில் நேற்று இரவு வடபழனி ஆற்காடு சாலையில் உள்ள தனியார் விடுதியில் போலீசார் சோதனை நடத்தினர்.

அப்போது ஒரு அறையில் சூதாட்டம் நடைபெற்று வந்தது தெரியவந்தது. சூதாட்டத்தில் ஈடுபட்ட அபுசுசியான், பெரியசாமி, வெங்கலியான், சதிஷ்குமார், சபீர், தமிம் அன்சாரி உள்ளிட்ட 13 பேரையும் கைது செய்தனர். அவர்களிடம் இருந்து ரூ.27ஆயிரம் பறிமுதல் செய்யப்பட்டது.