நீங்கள் தேடியது "slug 107604"

மதுரை:

மதுரை நகரில் கஞ்சா விற்பனையை தடுக்க போலீசார் பல்வேறு நடவடிக்கைகளை எடுத்து வருகின்றனர். இருப்பினும் சமூக விரோதிகள் கஞ்சா விற்பனை செய்வது நடந்து வருகிறது.

குறிப்பாக பெரியார் பஸ் நிலையம், மாட்டுத்தாவணி, கீரைத் துறை, அவனியாபுரம் உள்ளிட்ட பல்வேறு பகுதிகளில் கஞ்சா விற்பனை நடக்கிறது.

இந்த நிலையில் பீ.பி. சாவடி மெயின் ரோட்டில் கஞ்சா விற்பனை நடப்பதாக எஸ்.எஸ்.காலனி போலீசாருக்கு தகவல் கிடைத்தது. இதனையடுத்து சப்-இன்ஸ்பெக்டர் புவனேஸ்வரி, போலீஸ்காரர்கள் ராமலிங்கம், சுஜாதா ஆகியோர் சம்பவ இடத்திற்கு சென்றனர்.

அப்போது சிட்டா லாச்சி நகர் சந்திப்பில் கஞ்சா விற்றுக் கொண்டிருந்த பேரையூர், காளாம் பட்டியைச் சேர்ந்த அல்லிக் கொடி (46) என்பவரையும், திருப்பரங்குன்றதைச் சேர்ந்த அருண்பாண்டி (19) என்பவரையும் போலீசார் கைது செய்தனர்.

இவர்களிடம் இருந்து 6 கிலோ கஞ்சா மற்றும் ரூ.1,000 பறிமுதல் செய்யப்பட்டது.

மதுரை:

மதுரை தெப்பக்குளம் புதுராம்நாட் ரோட்டைச் சேர்ந்தவர் சேதுராமன். இவரது மனைவி பானுமதி. இவர் நேற்று மொபட்டில் வெளியே சென்றுவிட்டு வீட்டுக்கு வந்து கொண்டிருந்தார். அப்போது மோட்டார் சைக்கிளில் வந்த 2 மர்ம நபர்கள் பானுமதியை பின்தொடர்ந்தனர்.

ஆள் நடமாட்டம் இல்லாத பகுதியில் வந்தபோது மர்ம நபர்கள் பானுமதியை மறித்து கழுத்தில் கிடந்த 2 பவுன் நகையை பறித்துக்கொண்டு தப்பினர்.

தத்தனேரி மெயின் ரோட்டில் உள்ள காமாட்சி நகரைச் சேர்ந்தவர் ராஜா. இவரது மனைவி ஜெயப் பிரபா (வயது 33). இவர் நேற்று மாலை வீட்டின் அருகே நடந்து சென்று கொண்டிருந்தார். அப்போது அங்கு வந்த மர்ம நபர்கள் 2 பேர் ஜெயப்பிரபாவை தாக்கி அவரது கழுத்தில் கிடந்த 6 பவுன் நகையை பறித்துக்கொண்டு தப்பினர்.

2 சம்பவங்கள் குறித்தும் தெப்பக்குளம், செல்லூர் போலீசார் விசாரணை நடத்தி வருகின்றனர்.

பாலமேடு:

மதுரை பாலமேடு அருகிலுள்ள கீழச்சின்னாம் பட்டியை சேர்ந்த பால்ராஜ் மனைவி பிச்சையம்மாள் (வயது 65). இவர் பாலமேடு சந்தைக்குச் சென்று காய்கறி வாங்கிக் கொண்டு வீடு திரும்பிக்கொண்டு இருந்தார். கீழச்சின்னம்பட்டி ரோட்டில் வந்தபோது வாலிபர் ஒருவர் மோட்டார் சைக்கிளில் பின் தொடர்ந்து வந்தார். அவர் கண்ணிமைக்கும் நேரத்தில் பிச்சையம்மாள் கழுத்தில் கிடந்த 3 பவுன் தங்கச் சங்கிலியை பறித்துக் கொண்டு தப்பிச்சென்று விட்டார்.

இது தொடர்பாக பிச்சையம்மாள் பாலமேடு போலீசில் புகார் செய்தார். இன்ஸ்பெக்டர் பாலாஜி வழக்குப்பதிவு செய்து வழிப்பறி கொள்ளையனை வலைவீசி தேடி வருகிறார்.

மதுரை:

ராமநாதபுரம் மாவட்டம், கல்லூரணியைச் சேர்ந்தவர் மணியம்மாள். இவரது மகள் மலர்லட்சுமி (வயது 30). இவருக்கும், ராமநாதபுரத்தைச் சேர்ந்த ரமேஷ் என்பவருக்கும் சில ஆண்டுகளுக்கு முன்பு திருமணம் நடந்தது. இவர்களுக்கு 2 குழந்தைகள் உள்ளனர்.

இந்த நிலையில் கணவன் -மனைவி இடையே ஏற்பட்ட தகராறில் ரமேஷை விட்டு மலர்லட்சுமி பிரிந்து விட்டார்.

கவுரிசங்கர் என்பவரை 2-வது திருமணம் செய்த மலர் லட்சுமி ராசாக்கூரில் உள்ள குடியிருப்பில் குழந்தைகளுடன் வசித்து வந்தார்.

நேற்று மாலை வீட்டில் யாரும் இல்லாத நேரத்தில் மலர் லட்சுமி தூக்குப் போட்டு தற்கொலை செய்து கொண்டார்.

இது குறித்து ஒத்தக்கடை போலீசார் வழக்குப்பதிவு செய்து விசாரணை நடத்தி வருகின்றனர்.

மதுரை:

மதுரை அருகே உள்ள அப்பன்திருப்பதியைச் சேர்ந்தவர் நாகேந்திரன் (வயது 40). இவர் நேற்றிரவு நரிமேடு பகுதியில் நடந்து சென்று கொண்டிருந்தார்.

அப்போது அங்கு நின்று கொண்டிருந்த 4 பேர் நாகேந்திரனை வழிமறித்து பணம்- செல்போனை தருமாறு மிரட்டியது. ஆனால் அவர் தர மறுத்து விட்டார்.

இதனால் ஆத்திரமடைந்த அந்த கும்பல் நாகேந்திரனை பட்டா கத்தியால் குத்தி விட்டு அவரிடம் இருந்த செல்போன், ரூ.2 ஆயிரம் ரொக்கம் ஆகியவற்றை பறித்துக் கொண்டு தப்பியது.

கத்திக்குத்தில் காயமடைந்த நாகேந்திரன் மதுரை அரசு ஆஸ்பத்திரியில் சிகிச்சை பெற்று வருகிறார். இது குறித்த புகாரின் பேரில் தல்லாகுளம் போலீசார் வழக்குப்பதிவு செய்து 4 பேரை தேடி வருகின்றனர்.

மதுரை நகரில் நாள் தோறும் சர்வ சாதாரணமாக வழிப்பறி சம்பவங்கள் நடந்து வருகின்றன. இதனால் பொதுமக்கள் குறிப்பாக பெண்கள் தனியாக செல்லவே அச்சப்படுகின்றனர். போலீசாரும் அதிரடி நடவடிக்கை எடுக்காததால் சமூக விரோதிகள் எந்தவித தயக்கமுமின்றி குற்றச் செயலில் ஈடுபட்டு வருவதாக பொதுமக்கள் புகார் தெரிவித்தனர்.

மதுரை:

மதுரை மீனாம்பாள்புரம் ஆபீசர் டவுன் தெருவைச் சேர்ந்தவர் மீனா (வயது 74). இவர் நேற்று அருகில் உள்ள எல்.ஐ.சி. காலனியில் உறவினரோடு நடந்து சென்று கொண்டிருந்தார்.

அப்போது மோட்டார் சைக்கிளில் வந்த 2 மர்ம நபர்கள் அவர்களை பின் தொடர்ந்தனர். ஆள் நடமாட்டம் இல்லாத பகுதி வந்தபோது மர்ம நபர்கள் மீனாவை வழிமறித்து அவரது கழுத்தில் கிடந்த 7 பவுன் நகையை பறித்துக் கொண்டு தப்பினர்.

புகாரின் பேரில் கூடல்புதூர் போலீசார் வழக்குப்பதிவு செய்து நகை திருடிய மர்ம ஆசாமிகளை தேடி வருகின்றனர்.

மதுரை:

மதுரை கீழமாசிவீதி தேரடி அருகே கஞ்சா விற்கப்படுவதாக விளக்குத் தூண் போலீசாருக்கு தகவல் கிடைத்தது.அதன்பேரில் சப்-இன்ஸ்பெக்டர் சோமு தலைமையில் போலீசார் விரைந்து சென்று சோதனை நடத்தினர்.

அப்போது அங்கு கஞ்சா விற்றதாக கீரைத் துறை மேலதோப்பு பகுதியைச் சேர்ந்த சண்முகவேல் (43), மேலஅனுப்பானடி ஸ்ரீதரன் (20) ஆகியோர் கைது செய்யப்பட்டனர். அவர்களிடம் இருந்து ரூ.5500 மற்றும் 100 கிராம் கஞ்சா பறிமுதல் செய்யப் பட்டது.

கூடல்புதூர் போலீசார் கரிசல்குளம் ராமுனி நகர் பகுதியில் சோதனை நடத்தியபோது கஞ்சா விற்றதாக ஆரப்பாளையம் கண்மாய் தெருவைச் சேர்ந்த முத்தையா, அவரது மனைவி மீனா (55) ஆகி யோரை கைது செய்தனர்.

அவர்களிடம் இருந்து 3 கிலோ கஞ்சா மற்றும் ரூ.7700 பறிமுதல் செய்யப் பட்டது.