நீங்கள் தேடியது "கேமரா"

போரூர்:

போரூர் மங்களாநகர் நலவாழ்வு சங்கம் சார்பில் மங்களா நகரில் மொத்தம் உள்ள 16 தெருக்களிலும் புதிதாக 54 கண்காணிப்பு கேமராக்கள் பொருத்தப்பட்டு உள்ளது.

இதற்கான தொடக்க விழாவில் சென்னை ஐகோர்ட்டு நீதிபதி டிக்காராம், போலீஸ் கமி‌ஷனர் ஏ.கே.விஸ்வநாதன் ஆகியோர் கலந்து கொண்டனர். கேமராக்களின் செயல் பாட்டினை கமி‌ஷனர் தொடங்கி வைத்தார்.

வடசென்னை கூடுதல் ஆனையர் தினகரன், மேற்கு மண்டல இனை ஆணையர் விஜயகுமாரி, அம்பத்தூர் துணை கமி‌ஷனர் ஈஸ்வரன், போரூர் உதவி கமி‌ஷனர் சந்திரசேகர்,மாநகராட்சி மண்டல உதவி கமி‌ஷனர் சசிகலா, இன்ஸ்பெக்டர்கள் சங்கரநாராயணன், சீத்தாராமன், மங்களா நகர் நலவாழ்வு சங்க தலைவர் நடராஜன் மற்றும் குடியிருப்புவாசிகள் உள்ளிட்டோர் கலந்து கொண்டனர்.

கமி‌ஷனர் ஏ.கே.விஸ்வநாதன் விழாவில் பேசியதாவது :-

சென்னையில் நடைபெறும் பல்வேறு வகையான குற்றசம்பவங்களில் துப்பு துலக்க போலீசாருக்கு கண்காணிப்பு கேமரா பெரும் உதவியாக உள்ளது. அதன் மூலம் குற்றவாளிகளை உடனடியாக பிடிக்க முடிகிறது. சமீபத்தில் கூட வளசரவாக்கம் பகுதியில் முதியவரிடம் செல்போன் பறித்துச் சென்ற குற்றவாளிகளை உடனடியாக பிடிக்க கண்காணிப்பு கேமரா பெருமளவு உதவியாக இருந்தது.

நாம் தூங்கினாலும் தூங்காமல் கண் விழித்து கண்காணிக்கும் மூன்றாவது கண்களாக கண்காணிப்பு கேமராக்கள் உள்ளன.

சென்னை:

சென்னையில் குற்றங்களை கட்டுப்படுத்த போலீஸ் கமி‌ஷனர் ஏ.கே.விஸ்வநாதன் உத்தரவின்பேரில் கண்காணிப்பு கேமராக்கள் பொறுத்தப்பட்டு வருகின்றன.

அனைத்து போலீஸ் நிலைய எல்லைக்குட்பட்ட பகுதிகளிலும் குற்றவாளிகள் தப்பிச் சென்றால் அவர்களை எளிதாக அடையாளம் காண்பதற்கு வசதியாக துல்லியமான பதிவுகளை கொண்ட கேமராக்களை பொறுத்த நடவடிக்கை மேற் கொள்ளப்பட்டு வருகிறது.

கொடுங்கையூரில் போலீஸ்நிலைய எல்லைக்குட்பட்ட இடங்களிலும் கேமராக்கள் பொறுத்தும் பணி முடுக்கிவிடப்பட்டுள்ளது. கொடுங்கையூர் ஆர்.வி. நகர் குடியிருப்பு அப்பகுதியில் மிகவும் பழமை வாய்ந்த குடியிருப்பாகும்.

அப்பகுதி முழுவதையும் 3-வது கண் என்று அழைக்கப்படும் கண்காணிப்பு கேமராக்களின் கட்டுப்பாட்டுக்குள் கொண்டுவர அப்பகுதி மக்கள் திட்ட மிட்டனர். இதன்படி முதல் கட்டமாக 15 கண்காணிப்பு கேமராக்கள் பொறுத்தும் நிகழ்ச்சி நேற்று மாலை நடைபெற்றது.

கொடுங்கையூர் சட்டம், ஒழுங்கு போலீஸ் இன்ஸ்பெக்டர் புகழேந்தி கேமராக்களின் செயல்பாட்டை தொடங்கி வைத்தார். இதில் குடியிருப்போர் நல சங்க நிர்வாகிகளும், பொதுமக்களும் கலந்து கொண்டனர். ஆர்.வி.நகர் சொசைட்டி தலைவர் கண்ணன் மற்றும் குடியிருப்போர் நல மேம்பாட்டு சங்கத்தினர் ஒருங்கிணைந்து இந்த கேமராக்களை நிறுவி உள்ளனர்.

இந்த நிகழ்ச்சியில் பேசிய இன்ஸ்பெக்டர் புகழேந்தி, ஆர்.வி.நகரில் கேமராக்கள் பொறுத்தப்பட்டதன் மூலம் அது பாதுகாப்பான பகுதியாக மாறியுள்ளது. இங்கு வந்து தப்பு செய்து விட்டு இனி குற்றவாளிகள் யாரும் தப்ப முடியாது என்றார்.

ஆர்.வி.நகர் நுழைவு வாயிலில் தொடங்கி குருமூர்த்தி பள்ளி வரையில் பொறுத்தப்பட்டுள்ள இந்த கேமராக்கள் இரவிலும் துல்லியமாக படம்பிடிக்கும் தன்மை கொண்டவையாகும். கட்டபொம்மன் தெருவும் கேமரா பார்வைக்குள் கொண்டு வரப்பட்டுள்ளது. மேலும் 2 கட்டங்களாக ஆர்.வி.நகரில் 30 கண்காணிப்பு கேமராக்கள் விரைவில் பொறுத்தப்பட உள்ளன.

சென்னை:

சென்னை மாநகர் முழுவதும் கண்காணிப்பு கேமராக்களை பொறுத்த போலீஸ் கமி‌ஷனர் ஏ.கே. விஸ்வநாதன் உத்தர விட்டுள்ளார். இதன்படி அனைத்து இடங்களிலும் கேமராக்கள் அமைக்கப்பட்டு வருகின்றன.

செம்பியம் போலீஸ் நிலைய எல்லைக்குட்பட்ட பகுதியில் 222 இடங்களில், 359 கேமராக்கள் பொறுத்தப்பட்டுள்ளன.

இதற்கான கட்டுப்பாட்டு அறை செம்பியம் போலீஸ் நிலையத்தில் அமைக்கப்பட்டுள்ளது. இதனை வட சென்னை கூடுதல் கமி‌ஷனர் தினகரன் இன்று தொடங்கிவைத்தார். இதில் துணை கமி‌ஷனர் சாய்சரண் மற்றும் போலீஸ் அதிகாரிகள் கலந்து கொண்டனர்.

பின்னர் பெரம்பூர் ரெயில் நிலையம் அருகே உள்ள திருமண மண்டபத்தில் கண்காணிப்பு கேமராக்கள் தொடர்பான ஆலோசனை கூட்டம் நடைபெற்றது. இதில் 3-வது கண் என்று அழைக்கப்படும் கேமராக்கள் எந்தெந்த வகையில் பாதுகாப்பாக உள்ளன என்பது பற்றி எடுத்துக் கூறப்பட்டது.