லக்னோ:
பாராளுமன்ற தேர்தல் அடுத்த மாதம் நாடு முழுவதும் நடைபெற உள்ளது. இதில் வெற்றி பெற பாஜக, காங்கிரஸ் உள்ளிட்ட கட்சிகள் தீவிர பிரச்சாரத்தில் ஈடுபட்டு வருகின்றன.
இதற்கிடையே, கட்சியின் அகில இந்திய தலைவர்கள், முக்கிய தலைவர்கள் ஒவ்வொரு மாநிலத்திலும் தேர்தல் பிரசாரத்தில் ஈடுபட்டு வருகின்றனர்.
இந்நிலையில், உத்தரபிரதேசத்தில் பாராளுமன்ற தேர்தலை முன்னிட்டு, ராகுல் காந்தியும், பிரியங்காவும் இணைந்து 18 பேரணிகளில் பங்கேற்க உள்ளனர் என அக்கட்சி இன்று அறிவித்துள்ளது. இதுதொடர்பாக அக்கட்சி வெளியிட்டுள்ள அறிக்கையில் கூறியுள்ளதாவது:
பாராளுமன்ற தேர்தல் பிரசாரத்துக்காக 45 நாட்கள் திட்டமிடப்பட்டு உள்ளது. இந்த தேர்தல் பிரசாரங்களில் கட்சியின் தலைவர் ராகுலும், பிரியங்காவும் 18 பேரணிகளில் ஒன்றாக பங்கேற்க உள்ளனர்.
சஹரான்பூர், காஜியாபாத், மீரட், பெரெய்லி, பதேபூர் சிக்ரி, அலிகார், லக்னோ, பாரபங்கி, அலகாபாத், கோரக்பூர், கான்பூர், வாரணாசி உள்ளிட்ட 18 பகுதிகளில் பேரணிகள் நடத்த திட்டமிட்டுள்ளோம்.
காங்கிரஸ் கட்சியின் மூத்த தலைவரும் முன்னாள் பிரதமருமான மன்மோகன் சிங்கும் பிலிபிட், கான்பூரில் நடக்கவுள்ள பேரணிகளில் கலந்து கொள்கிறார் என தெரிவிக்கப்பட்டுள்ளது. #LSpolls #Congress #RahulGandhi #PriyankaVadra
