நீங்கள் தேடியது "சுயேட்சை"

பெங்களூரு:

மத்திய பெங்களூரு தொகுதியில் சுயேச்சையாக போட்டியிடும் நடிகர் பிரகாஷ்ராஜ் வெளியிட்டுள்ள தேர்தல் அறிக்கையில் கூறியிருப்பதாவது:-

அங்கன்வாடி மையங்கள் பகல் நேர குழந்தைகள் காப்பகங்களாக மாற்றப்படும். அரசு பள்ளிகளில் கட்டமைப்பு வசதிகள் மேம்படுத்தப்படும். அரசு பள்ளிகளை மூடுவதை தடுப்போம். மூடப்பட்ட அரசு பள்ளிகளை திறக்க நடவடிக்கை எடுப்போம். அரசு மற்றும் தனியார் நிறுவனங்களில் பணியாற்றும் ஒப்பந்த தொழிலாளர்களுக்கு பணிபாதுகாப்பு வழங்கப்படும். பெண்கள் மற்றும் குழந்தைகளுக்கு எதிரான பாலியல் பிரச்சினைகளை தீர்க்க நடவடிக்கை எடுக்கப்படும். பாராளுமன்ற, சட்டமன்றத்தில் பெண்களுக்கு 33 சதவீத இடஒதுக்கீடு வழங்க வேண்டும் என்பதை ஆதரிப்போம். உலர்ந்த இலைகள் மற்றும் குப்பைகளை தீவைத்து எரிக்க தடை விதிக்கப்படும். ஏரிகள் பாதுகாக்கப்படும், ஏரிகளை ஆக்கிரமிப்பவர்கள் மீது கடும் நடவடிக்கை எடுக்கப்படும்.

இவ்வாறு அதில் கூறப்பட்டுள்ளது. #LokSabhaElections2019 #PrakashRaj

இஸ்லாமாபாத்:

பாகிஸ்தானில் வரும் ஜூலை 25-ம் தேதி பொதுத் தேர்தல் நடைபெற உள்ளது. இதற்கான வேட்பு மனு தாக்கல் தொடங்கி விறுவிறுப்பாக நடைபெற்று வருகிறது.

இந்த தேர்தலில் பாலிவுட் சூப்பர்ஸ்டார் ஷாருக்கானின் உறவினர் ஒருவரும் போட்டியிடுகிறார். ஷாருக்கானின் தந்தைவழி உறவினரான நூர் ஜகான், கைபர் பாக்துன்க்வா மாகாணம் பெஷாவரில் உள்ள ஒரு தொகுதியில் (பிகே-77) சுயேட்சையாக போட்டியிட உள்ளார். இதற்கான வேட்புமனுவை அவர் விரைவில் தாக்கல் செய்ய இருக்கிறார்.

இதுதொடர்பாக நூர் ஜகான் கூறுகையில், பெண்கள் அதிகாரம் பெறுவதற்காக தான் பணியாற்ற விரும்புவதாகவும், தனது தொகுதியில் உள்ள பிரச்சினைகளுக்கு முக்கியத்துவம் கொடுக்க விரும்புவதாகவும் தெரிவித்துள்ளார். இத்தகவல் எக்ஸ்பிரஸ் டிரிபியூன் நாளிதழில் வெளியாகி உள்ளது.

நூர் ஜகானும் அவரது குடும்பத்தினரும் கிசா கிவானி பஜார் அருகே உள்ள ஷா வாலி கத்தால் பகுதியில் வசித்து வருகின்றனர். #PakistanElection #ShahRukhKhanCousin