நீங்கள் தேடியது "தல"

சிவா இயக்கத்தில் அஜித் 4-வது முறையாக நடித்து வரும் படம் ‘விசுவாசம்’. ஐதராபாத்தில் தொடங்கிய இதன் முதல் கட்டப்படப்பிடிப்பு தற்போது முடிந்து அடுத்த கட்டப் படப்பிடிப்பு விறுவிறுப்பாக நடைபெற்று வருகிறது.  

இந்த படத்தில் அஜித்துக்கு ஜோடியாக நயன்தாரா நடிக்கிறார். மேலும் விவேக், யோகிபாபு, தம்பி ராமையா உள்ளிட்ட பலர் நடிக்கிறார்கள். சத்யஜோதி பிலிம்ஸ் நிறுவனம் தயாரித்து வரும் இப்படத்திற்கு இமான் இசையமைத்து வருகிறார்.

இப்படத்தில் அஜித் இரண்டு வேடங்களில் நடித்து வருகிறார். இவருடன் சேர்ந்து இந்த படத்தில் தம்பி ராமையாவும் இரண்டு வேடங்களில் நடித்து வருகிறார். 

இப்படம் தீபாவளி அன்று வெளியாகும் என்று அறிவிக்கப்பட்டது. பின்னர், பொங்கல் திருநாளில் வெளியிட இருப்பதாக படக்குழுவினர் அறிவித்துள்ளனர். 

சிவா இயக்கத்தில் அஜித் 4-வது முறையாக நடித்து வரும் படம் ‘விசுவாசம்’. ஐதராபாத்தில் தொடங்கிய இதன் முதல் கட்டப்படப்பிடிப்பு தற்போது முடிந்துள்ளது. அடுத்தகட்ட படப்பிடிப்பு சென்னையில் 27ம் தேதி தொடங்க இருப்பதாக படக்குழு தெரிவித்துள்ளது.

இந்த படப்பிடிப்பில் அஜித் இளமை தோற்றத்தில் நடிக்க இருக்கிறார். மேலும் அஜித்துடன் நடிகர் விவேக் இணைந்து நடிக்க இருக்கிறார். ஏற்கனவே அஜித்துடன் நடிகர் விவேக் ‘என்னை அறிந்தால்’ படத்தில் நடித்திருக்கிறார். நான்கு வருடங்களுக்குப் பிறகு மீண்டும் இப்படம் மூலம் இணைந்திருக்கிறார்கள்.

இப்படத்தில் அஜித்துக்கு ஜோடியாக நயன்தாரா நடிக்கிறார். டி.இமான் இசையமைக்கும் இந்த படத்தை சத்யஜோதி பிலிம்ஸ் நிறுவனம் தயாரிக்கிறது. தீபாவளிக்கு இப்படம் வெளியாகும் என்று படக்குழுவினர் அறிவித்துள்ளனர்.

அஜித் தற்போது சிவா இயக்கத்தில் ‘விஸ்வாசம்’ படத்தில் நடித்து வருகிறார். அதில், அவருக்கு ஜோடியாக நயன்தாரா நடிக்கிறார். முதல் கட்ட படப்பிடிப்பு ஐதராபாத்தில் உள்ள ராமோஜிராவ் பிலிம்சிட்டியில் நடைபெற்றது. அஜித்குமார்-நயன்தாரா சம்பந்தப்பட்ட முக்கிய காட்சிகளும், ஒரு சண்டை காட்சியும் அங்கு படமாக்கப்பட்டன. அத்துடன் முதல் கட்ட படப்பிடிப்பு முடிவடைந்தது.

அடுத்த கட்ட படப்பிடிப்பு, வருகிற 27-ந் தேதி முதல் சென்னையில் நடைபெற இருக்கிறது. இந்த நிலையில், ஐதராபாத்தில் அஜித் தங்கியிருந்தபோது, அவருடைய எளிமைக்கு உதாரணமாக ஒரு சம்பவம் நடந்துள்ளது. அந்த சம்பவம் வருமாறு:-

‘விஸ்வாசம்’ படப்பிடிப்புக்காக ஐதராபாத் சென்ற அஜித்குமாருக்கு அங்குள்ள ஒரு நட்சத்திர ஓட்டலில் அறை ஒதுக்கப்பட்டிருந்தது. ‘விஸ்வாசம்’ படத்தின் முதல் கட்ட படப்பிடிப்பு கடந்த 10-ந் தேதியுடன் முடிவடைவதாக இருந்தது. சில காட்சிகளை படமாக்குவதற்கு மேலும் 2 நாட்கள் தேவைப்பட்டது. அதனால் அஜித் தங்கியிருந்த ஓட்டல் அறையில், மேலும் 2 நாட்கள் தங்குவதற்கு அனுமதிக்கும்படி, ஓட்டல் நிர்வாகியிடம் படத்தின் தயாரிப்பு நிர்வாகி கேட்டார்.

ஏற்கனவே செய்திருந்த ஒப்பந்தப்படி, அந்த அறை 11-ந் தேதி முதல் இந்தி நடிகர் ரன்வீர் கபூருக்கு ஒதுக்கப்பட்டு இருப்பதாக ஓட்டல் நிர்வாகி தெரிவித்தார். “நம்மால் இன்னொரு நடிகருக்கோ அல்லது படக்குழுவினருக்கோ இடையூறு ஏற்படக் கூடாது” என்று கூறிய அஜித் தனது அறையை உடனே காலி செய்து விட்டார்.

“எனக்கு ஒரு சின்ன கட்டிலும், மின்விசிறியும் இருந்தால் போதும்” என்று கூறிய அவர், அந்த ஓட்டலிலேயே ஒரு சிறிய அறையில் தங்குவதற்கு சம்மதித்தார். அவரின் எளிமையை பார்த்து படக்குழுவினரும், ஓட்டல் நிர்வாகியும் வியந்து போனார்கள்.

வீரம், வேதாளம் படத்தை தொடர்ந்து சிவா - அஜித் கூட்டணியில் மூன்றாவது முறையாக உருவான படம் ‘விவேகம்’.  இப்படம் ஆகஸ்ட் மாதம் 2017ம் ஆண்டு வெளியானது. ரசிகர்களிடையே நல்ல வரவேற்பு பெற்ற இப்படம் வசூலிலும் சாதனை படைத்தது. இதில் காஜல் அகர்வால் ஜோடியாகவும், விவேக் ஓபராய் வில்லனாகவும் நடித்திருந்தார்கள்.

இப்படம் இந்தியில் டப் செய்து யூடியூப்பில் இரு தினங்களுக்கும் முன்பு வெளியிடப்பட்டது. வெளியான 24 மணிநேரத்தில் 8 மில்லியனுக்கும் மேலாக ரசிகர்கள் பார்த்துள்ளனர். ஒரு டப்பிங் திரைப்படம் யூடியூப்பில் வெளியாகி அதிக பார்வையாளர்கள் பார்த்திருப்பது சாதனையாக கருதப்படுகிறது.

இதற்கு முன் அல்லு அர்ஜுன் நடிப்பில் வெளியான ‘சரைநடு’ படம்தான் 5 மில்லியன் பார்வையாளர்களை கொண்டது. தற்போது இதை அஜித்தின் ‘விவேகம்’ திரைப்படம் முந்தியுள்ளது. தற்போது வரை ‘விவேகம்’ படத்தை 12 மில்லியனுக்கும் மேற்பட்ட பார்வையாளர்களை கடந்து சாதனை படைத்து வருகிறது.

தமிழ் சினிமாவில் திறமைகள் இருந்தும் சரியான வாய்ப்பு கிடைக்காமல் பலர் தளர்ந்து போயிருக்கிறார்கள். அதில் ஒரு சிலர் மட்டுமே கடின உழைப்பு மூலம் உழைத்து வருகிறார்கள். அப்படி திறமைகள் இருந்தும் சரியான வாய்ப்பு கிடைக்காமல் இருந்தவர் நடிகர் அருண் விஜய். 

இவர் பல படங்களில் கதாநாயகனாக நடித்திருந்தாலும், அஜித்துடன் ‘என்னை அறிந்தால்’ படத்தில் வில்லனாக நடித்த பிறகுதான் ரசிகர்களிடையே மிகவும் பரிச்சையமானார். தற்போது சிறந்த கதையம்சம் உள்ள படங்களை தேர்வு செய்து நடித்து வருகிறார்.

இவர் டுவிட்டர் பக்கத்தில் ரசிகர்கள் கேட்ட கேள்விகளுக்கு சுவாரஸ்யமாக பதில் அளித்திருக்கிறார். அதில், நடிகர் அஜித்துடம் மீண்டும் வில்லனாக நடிப்பீர்களா என்று கேட்டதற்கு, தெரியல. மீண்டும் அமையும் என்று நம்புகிறேன். அதைத்தான் நானும் விரும்புகிறேன்’ என்றார்.

விஜய்யை பற்றி சொல்லுங்கள்?

அற்புதமான மனிதர். அவருடைய எனர்ஜி ரொம்ப பிடிக்கும்.

அனுஷ்கா பற்றி?

ஸ்வீட்டி

என்னை அறிந்தால் 2 உருவாகுமா?

நானும் அதைத்தான் எதிர்ப்பார்க்கிறேன்.

அஜித்திடம் உங்களுக்கு பிடித்தது?

அவருடைய பேச்சும், பெருந்தன்மையும்.

செக்கச் சிவந்த வானத்தில் சிம்புடன் நடித்திருக்கிறீர்களா?

ஆமாம். நாங்கள் இருவரும் இணைந்து நடித்திருக்கிறோம்.

உங்களுடைய அடுத்த படம் எப்போது?

தடம் திரைப்படம் ஜூலையில் வெளியாக இருக்கிறது.

2018ல் உங்களை கவர்ந்த படம்?

கீர்த்தி சுரேஷ் நடித்த ‘நடிகையர் திலகம்’ (மகாநடி)

தனுஷ் பற்றி?

திறமையானவர். வலிமையுடன் நடிப்பார்.

விஜய் சேதுபதி பற்றி?

இயற்கையானவர்

இவ்வாறு ரசிகர்கள் கேட்ட கேள்விக்கு பதில் அளித்துள்ளார். #ArunVijay 

சந்தைக்கு எந்த புதிய மாடல் மொபைல் வந்தாலும் அதை வாங்க நடிகர், நடிகைகள் தான் அதிக ஆர்வம் காட்டுவார்கள். ஆனால் அஜித் மட்டும் இதற்கு விதிவிலக்கு. இன்று ஆளாளுக்கு ஸ்மார்ட் போன் வைத்துள்ள சூழலில் அஜித் கேமராகூட இல்லாத மிகச்சிறிய பேசிக் மாடல் மொபைல் போனைத்தான் பயன்படுத்துகிறாராம்.

‘சார் உங்கள் முன்னால் ஐபோன் எடுத்துப் பேசவே கூச்சமாக இருக்கிறது’ என்று சொன்ன தயாரிப்பு நிர்வாகியிடம், ‘அதைப் பயன்படுத்தவேண்டிய அவசியமும் தேவையும் உங்களுக்கு இருக்கு. ஆனால் வீட்டில் இருந்து பேசுபவர்களிடம் பேசுவதற்கு இந்த போன் போதும். அதுமட்டும் இல்லாமல் நான் வாட்ஸ்அப் பயன்படுத்துவதும் இல்லை’ என்று கூறி இருக்கிறார். அஜித்தின் புதிய பொழுதுபோக்கு துப்பாக்கி சுடுதல். மாலை வேளைகளில் துப்பாக்கி சுடுதலில் தீவிரமாக இறங்கி உள்ளார்.

தற்போது சிவா இயக்கத்தில் உருவாகி வரும் ‘விஸ்வாசம்’ படத்தில் நடித்து வருகிறார். இப்படம் இந்த ஆண்டு தீபாவளி தினத்தில் வெளியாக இருக்கிறது.

அஜித் - சிவா கூட்டணியில் தற்போது உருவாகி வரும் படம் ‘விஸ்வாசம்’. இப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இப்படத்தின் பற்றிய புதிய தகவல் ஒன்று வெளியாகியுள்ளது.

அதாவது, விஸ்வாசம் படத்தில் திருவிழா பாடல் இடம் பிடித்திருக்கிறது. இப்படத்தின் சமீபத்தில் சூட்டிங் புகைப்படம் ஒன்று வெளியாகியுள்ளது. அதில் திருவிழா போன்று செட் அமைத்திருக்கிறார்கள். ஏற்கனவே இவர்கள் கூட்டணியில் வெளியான ‘வீரம்’ படத்தில் திருவிழா பாடலும், ‘வேதாளம்’ படத்தில் விநாயகர் பாடலும் இடம் பிடித்திருந்தது.

தற்போது விஸ்வாசம் படத்திலும் அதுபோன்று திருவிழா பாடலையும் உருவாக்கி வருகிறார்கள். மேலும், இப்படத்தின் கதை தேனி மாவட்டத்தில் நடக்கும் கதை என்பதை கண்டுபிடித்துள்ளனர் அஜித் ரசிகர்கள்.

படப்பிடிப்பில் தேனி பதிவு எண் கொண்ட ராயல் என்பீல்டு புல்லட் ஒன்று நிற்கிறது. இது படத்தில் அஜித் ஓட்டும் புல்லட் எனத் தெரிகிறது. இதனால், ‘விசுவாசம்‘ படம் தேனியை கதைக்களமாகக் கொண்ட படம் என அஜித் ரசிகர்கள் யூகித்துள்ளனர்.

டி.என். 60 ஏபி 2435 எனும் பதிவு எண் கொண்ட புல்லட் புகைப்படமும் இப்போதே வைரலாகி வருகிறது.

என்னை அறிந்தால், உத்தம வில்லன் என்று கமல், அஜித் படங்களில் நடித்ததவர் பார்வதி நாயர். மலையாளத்தில் மோகன்லாலுடன் நீரலி படத்தில் நடித்துக் கொண்டிருந்தவருடன் மாலைமலருக்காக பேசினோம்.

கமல், அஜித் இப்போது மோகன்லாலா?

பெரிய நடிகர்களுடன் தான் நடிப்பேன் என்று இல்லை. ரொம்ப தேர்ந்தெடுத்து என் கதாபாத்திரங்கள் வித்தியாசமாக இருக்க வேண்டும் என்று திட்டமிட்டு நடிக்கிறேன். பெரிய நடிகர்கள் உடனும் பெரிய இயக்குநர்களுடனும் தொடர்ந்து வேலை பார்ப்பது சந்தோ‌ஷம் தான். ஆனால் என்னுடைய கதாபாத்திரம் தான் முக்கியம். என்னுடைய படங்களை பார்த்தாலே இது புரியும். என்னை சந்திக்கும் ரசிகர்களின் விமர்ச்னங்களுக்கு நான் முக்கியத்துவம் தருகிறேன்.

மாடலிங்கில் இருந்து சினிமாவுக்கு வந்ததால் உடல் வாகை அப்படியே பராமரிக்கிறீர்களா?

நான் இன்னமும் மாடலின் செய்துகொண்டுதான் இருக்கிறேன். ஆனால் உடல்வாகுக்கும் அதற்கும் தொடர்பு இல்லை. நான் எந்த உணவுக் கட்டுப்பாடும் கடைப் பிடிப்பதில்லை. நன்றாக சாப்பிடுவேன். தென்னிந்திய சினிமாவை பொறுத்தவரை கொஞ்சம் குண்டாக இருந்தால் தான் ரசிகர்களுக்கு பிடிக்கும். இப்போது ஒரு ஆக்‌‌ஷன் படத்துக்காக உடம்பை ஒல்லியாக்கி இருக்கிறேன். அதனால் வேறு ஒரு படத்தை இழந்தேன். சாப்பாட்டில் எனக்கு தமிழ்நாட்டு தோசை ரொம்ப பிடிக்கும். சரவணபவன் மசாலா தோசை சென்னையில் மறக்காமல் சாப்பிடும் உணவு.

ஓவியத்தின் மீது ஆர்வம் வந்தது எப்படி?

சின்ன வயதில் இருந்தே ஓவியத்தில் ஆர்வம். அம்மா நன்றாக வரைவார். வீட்டில் அம்மா வரைந்த ஓவியங்கள் இருக்கின்றன. ஒருவேளை மரபணுவிலேயே வந்திருக்கும்போல... சூழ்நிலை அமையவில்லை. அமைந்து இருந்தால் ஓவியம் தொடர்பாகவே படித்திருப்பேன்.

ஓவியத்துக்கு பொறுமை அவசியம் தேவைப்படுமே?

எனக்கு வாழ்க்கையில் பொறுமை இருக்காது. உங்களிடம் பேசும்போதுகூட நடந்துகொண்டு தான் இருக்கிறேன். ஆனால் ஓவியம் வரையத் தொடங்கினால் நான் வேறு ஒரு உலகத்துக்கே சென்றுவிடுவேன். அந்த பார்வதி எத்தனை நாட்கள் வேண்டுமானாலும் பொறுமை காப்பாள்.

எப்படிப்பட்ட படங்களில் நடிக்க ஆசை?

நான் ஆசைப்பட்ட வேடங்களில் இதுவரை நடிக்கவில்லை. இன்னும் நல்ல வேடங்கள் கிடைக்க வேண்டும். என்னுடைய உண்மையான சுபாவம் இதுவரை திரையில் வெளிப்படவே இல்லை. நான் ரொம்ப ஜாலியான பொண்ணு. ஆனா படங்களில் தொடர்ந்து சீரியஸான வேடங்கள் தான் கிடைக்கின்றன.

கமல் அரசியல் கட்சி தொடங்கியுள்ளாரே... அழைப்பு வந்தால் செல்வீர்களா?

எனக்கு அரசியலில் சுத்தமாக ஆர்வம் கிடையாது. ஆனால் அரசியல் தொடர்பான புத்தகங்கள் படித்துக்கொண்டிருக்கிறேன். இன்னும் சிலகாலம் போனால் தான் எனது அரசியல் பார்வைகள், அபிப்ராயங்கள் பற்றி பேச முடியும். யாரை ஆதரிப்பது என்று இன்னும் முடிவு செய்யவில்லை. ஆனால் மக்களுக்கு நல்லது செய்யும் நேர்மையான தலைவரை தான் ஆதரிப்பேன்.

தமிழ்நாடு, கர்நாடகா, கேரளா மூன்று மாநிலங்களும் தொடர்புடையவர் நீங்கள். இந்த 3 மாநிலங்களுக்குள்ளும் நிலவும் தண்ணீர் பிரச்சினை?

காவிரி தொடர்பான செய்திகளை படிக்கிறேன். இதில் ஆலோசனை சொல்லும் அளவிற்கு நான் பெரிய ஆள் கிடையாது. ஆனால் இது முழுக்க முழுக்க அரசியல்வாதிகளின் சுயலாபத்துக்கு நடத்தப்படும் நாடகம். இன்று மாநில எல்லைகளை மறந்து மக்கள் திருமணம் கூட செய்துகொள்கிறார்கள். தண்ணீர் கொடுப்பதற்கு எந்த மக்களும் தயங்க மாட்டார்கள்.

உங்க ரோல் மாடல் யார்?

ஒவ்வொருத்தர் கிட்டேருந்தும் ஒவ்வொண்ணு எடுத்துக்குறேன். ஆனா மாதுரி தீட்ஷித், ஷோபனாகிட்டருந்து அதிகம்.

பிடிச்ச ஹீரோ, ஹீரோயின்?

அஜித் தான். முன்னாடியே பிடிக்கும். இப்ப ரொம்ப பிடிக்குது. ஹீரோயின்ல நயன்தாரா.

சிவா இயக்கத்தில் நான்காவது முறையாக அஜித் நடிக்கும் படம் ‘விஸ்வாசம்’. இந்த படத்தின் படப்பிடிப்பு இரண்டு நாட்களுக்கு முன்னர் ஐதராபாத்தில் உள்ள ராமோஜி ராவ் பிலிம் சிட்டியில் தொடங்கியது.

முதல் ஷெட்யூலில் அஜித் - நயன்தாரா சம்பந்தப்பட்ட காதல் காட்சிகள் படமாக்கப்படுகின்றன. இந்த படத்தில் வெகு நாட்களுக்கு பிறகு கிராமத்து பெண் கதாபாத்திரத்தில் நடிக்கிறார் நயன்தாரா.

படத்தில் அஜித்துக்கு நிகரான முக்கியத்துவம் நயன்தாராவுக்கும் தரப்பட்டுள்ளதாம். அஜித்தும் நயன்தாராவும் இதற்கு முன்பு பில்லா, ஏகன், ஆரம்பம் ஆகிய படங்களில் ஜோடி சேர்ந்துள்ளனர். ஆனால் அந்த படங்களை விட இந்த படத்தில் நயன்தாராவுக்கு முக்கியத்துவம் தரப்படுகிறது. நயன்தாரா ஒரு ஹீரோ அளவுக்கு வளர்ந்துவிட்டார். எனவே அவருக்கு இந்த படத்தில் முக்கியத்துவம் வாய்ந்த கதாபாத்திரம் தரப்பட வேண்டும் என்று அஜித் கேட்டுக்கொண்டதாக தகவல் வந்தது.

படத்தின் முதல் நாள் படப்பிடிப்பில் இதற்காக அஜித்துக்கு நன்றி கூறினாராம் நயன்தாரா. கிராமத்து பின்னணியில் குடும்பம் மற்றும் திகில் கதையாக அமைந்த படமாக உருவாகி வருகிறது. விஸ்வாசம் படம் மூலம் முதன்முறையாக அஜித் படத்துக்கு இசையமைக்கிறார் டி.இமான்.