நீங்கள் தேடியது "ஜோதிடர்"

ஆமதாபாத்:

பிரதமர் மோடியின் குடும்பத்தினர் குஜராத் மாநிலத்தில் தங்களது பூர்வீக கிராமத்தில் வசித்து வருகிறார்கள்.

மோடி குஜராத் முதல்வராக நீண்ட ஆண்டுகள் பதவி வகித்த போதும் அவர் தனது குடும்பத்தினர் யாரையும் அரசியல் பக்கம் அழைத்து வரவில்லை. இதனால் மோடி குடும்பத்தினர் தங்களது சொந்த ஊரிலேயே இருக்கிறார்கள்.

மோடி பிரதமர் ஆன பிறகும் அவரது குடும்பத்தினரிடம் மாற்றங்கள் ஏற்படவில்லை. என்றாலும் மோடியின் சகோதரர்கள் எங்கு சென்றாலும் பா.ஜனதா தலைவர்கள் வரவேற்று உபசரிக்கிறார்கள்.

மோடியின் சகோதரர்களில் ஒருவரான பிரகலாத் மோடி மட்டும் சமீப காலமாக பத்திரிகை செய்திகளில் இடம் பெற தொடங்கி உள்ளார். அவர் சமீபத்தில் ஜோதிடரிடம் சென்று தனது சகோதரர் (பிரதமர் மோடி) மீண்டும் உயர்ந்த பதவிக்கு வருவாரா? என்று கேட்டு இருப்பது பரபரப்பை ஏற்படுத்தி உள்ளது.

குஜராத் மாநிலத்தில் பில்வாரா மாவட்டத்தில் உள்ள கரோய் என்ற ஊரில் புகழ்பெற்ற ஜோதிடர்கள் பண்டிட் ஓம்பிரகாஷ் வியாஸ் மற்றும் கோபால் வியாஸ் என்பவர்கள் உள்ளனர். தேர்தல் சமயத்தில் இவர்களிடம் வந்து அரசியல்வாதிகள் ஜோதிடம் பார்ப்பது உண்டு.

மோடியின் சகோதரர் பிரகலாத்தும் சமீபத்தில் இவர்களைத்தான் சந்தித்து பேசினார். மோடியின் ஜாதகத்தை கொடுத்து நீண்ட நேரம் அவர்கள் ஆலோசனை நடத்தினார்கள்.

மோடியின் சகோதரரிடம் ஜோதிடர் என்ன தெரிவித்தார் என்பது தெரியவில்லை. #LSPolls #PMModi

அறந்தாங்கி:

புதுக்கோட்டை மாவட்டம், மணமேல்குடி அருகே உள்ள அம்மாபட்டினம் பகுதியைச் சேர்ந்தவர் பழனி. அவரது மகள் மாசிலா (வயது12). 6-ம் வகுப்பு படித்து வருகிறார்.

கடவுள் பக்தியும், நம்பிக்கையும் அதிகம் கொண்ட மாசிலா, விரைவில் துறவியாக மாறப்போவதாகவும், சாமியாக போவதாகவும் கூறி வந்தார். இதனை அவரது பெற்றோர் பெரிதாக எடுத்துக்கொள்ளாவிட்டா லும் அவரது நடவடிக்கையை கண்காணித்து வந்தனர்.

இந்தநிலையில் மாசிலாவின் பெற்றோர் அவளது ஜாதகத்தை ஒரு ஜோதிடரிடம் காண்பித்து கேட்டனர். அப்போது அந்த ஜோதிடர், மாசிலா 12-வது பிறந்தநாளில் கற்சிலையாக மாறி விடுவார் என தெரிவித்துள்ளார்.

இதைக்கேட்டு பெற்றோர் அதிர்ச்சி அடைந்தனர். நேற்று மாசிலாவிற்கு 12-வது பிறந்தநாள் வந்தது. இதனால் வீட்டில் சிறப்பு பூஜை நடத்தி மாசிலாவிற்கு பட்டு சேலை கட்டி பூ அலங்காரம் செய்யப்பட்டது.

மணமேல்குடியில் உள்ள வடக்கூர் அம்மன் கோவில் வளாகத்திற்கு மேளதாளங்கள் முழங்க அழைத்து வரப்பட்டார். இந்த செய்தி மணமேல்குடி மற்றும் சுற்றுவட்டார பகுதிகளில் பரவியது. அங்கு 500-க்கும் மேற்பட்ட பொது மக்கள் குவிந்தனர்.

அலங்காரம் செய்து இருந்த மாசிலாவை பார்த்து பெண்கள் ஓம் சக்தி, பராசக்தி என பக்தி கோ‌ஷமிட்டு சுற்றி வந்தனர். ஆனால் மாணவிக்கு அருள் வரவில்லை. அவர் கற்சிலையாகவும் மாறவில்லை. கோவில் பூசாரி அந்த மாணவியையும், அவரது பெற்றோரையும் எச்சரித்து வீட்டிற்கு அனுப்பி வைத்தார். #Tamilnews