நீங்கள் தேடியது "மெஸ்சி"

ரஷியாவில் கடந்த வியாழக்கிழமை உலகக்கோப்பை கால்பந்து தொடர் தொடங்கியது. இந்த திருவிழா அடுத்த மாதம் 15-ந்தேதி வரை நடக்கிறது. இதில் அர்ஜென்டினா, பிரேசில், ஜெர்மனி, ஸ்பெயின், பிரான்ஸ், இங்கிலாந்து உள்பட 32 அணிகள் பலப்பரீட்சை நடத்துகின்றன.

தொடக்க ஆட்டத்தில் முன்னணி அணிகள் ஆதிக்கம் செலுத்தும் என எதிர்பார்க்கபட்டது. ஆனால் தோல்வியில் இருந்து தப்பினால் போதும் என்ற நிலைமைக்கு சில அணிகள் தள்ளப்பட்டது. ஜெர்மனி தோல்வியை எதிர்கொண்டது.



கடந்த 15-ந்தேதி பலம்வாய்ந்த ஸ்பெயின் - போர்ச்சுக்கல் அணிகள் மோதின. இந்த ஆட்டம் 3-3 என டிராவில் முடிந்தது. 16-ந்தேதி மெஸ்சி தலைமையிலான அர்ஜென்டினா கத்துக்குட்டி அணியான ஐஸ்லாந்தை எதிர்கொண்டது. இந்த ஆட்டம் 1-1 என சமநிலையில் முடிந்தது. மெஸ்சி தனக்கு கிடைத்த பெனால்டி வாய்ப்பை தவறவிட்டார். இதனால் டிராவை சந்தித்தது அர்ஜென்டினா.



கோஸ்டா ரிகாவை 1-0 என செர்பியா வீழ்த்தியது. நடப்பு சாம்பியனான ஜெர்மனிக்கு மெக்சிகோ அதிர்ச்சி வைத்தியம் கொடுத்தது. மெக்சிகோ 1-0 என ஜெர்மனி வீழ்த்தி அதிர்ச்சிக்குள்ளாக்கியது.

ரசிகர்களால் மிகவும் எதிர்பார்க்கப்பட்ட ஆட்டங்களில் ஒன்று பிரேசில் - சுவிட்சர்லாந்து அணிகள் மோதிய போட்டியாகும். இந்த போட்டியை சுவிட்சர்லாந்து அசத்தாலா 1-1 என டிரா செய்தது.

ரஷியா உலகக்கோப்பையில் நேற்று நடைபெற்ற ஆட்டம் ஒன்றில் பலம் வாய்ந்த அர்ஜென்டினா முதன்முறையாக தகுதிப்பெற்ற ஐஸ்லாந்தை எதிர்த்து விளையாடியது. இதில் ஐஸ்லாந்து 1-1 போட்டியை அசத்தலாக டிரா செய்தது. இதற்கு முக்கிய காரணம் ஐஸ்லாந்து கோல்கீப்பர் ஹேன்ஸ் ஹால்டோர்சன்தான். மெஸ்சி அடித்த பெனால்டி சூட்டை சிறப்பாக தடுத்தார்.

மெஸ்சிக்கும், கிறிஸ்டியானோ ரொனால்டோவிற்கும் இடையில் எப்போதுமே போட்டியிருக்கும். மெஸ்சி வாய்ப்பை முறியடித்த ஹேன்ஸ் ஹால்டோர்சனை பார்த்து, நீங்கள் கிறிஸ்டியானோ ரொனால்டோவின் மாமாவா? என்று கேட்க அதிர்ந்துபோனார். உடனடியாக அவர் மறுத்துள்ளார்.



மேலும், அர்ஜென்டினாவிற்கு எதிரான ஆட்டம் குறித்து ஹேன்ஸ் ஹால்டோர்சன் கூறுகையில் ‘‘ஐஸ்லாந்து கோல்கீப்பராகிய எனக்கு, உலகின் தலைசிறந்த வீரர் அடிக்கும் பெனால்டி சூட்டை எதிர்கொள்வது சிறந்த தருணம். அதை தடுத்ததன் மூலம் எனது கனவு நினைவாகியுள்ளது. குறிப்பாக எனது அணிக்கு இது மிகவும் முக்கியமானது. எங்களுடைய இலக்கு அடுத்த சுற்றுக்கு முன்னேற்றம் அடைய வேண்டும் என்பதுதான்’’ என்றார்.

ஆண்டுதோறும் கால்பந்து விளையாட்டில் சிறப்பான ஆட்டத்தை வெளிப்படுத்தும் வீரர்களுக்கு பலோன் டிஆர் என்ற உயரிய விருது வழங்கப்படும். 2008-ல் இருந்து கிறிஸ்டியானோ ரொனால்டோ மற்றும் மெஸ்சி ஆகியோர் தலா ஐந்து முறை இந்த விருதை பெற்றுள்ளனர்.

இந்த விருதை இவர்கள் இருவரையும் தவிர மற்ற வீரர்கள் நெருங்க முடியாத நிலை உள்ளதாக கூறப்பட்டு வரும் நிலையில், முகமது சாலாவால் இந்த விருதை வெல்ல முடியும் என்ற ஜாம்பவான் கிறிஸ்டியானோ ரொனால்டோ தெரிவித்துள்ளார்.

இதுகுறித்து ரொனால்டோ கூறுகையில் ‘‘இந்த வருடத்தின் வெளிப்பாடுகளில் ஒருவர் சாலா. ரியல் மாட்ரிட் அணிக்கெதிரான யூரோப்பா சாம்பியன்ஷிப் போட்டியில் ஏற்பட்ட காயம் அவரை வெளியேற்றாது என்று நம்புகிறேன்.



பலோன் டிஆர் விருதிற்கு எனக்கும், மெஸ்சிக்கும் இடையில்தான் போட்டி என்று பெரும்பாலான நபர்கள் பேசிக்கொண்டு வருகிறார்கள். ஆனால், மற்ற வீரர்களும் இந்த ரேஸில் நுழைய வாய்ப்புள்ளது. அதில் உறுதியாக சாலாவும் ஒருவர்’’ என்றார்.

லிவர்பூல் அணிக்காக சாலா ஒட்டுமொத்தமாக 44 கோல்கள் அடித்துள்ளார்.

யூரோப்பா கண்டத்தில் உள்ள ஒவ்வொரு நாட்டிலும் கால்பந்து லீக் தொடர் ஆண்டுதோறும் நடைபெறும். இங்கிலாந்தில் இங்கிலீஷ் பிரீமியர் லீக், ஸ்பெயினில் லா லிகா, பிரான்ஸில் லீக் 1, இத்தாலியில் செரி ஏ, ஜெர்மனியில் பண்டேஸ்லிகா போன்ற முன்னணி கால்பந்து லீக் ஆட்டங்கள் நடைபெறுகின்றன.



இந்த கால்பந்து லீக்கில் அதிக கோல்கள் அடிக்கும் வீரருக்கு ஆண்டுதோறும் யூரோப்பியன் கோல்டன் ஷூ வழங்கப்படும். அதன்படி இந்த வருடம் லா லிகா தொடரில் பார்சிலோனா அணிக்காக விளையாடும் மெஸ்சி கோல்டன் ஷூவை தட்டிச் சென்றுள்ளார். மெஸ்சி இந்த சீசனில் 34 கோல்கள் அடித்துள்ளார். அத்துடன் 25 கோல்கள் அடிக்க துணைபுரிந்துள்ளார்.



இவர் ஏற்கனவே, கடந்த வருடம், 2010, 2012 மற்றும் 2013-ல் இந்த விருதை கைப்பற்றியுள்ளார். இங்கிலீஷ் பிரீமியர் லீக்கில் லிவர்பூல் அணிக்காக விளையாடும் முகமது சாலா 332 கோல்கள் அடித்து 2-வது இடம்பிடித்துள்ளார். டோட்டன்ஹாம் வீரர் ஹரி கேன் 30 கோல்கள் அடித்து 3-வது இடத்தில் உள்ளார். ரியல் மாட்ரிட் வீரர் ரொனால்டோ 26 கோல்கள் அடித்து 8-வது இடத்தை பிடித்துள்ளார்.

ஸ்பெயின் நாட்டில் நடைபெறும் முன்னணி கால்பந்து லீக் தொடரான லா லிகாவின் 2017-18 சீசன் நேற்றிரவுடன் முடிவடைந்தது. ஏற்கனவே கோப்பையை உறுதி செய்த பார்சிலோனா, கடைசி லீக்கில் ரியல் சோசியேடாட் அணியை எதிர்கொண்டது.

முதல் பாதி நேரத்தில் இரு அணி வீரர்களும் கோல்கள் அடிக்கவில்லை. 2-வது பாதி நேரத்தில் ஆட்டத்தின் 57-வது நிமிடத்தில் பிலிப்பே கவுட்டினோ கோல் அடிக்க பார்சிலோனா 1-0 என முன்னிலைப் பெற்றது. அதன்பின் இரு அணி வீரர்களும் கோல் அடிக்காததால் பார்சிலோனா 1-0 என வெற்றி பெற்றது.



இந்த போட்டியின் மூலம் வெற்றியோடு கோப்பையை கைப்பற்றியது பார்சிலோனா. லா லிகா சாம்பியன் பட்டத்தை பார்சிலோனா கைப்பற்றுவது இது 25-வது முறையாகும். பார்சிலோனா 38 போட்டியில் 28 வெற்றி, 9 டிரா, ஒரு தோல்வியுடன் 93 புள்ளிகள் பெற்று முதல் இடம்பிடித்ததுள்ளது. 79 புள்ளிகளுடன் அட்லெடிகோ டி மாட்ரிட் 2-வது இடத்தையும், 76 புள்ளிகளுடன் ரியல் மாட்ரிட் 3-வது இடத்தையும், 73 புள்ளிகளுடன் வாலன்சியா 4-வது இடத்தையும் பிடித்தது.

பிரேசில் கால்பந்து அணியின் கேப்டன் நெய்மர். இவர் கடந்த 2013-ல் இருந்து 2017 வரை ஸ்பெயினின் புகழ்பெற்ற பார்சிலோனா அணிக்காக விளையாடி வந்தார். மெஸ்சி, சுவாரஸ் உடன் இணைந்து நெய்மர் பார்சிலோனா அணிக்காக சிறப்பான ஆட்டத்தை வெளிப்படுத்தினார். இந்த மூன்றுபேரையும் மும்மூர்த்திகள் என்று அழைத்தனர்.

2016-17 சீசன் முடிந்ததுடன் கால்பந்து வரலாற்றில் மிகவும் அதிகத் தொகைக்கு பிஎஸ்ஜி அணிக்கு டிரான்ஸ்பர் ஆனார். 26 வயதாகும் நெய்மர் தற்போது ரியல் மாட்ரிட் அணிக்கு டிரான்ஸ்பர் ஆகலாம் என்ற செய்திகள் வந்து கொண்டிருக்கின்றன.

இந்நிலையில் நெய்மரை ரியல் மாட்ரிட் அணியில் பார்ப்பது மிகவும் பயங்கரமானதாக இருக்கும் என பார்சிலோனா புகழ் மெஸ்சி தெரிவித்துள்ளார்.



இதுகுறித்து மெஸ்சி கூறுகையில் ‘‘தனது நண்பரும், தன்னுடனும் சேர்ந்து விளையாடியவரும் ஆன நெய்மர் ரியல் மாட்ரிட் அணியில் இணைந்தால், அந்த அணியில் அவரை பார்ப்பது பயங்கரமானதாக இருக்கும். நெய்மர் என்பது பார்சிலோனாவை குறிக்கும்.

அவர் பார்சிலோனாவிற்காக சிறப்பான ஆட்டத்தை வெளிப்படுத்தினார். அவர் சாம்பியன்ஸ் லீக், லா லிகா டைட்டிலை வென்றுள்ளார். ஆனால், ரியல் மாட்ரிட்டிற்கு சென்றால், அது எங்களுக்க மிகப்பபெரிய இழப்பாகும். பார்சிலோனா ரசிகர்களுக்கும்’’ என்றார்.

ஸ்பெயினில் நடைபெற்று வரும் லா லிகா கால்பந்து லீக்கில் பார்சிலோனா சிறப்பாக விளையாடி ஏற்கனவே சாம்பியன் பட்டத்தை உறுதி செய்துள்ளது.

பார்சிலோனா தனது சொந்த மைதானத்தில் 36-வது ஆட்டத்தில் விலாரியல் அணியை எதிர்கொண்டது. இதில் பார்சிலோனா 5-1 என வெற்றி பெற்றது. ஆட்டத்தின் 11-வது நிமிடத்தில் பிலிப்பே கவுட்டினோ, 16-வது நிமிடத்தில் பவுலினோ, 45-வது நிமிடத்தில் மெஸ்சி, 87 மற்றும் 93-வது நிமிடத்தில் ஓஸ்மானே டெம்பேல் அடுத்தடுத்து இரண்டு கோல்கள் அடித்தனர். விலாரியல் அணியின் சான்சோனே 54-வது நிமிடத்தில் ஒரு கோல் அடித்தார்.



பார்சிலோனா 2017-18 சீசனில் லா லிகாவில் 36 போட்டிகளில் விளையாடி 27 வெற்றி, 9 டிராவுடன் 90 புள்ளிகள் பெற்று முதல் இடத்தில் இருக்கிறது. இதுவரை தோல்வியை சந்திக்கவில்லை. ஐரோப்பிய கண்டத்தில் நடைபெறும் அனைத்து லீக் போட்டிகளையும் கணக்கில் எடுத்ததுக் கொண்டால், தோல்வியடையாத ஒரே அணி இதுதான். மீதமுள்ள இரண்டு போட்டிகளிலும் தோல்வியை சந்திக்காமல் இருந்தால் தோற்கடிக்க முடியாத அணி என்ற சாதனையை பார்சிலோனா சொந்தமாக்கும்.

லா லிகாவில் அட்லெடிகோ டி மாட்ரிட் 75 புள்ளிகளடன் 2-வது இடத்திலும், ரியல்மாட்ரிட் 72 புள்ளிகளுடன் 3-வது இடத்திலும் உள்ளது.