நீங்கள் தேடியது "பிஎஸ்என்எல்"

புதுடெல்லி:

பிஎஸ்என்எல் நிறுவன பிராட்பேன்ட் பயனர்களுக்கு கூடுதலாக வாய்ஸ் கால் சேவை அறிவிக்கப்பட்டுள்ளது. பிஎஸ்என்எல் நிறுவன ஃபைபர் பிராட்பேன்ட் அல்லது பிராட்பேன்ட் சேவையை பயன்படுத்துவோருக்கு அன்லிமிட்டெட் வாய்ஸ் காலிங் வழங்கப்படுகிறது.

சில சலுகைகளில் பிஎஸ்என்எல் நெட்வொர்க் எண்களுக்கு மட்டும் அழைப்புகள் வழங்கப்படும் நிலையில், சில சலுகைகளில் அனைத்து நெட்வொர்க்களுக்கும் வாய்ஸ் கால் வழங்கப்படுகிறது. ஜூன் 1-ம் தேதி முதல் அறிவிக்கப்பட்டு இருக்கும் புதிய சலுகையானது ஜியோ ஃபைபர் திட்டத்துக்கு போட்டியாக அறிவிக்கப்பட்டுள்ளது.

சலுகையின் மதிப்பு மற்றும் ரீசார்ஜ் சலுகைகளை வைத்து பிஎஸ்என்எல் பிராட்பேன்ட் சேவைகள் மாறுபடும். ரூ.249 முதல் ரூ.645 விலையிலான சலுகைகளை தேர்வு செய்வோருக்கு பிஎஸ்என்எல் எண்களுக்கு அன்லிமி்ட்டெட் வாய்ஸ் கால் மேற்கொள்ள முடியும் என தெரிவிக்கப்பட்டுள்ளது.

பெரும்பாலும் இந்த சலுகைகள் இரவு நேரத்தில் இலவச அழைப்புகளை அனைத்து நெட்வொர்க்களுக்கும் வழங்குகின்றன. ரூ.645 மற்றும் இதற்கும் அதிக தொகை மதிப்புள்ள சலுகைகளை தேர்வு செய்வோர் அனைத்து நெட்வொர்க்களுக்கும் அன்லிமிட்டெட் வாய்ஸ் கால் வழங்கப்படுகிறது.

கோப்பு படம்

பிஎஸ்என்எல் ஃபைபர் பிராட்பேன்ட் சலுகையின் டேட்டா அளவு இருமடங்கு அதிகரிக்கப்பட்டது. சமீபத்தில் மூன்று ஃபைபர் பிராட்பேன்ட் சலுகைகளை பிஎஸ்என்எல் மாற்றியமைத்தது. ரூ.1045, ரூ.1395 மற்றும் ரூ.1895 சலுகைகளில் கூடுதலாக அதிகபட்சம் 200 ஜிபி வரையிலான டேட்டா வழங்கப்பட்டது. இத்துடன் ஞாயிற்று கிழமைகளில் வழங்கப்படும் இலவச அழைப்புகள் நீட்டிக்கப்பட்டன.

விரைவில் ரிலையன்ஸ் ஜியோ ஃபைபர் ஃபிக்சட்-லைன் பிராட்பேன்ட் சேவைகள் வெளியிடப்படலாம் என எதிர்பார்க்கப்படும் நிலையில், பிஎஸ்என்எல் நிறுவனம் போட்டியை எதிர்கொள்ள முன்கூட்டியே தனது சலுகைகளை மாற்றியமைத்து வருகிறது. முதற்கட்டமாக ஜியோ ஃபைபர் சலுகைகளில் 1100 ஜிபி வரையிலான டேட்டா வழங்கப்படலாம் என எதிர்பார்க்கப்படுகிறது. ஜியோ ஃபைபர் அறிவித்து இருக்கும் புதிய சலுகையில் 100 ஜிபி இலவச டேட்டா 100Mbps வேகத்தில் வழங்கப்படுகிறது.

சமீபத்தில் பிஎஸ்என்எல் பிராட்பேன்ட் வாடிக்கையாளர்களுக்கு ரூ.1199 விலையில் புதிய சலுகை அறிவிக்கப்பட்டது. பிஎஸ்என்எல் ஃபேமிலி பிளான் என அழைக்கப்படும் புதிய சலுகையில் பிராட்பேன்ட் இணைப்புக்கு மொபைல் டேட்டா வழங்குகிறது. பிராட்பேன்ட் இணைப்பு மற்றும் பிஎஸ்என்எல் பிரீபெயிட் கனெக்ஷன்களுக்கு இந்த சலுகையில் 10Mbps வேகத்தில் தினமும் 1 ஜிபி டேட்டா வழங்கப்படுகிறது. இந்தியா முழுக்க அறிவிக்கப்பட்ட சலுகையில் 10Mbps பிராட்பேன்ட் இன்டர்நெட் மாதம் 30 ஜிபி டேட்டா வழங்கப்படுகிறது.

ராஜஸ்தான்:

ராஜஸ்தானில் லேன்ட்லைன்களில் ஸ்மார்ட்போன் அம்சங்கள் வழங்குவதற்கான அப்கிரேடுகளை வழங்க பிஎஸ்என்எல் திட்டமிட்டுள்ளது. இதன் மூலம் லேன்ட்லைன் மாடல்களில் எஸ்எம்எஸ், சாட்டிங், வீடியோ கால் உள்ளிட்டவற்றை மேற்கொள்ள முடியும்.

பிஎஸ்என்எல் டெலிபோன் எக்சேஞ்ச்-கள் அடுத்த தலைமுறை நெட்வொர்க்கிங் தொழில்நுட்பத்தில் (Next Generation Networking ) அப்கிரேடு செய்யப்படுகிறது. இதற்கான பணிகள் பண்டி மாவட்டத்தில் துவங்கப்பட்டுள்ளது. பண்டி மற்றும் ஹின்டொலி பகுதிகளில் அப்கிரேடு செய்யப்பட்டு மற்ற பகுதிகளில் வரும் நாட்களில் அப்கிரேடு செய்யும் பணிகள் நிறைவடையும் என டெலிகாம் மாவட்ட மேலாளர் பி.கே. அகர்வால் தெரிவித்துள்ளார்.

மொபைல் போன்களில் சாட்டிங், எஸ்எம்எஸ், வீடியோ காலிங், பெர்சனல் ரிங் பேக் டோன் உள்ளிட்டவற்றை லேன்ட்லைன் போன்களிலும் பயன்படுத்த முடியும் என அவர் மேலும் தெரிவித்தார். இந்த வசதிகளை பயன்படுத்த லேன்ட்லைன் போன் IP போனுடன் அப்கிரேடு செய்யப்பட வேண்டும் என்றும் அவர் தெரிவித்தார்.

லேன்ட்லைன் நம்பர்களை மொபைல் போனுடன் இணைத்து லேண்ட்லைன் சேவைகளை வாடிக்கையாளர்கள் எங்கிருந்தும் பயன்படுத்த முடியும் என அவர் தெரிவித்தார். அந்த வகையில் லேன்ட்லைன் அழைப்புகளை மொபைல் போனிலும் பெற முடியும். இத்துடன் 2ஜி டவர்கள் இனி காம்போ பிடிஎஸ்-ஆக அப்கிரேடு செய்யப்படும் என்பதால் 3ஜி சேவைகளை பயன்படுத்த முடியும்.

புதுடெல்லி:

பதாஞ்சலி நிறுவனம் பிஎஸ்என்எல் உடன் இணைந்து இந்திய டெலிகாம் சந்தையில் சிம் கார்டுகளை வெளியிட்டுள்ளது. ஸ்வதேசி சம்ரிதி என அழைக்கப்படும் சிம் கார்டுகளை வாங்கும் வாடிக்கையாளர்கள் ரூ.144, ரூ.792 மற்றும் ரூ.1,584 என மூன்றில் ஒரு சலுகையை தேர்வு செய்ய வேண்டும். 

மூன்று சலுகைகளிலும் தினமும் 2 ஜிபி டேட்டா, அன்லிமி்டடெட் வாய்ஸ் கால் மற்றும் பல்வேறு சலுகைகள் வெவ்வேறு வேலிடிட்டி கொண்டுள்ளன. முதற்கட்டமாக இந்த சிம்கார்டுகள் பதாஞ்சலி ஊழியர்களுக்கு வழங்கப்பட்டு பின் அனைவருக்கும் வழங்கப்படும் என அறிவிக்கப்பட்டுள்ளது.

இத்துடன் ஸ்வதேசி சம்ரிதி சிம் கார்டு வைத்திருப்போருக்கு பதாஞ்சலி பொருட்களை வாங்கும் போது 10% தள்ளுபடி வழங்கப்படும் என அறிவிக்கப்பட்டுள்ளது. பிஎஸ்என்எல் - பதாஞ்சலி அறிவித்திருக்கும் ரூ.144 சலுகையில் அன்லிமிட்டெட் வாய்ஸ் கால் (மும்பை மற்றும் டெல்லி தவிர்த்து), 2 ஜிபி டேட்டா மற்றும் எஸ்எம்எஸ் உள்ளிட்டவை 30 நாட்களுக்கு வழங்கப்படுகிறது. 

இதேபோன்று ரூ.792 மற்றும் ரூ.1584 சலுகைகளிலும் இதேபோன்ற சலுகைகள் முறையே 180 மற்றும் 365 நாட்களுக்கு வழங்கப்படுகிறது. ஸ்வதேசி சிம் கார்டு வைத்திருப்போருக்கு மட்டும் அறிவிக்கப்பட்டுள்ளதால், முதற்கட்டமாக இவற்றை பதாஞ்சலி ஊழியர்கள் மட்டும் பயன்படுத்த முடியும். மேலும் இந்த சலுகைகள் பிஎஸ்என்எல் வாடிக்கையாளர்களுக்கு பொருந்தாது.

புதுடெல்லி:

பிஎஸ்என்எல் நிறுவனத்தின் புதிய பிராட்பேன்ட் சலுகை அறிவிக்கப்பட்டுள்ளது. ரூ.1,199 விலையில் அறிவிக்கப்பட்டுள்ள புதிய சலுகை ஃபேமிலி பிளான் என அழைக்கப்படுகிறது. இந்த சலுகையில் பிராட்பேன்ட் இன்டர்நெட் மற்றும் மொபைல் டேட்டா உள்ளிட்டவற்றை வழங்குகிறது.

புதிய பிஎஸ்என்எல் ஃபேமிலி சலுகையில் 10Mbps வேகத்தில் பிராட்பேன்ட் இணைப்பு மற்றும் பிஎஸ்என்எல் பிரீபெயிட் கனெக்ஷன்களுக்கு தினமும் 1 ஜிபி டேட்டா வழங்கப்படுகிறது. இந்தியா முழுக்க அறிவிக்கப்பட்டுள்ள புதிய சலுகையில் 10Mbps பிராட்பேன்ட் இன்டர்நெட் மாதம் 30 ஜிபி டேட்டா வழங்கப்படுகிறது. இந்த டேட்டா அளவு கடந்ததும் டேட்டா வேகம் 2Mbps  ஆக குறைக்கப்படும்.

பிஎஸ்என்எல் புதிய சலுகைக்கான அறிவிப்பு அந்நிறுவனத்தின் அதிகாரப்பூர்வ ட்விட்டர் பக்கத்தில் குறிப்பிடப்பட்டுள்ளது. ரீசார்ஜ் செய்யும் போது வாடிக்கையாளர்கள் மூன்று பிஎஸ்என்எல் எண்களை தேர்வு செய்யலாம். ஒவ்வொரு சிம் கார்டிலும் அன்லிமிட்டெட் வாய்ஸ் கால் மற்றும் தினமும் 1 ஜிபி டேட்டா வழங்கப்படுகிறது. 

இந்த சலுகையின் கீழ் வழங்கப்படும் டேட்டா அளவு நிறைவுற்றதும், டேட்டா வேகம் 40Kbps ஆக குறைக்கப்படும் என தெரிவிக்கப்பட்டுள்ளது. புதிய பிஎஸ்என்எல் சலுகையில் எஸ்எம்எஸ் வசதி வழங்கப்படவில்லை. எனினும், பிரத்யேக ரிங்பேக் டோன் சேவை இலவசமாக வழங்கப்படுகிறது.

வாடிக்கையாளர்கள் தேர்வு செய்யும் மூன்று பிஎஸ்என்எல் எண்களில் ஒன்றுக்கு இலவச ஆன்டைன் டிவி சேவை வழங்கப்படுகிறது. மேலும் ஒரு சிம் கார்டுக்கு ஆன்லைன் கல்வியில் ஒரு பாடத்திற்கு ஒருமாத சந்தா இலவசமாக வழங்கப்படுகிறது.

சமீபத்தில் ஜியோ ஃபைபர் சேவைக்கு போட்டியாக பிஎஸ்என்எல் சார்பில் ஃபைபர் பிராட்பேன்ட் சேவை துவங்கப்பட்டது. இத்துடன் மூன்று FTTH சலுகைகளில் டேட்டா அளவை மும்மடங்கு அதிகரித்தது. ஃபைபர் பிராட்பேன்ட் சலுகைகளில் ரூ.1045, ரூ.1395 மற்றும் ரூ.1895 விலையிலான சலுகைகளில் அதிகபட்சம் 200 ஜிபி டேட்டா கூடுதலாக வழங்குவதாக அறிவித்தது.

புதுடெல்லி:

பிஎஸ்என்எல் நிறுவன பிரீபெயிட் வாடிக்கையாளர்களுக்கு டேட்டா சுனாமி சலுகை அறிவிக்கப்பட்டதை தொடர்ந்து, போஸ்ட்பெயிட் வாடிக்கையாளர்களுக்கு புதிய சலுகை அறிவிக்கப்பட்டுள்ளது. 

ரூ.499 விலையில் கிடைக்கும் புதிய சலுகையில் வாடிக்கையாளர்களுக்கு மாதம் 45 ஜிபி டேட்டா வழங்கப்படுகிறது. இத்துடன் அன்லிமிட்டெட் வாய்ஸ் கால் வழங்கப்படுகிறது. ரிலையன்ஸ் ஜியோ வழங்கும் ரூ.509 சலுகையில் தினமும் 2 ஜிபி டேட்டா என மொத்தம் 60 ஜிபி டேட்டா வழங்கப்படுகிறது.

மார்ச் மாத வாக்கில் ஏர்டெல் நிறுவனம் ரூ.499 விலையில் போஸ்ட்பெயிட் சலுகையை அறிவித்தது. இந்த சலுகையில் மாதம் 40 ஜிபி டேட்டா, அனிலிமிட்டெட் வாய்ஸ் கால், ஒரு வருட அமேசான் பிரைம் சந்தா உள்ளிட்டவை வழங்கப்படுகிறது. வோடபோன் மற்றும் ஐடியா செல்லுலார் நிறுவனங்களும் 40 ஜிபி டேட்டா வழங்குகின்றன. 

பிஎஸ்என்எல் ரூ.499 போஸ்ட்பெயிட் சலுகையில் டேட்டா ரோல்ஓவர் வசதி வழங்கப்படவில்லை. டேட்டா ரோல்ஓவர் வசதி பயன்படுத்தாத டேட்டாவை அடுத்த மாதம் பயன்படுத்த முடியும். பிஎஸ்என்எல் தற்சமயம் அறிவித்துள்ள ரூ.499 சலுகையில் ஏர்டெல், வோடபோன் மற்றும் ஐடியா நிறுவனங்கள் வழங்குவதை விட அதிகளவு டேட்டா வழங்கப்படுகிறது.

ரிலையன்ஸ் ஜியோ வழங்கும் ரூ.499 சலுகையில் வாடிக்கையாளர்களுக்கு 60 ஜிபி டேட்டா வழங்கப்படுகிறது. பிஎஸ்என்எல் அறிவித்திருக்கும் புதிய சலுகையில் வாய்ஸ் காலிங் வசதி மற்றும் தினமும் 100 எஸ்எம்எஸ் உள்ளிட்டவை வழங்கப்படுகிறது. புதிய சலுகை எந்தெந்த வட்டாரங்களில் வழங்கப்படுகிறது என்பது குறித்த தகவல்கள் வெளியாகவில்லை.

முன்னதாக டேட்டா சுனாமி என்ற பெயரில் பிஎஸ்என்எல் ரூ.98 விலையில் சலுகையை பிரீபெயிட் வாடிக்கையாளர்களுக்கு அறிவிக்கப்பட்டது. ரூ.98 விலையில் கிடைக்கும் இந்த சலுகையில் 26 நாட்களுக்கு தினமும் 1.5 ஜிபி டேட்டா வழங்கப்படுகிறது.

புதுடெல்லி:

இந்திய டெலிகாம் சந்தையில் நிலவி வரும் கடுமையான போட்டியை எதிர்கொள்ள பிஎஸ்என்எல் பல்வேறு சலுகைகளை அறிவித்த நிலையில், விரைவில் நாடு முழுக்க 4ஜி சேவைகளை துவங்க திட்டமிட்டு இருப்பதாக தகவல்கள் வெளியாகியுள்ளது.

ரிலையன்ஸ் ஜியோ, பாரதி ஏர்டெல் போன்ற தனியார் நிறுவனங்களின் போட்டியை கருத்தில் கொண்டு அரசு நிறுவனமான பிஎஸ்என்எல் நாடு முழுக்க 4ஜி சேவைகளை வெற்றிகரமாக துவங்குவது டிஜிட்டல் இந்தியா திட்டத்தின் மிகமுக்கிய கட்டமாகும்.

இந்த திட்டம் குறித்து பிஎஸ்என்எல் சார்பில் எவ்வித தகவலும் வழங்கப்படாத நிலையில், புதிய 4ஜி சிம் கார்டுகளை பிஎஸ்என்எல் நிறுவனம் ரூ.20 என்ற மிக குறைந்த கட்டணத்திற்கு வழங்கும் என வலைத்தளங்களில் வெளியாகி இருக்கும் தகவல்கள் தெரிவிக்கின்றன. 

கோப்பு படம்

பிஎஸ்என்எல் விரைவில் துவங்க இருப்பதாக கூறப்படும் 4ஜி சேவைகளை பயன்படுத்த வாடிக்கையாளர்கள் புதிதாக யுனிவர்சல் சிம் அல்லது யுசிம் கார்டினை ரூ.20 கட்டணம் செலுத்தி வாங்க வேண்டும். பின் 4ஜி சேவை துவங்கப்பட்டதும், வாடிக்கையாளர்கள் பிஎஸ்என்எல் அலுவலகம் அல்லது ஸ்டோர் சென்று புதிய யுசிம் கார்டினை ரூ.20 விலையில் வாங்க முடியும். 

பழைய வாடிக்கையாளர்கள் அதே நம்பரை தக்க வைத்துக் கொள்ள முடியும் என்பதோடு, மற்ற நிறுவன வாடிக்கையாளர்களும் தங்களது பழைய மொபைல் நம்பரை மாற்றாமல் பிஎஸ்என்எல் 4ஜி சேவையை பயன்படுத்த முடியும்.

முன்னதாக பிஎஸ்என்எல் 3ஜி சேவைகள் 2009-ம் ஆண்டு வாக்கில் துவங்கப்பட்டது. ரிலையன்ஸ் ஜியோ மற்றும் ஏர்டெல் நிறுவனங்களுக்கு போட்டியாக பல்வேறு கவர்ச்சிகர சலுகைகளை பிஎஸ்என்எல் அறிவித்து வருகிறது. மார்ச் 2018 பிஎஸ்என்எல் நிறுவனம் 40 லட்சம் வாடிக்கையாளர்களை சேர்த்து இருப்பதாக அறிவித்திருந்தது. 

மொபைல் நம்பர் போர்டபிலிட்டி சேவையின் மூலம் இதே மாதத்தில் பிஎஸ்என்எல் நிறுவனம் 12 லட்சம் வாடிக்கையாளர்களை சேர்த்து இருப்பதாக தெரிவித்து இருக்கிறது. கவர்ச்சிகர சலுகைகள், புதிய திட்டங்கள் மற்றும் சீரான சேவையை வழங்குவதே பிஎஸ்என்எல் சேவையில் இணைவோர் எண்ணிக்கை அதிகரிக்க முக்கிய காரணமாக பார்க்கப்படுகிறது.

புதுடெல்லி:

பிஎஸ்என்எல் நிறுவன பிரீபெயிட் வாடிக்கையாளர்களுக்கு புதிய சலுகை அறிவிக்கப்பட்டுள்ளது. டேட்டா சுனாமி என அழைக்கப்படும் புதிய சலுகை 26 நாட்கள் வேலிடிட்டி கொண்டுள்ளது.

ரூ.98 விலையில் கிடைக்கும் புதிய சலுகையில் தினமும் 1.5 ஜிபி வீதம் மொத்தம் 39 ஜிபி டேட்டா வழங்கப்படுகிறது. புதிய பிஎஸ்என்எல் சலுகையில் டேட்டா தவிர வாய்ஸ் கால், எஸ்எம்எஸ் போன்ற சலுகைகள் வழங்கப்படவில்லை. இந்த சலுகை இந்தியா முழுக்க வழங்கப்படுகிறது.

பிஎஸ்என்எல் போன்றே ரிலையன்ஸ் ஜியோ சார்பில் ரூ.98 விலையில் பிரீபெயிட் சலுகை வழங்கப்படுகிறது. இந்த சலுகையில் தினமும் 2 ஜிபி டேட்டா, அன்லிமிட்டெட் வாய்ஸ் கால், 300 எஸ்எம்எஸ் மற்றும் ஜியோ செயலிகளை பயன்படுத்தும் வசதி வழங்கப்படுகிறது. இந்த சலுகை 28 நாட்கள் வேலிடிட்டி கொண்டுள்ளது.

கோப்பு படம்

பாரதி ஏர்டெல் நிறுவனமும் ரூ.92 விலையில் 6 ஜிபி டேட்டா சுமார் 7 நாட்களுக்கு வழங்கப்படுகிறது. பிஎஸ்என்எல் வழங்கும் ரூ.99 சலுகையில் 26 நாட்களுக்கு அன்லிமிட்டெட் வாய்ஸ் கால் (லோக்கல்/எஸ்டிடி மற்றும் ரோமிங்) வழங்கப்படுகிறது. எனினும் அன்லிமிட்டெட் வாய்ஸ் கால் மும்பை மற்றும் டெல்லியில் வழங்கப்படுவதில்லை.

முன்னதாக பிஎஸ்என்எல் நிறுவனம் ரூ.118 விலையில் பிரீபெயிட் சலுகை அறிவிக்கப்பட்டது. இந்த சலுகையில் வாடிக்கையாளர்களுக்கு அன்லிமிட்டெட் வாய்ஸ் கால் மற்றும் 1 ஜிபி டேட்டா உள்ளிட்டவை வழங்கப்படுகிறது. இதன் வேலிடிட்டி 28 நாட்கள் ஆகும்.

புதுடெல்லி:

ரிலையன்ஸ் ஜியோ மற்றும் பிஎஸ்என்எல் நிறுவனங்களுக்கு போட்டியளிக்கும் விதமாக பாரதி ஏர்டெல் புதிய அறிவிப்பை வெளியிட்டுள்ளது. ரூ.199 மற்றும் அதற்கும் அதிக தொகை செலுத்தி ரீசார்ஜ் செய்வோருக்கு உண்மையான அன்லிமிட்டெட் அனுபவத்தை வழங்குவதாக ஏர்டெல் அறிவித்துள்ளது.

புதிய அறிவிப்பை தொடர்ந்து அதிவேக டேட்டா அளவு பயன்படுத்தியதும், டேட்டா வேகம் 128Kbps ஆக இருக்கும், பிஎஸ்என்எல் ஏற்கனவே இதே வேகத்தில் டேட்டா சேவையை வழங்குகிறது, சமீபத்தில் ரிலையன்ஸ் ஜியோ தினசரி பயன்பாட்டு அளவை கடந்ததும் டேட்டா வேகம் 128Kbps இல் இருந்து 64Kbps ஆக குறைக்கப்பட்டது. 

மார்ச் மாதம் ஏர்டெல் அறிவித்த ரூ.995 சலுகையில் முதல்முறையாக உண்மையான அன்லிமிட்டெட் சேவையை வாய்ஸ் கால் சேவைகளில் அறிமுகம் செய்தது. ஏர்டெல் வாடிக்கையாளர்களில் ரூ.199 மற்றும் அதற்கும் அதிக விலை கொண்ட சலுகையை பயன்படுத்துவோர் தங்களின் தினசரி டேட்டா அளவு நிறைவுற்றதும் 128Kbps வேகத்தில் டேட்டா பயன்படுத்த முடியும். 

கோப்பு படம்

இதனால் தினசரி டேட்டா அளவு கடந்ததும் கூடுதல் டேட்டா வாங்க வேண்டிய அவசியம் ஏற்படாது. முன்னதாக நிர்ணயிக்கப்பட்ட டேட்டா அளவை கடந்ததும், வாடிக்கையாளர்கள் பயன்படுத்தும் டேட்டா அளவுக்கு ஏற்ப கட்டணம் வசூலிக்கப்பட்டு வந்தது. பிராட்பேன்ட் சேவையில் குறிப்பிட்ட அளவை கடந்ததும் டேட்டா வேகம் 512Kbps ஆக மாற்றப்படுகிறது. 

ஏர்டெல் புதிய அறிவிப்பு தினசரி டேட்டா வழங்கப்படும் சேவைகளுக்கு மட்டுமே பொருந்தும், இதனால் வழக்கமான இன்டர்நெட் பேக் ரீசார்ஜ் செய்தவர்களுக்கு நிர்ணயிக்கப்பட்ட டேட்டா தீர்ந்ததும், கட்டணம் வசூலிக்கப்படும். புதிய சலுகையை பெற புதிதாய் ரீசார்ஜ் செய்ய வேண்டிய அவசியம் கிடையாது, ஏற்கனவே ரீசார்ஜ் செய்த வாடிக்கையாளர்களுக்கு டேட்டா வேகம் தானாக 128Kbps ஆக மாற்றப்படும்.

புதுடெல்லி:

பிஎஸ்என்எல் நிறுவனம் தனது பிரீபெயிட் வாடிக்கையாளர்களுக்கு புதிய சலுகையை அறிவித்துள்ளது. ரூ.118 விலையில் அறிவிக்கப்பட்டு இருக்கும் புதிய சலுகையில் வாடிக்கையாளர்களுக்கு அன்லிமிட்டெட் வாய்ஸ் கால் மற்றும் டேட்டா சலுகைகள் வழங்கப்படுகின்றன.

புதிய பிஎஸ்என்எல் சலுகையில் 1 ஜிபி டேட்டா, அன்லிமிட்டெட் வாய்ஸ் கால் உள்ளிட்டவை 28 நாட்களுக்கு வழங்கப்படுகிறது. ரிலையன்ஸ் ஜியோவின் ரூ.98 சலுகைக்கு போட்டியாக புதிய சலுகை அறிவிக்கப்பட்டுள்ளது. ஜியோ ரூ.98 சலுகையில் அன்லிமிட்டெட் வாய்ஸ் கால், 2 ஜிபி டேட்டா, 300 எஸ்எம்எஸ் உள்ளிட்டவை 28 நாட்களுக்கு வழங்கப்படுகிறது.

இத்துடன் ரிலையன்ஸ் ஜியோ சலுகையில் ஜியோ செயலிகளை பயன்படுத்தும் வசதி வழங்கப்படுகிறது. பிஎஸ்என்எல் சார்பில் PRBT டியூன் சேவை இலவசமாக வழங்கப்படுகிறது. புதிய சலுகையை ரீசார்ஜ் செய்ததும், இந்த சேவை தானாக ஆக்டிவேட் ஆகிவிடும். வாடிக்கையாளர்கள் இந்த டியூன்களை மாற்றும் போது அதற்கான கட்டணம் வசூலிக்கப்படும் என அறிவிக்கப்பட்டுள்ளது.

பிஎஸ்என்எல் புதிய ரூ.118 சலுகை சென்னை, தமிழ்நாடு, கொல்கத்தா மற்றும் பல்வேறு இதர வட்டாரங்களில் உள்ள வாடிக்கையாளர்களுக்கு வழங்கப்படுகிறது. இந்த சலுகையில் ரோமிங்கின் போது மும்பை மற்றும் டெல்லி வட்டாரங்களை தவிர்த்த பகுதிகளில் அன்லிமிட்டெட் வாய்ஸ் கால் வழங்கப்படுகிறது.

ஜியோவின் ரூ.98 சலுகைக்கு போட்டியாக ஏர்டெல் மற்றும் ஐடியா போன்ற நிறுவனங்களும் சலுகைகளை அறிவித்துள்ளன. ஏர்டெல் ரூ.93 சலுகையில் வாடிக்கையாளர்களுக்கு அன்லிமிட்டெட் வாய்ஸ் கால், 1 ஜிபி டேட்டா 28 நாட்களுக்கு வழங்கப்படுகிறது. ஐடியா வழங்கும் ரூ.109 சலுகையில் அன்லிமிட்டெட் உள்ளூர், வெளியூர் மற்றும் ரோமிங் அழை்ப்புகள், 1 ஜிபி டேட்டா, 100 உள்ளூர் மற்றும் தேசிய எஸ்எம்எஸ் வழங்கப்படுகிறது.

அன்லிமிட்டெட் வாய்ஸ் கால் அளவு நாள் ஒன்றுக்கு 250 நிமிடங்களும், வாரம் 1000 நிமிடங்கள் என நிர்ணயம் செய்யப்பட்டுள்ளது. இந்த அளவை கடந்து வாடிக்கையாளர்கள் மேற்கொள்ளும் அழைப்புகளுக்கு ஒரு நொடிக்கு ஒரு பைசா வீதம் கட்டணம் வசூலிக்கப்படும்.