நீங்கள் தேடியது "சுவீடன்"

ஸ்டாக்ஹோம்:

உலகில் தொழில்நுட்பங்களின் பயன்பாடு மற்றும் வளர்ச்சி அன்றாடம் அதிகரித்துக் கொண்டே வருகின்றது. இந்நிலையில் நாட்டின் பல்வேறு இடங்களிலும் உள்ள நிறுவனங்களில் மக்களை கவர புதிய யுக்திகள் கையாளப்படுகின்றன.

அந்த வகையில் சுவீடனில் பிரபல கார்ப்பரேட் நிறுவனம் ஒன்று செயற்கை நுண்ணறிவு தொழில்நுட்பத்தை பயன்படுத்தி பணிக்கு ஆட்கள் எடுக்கும் ரோபோவை உருவாக்கி உள்ளது. இது மிகவும் நுட்பமான கணினி மொழிகள் கொண்டு வடிவமைக்கப்பட்டதாகும்.

இது குறித்து ரோபோ வடிவமைப்பாளர்கள் மற்றும் பயன்பாட்டாளர்கள் கூறியிருப்பதாவது:


மனிதர்களை போல் அல்லாமல், மிகுந்த நடுநிலை தன்மையுடன் வடிவமைக்கப்பட்டுள்ளது. இந்த ரோபோவுடன் மைக்ரோ போன் கொண்டு எளிதாக உரையாடவும், அதன் கேள்விகளுக்கு பதிலளிக்கவும் இயலும். இந்த ரோபோ தற்போது சுவிடிஷ் மட்டுமே பேசக்கூடியதாகும். சுவீடனில் உள்ள மிகப்பெரிய கார்பரேட் நிறுவனத்தின் எச் ஆர் அமைப்பினர், கடந்த ஆண்டு அக்டோபரில் இதனை சோதனை செய்தது.

தங்காய் எப்படி மனிதர்களை விட சிறந்த முறையில் பணிக்கு ஆட்களை தேர்வு செய்யும் என்றால், மனிதர்களாகிய நம்மில் பலர் ஒருவரை பார்த்ததும் தவறாக எண்ணும் வழக்கம் உள்ளது.  இதனால் பல திறமை வாய்ந்த இளைஞர்கள் வேலை வாய்ப்பை இழக்கின்றனர். இதனை தவிர்க்கவே இந்த ரோபோ உபயோகப்படுத்தப்படுமாம்.

இந்நிலையில் இந்த ரோபோ மற்ற நாடுகளுக்கு உதவி புரிய இந்த ஆண்டின் இறுதியிலோ அல்லது அடுத்த ஆண்டிலோ தயார் செய்து விடப்படும். தற்போது இந்த ரோபோ ஆங்கிலத்தில் பேச பயிற்சி எடுத்து வருகின்றது.

இவ்வாறு அவர்கள் கூறியுள்ளனர். #TengaiInterviewRobo

ஸ்டாக்கோம்:


அப்போது விமானம் சற்று விலகி ஓட ஆரம்பித்தது. அருகில் இருந்த கட்டிடத்தில் விமானத்தின் இடது பக்க இறக்கை மோதியது. இதனால் விமானம் குலுங்கியது.

அதிர்ஷ்டவசமாக விமானி அந்த விமானத்தை உடனடியாக நிறுத்தி விட்டார். இதனால் விமானத்தில் இருந்து 179 பயணிகளும் உயிர் தப்பினார்கள்.

விமானம் சற்று தடம் மாறி சென்றதற்கு காரணம் என்ன என்பது தெரியவில்லை. உடனடியாக அந்த விமானத்தில் இருந்த பயணிகள் அனைவரும் அவசர வாசல் வழியாக வெளியேற்றப்பட்டனர்.

பிறகு பயணிகள் அனைவரும் ஸ்டாக்டோம் விமான நிலையத்தில் அமர வைக்கப்பட்டனர். அந்த விமானத்தை சுற்றி தீயணைப்பு வண்டிகள் நிறுத்தப்பட்டன.

விமானம் கட்டிடத்தில் மோதியதற்கு காரணம் என்ன என்பது பற்றி சுவீடன் நாட்டு அதிகாரிகள் விசாரணை நடத்தி வருகிறார்கள். சில மணி நேரத்திற்கு பிறகு டெல்லி பயணிகள் வேறு விமானத்தில் அனுப்பி வைக்கப்பட்டனர்.   #AirIndiaFlight  #StockholmAirport

ஸ்டாக்ஹோம்:

சுவீடன் நாட்டில் பிரதமர் ஸ்டீபன் லோப்வென் தலைமையிலான சமூக ஜனநாயக கட்சி, கிரீன் கட்சி கூட்டணியின் சிறுபான்மை ஆட்சி நடக்கிறது.

அங்கு செப்டம்பர் 10-ந் தேதி (நேற்று) நாடாளுமன்ற தேர்தல் நடத்தப்படும் என அறிவிக்கப்பட்டு இருந்தது. இந்த தேர்தலில் ஆளும் சமூக ஜனநாயக கட்சி, சுவீடன் ஜனநாயக கட்சி, மிதவாத கட்சி இடையே முக்கிய போட்டி உள்ளது. அகதிகள் குடியேற்றப்பிரச்சினை முக்கிய பிரச்சினையாக பிரசாரத்தில் இடம் பிடித்தது.



சுவீடன் ஜனநாயக கட்சி ஆட்சிக்கு போடுகிற ஒவ்வொரு ஓட்டும் ஆபத்தானது என பிரதமர் ஸ்டீபன் லோப்வென் பிரசாரம் செய்தார். ஆனால் அவரது பிரசாரத்தை மறுத்து சுவீடன் ஜனநாயக கட்சி தலைவர் ஜிம்மி ஆகெஸ்ஸான் பிரசாரம் செய்தார்.

இந்த நிலையில் நேற்று ஓட்டுப்பதிவு நடந்தது. ஆரம்பத்தில் மந்தமாக தொடங்கிய ஓட்டுப்பதிவு பின்னர் விறுவிறுப்பு அடைந்தது. வாக்காளர்கள் ஆர்வமுடன் திரண்டு வந்து ஓட்டுப்பதிவு செய்தனர்.

பிரதமர் ஸ்டீபன் லோப்வென் மனைவி உல்லாவுடன் வந்து ஸ்டாக்ஹோமில் அமைக்கப்பட்டு இருந்த வாக்குச்சாவடியில் ஓட்டுப்பதிவு செய்தார்.

இந்த தேர்தலில் எந்தக் கட்சிக்கும் பெரும்பான்மை பலம் கிடைக்காது என கருத்துக்கணிப்புகள் கூறுகின்றன. ஆளும் சமூக ஜனநாயக கட்சி கூட்டணி, பிற கட்சிகளை விட கூடுதல் இடங்களைப் பிடித்து ஆட்சியை தக்க வைக்கிற வாய்ப்புகள் இருப்பதாக அவை தெரிவிக்கின்றன.  #Sweeden #ParliamentElection 

சோச்சி:

உலககோப்பை கால்பந்து போட்டியில் நடப்பு சாம்பியனான ஜெர்மனிக்கு முதல் ஆட்டத்திலேயே அதிர்ச்சி ஏற்பட்டது.

4 முறை உலக கோப்பையை வென்ற அந்த அணி தென்அமெரிக்க கண்டத்தை சேர்ந்த மெக்சிகோவிடம் 0-1 என்ற கோல் கணக்கில் தோற்றது.

ஜெர்மனி அணி 2-வது ஆட்டத்தில் சுவீடனை இன்று சந்திக்கிறது. இரவு 11.30 மணிக்கு இந்த போட்டி நடக்கிறது. இதில் வெற்றி பெற வேண்டிய நெருக்கடி ஜெர்மனிக்கு உள்ளது. தோற்றால் போட்டியில் இருந்து வெளியேற்றப்படும். இதனால் ஜெர்மனி வீரர்கள் மிகவும் எச்சரிக்கையுடன் விளையாடுவார்கள்.

உலக தரவரிசையில் முதல் இடத்தில் இருக்கும் ஜெர்மனி தனது ஆக்ரோ‌ஷமான ஆட்டத்தை வெளிப்படுத்துவார்கள்.

சுவீடன் அணி ‘டிரா’ செய்யும் நோக்கில் விளையாடுவார்கள். அந்த அணி தொடக்க ஆட்டத்தில் தென்கொரியாவை 1-0 என்ற கணக்கில் வீழ்த்தி இருந்தது. சுவீடன் வெற்றி பெற்றால் 2-வது சுற்றுக்கு தகுதி பெற்றுவிடும்.

இரு அணிகள் மோதிய ஆட்டத்தில் ஜெர்மனி 15-ல், சுவீடன் 12-ல், வெற்றி பெற்றுள்ளன. 9 ஆட்டம் ‘டிரா’ ஆனது. கடைசியாக 2013-ல் மோதிய ஆட்டத்தில் ஜெர்மனி 5-3 என்ற கணக்கில் வென்று இருந்தது.

இதே பிரிவில் இரவு 8.30 மணிக்கு நடைபெறும் ஆட்டத்தில் மெக்சிகோ- தென்கொரியா அணிகள் மோதுகின்றன. இதில் மெக்சிகோ வென்று 2-வது சுற்றில் நுழைய அதிக வாய்ப்பு உள்ளது. கொரியா தோற்றால் போட்டியில் இருந்து வெளியேற்றப்படும்.

மெக்சிகோ தொடக்க ஆட்டத்தில் ஜெர்மனியை வீழ்த்தி இருந்தது. தென்கொரியாவை மிகுந்த நம்பிக்கையுடன் எதிர்கொள்ளும். இரு அணிகளும் மோதிய ஆட்டத்தில் மெக்சிகோ 6 முறையும், தென்கொரியா 2 தடவையும் வெற்றி பெற்றுள்ளன. 2 ஆட்டம் டிரா ஆனது.

‘ஜி’ பிரிவில் மாலை 5.30 மணிக்கு நடைபெறும் ஆட்டத்தில் பெல்ஜியம்- துனிசியா அணிகள் மோதுகின்றன.

பெல்ஜியம் தொடக்க ஆட்டத்தில் 3-0 என்ற கோல் கணக்கில் பனாமாவை வீழ்த்தியது. இதனால் அந்த அணி துனிசியாவை வென்று 2-வது சுற்றுக்கு தகுதி பெறும்.

துனிசியா தொடக்க ஆட்டத்தில் 1-2 என்ற கணக்கில் இங்கிலாந்திடம் தோற்றது. இன்றும் தோல்வி அடைந்தால் அந்த அணி வெளியேற்றப்படும்.

இரு அணிகளும் 3 முறை நேருக்குநேர் மோதியுள்ளன. இரு அணிகளும் தலா 1 ஆட்டத்தில் வெற்றி பெற்றுள்ளன. ஒரு ஆட்டம் ‘டிரா’ ஆனது. #Fifa2018 #WorldCup2018