விஜய் ஸ்ரீ ஜி இயக்கத்தில் சாருஹாசன் - சரோஜா நடிப்பில் உருவாகி இருக்கும் `தாதா 87' படத்தின் முன்னோட்டம். #DhaDha87 #CharuHaasan #SarojaRajagopal
கலை சினிமாஸ் சார்பில் ம.கலைச்செல்வன், வேணு ரவிச்சந்திரன் தயாரிப்பில் உருவாகியிருக்கும் படம் ‘தாதா 87’.
நடிகர் சாருஹாசன், நீண்ட நாட்களுக்குப் பின் பிரதான கதாபாத்திரத்தில் நடிக்க, அவருக்கு ஜோடியாக நடிகை கீர்த்தி சுரேஷின் பாட்டியான சரோஜா நடித்துள்ளார். ஜனகராஜ், ஜெனி பல்லவி, அனு லாவண்யா, மனோஜ் குமார், ஆனந்த் பாண்டி, கதிர் உள்ளிட்டோரும் முக்கிய கதாபாத்திரங்களில் நடித்துள்ளனர்.
ஒளிப்பதிவு - ராஜபாண்டி, இசை - லியாண்டர் லீ மார்ட்டி, படத்தொகுப்பு - ஸ்ரீ வட்சன், கலை - நந்தா, சண்டைப்பயிற்சி - விஜய் ஜாகுவார், தயாரிப்பு மேலாளர் - சரவணன், இணை தயாரிப்பு - ஜி மீடியா, தயாரிப்பு - ம.கலைச்செல்வன், எழுத்து, இயக்கம் - விஜய் ஸ்ரீ ஜி.
இந்த படத்தின் மூலம் சாருஹாசனுக்கு `ஏஜிங் சூப்பர் ஸ்டார்' எனப் பட்டம் வழங்கப்பட்டுள்ளது. கேங்க்ஸ்டர் வகைப் படமாக உருவாகி இருக்கும் இந்தப் படத்தின் போஸ்டர்கள், டீசர், டிரைலர் ஆகியவை நல்ல கவனத்தைப் பெற்றிருக்கின்றன.
படம் தொடங்கும்போது திரையில் காண்பிக்கப்படும் டிஸ்க்ளைமர்களில் மது அருந்துவது மற்றும் புகை பிடிப்பது ஆகியவற்றுக்கு எதிரான வாசகங்களே பொதுவாக இடம்பெறும். ஆனால் இந்த படத்தில் ‘பெண்களை அனுமதியின்றித் தொடுவது சட்டப்படி குற்றமாகும்‘ எனும் வாசகம் இடம்பெறவுள்ளது. இதற்கு தணிக்கைத் துறையும் அனுமதியளித்துள்ளது. இந்தப் பட டைட்டில் கார்டில் இந்த வாசகம் இடம்பெறஇருப்பதால் தமிழ் சினிமாவில் மட்டுமல்லாது உலக சினிமாவிலேயே இப்படி ஒரு டிஸ்க்ளைமர் காட்டப்படுவது இதுதான் முதன்முறையாக இருக்கும் எனக் கூறப்படுகிறது.
படம் வருகிற மார்ச் 1-ஆம் தேதி திரைக்கு வருகிறது. #DhaDha87 #CharuHaasan #SarojaRajagopal
தமிழ், தெலுங்கு சினிமாவில் முன்னணி நடிகையாக உயர்ந்திருக்கும் கீர்த்தி சுரேஷ் அளித்த பேட்டியில், தான் தனது பாட்டிக்காக யாரிடமும் வாய்ப்பு கேட்கவில்லை என்று கூறினார். #KeerthySuresh
வாரிசு நடிகையாக அறிமுகமானாலும் குறுகிய காலத்தில் முன்னணி நடிகையாகிவிட்டார் கீர்த்தி சுரேஷ். முக்கியமாக நடிகையர் திலகம் படத்தில் மூத்த நடிகை சாவித்திரியை கண் முன் கொண்டு வந்ததால் நாடு முழுக்க பிரபலம் ஆகிவிட்டார்.
கீர்த்தி சுரேஷ் முன்னாள் நடிகை மேனகா சுரேசின் மகள். கீர்த்தியின் பாட்டியும் ஒரு நடிகை தான். சில படங்களில் நடித்துவிட்டு ஒதுங்கியவர், தனது 80 வயதில் மீண்டும் நடிக்க வந்துள்ளார்.
ரெமோ, கடைக்குட்டி சிங்கம் படங்களில் நடித்த அவர் தாதா 87 படத்தில் நாயகியாக நடிக்கிறார். இந்நிலையில் கீர்த்தி சுரேஷ் தனக்கு கதை சொல்ல வரும் இயக்குனர்களிடம் பாட்டிக்கு வாய்ப்பு கேட்பதாக ஒரு செய்தி வந்தது.
இதுபற்றி கேட்டதற்கு ‘யார் இப்படி எல்லாம் கிளப்பி விடுகிறார்கள் என்று தெரியவில்லை. நான் அப்படி யாரிடமும் வாய்ப்பு கேட்கவில்லை. வாய்ப்பு கேட்டு நடிக்கும் அளவுக்கு பாட்டி ஒன்றும் முழுநேர நடிகை அல்ல. இந்த செய்தியை படித்துவிட்டு குடும்பத்துடன் சிரித்து மகிழ்ந்தோம்’ என்றார். #KeerthySuresh
