நீங்கள் தேடியது "சந்திரபாபுநாயுடு"

புதுடெல்லி:

காங்கிரஸ் தலைவர் ராகுல் காந்தியை ஆந்திர முதல்வரும் தெலுங்கு தேசம் கட்சி தலைவருமான சந்திரபாபுநாயுடு புதுடெல்லியில் சந்தித்து பேசினார். அப்போது கொல்கத்தாவில் பா.ஜனதாவுக்கு எதிராக எதிர்க்கட்சிகள் நடத்திய பிரமாண்ட மாநாடு குறித்து இருவரும் ஆலோசனை நடத்தினர்.

சந்திரபாபு நாயுடு பங்கேற்ற அம்மாநாட்டில் சில கட்சிகள் ராகுல் காந்தி தலைமையை ஏற்க தயாராக இல்லை என்று கூறி வருகின்றன. இது தொடர்பாக இருவரும் விவாதித்தனர்.

மேலும் சந்திரபாபுநாயுடு சுப்ரீம் கோர்ட்டு தலைமை நீதிபதி ரஞ்சன் கோகாயையும் சந்தித்தார். அப்போது அமராவதியில் ஐகோர்ட்டு கட்டிட திறப்பு விழாவுக்கு அழைப்பு விடுத்தார். #ChandrababuNaidu #RahulGandhi

சென்னை:

பா.ஜனதாவுக்கு எதிராக புதிய கூட்டணி அமைக்க ஆந்திர முதல்-மந்திரி சந்திபாபு நாயுடு தீவிர முயற்சி எடுத்து வருகிறார்.

இதற்காக டெல்லி சென்று காங்கிரஸ் தலைவர் ராகுல் காந்தியை சந்தித்து பேசினார். இதனைதொடர்ந்து ஒவ்வொரு மாநிலமாக சென்று பா.ஜனதா அல்லாத கட்சித் தலைவர்களை சந்தித்து ஆதரவு திரட்டி வருகிறார்.



இந்த சந்திப்பு குறித்து கனிமொழி எம்.பி. டுவிட்டரில் பதிவிட்டுள்ள கருத்து வருமாறு:-

தெலுங்கு தேசம் கட்சியின் தலைவர் சந்திரபாபுநாயுடு முன்னெடுத்து வரும் பா.ஜனதா எதிர்ப்பு கூட்டணிக்கான முயற்சிகள் பா.ஜனதாவை பதட்டம் அடைய வைத்துள்ளது. இந்தியாவின் மதசார்பற்ற தன்மையை பாதுகாக்க வேண்டியது காலத்தின் தேவை.

தி.மு.க. தலைவர் மு.க.ஸ்டாலின் கூறி உள்ளதை போல, மதவாத பா.ஜனதாவையும், ஊழல் அ.தி.மு.க.வையும் தோற்கடித்தே தீர வேண்டும். அனைத்து அரசியல் கட்சிகளும், தங்களுக்குள் உள்ள வேறுபாடுகளை மறந்து ஒன்றிணைய வேண்டும்.

இவ்வாறு கனிமொழி கூறியுள்ளார். #Kanimozhi #DMK #MKStalin #BJP

புதுடெல்லி:

பா.ஜனதாவுக்கு எதிராக எதிர்க்கட்சிகளை ஒருங்கிணைக்க காங்கிரஸ் தலைவர் ராகுல் காந்தி தீவிர முயற்சியில் ஏற்கனவே ஈடுபட்டு வருகிறார்.

இதேபோல பா.ஜனதா கூட்டணியில் இருந்து விலகிய ஆந்திர முதல்-மந்திரியும், தெலுங்கு தேச தலைவருமான சந்திரபாபு நாயுடுவும் பா.ஜனதாவுக்கு எதிராக வலுவான கூட்டணியை அமைக்கும் முயற்சியில் களம் இறங்கி உள்ளார்.

இதற்காக அவர் டெல்லி முதல்-மந்திரியும், ஆம் ஆத்மி தலைவருமான அரவிந்த் கெஜ்ரிவால், பகுஜன் சமாஜ் கட்சி தலைவர் மாயாவதி, சரத்யாதவ், பா.ஜனதாவில் இருந்து விலகிய யஷ்வந்த்சின்கா ஆகியோரை சந்தித்து பேசி இருந்தார்.


பா.ஜனதாவுக்கு எதிராக வலுவான கூட்டணி அமைப்பது தொடர்பாக இருவரும் ஆலோசனை நடத்துகிறார்கள். ஏற்கனவே இரு கட்சியினர், இரண்டாம் கட்ட தலைவர்கள் கூட்டணி தொடர்பாக பேச்சு வார்த்தை நடத்திவிட்டனர். இதன் தொடர்ச்சியாக இரு கட்சிகளின் தலைவர்களும் இன்று சந்திக்கிறார்கள்.

ராகுல் காந்தியை நேரடியாக சந்திரபாபு நாயுடு சந்தித்து பேச இருப்பது இது முதல் முறையாகும்.

ஆந்திராவில் காங்கிரசும், தெலுங்கு தேசமும் எதிர்துருவங்களாக இருக்கும் கட்சிகளாகும். பா.ஜனதாவுக்கு எதிராக வலிமையான கூட்டணியை உருவாக்க இந்த இரு கட்சியும் கூட்டணி அமைக்கின்றன.

தெலுங்கானா மாநிலத்தில் வரும் டிசம்பரில் சட்டசபை தேர்தல் நடக்கிறது. இந்த தேர்தலுக்கு முன்பு மெகா கூட்டணியை உருவாக்கும் முயற்சியில் தான் ராகுல் காந்தியை சந்திரபாபு நாயுடு சந்திக்கிறார்.

இந்த சந்திப்பின் போது தெலுங்கானா தேர்தலில் இரு கட்சியும் கூட்டணி அமைத்து போட்டியிடுவது பற்றி இறுதி செய்யப்படும்.

ராகுல் காந்தியை தொடர்ந்து சரத்பவார், பரூக் அப்துல்லா, வீரப்பமொய்லி உள்ளிட்ட தலைவர்களையும் சந்திக்க சந்திரபாபு நாயுடு திட்டமிட்டுள்ளார். #ChandrababuNaidu #RahulGandhi

நகரி:

ஒய்.எஸ்.ஆர். காங்கிரஸ் கட்சித் தலைவர் ஜெகன் மோகன் ரெட்டி நேற்று ஆந்திர மாநிலம் விசாகப்பட்டினம் விமான நிலையத்துக்கு சென்றார். அப்போது அங்கு வந்த ஒருவர் செல்பி எடுக்க வேண்டும் என்று அனுமதி கேட்டார். ஜெகன்மோகன் ரெட்டி செல்பிக்கு போஸ் கொடுத்தபோது அந்த வாலிபர் திடீரென்று கத்தியால் ஜெகன்மோகன் ரெட்டி மீது குத்தினார்.

இதில் அவரது இடது கையில் கத்திக்குத்து விழுந்தது. தப்பி ஓட முயன்ற வாலிபரை மத்திய தொழில் பாதுகாப்பு படையினர் பிடித்து போலீசில் ஒப்படைத்தனர். விசாரணையில் அவரது பெயர் சீனிவாஸ் என்பதும் விமான நிலையத்தில் உள்ள ஒரு ஓட்டலில் வேலை பார்த்து வருவதும் தெரிய வந்தது. அந்த ஓட்டல் உரிமையாளர் ஹர்சவர்தன் தெலுங்கு தேசம் கட்சி பிரமுகர் ஆவார்.

எனவே தெலுங்கு தேசம் கட்சியின் ஆதரவுடன் ஜெகன்மோகன் ரெட்டியை கொல்ல முயன்றதாக ஒய்.எஸ்.ஆர். காங்கிரஸ் கட்சியினர் குற்றம் சாட்டினார்கள்.

இதற்கு ஆந்திர முதல் மந்திரி சந்திரபாபு நாயுடு கண்டனம் தெரிவித்துள்ளார். இது தொடர்பாக அவர் அமராவதியில் நிருபர்களிடம் கூறியதாவது:-

ஜெகன்மோகன் ரெட்டியை கத்தியால் குத்தியது அவரது தீவிர ரசிகர், அவர் தெலுங்கு தேசம் கட்சி தொண்டர் அல்ல. சம்பவம் நடந்த பகுதி மத்திய அரசின் கட்டுப்பாட்டில் செயல்படும் விமான நிலையம் ஆகும். அவர்கள் திட்டமிட்டு நாடகம் நடத்திவிட்டு தெலுங்கு தேசம் கட்சி மீது குற்றம் சுமத்துகிறார்கள். அவர்களின் தமாசும், ஆட்டமும் என்னிடம் எடுபடாது. இதை பொதுமக்கள் கவனித்துக் கொண்டுதான் இருக்கிறார்கள்.

கத்திக்குத்தில் காயம் அடைந்த ஒருவரை எப்படி விமானத்தில் ஏற்ற அனுமதித்தார்கள். அவர் விமானத்தில் ஏறாமல் விமான ஊழியர்கள் தடுத்திருக்க வேண்டும். அவர் விமான நிலைய போலீசாரிடம் புகார் செய்யவில்லை. அரசு ஆஸ்பத்திரியில் அனுமதிக்கப்படவும் இல்லை. அவருக்கு நரேந்திர மோடி பாடம் கற்றுக் கொடுக்கிறார் என்று நினைக்கிறேன்.

சம்பவம் நடந்ததும் கவர்னர், டி.ஜி.பியிடம் தொடர்பு கொண்டு கேட்டுள்ளார். அவர் என்னிடம் தான் கேட்டிருக்க வேண்டும். எனது 40 ஆண்டு கால அரசியல் வாழ்க்கையில் இப்படி ஒரு கேவலமான அரசியலை பார்க்கவில்லை.

இவ்வாறு அவர் கூறினார்.


ஜெகன்மோகன் ரெட்டி மீது நடந்த தாக்குதல் கொலை முயற்சி. அவர் எப்போதும் லட்சக்கணக்கான மக்களின் மத்தியிலேயே இருப்பார். எனவே அப்போது அவரை நெருங்க முடியாது என்பதால் விமான நிலையத்தில் வைத்து கத்தியால் குத்தியுள்ளனர். 5 மாதம் திட்டம் போட்டு இதை நடத்தியுள்ளனர்.

கத்தியால் குத்திய சீனிவாஸ் வேலை பார்க்கும் ஓட்டல் உரிமையாளர் ஹர்சவர்தன் தெலுங்கு தேசம் கட்சி பிரமுகர். அவர் ஏற்கனவே சந்திரபாபு நாயுடுவுக்கு கார் ஓட்டியுள்ளார். இது தொடர்பாக விசாரணை நடத்தாமலேயே அவர் ஜெகன்மோகன் ரெட்டி ரசிகர் என்று டி.ஜி.பி. கூறுகிறார்.

இவ்வாறு அவர் கூறினார்.

கத்திக்குத்தில் காயம் அடைந்த ஜெகன்மோகன் ரெட்டி ஐதராபாத்தில் உள்ள தனியார் ஆஸ்பத்திரியில் அனுமதிக்கப்பட்டு சிகிச்சை பெற்றார். அவரை அவரது தாயார் விஜயலட்சுமி, நடிகை ரோஜா ஆகியோர் நேரில் பார்த்தனர்.

ஜெகன்மோகன் ரெட்டி மீது தாக்குதல் நடந்த சம்பவம் தொடர்பாக மத்திய மந்திரி சுரேஷ் பிரபு விசாரணைக்கு உத்தரவிட்டுள்ளார். #ChandrababuNaidu #JeganMohanReddy